بدور على جهاز Voip Gateway

[medo55]

السلام عليكم ورحمة الله وبركاته

انا بئالي سنه وشويه مش عارف اجيب الجهاز دا :( ومعرف بيتباع فين

نوع الجهاز Linksys SPA اي موديل منه بس اهم حاجه يكون SPA لاني لقيت كتير من نوع PAP ومفيهوش الامكانيات الي انا عايزها


ياريت الي يعرف مايبخل عليا :( لاني فعلا محتاجه

وجزاكم الله خيرا

[iunknown]

Cisco AS5350

[medo55]

شكرا ياباشا على ردك

بس انا معرفش حاجه صراحه عن الجهاز دا بس هدور عليه في موقع سيسكو :)

ياريت لو تعرف سعره وفين اماكن البيع بتاعته


وشكرا ياباشا على المساعده بتاعتك

[iunknown]

حضرتك بتدور على حاجة شخصي ولا شغل

[medo55]

انا دخلت موقع سيسكو . حسيت اني مش فاهم حاجه

مشكله سيسكو دي انها محتاجه ناس متخصصه وانا يدوب على ادي


لكن Linksys بظبط الكونفيجيوريشن بشكل سهل وبسيط :)

[medo55]

حاجه شخصي ولو عجبتي الفكره ممكن استخدمها كشغل واعمل سنترال اتصالات دولي :) وياريت لو عندك خلفيه هل الموضوع دا مخالف :s ولا ايه لاني سمعت انه مخالف بس مش متاكد وسمعت ان ترخيصه هيدخل في 25 الف وحاجات غريبه كدا

[iunknown]

اه
اللي انا قلت لحضرتك عليه ده تقريبا من اعلى الحاجات اللي تقدر تجيبها في شغل
يعني
تعمل من 30 لـ 3000 خط تليفون Voip بس طبعا خلي بالك ان ده غير قانوني في مصر ومحتاج موافقة Ntra



حاجة شخصي مقدرش افيدك للاسف

[medo55]

تسلم ياباشا على المساعده وان شاء الله نعرف فين بيتباع الجهاز دا في مصر

[E_Farid]

السلام عليكم،

أجهزة ال Voip Gateway غير متوفرة محليا فى السوق بحسب علمى لأنها تحتاج الى ترخيص خاص بها ،

وزى ما قال الأخ iunknown الموضوع محتاج شوية موافقات كتيره ممكن تكلفك كتير،

وحتى دخول الأجهزة دى من الجمارك مش سهل لأنها مازالت ممنوعه فى مصر الا بتصريح خاص،

أعتقد بعد انتهاء عقد احتكار الشركة المصرية للإتصالات سيسمح بإستخدام ال Voip على نطاق اوسع،

لا أعلم بالتحديد هل نفس الحظر ينطبق على الإستخدامات الشخصية ولا لأ،

لكن انا ليا واحد صاحبي شغال فى الحاجات دى، لو محتاج معلومات أكتر ابعتلى PM

[elpasha009]

أنا كمان كنت بدور من شهرين على نفس الجهاز ده بس للأسف مش موجود في مصر وإستغليت فرصة واحد صاحبي في أمريكا زيارة إسبوعين وجابهولي من هناك.
خلي بالك هو ممنوع دخوله تماما من الجمارك.
زمان كان واحد صاحبي عامل المشوروع ده وكان ليه شريك موجود في أمريكا.كانوا بيدخلوا ال pap عن طريق إن الراجل اللي في أمريكا بيشيلهوم من علبهم ويطبع أي مانيوال لأي راوتر لنكسيس ويمسح كلمة voip من عليه ويبعته في البريد عادي وكان بيدخل:)

[medo55]

هههههههههههه حوار كبير ياباشا

انا كنت سألت اصلا واحد في هندسه اتصالات كان بيتدرب في المصريه للاتصالات وبيقولي انهم بيعملو احلال وتجديد دلوقتي والناس كلها هتشتغل Voip خلال كام سنه الي جايين , لانها هتكون منافسه مع الشركه التانيه الي هتاخد الترخيص


بس مشكله فعلا انا محتاج الجهاز وماليش حد في امريكا :( ومش عارف اعمل ايه :s بس الجهاز فعلا بيدخل مصر وليا واحد صاحبي شغال في شركه فيها Pap بس مش عارف هم جايبينه منين


فريد باشا بعتلك Pm وفي انتظار ردك :)

[Sherif Khalifa]

ال voip لسة مش مصرح بية و المصرية للاتصلات لسة محتكرة السوق

تانى حاجى فعلا كمان بالكتير سنتين البلد هتشتغل بحاجة اسمها triple play
يعنى هيدخلك DSL و علية voice + data + video

[mezo131]

أنا جايب جهاز voip أسموbest ip بيتباع في الخليج

أنا بعمل منو مكلمات من دبي لمصر ببلاش 24 ساعة و الصوت واضح جدا

كنت جايب 2 في حدود 1000 درهم أماراتي

بس لازم يكون في جهازين علشان تكون المكالمات ببلاش

و لو جهاز واحد بتشحن كروت بالفيزا و بتعمل مكالمات أرخص 75 %

و الجهاز بيتباع في السعودية و قطر عادي

بس في دبي بييجي تهريب لأنو ممنوع

[medo55]

Sherif Khalifa المشكله بئى بسبب احتكارهم دا هتلاقي الخدمه اسعارها غاليه جدا :S

زي ما هم محتكرين دلوقتي الارضي وال DSL لانهم مالكين الخط الدولي الوحيد في مصر وبيتحكمو في الشعب كله .. واسعار ال DSL عندنا غاليه جدا مقارنه بالسرعات باختلاف دول العالم كله , يعني تخيل في امريكا ال 10 ميجا سرعه ومفتوح ( كابل وليس ADSL ) ب 100 دولار يعني تقريبا 545 جنيه مصري , واحنا عندنا لسه ال 8 ميجا ال ADSL + ب 555 :S وكمان محدد ليك استهلاك 130 جيجا في الشهر وبعدين تنزل سرعتك ل 256

ربنا يرحمنا من دي شركه عماله تسرق فينا كشعب بسبب الاحتكار دا ............


mezo131 انا عارف الجهاز دا ومشكلته انك مربوط بشركه واحده بس لازم تستخدمها الي هي مصنعه الجهاز . بس هو بيقضي الغرض برضو لاي واحد محتاج اتصال دولي رخيص


ربنا يعينا على دي بلد الشعب زهق من كتر ما الحكومه عماله تاخد فلوسنا عالفاضي وكانها بتقدم لنا جميل او بتقدملنا على قرعه لطلوع القمر :S

[Sherif Khalifa]

معلش تصحيحا لبعض المعلومات

المصرية للاتصالات ملهاش اى علاقة بالdsl
تانى حاجة انا مش فاهم حضرتك قصدك اية بى ( كابل وليس Adsl )
مهوا ال Dsl يعتبر كابل لانة خط مفتوح بس برة عندهم امكانية ان يمد لبيتك خط نحاس خاص بس ال Adsl بيحمل على خط التليفون يعنى (اوفر)

ثالث حاجة اسعار ال Dsl فى مصر تعتبر من ارخص اسعار العالم
انا برة مكنش حد بيصدق الاسعار الى عندنا خصوصا فى دول الخليج

دا بالاضافة الى السرعات العالية جدا جدا الى داخلة لشركات الانترنت فى مصر