بدور على جهاز Voip Gateway

[tutankhamoun]

معلش تصحيحا لبعض المعلومات

المصرية للاتصالات ملهاش اى علاقة بالdsl
تانى حاجة انا مش فاهم حضرتك قصدك اية بى ( كابل وليس Adsl )
مهوا ال Dsl يعتبر كابل لانة خط مفتوح بس برة عندهم امكانية ان يمد لبيتك خط نحاس خاص بس ال Adsl بيحمل على خط التليفون يعنى (اوفر)

ثالث حاجة اسعار ال Dsl فى مصر تعتبر من ارخص اسعار العالم
انا برة مكنش حد بيصدق الاسعار الى عندنا خصوصا فى دول الخليج

دا بالاضافة الى السرعات العالية جدا جدا الى داخلة لشركات الانترنت فى مصر

فيه فرق بين خط ADSL و خط الكابل
ADSL شغال على خط التليفون
الكابل بتشغل الانترنت على خط اشتراك التليفزيون
و دي غير متوفرة في مصر و بتكون اسرع من خط التليفون نسبيا
و بيشتغل على مودم يو اس بي و ليس روتر
بيتم توصيله بآريال التليفزيون و يلتقط اشارة الانترنت منها

في انجلترا كنت بأدفع 10 جنيه استرليني لسرعة من 2 ميجا الى 8 ميجا حسب كثافة التحميل في الشركة و بعد الخط عن المنزل و الشركة و كل لما البيت يكون قريب من مركز البث بتزيد السرعة و لكنها لا تقل عن 2 ميجا

يعني 100 جنيه مصري فقط لا غير


مصر لسة بتشتغل بتكنولوجيا قديمة و هي الانترنت 1
أما دول العالم المتقدم بتشغتل بتقنية جديدة عن طريق الاقمار الصناعية و الكابلات مجتمعة
و طبعا الدولة الوحيدة المشتركة في النظام ده في الشرق الاوسط هي المسخ و السرطان الكائن على حدودنا الشرقية و المسمى اسرائيل

لما مصر تدخل انترنت 2 ......... هايقدروا يعلوا السرعات و يخفضوا الاسعار
و لكن و طالما مازلنا نستخدم انترنت 1 .......... لن تستطيع الشركات النزول بالاسعار كثير و طبعا محدودين بسرعات معينة

[Sherif Khalifa]

يعنى اية انترنت 1 و انترنت 2؟؟؟
و الدنيا كلها شغالة بالكبلات البحرية( فقط) القلة القليلة بتشتغل بالاقمار الصناعية نظرا لمشاكلة الكتير
تانى حاجة فى دلوقتى سرعات للDSL تصل 24 ميجا

احب قبل بدء النقاش اعرفك بطبيعة عملى

انا رئيس فريق مركز ادارة الشبكات فى شركة TE-Data
Network operation center team leader

يعنى دى طبيعة عملى البحت جدا :)
و احنا من المتحكمين فى القصة دى

[blazer]

مقال عن ال
triple play

http://www.businesstodayegypt.com/article.aspx?ArticleID=6821

[medo55]

Sherif Khalifa احب اوضح لحضرتك ان المصريه للاتصالات بما انها الشركه الرئيسيه للاتصالات في مصر لامتلاكها الكابلات البحريه الوحيده المزوده لمصر هي وفلاج تيل الجنوب افريقيه وان كل شركات الاتصالات والانترنت معتمده على خطوطها فهي المتحكمه في تكلفة الانترنت للشركات دي بطريقه او باخرى بما انها مملوكه للحكومه فوزارة الاتصالات بتلعب براحتها لانها المتحكمه الاولى والاخيره في الجهاز القومي لتنظيم للاتصالات


انا قصدت بكابل الي هو فايبر ( الياف ضوئيه ) زي ما بيقولو عليها :) بتقدر تنقل بيانات بتوصل سرعتها ل 1 جيجا في الثانيه وفي امريكا بيوصلو عليها تليفزيون كمان وتليفون لان عندهم شغالين بالVOIP


توت باشا الي مطير عقول الشباب بالجين 2 مصر فعلا لسه فاكرين انهم يدخلو ال ADSL plus2 الي هي سرعتها دلوقتي وصلت ل 24 ميجا بس غاليه جدااااا 2000 جنيه في الشهر وكمان محدد ليك انك تستخدم 130 جيجا في الشهر داونلود وبعدين بتنزل سرعتك ل 256

دول بيقولو للناس ماتشتروهاش احسن وخليك في 256 ب 95 جنيه واعمل داونلود مفتوح طول الشهر 170 جيجا ( 24 ساعه في اليوم داونلود )

على فكره الدنيا كلها فعلا شغاله بالكابلات البحريه للربط بين الدول لانها اسرع وأأمن طريقه لنقل البيانات


مهندس شريف بما ان حضرتك رئيس فريق مركز ادارة الشبكات في احدى اكبر مزودي خدمة الانترنت في مصر انت شايف اننا مسلوبين حقنا في استخدام التكنولوجيا وبيتطلب مننا اسعار خرافيه لما نحب نستخدمها ولا لا :) يعني مثلا انا سمعت ان ترخيص ال VOIP دا بيتدفع فيه ما يقارب 25 الف جنيه في الجهاز القومي لتنظيم الاتصالات رسوم ترخيص فقط وطبعا دا كله علشان يجبر الناس انها تستخدم الاتصال الدولي عن طريق المصريه للاتصالات

فاكر حضرتك لما سويرس كان عايز يخلي موبينيل تعتمد على نفسها في الاتصال الدولي المباشر بدون ما يعتمد على المصريه للاتصالات ووزير الاتصالات قاله ادفع 100 جنيه عن كل مشترك ؟ يعني 100 * 18 مليون :) طبعا رفض

حضرتك Tedata الشركه الوحيده الي شوفتها منزله اعلان في موقعها انها بتقدم VOIP من فتره بس معرفش شالوه في الديزاين الجديد بتاعهم او انا مش لاقيه .. هل فعلا الشركه بتقدم الخدمه وعندك فكره عن اسعاره ؟

بصراحه كل ما اتصل ب 19777 واكلم حد من المبيعات اكتشف انه مايعرفش اي حاجه غير عن اسعار ال ADSL .. اخر مره اتصلت بسأل عن الداتا سنتر الجديده واسعار الخدمه فيها قالتلي احنا ما عندناش داتا سنتر ومعرفش حاجه عنها


blazer بشكرك على اللينك للمقال وان شاء الله هقرأه :) بجد افدتني بشكرك كتير

[Sherif Khalifa]

انا للاسف معرفش حاجة عن المبيعات

بالنسبة للكابل البحرى دا مش مملوك للمصرية للاتصلات
دا مملوك لشركة اسمها SMW3 و المصرية للاتصالات (مجرد) مستأجر عادى لحيز ترددى معين و معظم شركات الانترنت الكبيرة مستأجرين بردة

الالياف الضوئية دلوقتى بتنقل 10 جيجا مش 1 جيجا بس :)

بالنسبة للنظام المتبع فى امريكا الى حضرتك ذكرته دا ما هوا الا internet access solution من الحلول الكتيييييييييييييير جدا الموجودة
اقصد مش معنى ان هما مستعملينة ان دى تبقى قمة التطور

عندك مثلا فى المملكة العربية السعودية بيستعلو خطوط الكهرباء فى توصيل الانترنت للمنازل
كل دى مجرد حلول

بالنسبة لل ADSL plus2 مصر مش لسة فكرة تدخلة ولا حاجة اصلا دى لسة تكنولوجيا جديدة

على فكرة من حكم و طبيعة عملى بئكدلك ان مصر متقدمة جدا جدا فى مجال الاتصالات و الشبكات

[medo55]

هو فعلا الفيبر بيشيل 10 جيجا وغلطه مطبعيه :)

دا الخبر بتاع الكابل البحري .. طبعا هو جاري تنفيذه بس يعتبر هو الشركه الوحيده الي تملك والباقي كله مستاجر من شركات اجنبيه واحتمال كمان يفرضو على شركات النت انهم يستخدمو كابل المصريه للاتصالات عن طريق جهاز تنظيم الاتصالات

http://www.masrawy.com/News/Egypt/Economy/2008/January/31/cable.aspx

ودا بتاع رخصة الاتصال الدولي

http://www.masrawy.com/News/2007/Egypt/Economy/October/31/mobinil-vodafone.aspx

ودا بئى بتاع لا لاحتكار الاتصالات

http://www.nilemotors.net/Nile/showthread.php?t=41509

على فكره دلوقتي وانا بتصفح تي داتا اكتشفت انهم يقصدو بال VOIP الفيديو وليس الفويس :d ههههههههه يلا الحمد لله


بالنسبه لل ADSL Plus2 فحضرتك الناس بيتكلمو عليها في المنتديات الاجنبيه من 2005 :) احنا لسه واصلانا في 2008 فين بئى الي احنا متقدمين ؟

مجال ال VOIP الناس بتستخدمه من زمان واحنا الي لسه برضو مكتوب علينا ندفع 4 اضعاف الاسعار علشان المصريه للاتصالات تكسب وفي الاخر ندخل السنترالات نلاقي رشاوي بتدفع علشان تقضي مصلحتك يا اما معامله زي الي بناخد منهم صدقه ماحنا الي ساكتين واحنا الي ادنالهم الفرصه دي انهم يستغلونا وياخدو فلوسنا من البدايه

[Sherif Khalifa]

بالنسبه لل ADSL Plus2 فحضرتك الناس بيتكلمو عليها في المنتديات الاجنبيه من 2005 :) احنا لسه واصلانا في 2008 فين بئى الي احنا متقدمين ؟

ما هوا شغال عندنا فعلا من اخر 2006
بدليل الناس الى كانت بتشترك فى ال ART عن طرقنا
كانو بيخدو 8 ميجا علشان ال streaming

[Sherif Khalifa]

مجال ال VOIP الناس بتستخدمه من زمان واحنا الي لسه برضو مكتوب علينا ندفع 4 اضعاف الاسعار علشان المصريه للاتصالات تكسب وفي الاخر ندخل السنترالات نلاقي رشاوي بتدفع علشان تقضي مصلحتك يا اما معامله زي الي بناخد منهم صدقه ماحنا الي ساكتين واحنا الي ادنالهم الفرصه دي انهم يستغلونا وياخدو فلوسنا من البدايه

فى دى انت ممكن يكون عندك حق
بس الصبر جميل بعد كدة المفرووض تكون كل حاجة متاحة بس بعد الخبر دا اعتقد لسة شوية :)

http://www.almasry-alyoum.com/article2.aspx?ArticleID=181319&IssueID=1186