مخالفات الزينون

[CosmicOne]

ya man i told you when i asked in el Fatim they told me if u install on someone trusted & gave you a gurantee then no problem atall.
but don't install at any place, choose carfully.

[CosmicOne]

www.hid-plus.com have all the info

[CosmicOne]

بس بارضوا محدش ألى فية مشاكل فى الزينون على النور الواطى والا لا؟؟

[MMamdouh]

متفرقش عالى او واطى... اذا كان الفوجات بيعتبروها نور مبهر يبقى اى زينون حيبقى ايه؟؟

MMamdouh

[CosmicOne]

متفرقش عالى او واطى... اذا كان الفوجات بيعتبروها نور مبهر يبقى اى زينون حيبقى ايه؟؟

على رأيك ,كلامك منطقى يا باشا
بس هو فى قانون فعلاً بيقول كدة والا دة اى كلام؟؟

[sab3aawy]

طب ماهى محلولة يا اخواننا

اللى عايز يركب زينون يركبه على العالى، وهو داخل على الكمين يبقى ينور الواطى او حتى الباركينج لايت وخلاص، هو يعنى فى الكمين هيوقوللك قللبلى نور؟

[Adham]

اصلا الزينون مفروض يركب عالواطي بس

ومعمول اصلا علشان الواطي

لانة بياخد وقت للاشتعال ليوصل لدرجة التشغيل المثلى

يعنى اول ماتشغلة يبقى ضعيف و بعد ثواني يقوى

يعني لو بتقلب بية ماينفعش, ويبقى زية زي اقل لمبتين هالوجين

بس السؤال هنا اية اللي يعرف الضابط في الكمين ان دة زينون مش لمبتين ازرق من ابو 20 جنية اصلا
ولا هما كدة كدة سحب رخص في الحالتين

و اساسا مفروض الواحد بيطفي الفانوس الكبير وهو داخل عالكمين علشان يعرفوا يشوفوا جوة العربية و الناس ومايضايقهمش النور
و خللي بالكم ان كل ضبط الشرطة بيعتبروا انك لو دخلت عالكمين منور النور الكبير "قلة أدب" و كتير يزعق في سواق تاكسي غلبان و لا بتاع نص نقل "اطفي النور ياللة" و كدة

وللأخ اللي دفع عشرين جنية" للأمين" علشان الرخصة و النور و الضابط مش موجود أحب أقولك

ان مش من سلطة امين الشرطة أصلا سحب رخص ولا يديك وصل سحب ولا ياخدها في ايدة أساساً
ومن حقك انك ترفض تديهالة اصلا و تطلب الضابط بس يشوفها (لو موجود)

[mat7oon]

هو يعنى فى الكمين هيوقوللك قللبلى نور؟

:D :D :D :D حلوة اوى ديه

[CosmicOne]

كلام ADHAM منطقى اوى و عموماً ربنا يستر

[MMamdouh]

اللى اعرفة ان الاضواء المبهرة مخالفة للقانون... لكن تفسير مبهرة يعنى ايه مش مذكور تفصيلا و بالتالى بقى مفتوح لرجال القانون يفسروة بمزاجهم

MMamdouh

[Migo123]

مش من سلطة امين الشرطة أصلا سحب رخص ولا يديك وصل سحب ولا ياخدها في ايدة أساساً
ومن حقك انك ترفض تديهالة اصلا و تطلب الضابط بس يشوفها (لو موجود)

90% من الاكمنه الموجوده في طريق شرم لا يوجد بها ظباط ......... يا أمين شرطه ....... يا واحد لابس ملكي ما تفهمش ده بتاع ايه أصلا ..... بس غالبا بيبقى شكله بلطجي ......... ولازم تقف تماما بالعربيه و يشوف الرخصتين.......... وبعدين يعديك

لو عديت من غير ما تعبره ........... ها يضرب نار وقتي ... :shock: :shock:

[Adham]

مش من سلطة امين الشرطة أصلا سحب رخص ولا يديك وصل سحب ولا ياخدها في ايدة أساساً
ومن حقك انك ترفض تديهالة اصلا و تطلب الضابط بس يشوفها (لو موجود)

90% من الاكمنه الموجوده في طريق شرم لا يوجد بها ظباط ......... يا أمين شرطه ....... يا واحد لابس ملكي ما تفهمش ده بتاع ايه أصلا ..... بس غالبا بيبقى شكله بلطجي ......... ولازم تقف تماما بالعربيه و يشوف الرخصتين.......... وبعدين يعديك

لو عديت من غير ما تعبره ........... ها يضرب نار وقتي ... :shock: :shock:

:( :?

[Hisham_ElFeky]

انا كلمت انهارده الشركة في الرحاب وعرفت ان العالي بــ ١١٠٠ والاتنين بـــ ٢٢٠٠ وعرفت انهم بيحاولوا مع التوكيل علشان يكونوا زي معاملاتهم مع تويوتا وشركات اخري وعرفت من التوكيل ان الموضوع دخل حيز التنفيذ فعلا بس لم يعلن عنه...وسيتم الاعلان عنه قريبا ،،،ومع عمرو سلامه هيقولولك في التوكيل عادي علشان معاه ضمان

بس اللي نفسي اعرفه بقا ويايريت حد يجاوبني ويفهمهالي براحه كده :D :D :D
يعني اركب عالي بس او واطي بس ...يعني لو ركبت واطي لما انور العالي بتاع العربية ميبقاش زينون؟؟؟؟؟
ولما اركب فوجات في التوكيل ......لازم برضو تتغير لزينون ولا هيغير اللمبة بس؟؟؟؟

[M_Abdallah]

etch007كتب

انا كلمت انهارده الشركة في الرحاب وعرفت ان العالي بــ ١١٠٠ والاتنين بـــ ٢٢٠٠

اللي تمنه 2200 للعالي الوحده والواطي الوحدة ولا للعالي والواطي في شمعة واحدة.









_______________
محمد عبدالله

[CosmicOne]

بس اللي نفسي اعرفه بقا ويايريت حد يجاوبني ويفهمهالي براحه كده
يعني اركب عالي بس او واطي بس ...يعني لو ركبت واطي لما انور العالي بتاع العربية ميبقاش زينون؟؟؟؟؟
ولما اركب فوجات في التوكيل ......لازم برضو تتغير لزينون ولا هيغير اللمبة بس؟؟؟؟

الى انتا هتركبوا هو دة الى هيبأ زينون بس مش كل الكشاف
علشان الفوجات تبأ زينون لازم تغير اللمض و يركب الجهاز بتاع الزينون يعنى الفوجات هتبأ ب 2200 + 1100 بتوع الزينون