مخالفات الزينون

[Adham]

الأستاذ اسلام شاهين يعرف بتوع الرحاب و واخد منهم خصم خاص لأعضاء المنتدى ان ناخد الزينون اللي هوة العالي وواطي في لمبة واحدة ب 1250 جنية بدل 1600 جنية

لو انت عندك العالي لمبة و الواطي لمبة تانية يبقى هات الواطي زينون و ركب هالوجين عالعالي
دة احسن نتيجة نور, إن شاء الله

[mostafa.sharkawy]

يا جماعى انا لما كنت فى المصرية و بتفرج على السيفيك 2007 قالولى ان فيها زينون مش عارف دة صح ولا اية عشان انا بقولو انا عايز اشوفو قالى معلش اصل احنا فاصلين الباترية .

[عزوز]

هو بكام الهالوجين ده لو حركبه فى الواطى

[osama]

انتو كدا حيرتوني انا كنت نازل اشتري زينون والكلام دة حيرني
بالنسبة للنوبيرا انتو عارفين ان العالي والواطي علي لمبة واحدة يعني لازم اركب عالي وواطي صح ولا ينفع اركب عالي فقط
رجاء الرد سريعاً

[eng_mkhalaf]

لاة يا باشا عالى وواطى أو أستغنى عن العالى وركب واطى بس بس أنا شايف أنة ملوشى لازمة تركب عالى بس

[milo]

la2 el fekra matgebloush 3arabeya adima we t2olo aslaha nazla bih ama el 3arabyat el gedida momkin tesi3 3aleih we t2olo special order

[abo_lamar]

والله العظيم الواحد بيبكي من حال ضباط المرور واللي بيعملوه في الناس

[Angel_wolf]

انا اصلا مرعوب اركب لمض كرستال فيجن او رالى

يجى ظابوط امور عسول يقلى لا يا حبيبى كدة غلط النور زينون احلف له بكل ماهو عزيز وغالى و شريف وعفيف انها لمض بيضة يقلى زنون طيب هو هيقدر يفرق ازاى ولا اى كلام يا عبد السلام

[tananybasha]

احنا معانا واحد صاحبنا اتسحبت منه الرخص على اللمض الفليبس اللى شبه الزينون على اساس ان القانون قال اضاءه مبهرة مش الزينون بس و على رأى عزت العلايلى ( هى دى مصر يا عبله )

[Hikayat]

علي فكره الزينون مش كل الضباط بياخدوه مخالفه دي بتبقي بمزاج الضابط

وبعدين يا عم ركبه عالي وواطي عادي ولما تخش علي لجنه شغل نور التابلوه ( الفيراني ) وخلاص واشتري دماغك
انا كنت عامل توبيك زيه وكل الناس قالتلي كده وركبته

[badblood]

ساعات بيقى فيه ضابط فاضى و موراهوش حاجة فا بسحب الرخص بسبب الزينون على اساس انه اضاءه مبهرة فى حين ان البوكس اللى هو جاى بيه مفيهوش ولا فانوس شغال اصلا

mmamdouh

ههههههههههههه
+1000000

[mehatkeno]

ياعم الدنيا كلها مركبة زينون متشغلش بالك وسيبها على لله مرة روحت انا وسواق معايا بورسعيد بعربية اجرة بتاعت واحد صاحبه ولله ما كان معاه اى رخصة ولا توكيل ولا اى حاجة ووقفنا على البوابة طلعنا عشرة جنية وسلام عليكوا
ابقى حرك نفسك انت بس

[abo_lamar]

ممكن اعرف الزينون العال و الواطي لو ماركة كويسة يتكلف كام ؟

[Amr Axel]

يا جماعة مش من حق اى امين شرطة يسحب الرخص

مهياش هبل للأسف هم بيستغلوا ان فى ناس كتير ميعرفوش القانون لكن اللى درسين حقوق و لا بيفتحوا بقوهم معاهم

و كمان عشان يبقى اسمها لجنة (كمين ) لازم يكون من الادارة اللى هم نزلين منها +او واحد من المرور + حد من القسم اللى تبع المكان او النقطة هى ديه اللجنة

انما واحد واقف كده ده واخدها سلبطة و خالوا بالكم ساعات مش بيبقوا ظباط و لا امناء حتى
انت من حقك تقولوه يوريك الكارنيه بتاعه القانوون بيضمن لك كده
و فى حالة اى اهانة تبلغ حد بالتليفون انهم يبعتوا تلغراف لمفتش الدخلية او مكتب النائب العام و تحاول تعرف اسم اللى عمل معاك كده
ثانينا بقى لو حد غلس و قالك اشتباه و تعالى البوكس ...الخ قوله يا باشا انت برده رجل قانون و عارف ان حالات الاشتباه اتلغت بحكم من المحمكمة الدستورية سنة 1993

يعنى جمدوا قلبكم و اشربوا ديوو ههههههه