استفسار بخصوص المزاج

[m.aligamal]

يعنى من غير تريقه ولا اشتغالات
الواحد بيبقا مسافر و دماغه مصدعه ويركن على اى كافيه يشربله كوب شاى مفيش بقا براد كهربا ممكن يشتغل على ملاعه العربيه مثر يحللى المشكله دى و اقدر لا مؤاخذه اشرب شاى انا و اصحابى فى العربيه و نستمر فى طؤيقنا ويبقى مزاجنا عال العال ولا انا بحلم مثلا يله مستنى التريقه قصدى الردود

[m.aligamal]

محدش يقلى هاتلك سبرتايه و السلام!!!!!!!!!!!!

[eltorky]

محدش يقلى هاتلك سبرتايه و السلام!!!!!!!!!!!!

هاتلك طورموص و السلام

[DR_EMAD]

أولا .. انا زيك .. بسافر كتير .. وبشرب شاى كتير

علشان كده بيكون معايا .. حافظ حرارى للسوائل ( تورموس .. او طورموس .. مش عارف بيتكتب أزاى !!!)

=====

فى حاجة تانية كده بتكون عاملة زى الكوباية وبتكون لها غطا من فوق .. وفتحة صغيرة علشان تشرب منها
ودى من 5 : 20 جنيه .. على حسب المكان اللى أنت هتشتريها منه

ودى فاشلة تماماً .. أولا بتاخد مقدار كوباية واحدة .. ثانيا مش بتحتفظ بالحرارة أكتر من نص ساعة
ثالثا .. مكوناتها الداخلية بلاستيك .. وده غلط على الصحة

فى كوباية تانية .. منها بلاستيك وأخرى أستانلس .. وفيها سلك بتوصله بمخرج الكهرباء الموجود فى العربية
ودى وظيفتها أنها بتدفى السائل فقط .. يعنى لو فيها شاى بارد .. تدفيه علشان تشربه

النوع الأخير .. واللى أنا دايخ عليه ... على الرغم من ناس كتير بتقولى أنه موجود .. بس محدش قادر يفيدنى على المكان اللى بتتباع فيه

عبارة عن كوباية زى السابقة .. استانلس .. فيها سلك بيتوصل بمخرج الكهرباء بتاع العربية .. وبتسخن الماء لحد الغليان

يعنى تقعد فى عربيتك .. وتعيش حياتك يا معلم .. لا كافيتريا ولا قهوة

ممكن تسأل فى التوفيقية .. أو فى محل كبير فى القاهرة بتاع أدوات كهربائية والكترونيات فى وسط البلد
(مش عارف اسمه دلوقتى .. معلش انا مش من القاهرة .. فى ناس قالولى أن ممكن ألاقيه فيه)

ولو لقيت النوع الأخير ده .. ياريت تبعت لى رسالة خاصة

وبالتوفيق

[zanativich]

عادى دة بيحصل بركن وانزل اضرب لى حجرين معسل

[m.aligamal]

اولا متشكرين جدا عالردود و عالتفاعل السريع بس المساله مش طورمس او اقعد اضرب حجرين الواحد بيخرج و ينسى خالص حتى ياخد قزازه مياه فمش معقول كل ما اجى اخرج اعمل طورمس شاى بيتهيئلى صاعبه جدا انا كان ليا واحد صاحبى ماشى بسبرتايه فى الشنطه و لامؤاخذه شيشه يقعد يعمل كوب شاى و يرص حجر كمان بيقول ان السفر الطويل بيخليه يزهق و الكفتيريات الى عالطريق غاليه موت يعنى عشان كوبايه شاى و حجر يقلى ممكن ادفع 10 جنيه و مفيش قدامه غير كده بس انا الحمد لله مش بدخن اساسا بس بتتطلب شاى بجد بالزات فى السفر وانتا بتسمع فيروز مثلا

عشان كده انا بدور على براد شاى يعمل كوبايه او تنين بالكتير احطه فى تابلوه العربيه ولما تطلب اعمل شاى و ميه ميه طب مفيش وصله تحول من ولاعه العربيه الى كهرباء عادى ىيعنى فيشه نتايه لا مؤاخذه اقدر اول فيها براد شاى عادى من الى فى البيوت تبقى ميه ميه و الله انا مستنى الردود ومتشكر جدا لرد الدكتور عماد و العم صاحب المزاج زانافيتش و التركى باشا

[m.aligamal]

؟؟؟؟؟؟؟؟؟؟؟؟؟؟؟ظ يا جماعه محدش يعرف يدلنى فى براد السياره عايز اعمل شاى و انا ماشى

[DR_EMAD]

يا جماعه محدش يعرف يدلنى فى براد السياره عايز اعمل شاى و انا ماشى

ما أنا قلت لحضرتك على المج اللى بيحل محل البراد

مج استانلس بيغلى الماء على ولاعة العربية

عبارة عن كوباية زى السابقة .. استانلس .. فيها سلك بيتوصل بمخرج الكهرباء بتاع العربية .. وبتسخن الماء لحد الغليان

ممكن تسأل فى التوفيقية

[pro_samir]

في حاجة اسمها Inverter دة عبارة عن حاجة كدة بتركب علي فيشة الولاعة بتاع العربية وبتعلي الكهربا يعني بتطلعلك 220 فولت

وفي منها كذا نوع علي حسب الوات اللي انت عايزة ، يعني في 75 ، 100 ، وفي أكبر بس مش فاكر بتوصل لحد كام

ودي مفيدة انك بتوصل عليها اي حاجة مش لازم بقي يبقي معاك شاحن عربية

لكن طبعا البويلر بيحتاج وات عالي قوي مش فاكر كام ، فا لازم تجيب انفرتر الوات بتاعة عالي علشان يقدر يشيلة

الموضوع طالع في دماغي برضو بحتاجة مع السفر الطويل ، لكن في العادي الواحد بينسي ياكل اصلا

[m.aligamal]

ايه هوا مخرج الكهربا بتاع العربيه ياباشا مش واخد بالى
انا من المنصوره عشان كده فكره نزولى مصر صعبه شويه حاليا بس ان شاء الله انزل و اشوف الموضوع ده
بالنسبه للجهاز الى بيتوصل على الولاعه عشان يديلى فولت 220 ده يشغل البراد كويس واجيبه منين ياباشا

[DR_EMAD]

ايه هوا مخرج الكهربا بتاع العربيه ياباشا مش واخد بالى

مخرج الكهرباء ... اللى احنا بنقول عليه .... ولاعة العربية

[m.aligamal]

ياباشا متقول كده انا افتكرت حاجه تانيه غير الولاعه ميرسى يباشا عالرد

[A.Saad]

ممكن تسال فى توكيل مولينكس
ليهم محل
فى المول اللى فى ميدان الاوبرا
محل فى اخر ش شريف ناحية باب اللوق

بس اسعارهم غالية لان حاجتهم بالضمان واصلية


وعلى فكرة انا جايب ترموس استانلس وده صينى عادى مش ماركة
كان بحوالى 30 جنيه
بياخد 4 كبايات
وهوة فى حجم الزجاجة اللتر او اقل كمان
وكان بيخللى الشاى ساخن لحد 4 ساعات
لانى كنت باخده معايا فى سفرياتى

واشتريت حافظة من اللى ب 15 جنيه
بتحافظ على السخونة اكتر

[m.aligamal]

هوا الفكره يباشا فى البراد ان فى اى وقت ممكن تعمل الى انتا عايزه ده لو عايز كابتشينو كمان يعنى موضوع كويس ويسلى الواحد فى سفره منا عندى التورمس فى البيت وياخد عشر كوبايات ومع ذلك مش عارف ليه مش مقتنع بيه يمكن عشان ماضى عليه فى القائمه فخايف يتكسر مثلا اخش فى كلابوش عشان كده انا بدور على براد

[am79]

بص ياباشا انا عندي انفرتر وبويلر هو الموضوع بسيط وليك اختيارين وكله بالصور
ملحوظه: انا مش ببيع علاشان محدش يقول ده اعلان دول للاستخدام الشخصي
فيه عندك انفرتر وعندك بويلر
بس الانفرتر بيشغل 60 واط بس ممكن يكون فيه بيشغل اكتر من كده بس ده الموجود معايه
وبويلر بيشتغل علي الولاعه وبيكون معاه حامل تثبته بقي في اي مكان انت عاوزه بس بيأخد وقت طويل شويه علاشان الواط بتاعه مش عالي علاشان طبعا البطاريه بتاعت العربيه مش زي بتاع البيت لان بتاع البيت بيكون من 2000 إلي 3000 واط حسب النوع
ودي الصور وشوف ايه انسب ليك