كل ما يهمك عن الاضاءة الامامية للسيارات

[zanativich]

مشكور
انا عندى مشكله عويصة
النور العالى فرده منه ضاربة شمال مش عارف ليه
انا يمكن غيرت الاربع لمض
بس بجيب الالمانى
بس التغييبر ملوش علاقة بالاتجاه
بموت من الموضوع دة

[ahmed31031]

موضوع رائع جزاك الله خيرا

[MuhamedNabil]

مشكور
انا عندى مشكله عويصة
النور العالى فرده منه ضاربة شمال مش عارف ليه
انا يمكن غيرت الاربع لمض
بس بجيب الالمانى
بس التغييبر ملوش علاقة بالاتجاه
بموت من الموضوع دة

ممكن اللمبة متكنش قعدة كويس في مكنها و هو العلي بس
ولا الواطي كمان

[BrainStorm]

موضوع مفيد جدا يا باشا تسلم ايدك

[marshello]

شكرا على مجهودك دة وبجد موضوع ممتاز

[mooz55]

جزاك الله كل خير

[احمد المصرى]

بدلا من
اضغط هنا لمشاهدة الصورة بالحجم الطبيعي.

هو دا ال انا عايزه يا باشا واذاى اوصله هل بتغيير الفاننوس واجيب فانوس مجهز للزينون اساسا



وجزاك الله كل خير على الموضوع الرائع بتاعتك

[magid1010]

مشكوووووور والله يعطيك الف عافيه

[Jetta2009]

أرجو الإفادة

[SIZE="6"][اريد معرفه مكان لبيع لمبات زينون d2s بمصر الجديدة او وسط البلد /SIZE]

[MuhamedNabil]

[size="6"][اريد معرفه مكان لبيع لمبات زينون d2s بمصر الجديدة او وسط البلد /size]

محل المدينة او السجان فى شارع دمشق امام بنزينة التعاون.

فيليبس مصر التليفون: 19742, 02-24801450
ممكن برده تكلمهم و تسألهم على اقرب موزع

[Elhagry]

السلام عليكم و رحمة الله و بركات

ارجو ان الموضوع يكون موفيد للجميع

الاضاءة حاجة مهمة جدا لسلامة السائق و كل من هو في الطريق امامه او في الجهة المقابلة

- شكل اضاءة الكشافات

الاضاءة لها شكل معين عشان تحقق الغرد المطلوب منها، ده شكل النور للبلاد التي بها عجلة القيادة في اليسار



مستوي النور منخفض من اليسار عشان السيارات في الناحية المقابلة و عالي من اليمين لاضاءة علامات المرور في الناحية اليمنى و ايضا لتكون السيارة اكثر وضوح اثناء تخطى السيارات الاخرى من اليسار،
و العكس صحيح في للبلاد التي بهعجلة القيادة في اليمين تجد شكل النور عكس هذه الصور
دي نقطة كثير لا يراعونها عند شراء كشافات مستعملة استيراد احينا يكون من UK و هي عكس المواصفات السيارات التي بها عجلة القيادة في اليسار عن عدم دراية و طبعا يعمي كل من في الجهة المقابلة

السيارات بها عجلة القيادة في اليسار بيكون الفانوس مكتوب عليه في خلف أو على البلاستيك الخارجي LHD Left hand Drive و السيارات بها عجلة القيادة في اليمين RHD



- ارتفاع مستوى الضوء

مستوى النور مهم للسائق و كل من على الطريق حصوصا فى الطرق السريعة

* كل مكان النور مستوى عالى حيعمي كل من امامك سواء في نفس الاتجاه او في الجهة المقابلة، و انعكاس النور على الارض حيقل .
* لو النور اوطى من المستوى المطلوب تركيز النور امام السيارة مباشرة حيكون زيادة و حتقلل الرؤيا البعيدة.

قبل الضبط

بعد

* كيفية ضبط الارتفاع يكون عن طريق رجلاش في خلف الفانوس بيتحكم في ارتفاع النور ممكن بسهولة يتضبط و احيانا مكانه يكون صعب شوية و يحتاج كهربائى
تقف امام حائط على بعد متر أو اتنين و تلاحظ مكان النور و بعد كدا ترجع لمسافة على بعد ٢٥ قدم حوالى ٧٫٥ متر من الحائط و الارض لازم تكون مستوية مش على مطلع او منحفض و ميكونش في عجلة مريحة.

مستوى النور على الحائط زي فى الصورة كد المفرض النور ميعلاش عن مستوى النور على بعد متر أو اتنين ميكونش طالع لفوق لما المسفة تزيد بين العربية و الحائط، و ممكن توطى شيوية كمان عشان لو معك ناس في الخلف.


٣ - عوامل تؤدي الى ضعف الاضاءة

- اصفرار البلاستيك الخارجى للكشاف و ده من مسح الكشاف بدون ماء بيعمل زى سنفرة للطبقة UV البتمنع تاثير الشمس على البلاستيك و نفس الموضوع سارى برده على البوية بتاعت العربية.
ده ممكن ازلته بتلميع الكشاف و أحياناً يحتاج سنفرة قبل التلميع.

- تركيب لمبات الوات أعلى من اللمبة الاصلية بيجهد الاسلاك و ممكن تسيح و ده حله عن طريق تركيب relay الكتاوت و يبقى مصدر الكهرباء من البطارية

٤ - تركيب الزنون

- الزنون اضاءة قوية و افضل من الهالوجين كثير بس لو المواصفات و التركيب مضبوط

- اللون الوحيد القنوني فى كل العالم هو 4300k و هو اللون البينزل في العربيات المجهزة بالزنون.

- في كل مكان ممنوع تركيب الزنون في كشاف اصلا هالوجين لان بعد تركيب الزنون بتشوه و تشتت الاضاءة و الشكل المعين لالاضاءة مما يؤدى الى اعماء السيارات و زيادة الحوادث فى حين ان الغرض من التكنولوجية دى هو زيادة الامان على الطريق.



في حين ان المفروض يكون كده.


و ده بسبب ان الفانوس غير مصمم لاضاءة الزنون و سبب اخر و هو اللمبات اصلا مش بتكون مقسها مضبوط
- ممكن اللمبة متكنش عمودية على القعدة بتعيتها

- اللمبة المستخدمة في الكشافات العاكسة الهي بدون عدسات يجب ان يكون على اللمبة طلاء سراميك عشلن يحجب النور الغير مرغوب فيه





اللمبة المستخدمة في الكشافات بها عدسات



- اما العدسات مصممة بطريقة ان النور لا يمكن ان يتجاوز حد معين ولاكن ايضا يعض العدسات البتنزل في الفوانيس الصيني بيكون تصممها ردئ و بالتالى نورها بردو



بدلا من


أنا عرف إن د حاجة حتزعل الناس العايزين يركب كزينون بس هي دي الحقيقة و لكن برد في بعد كشافات العربيات الحديثة بيكون ادائها مش بطال.



و شكراً

سلام عيكم يا بشمهندس محمد
أنا عضو جديد في المنتدى وقريت الموضوع بتاع حضرتك وعجبني جدا :
كنت عايز استفسر من حضرتك عن موضوع الزينون لاني محتار جدا فيه .
أنا معايا corolla 2013
وكنت عاوز اركبلها طقم زينون نضيف ألماني وكنت عايز استفسر من حضرتك على كذا حاجة:
-نوع ايه الموجود في السوق نضيف مش مضروب وأحسن مكان اشتري منه ؟؟
-اللمبات اللي بتركب على عربيتي نوعها ايه بالظبط
-كنت عايز الاضائة البيضة زي اللي في صور موضوع حضرتك ززيا ترى دي كام كلفن ؟
-كنت بفكر (بس مش لازم) اركي عدسة Bi xenon في الفوانيس الأصلية بس في ناس بتقول بلاش تفتح فوانيس أصلية جديدة عشان هتنمل (يا ترى الكلام ده صح ولا غلط) ؟؟!!
واعذرني عالإطالة بس أنا لقيت حضرتك فاهم كويس فقولنا نفهم من أهل الخبرة وشكرا :)

[amz2011]

موضوع رائع

[MuhamedNabil]

سلام عيكم يا بشمهندس محمد
أنا عضو جديد في المنتدى وقريت الموضوع بتاع حضرتك وعجبني جدا :
كنت عايز استفسر من حضرتك عن موضوع الزينون لاني محتار جدا فيه .
أنا معايا corolla 2013

وكنت عاوز اركبلها طقم زينون نضيف ألماني وكنت عايز استفسر من حضرتك على كذا حاجة:
-نوع ايه الموجود في السوق نضيف مش مضروب وأحسن مكان اشتري منه ؟؟

فيليبس و اوسرام ممكن تشتريهم من الوكيل بتعهم عشان تضمن انهم مش مضروب سعرهم فى حدود 1500 جم
فى انواع تانية الاعضاء جربوها هنا زى نوع اسمه vision و شايفين انه كويس انا واحد زميلى فى الشغل حيشترى طقم و كمان يومين و دى حتبقى اول تجربة لى بالنسبالى لما اشوف نوره فى العربية.

-اللمبات اللي بتركب على عربيتي نوعها ايه بالظبط

لو قصدك على المقاس اعتقد حيكون h7 بس الافضل تتأكد من كتالوج العربية.

-كنت عايز الاضائة البيضة زي اللي في صور موضوع حضرتك ززيا ترى دي كام كلفن ؟

الافضل 4300k و بعدين 5000k بس فى ناس بتفضل ال 5000 عشان لونه مبيض شوية عن 4300
و بعد كدة 6000 بس منصحكش بحاجة اعلى من 5000k

-كنت بفكر (بس مش لازم) اركي عدسة bi xenon في الفوانيس الأصلية بس في ناس بتقول بلاش تفتح فوانيس أصلية جديدة عشان هتنمل (يا ترى الكلام ده صح ولا غلط) ؟؟!!

لو التركيب مظبوط مش حيكون فى اى ضرر على الكشفات, و العدسات bixenon الصينى البتركب بدون تقطيع فى الكشاف افضل من الطقم البيكون لمبات بس و العدسات ال xenon الاصلية البتكون متخدة من كشفات زينون اصلية و لمات بالمقاس المظبوط دى بتكون الافضل من الحلول الفاتت بس عيبها ان مش اى حد يعرف يظبط التركيب بتعها.

واعذرني عالإطالة بس أنا لقيت حضرتك فاهم كويس فقولنا نفهم من أهل الخبرة وشكرا :)

مفيش مشاكل خالص حضرتك لو عندك اى سؤال اسئل ميهمكش

[MuhamedNabil]

مكرر

[Elhagry]

مفيش مشاكل خالص حضرتك لو عندك اى سؤال اسئل ميهمكش

ألف شكر على المعلومات القيمة يا أستاذ محمد
واستأذنك في رقم موبايلك في الرسائل للاستفسار عن بعض المعلومات ةشكرا