ايه رأيكم في الجنوط الصيني

[thedeveloper87]

السلام عليكم ورحمة الله وبركاته

وأنا رايح أعمل ترصيص عند أحد محلات الكاوتش ، لقيت عنده مجموعة جنوط كتير تحفة بس صيني
كان اللي ييجي على عربيتي 3 جنوط شكلهم تحفة بس صيني ، اتنين منهم ب 850 الأربعة وواحد نيكل الأربعة ب 1250.

ايه رأيكم في الصيني؟ ولو فيه محلات نظيفة عندها تشكيلات غير الصيني ياريت تقولوا لي.

[thedeveloper87]

up up up up up

[fawzyyyy]

و الله الصيني بقي منتشر جدا بس عيبه ان خفيف .....و ممكن اي خبطة لقدر الله في الجنط ممكن يتعوج......لكن هو مش بطال
في بردو التيواني احسن و الفرق في السعر بينهم مش جامد.........و احسن المحلات بالنسبة للتشكيلات في (اشرفكو) عامل مول 3 ادوار للجنوط و الكاوتش بس......و عنوانه عند محطة مترو الانفاق المطرية

[kimo-nubira]

اي جنط لو خد خابطه جامده هايتعوج حتي لو ايطالي ... انا مركب جنوط ام بي صيني بقالي حوالي سنتين

والجنوط خدت مطبات لما قالت يابس والحمدلله زي الفل ومحصلهاش خدش .. حتي اللون الجنط نفسه متغيرش ولا حصله حاجه الحمدلله

[kimo-nubira]

التوبكين دول هايفيدوك جدا لاني كنت في نفس الموقف اقراهم براحتك وخد قرارك وربنا يوفقك

http://www.nilemotors.net/Nile/34424-a.html

http://www.nilemotors.net/Nile/36410-a.html

[medo500]

ياجماعة مش كل الجنوط الصيني كويسة انا واحد صاحبي قريبة عمل حادثة بالعبية وكان هايموت فيها بسبب ان الجنط اتكسر وهوة ماشي علي 160 بس ربنا ستر لكن العربية اتدمرت علشان كده الجنوط بالذات لازم تكون ماركة كويسة ومضمونة علشان السرعات العالية ربنا يكفينا شرها

[fawzyyyy]

يا ريت بس لو ركب حاجة تبقي تقولنا تفاصيلها ايه و ربنا يوفقك

[thedeveloper87]

أنا رحت عند أشرفكو اللي في الحي السادس مدينة نصر النهاردة ووراني تشكيلات جامدة كتير ... سألته إذا كانت صيني ولا ايه؟ قال لي أنا مابدخلش صيني عندي. كله إندونيسي وتايلاني.
أنهي الأحسن الاندونيسي ولا التايلاندي؟

[engahmedsamy]

الصيني اي كلام وبيتكسر و مللك الصيني علائ موسئ

[haysam2000]

و الله ولا بيتكسر ولا حاجه انا 13 صينى تلات سنين و 15 صينى من 8 شهور و زى الفل عيبهم انهم تقال فى الوزن و طبعا ده محسوس فى طلعه العربيه من الثبات من ساعه ما غيرت

[fady554]

اي جنط لو خد خابطه جامده هايتعوج حتي لو ايطالي ... انا مركب جنوط ام بي صيني بقالي حوالي سنتين

والجنوط خدت مطبات لما قالت يابس والحمدلله زي الفل ومحصلهاش خدش .. حتي اللون الجنط نفسه متغيرش ولا حصله حاجه الحمدلله

انا كنت جايب جنط 13 فى العربية القديمة كان 13 زى بتاع حضرتك بالظبط و كان mb برضو و الصراحة كنت مسافر المنوفية و الطريق مكنتش اعرفو اوى و الهم خدت مطبين من غير ماشوفهم لمل رجعت البيت لاقيت العربية اتكسرت خالص الاكصدام وقع و الشبكة اتفكت و مساعد ضرب و الحمد للة الجنوط كانت زى ماهية مع العلم ان معظم الطرق اللى انا بمشى فيها مدقات زراعية يعنى زى الزفت و قعد معاية سنتين و حتى متجرحش و فى الاخر بعت العربية بية

[thedeveloper87]

نا مركب جنوط ام بي صيني بقالي حوالي سنتين

بكام جنط ال mb ده ياباشا

[bazooooka78]

وانا كمان مركب 14 صيني من سنتين وشغااااال 100 100
وخدت بيه مطبات جامدة ومحصلوش اي حاجة

[engahmedsamy]

انا شكلي هغير رايي و اروح اجيب صيني

[MohaMed_Refaat]

الصينى فى ال 13 عادى من اول 14 يبدا القلق فى ال 15 الصينى خطر فى النوعيات المضروبة ....