ايه رأيكم في الجنوط الصيني

[magyver]

مش كلة ياامحمد
يعني الصيني معروف فية كام نوع
am mousa دة حلو وانا مركب منة وتجربة من 17 كمان في هودنا 97

[kimo-nubira]

بكام جنط ال mb ده ياباشا

كنت جايبه ساعتها مقاس 14/100 كان ب 1050 جنيه

وصورته في التوقيع بتاعى

[kimo-nubira]

و الله ولا بيتكسر ولا حاجه انا 13 صينى تلات سنين و 15 صينى من 8 شهور و زى الفل عيبهم انهم تقال فى الوزن و طبعا ده محسوس فى طلعه العربيه من الثبات من ساعه ما غيرت

انا كنت جايب جنط 13 فى العربية القديمة كان 13 زى بتاع حضرتك بالظبط و كان mb برضو و الصراحة كنت مسافر المنوفية و الطريق مكنتش اعرفو اوى و الهم خدت مطبين من غير ماشوفهم لمل رجعت البيت لاقيت العربية اتكسرت خالص الاكصدام وقع و الشبكة اتفكت و مساعد ضرب و الحمد للة الجنوط كانت زى ماهية مع العلم ان معظم الطرق اللى انا بمشى فيها مدقات زراعية يعنى زى الزفت و قعد معاية سنتين و حتى متجرحش و فى الاخر بعت العربية بية

وانا كمان مركب 14 صيني من سنتين وشغااااال 100 100
وخدت بيه مطبات جامدة ومحصلوش اي حاجة

ديه اراء الناس اللي جربت الجنوط الصيني فعلا وانا واحد منهم وبارضو وانا بشتري قالولي ابعد عن الصيني

بس توكلت علي الله وطلع زي الفل والحمدلله وخد مطبات جامده ومحصلوش اي حاجه الحمدلله

[thedeveloper87]

ديه اراء الناس اللي جربت الجنوط الصيني فعلا وانا واحد منهم وبارضو وانا بشتري قالولي ابعد عن الصيني

بس توكلت علي الله وطلع زي الفل والحمدلله وخد مطبات جامده ومحصلوش اي حاجه الحمدلله

كويس إن حضرتك طمنتني وشكرا ليك. الصراحة أنا لقيت تشكيلات صيني أشكال جامدة مووووت عند واحد جنبي وكان فيه جنط كروم شكله من الآخر ب 1200. ربنا يسهل كده هشوف.

جزاكم الله خيرا

[SeaShark]

أنا رأيي ان الجنوط الصيني كويسه و مش وحشة خالص.

[hzmmmk]

ملركة ةلا

أنا عندى الصينى مركة mb
مركبهم فى فيات 131
كنت شاريهم من رومانى من 3 سنين ب 950
و هما الحمد لله شغالي تمام ياما خدت مطبات و ربنا ساترها

[fady554]

بكام جنط ال mb ده ياباشا

انا كنت جايبو من سنتين ب 750 او 850

[Adham]

ياجماعة مش كل الجنوط الصيني كويسة انا واحد صاحبي قريبة عمل حادثة بالعبية وكان هايموت فيها بسبب ان الجنط اتكسر وهوة ماشي علي 160 بس ربنا ستر لكن العربية اتدمرت علشان كده الجنوط بالذات لازم تكون ماركة كويسة ومضمونة علشان السرعات العالية ربنا يكفينا شرها

أنا رحت عند أشرفكو اللي في الحي السادس مدينة نصر النهاردة ووراني تشكيلات جامدة كتير ... سألته إذا كانت صيني ولا ايه؟ قال لي أنا مابدخلش صيني عندي. كله إندونيسي وتايلاني.
أنهي الأحسن الاندونيسي ولا التايلاندي؟

أشرف حماد طول عمرة محترم و مابيشتغلش غير في النضيف

و الله ولا بيتكسر ولا حاجه انا 13 صينى تلات سنين و 15 صينى من 8 شهور و زى الفل عيبهم انهم تقال فى الوزن و طبعا ده محسوس فى طلعه العربيه من الثبات من ساعه ما غيرت

غريبة دي المعروف ان اي منتج صيني بيبقى خفيف و يوفروا في الخامه, اول مرة اسمع عن منتج صيني ان مشكلتة انة تقيل بصراحه
عامة الجنط الاحسن يبقى خفيف و متين, انا كنت شاري من اشرف حماد طقم 15 الماني bbs كان خفيف موت, و دي ميزة ال bbs اللي معروف بيها

الصينى فى ال 13 عادى من اول 14 يبدا القلق فى ال 15 الصينى خطر فى النوعيات المضروبة ....

يبقى نقول من الاخر اللي حايركب جنط 13 و بيستعمل العربية عالهادي و جوة البلد و مابيجريش و سواقتة حريصة يركب صيني و مايخافش

انما اللي عاوز جنط كبير 15 و يركب كاوتش لو بروفايل و بيطير و يشد و بيسافر سرعات عالية يبقى يشتري عمرة بتمن طقم جنوط

أنا عندى الصينى مركة mb
مركبهم فى فيات 131
كنت شاريهم من رومانى من 3 سنين ب 950
و هما الحمد لله شغالي تمام ياما خدت مطبات و ربنا ساترها

الجنط محمي بالكاوتش من تحتة بيمتص الصدمات و مش اي مطب يكسر الجنط او يعوجه لازم حجر كبير او لا قدر الله خبطة رصيف و ساعتها حايفرق قوي بقى الجنط اللي في العربية , لانة لو اتكسر حايبقى بعمر اللي في العربية و لو استحمل يبقى اتكتب لهم عمر تاني

[mody112]

الصينى شغال زى الفل
المهم من حد موثوق منه لانى وانا بشترى الجنوط بتاعتى من معرض فى ش مصطفى النحاس صاحبه دكتور اساسا بس معرفة واحد صاحبى قالى خد بالك علشان الجنوط الصينى كمان فيها فرز وحمولة فلازم تاخدبالك كويس