اشتريت Dremel INGCO

[eng_tefa]

السلام عليكم ورحمة الله وبركاته
انهارده روحت اشتريت Dremel INGCO من شارع الجمهوريه
اولا احب اوجه الشكر ل funnymickey
لصبحى باشا اللى دوخته فى شارع الجمهوريه كله عشان اجيبه واسال على باقى الانواع
صبحى من اجدع الشخصيات اللى عرفتها هنا بصراحه نزل وساب شغله ولف معايا على الدريمل مع انه كان مشغول
يسمحلى اقتبس منه كلامه

"بصراحه احنا لفينا علي الميلر كل السوق بيقول الماني مع اننا عارفين انه صيني
ولقيناه غالي ب195
وكان فيه الكراون ب250 بس ده بشنطه وحاجه فخمه كده
وفيه الapt بس شكله تعبان مله
يعني هوا افضل اللي في السوق يااما الكراون يااما الانكو
وحاجته كلها موجوده في الممر ده
بس اهم حاجه نخلي بالنا من الدراعات النيكل اللي بيتحط فيها السلاح عشان دي مش موجوده"
اسيبكوا مع الصور




كويس جدا بصراحه واللى عاجبنى اكتر انه معاه كل حاجته ودا النوع الكبير
خدته بخصم مخصوص من صاحب ابو الجوخ ب 200 جنيه
فى بس حاجه بسيطه مش معاه البنطه ال 1 ميللى او الاقل عشان اخرم البورد النحاس بيه
بس انا فكيتها من الدريل اليدوى بتاعى وركبتها فيه بالظرف كمان والحمد لله ركبت واشتغلت تمام
اول مره احس بسهوله الدنيا توفير وقت ومجهود تخريم البورده دا موضوع مهم جدااااااا ومن اهم المزايا
المشكله اللى واجهتنى فى التقطيع مش عارف اركب انهى صنيه كلهم بيخلصوا بسرعه بيتاكلو يعنى
ومش هنسى اوجه شكرى لصبحى تانى

[newhansol]

مبروك يا هندسة
وطبعا الاستاذ صبحى غنى عن التعريف والشكر دة خيرة علينا ومغرقنا

وموضوع التقطيع ما انا قولتلك تجيب الصينية الى هية معدن علشان الى جايين معاة بيخلصو فعلا بسرعة واحدة يادوبك تكفى بوردة واحدة

مسالتش على صينية القطع لية المحلات تقريبا فى الشارع الى ورا الشركة بتاعت الانكو

[eng_tefa]

وصحيح ان كنت اتكلمت على الشكر مينفعش انسى حضرتك يا استاذ عصام دا كفايه نصايح حضرتك
صحيح انا جربت اخرم البورده بالسن ال 1 ميللى نفعت تمام حضرتك عامل كدا بردو ؟
خلاص اروح تانى ان شاء الله ...اقولهم ايه بالظبط؟؟

[newhansol]

وصحيح ان كنت اتكلمت على الشكر مينفعش انسى حضرتك يا استاذ عصام دا كفايه نصايح حضرتك
صحيح انا جربت اخرم البورده بالسن ال 1 ميللى نفعت تمام حضرتك عامل كدا بردو ؟
خلاص اروح تانى ان شاء الله ...اقولهم ايه بالظبط؟؟

يا باشا لا شكر على واجب
انا مجربتش التخريم انا بخرم بموتور بتاع السى دى روم وعاملة يد متركب فيها وادابتور مخصوص لية الى جربتة بالانكو هوة التقطيع وفعلا بيستهلك صوانى قطع كتير من الى جاية معاة وساعات بتتكسر كمان وانا بركبها من كتر ما هية رقيقة قوى

الى بقولك عليها دى اسمها صينية قطع سالت عليها عند بتوع العدد والادوات لاقيت اقل حاجة قطرها 10سم
ودة كبيرة طبعا بتوع الدهب والفضة بيجيبو واحدة صغيرة زى الربع جنية وبيشتغلو بيها بس مش عارف بقى نلاقيها عند مين بالظبط

[eng_tefa]

تمام ان شاء الله اروح اجبها من عندهم
فعلا ساعات بتتكسر من كتر مهى رقيقه
لو حضرتك عندك صوره لطريقه موتور السى دى روم يبقى شاكر جدا

[sas5]

الف مبروك وفعلا انا سالت عن باقى ادواته وجدت صعوبه فى العثور عليهم

[MuhamedNabil]

يا باشا لا شكر على واجب
انا مجربتش التخريم انا بخرم بموتور بتاع السى دى روم وعاملة يد متركب فيها وادابتور مخصوص لية الى جربتة بالانكو هوة التقطيع وفعلا بيستهلك صوانى قطع كتير من الى جاية معاة وساعات بتتكسر كمان وانا بركبها من كتر ما هية رقيقة قوى

الى بقولك عليها دى اسمها صينية قطع سالت عليها عند بتوع العدد والادوات لاقيت اقل حاجة قطرها 10سم
ودة كبيرة طبعا بتوع الدهب والفضة بيجيبو واحدة صغيرة زى الربع جنية وبيشتغلو بيها بس مش عارف بقى نلاقيها عند مين بالظبط

الف مبروك انا برده اشتريته و اعتقد انى ححتاج ديسكات اقوى من كده
ممكن نسأل حد من بتوع الدهب و هو يفدنا

[FunnyMickey]

سالخير عليكو
ومش حرد عالشكر والحاجات اللي انتا كاتبها دي عشان لا شكر علي واجب
انا كان نفسي اشوفك بس مش اكتر والله ياابو حميد
انتا راجل محترم وشرف للواحد انه يعرف الناس اللي زيك

بخصوص الصواني والجلخ كله بيتباع في نفس الممر وانا شخصيا جايب من جوه صينيه دهب كنت بقطع بيها الاكلريك ايام الرينجات الله يرحمها
:)

[momo44]

سالخير عليكم
ومش حرد عالشكر والحاجات اللي انتا كاتبها دي عشان لا شكر علي واجب
انا كان نفسي اشوفك بس مش اكتر والله ياابو حميد
انتا راجل محترم وشرف للواحد انه يعرف الناس اللي زيك

بخصوص الصواني والجلخ كله بيتباع في نفس الممر وانا شخصيا جايب من جوه صينيه دهب كنت بقطع بيها الاكلريك ايام الرينجات الله يرحمها
:)

طول عمرك صاحب واجب

[eng_tefa]

طول عمرك صاحب واجب

دى حقيقه فعلا
ياريت يا جماعه لو حد عنده افكار يقولنا عليها
وبالذات فى التقطيع
وياريت كل واحد يحط صور جهازه

[khaled_yassin]

مبروك عليك وفرجنا الشغل بقى

[eng_tefa]

الله يبارك فيك ياباشا
وان شاء الله الشغل جاى

[newhansol]

تمام ان شاء الله اروح اجبها من عندهم
فعلا ساعات بتتكسر من كتر مهى رقيقه
لو حضرتك عندك صوره لطريقه موتور السى دى روم يبقى شاكر جدا

انا جبت بنطة واحد ملى ولفيت عليها شكرتون وركبت فى اصغر مقاس للانكو وخرمت بيها بس البنطة ال 0.5 وال 0.6 صغيرة قوى ومش نافعة لا شكرتون نافع ولا سلوتب نافع

موضوع موتور السى دى روم دة مش صعب بس المشكلة انى كنت رفعت سن الاكس بتاع الموتور
وبصراحة هوة لازم الخرم يتعمل من الناحيتين علشان يعمل فتحة واحد ملى مثلا

هوة فى حل انك تجيب روزيتة من بتاعت اللمض النيون وتطلع الجزء الحديد وتركب طرف فى الموتور وطرف فى البنطة

انا دورت انهاردة على صينية القطع مالقتهاش الى عندهم زى الى بتييجى مع الانكو وحتى الراجل قالى دى بتخلص بسرعة برضة انت عايز واحدة معدن ودى مش عندى

انا هاحاول اصورلك الموتور والروزيتة دى

بس تعرف فعلا فرق رهيب بين التخريم بالانكو والتخريم باى حاجة تانية البوردة ماتخدش فى ايدك دقيقة

[misoalex]

اهى يا عصام الصوره بتاعه الروزته مع الموتور والبنطه

لازم تسيح على الفكره فى المنتدى يعنى :)

[newhansol]

اهى يا عصام الصوره بتاعه الروزته مع الموتور والبنطه

لازم تسيح على الفكره فى المنتدى يعنى :)

معلش يا ابو نور خلى الناس تستفيد وتدعيلك مع الاحتفاظ طبعا بحق الملكية الفكرية