اشتريت Dremel INGCO

[ahonda55]

الف مبروك و سؤال متأخر شويه معليش
انت ازاي بتركب الواير ؟؟؟ معليش سؤال غبي لكن حاولت اركبه و اقفل اللوك بتاع الجهاز و طبعا الغطا بتاع الواير بيغطي على راس الجهاز مش عارف اعمل ايه !!


تحياتي و الف شكر

[tarek_2005]

بتسحب السلك الداخلي بتاع الواير لبرة شوية وتثبته زي ما بتثبت اي بنطة وبعدين تدفعه تاني للداخل وتركب الغطاء بتاعه

[ahonda55]

يعني مفيش قطعه ناقصه من عندي
عموما انا توقعت كدا لكن قلت اكيد في حاجه ناقصه انا مش عارفها

الف الف شكر يا سيدي و جزاك الله خيرا

[ahonda55]

لو لسا بتدور على اقراص التقطيع؟؟
هات قرص الصاروخ الرفيع (بيسموه قرص بسكوته) من عند اي حد بتاع حدايد و بويات و اقطع منه دائره مثلا قطرها 2.5 سنتي مثلا او اقطع على مقاس قرص قديم عندك

اقطعه بكماشه مثلا او بحاجه كويسه علشان ميتشرخش منك
و اخرمه من النص (بتتخرم بسهوله جدا) بالدريميل و ركبها و استعملها
قرص التقطيع بتاع الصاروخ بخمسه جنيه و هيعمل مثلا خمس اقراص صغيره او سبعه و القرص الصغير بيقعد كتييييييييييييييييير انا جربته في حديد و خامات تانيه كتير و شغال ممتاز و استهلاكه يكان يكون معدوم
فكره اكتر من ممتازه
و اي اسئله او توضيحات انا في الخدمه
و لا تنسونا من دعواتكم


احمد

[abo_hosni]

لو لسا بتدور على اقراص التقطيع؟؟
هات قرص الصاروخ الرفيع (بيسموه قرص بسكوته) من عند اي حد بتاع حدايد و بويات و اقطع منه دائره مثلا قطرها 2.5 سنتي مثلا او اقطع على مقاس قرص قديم عندك

اقطعه بكماشه مثلا او بحاجه كويسه علشان ميتشرخش منك
و اخرمه من النص (بتتخرم بسهوله جدا) بالدريميل و ركبها و استعملها
قرص التقطيع بتاع الصاروخ بخمسه جنيه و هيعمل مثلا خمس اقراص صغيره او سبعه و القرص الصغير بيقعد كتييييييييييييييييير انا جربته في حديد و خامات تانيه كتير و شغال ممتاز و استهلاكه يكان يكون معدوم
فكره اكتر من ممتازه
و اي اسئله او توضيحات انا في الخدمه
و لا تنسونا من دعواتكم


احمد

و دي الصور من عندي و عند ahonda55

[ahonda55]

و دي الصور من عندي و عند ahonda55

ههههههه يا صديقي انت اللي ملكش حل والله فاتتني فكرة اني احط الصوره مش عارف ليه فعلا :)
و لو حد عاوز اقراص تقطيع ديلفري اتصل نصل !!

[checo4lamor]

الف مبروك بس انا مش عارف اى حاجة يعنى دى بتعمل ايه و بوردة ايه بظبط هههههههههههههههههههههه شكلى وحش اوى يعنى

[ahonda55]

الف مبروك بس انا مش عارف اى حاجة يعنى دى بتعمل ايه و بوردة ايه بظبط هههههههههههههههههههههه شكلى وحش اوى يعنى

يا سيدي الفاضل
كلمة دريميل نفسها نسبة الى شركة Dremel و هي اصلها تقريبا في امريكا و المكسيك
الجهاز اسمه Mini Grinder
الماركات اللي في السوق كتيييير طبعا و الاخوه هنا شرحوا الموضوع دا بما فيه الكفايه
الجهاز نفسه عباره عن حاجه شبه الشنيور بتلف بسرعه عاليه جدا و بيتركب لها قرص كدا تقطع بيه اي حاجه ، بورد حديد بلاستيك ملوخيه اي حاجه
و ممكن تركبله بنطه تخرم بيها
اقراص التقطيع اللي بتيجي معاه تعبانه جدا جدا ، فأخوك نفذ فكره كان واحد حاططها على يوتيوب
اننا نعمل اقراص تقطيع من حجر الجلخ بتاع الصاروخ
و اخوك ابو حسني حط صور الاقراص اللي عملناها بنفسنا
و اي سؤال تحت امرك
اتفرج على دا
Using a Dremel Tool : About the Dremel Cutting Tool - YouTube

و دا

Rotary Tool Metal & Plastic Cutting Saw Blade - YouTube

و دا

Dremel 932 - YouTube


و على يوتيوب فيديوهات كتير جدا انت اكتب كلمة Dremel و اتفرج

و كل سنه و انت طيب

[ahmedezz_83]

السلام عليكم ورحمة الله وبركاته
انهارده روحت اشتريت dremel ingco من شارع الجمهوريه
اولا احب اوجه الشكر ل funnymickey
لصبحى باشا اللى دوخته فى شارع الجمهوريه كله عشان اجيبه واسال على باقى الانواع
صبحى من اجدع الشخصيات اللى عرفتها هنا بصراحه نزل وساب شغله ولف معايا على الدريمل مع انه كان مشغول
يسمحلى اقتبس منه كلامه

"بصراحه احنا لفينا علي الميلر كل السوق بيقول الماني مع اننا عارفين انه صيني
ولقيناه غالي ب195
وكان فيه الكراون ب250 بس ده بشنطه وحاجه فخمه كده
وفيه الapt بس شكله تعبان مله
يعني هوا افضل اللي في السوق يااما الكراون يااما الانكو
وحاجته كلها موجوده في الممر ده
بس اهم حاجه نخلي بالنا من الدراعات النيكل اللي بيتحط فيها السلاح عشان دي مش موجوده"
اسيبكوا مع الصور




كويس جدا بصراحه واللى عاجبنى اكتر انه معاه كل حاجته ودا النوع الكبير
خدته بخصم مخصوص من صاحب ابو الجوخ ب 200 جنيه
فى بس حاجه بسيطه مش معاه البنطه ال 1 ميللى او الاقل عشان اخرم البورد النحاس بيه
بس انا فكيتها من الدريل اليدوى بتاعى وركبتها فيه بالظرف كمان والحمد لله ركبت واشتغلت تمام
اول مره احس بسهوله الدنيا توفير وقت ومجهود تخريم البورده دا موضوع مهم جدااااااا ومن اهم المزايا
المشكله اللى واجهتنى فى التقطيع مش عارف اركب انهى صنيه كلهم بيخلصوا بسرعه بيتاكلو يعنى
ومش هنسى اوجه شكرى لصبحى تانى

السلام عليكم
انا المهندس / احمد الجلاد
واشارك معاك الراى فى ان الدرميل ده ممتاااااااااااااااااااااز
وانا اشتريته من شارع الوحدة فى امبابه واشتريت معاه طقم اكسسوار كامل 187 قطعة بسعر 72.5 جنيه والاكسسورات عبارة عن صنفرة وجميع مقسات البنط وفرش تلميع وحجارة جلخ بجميع درجتها وقطع غيار للدرميل لجميع الاستخدامات وتليفون الشركة اللى جبته منها 33124757

[ahmedezz_83]

السلام عليكم ..
سؤال يا جماعة لو حد يقدر يفيدني ... بشكل عام كدة يا تري منتجات INGCO أفضل ولا منتجات الكروان ؟
وهل الapt هو نفسة الكروان ولا دة حاجة ودة حاجة تانية ؟؟؟

السلام عليكم
بعد التجربة اتضح لى ان منتجات انكو هى الافضل لعدة اسباب وهما العمر الافتراضى افضل لمنتجات انكو وسعرها مناسب جدا وقطع الغيار متوفرة بالتوكيل الموجود فى شركة النسر للعدد والالات بشارع الوحدة بامبابه ت: 33127776
اما بالنسبة ل apt فمعلوماتى انها لايوجد لها اصل فى الصين والديل عدم وجود موقع لمنتجات APT على النت اما انكو فلها موقع وهو www.ingcotools.com

[MuhamedNabil]

عملية جدا فعلا و بتنفع فى حجات كتير , انا فاضل شوية و اغسل بيها سنانى : )

انا كنت عايز اشترى باد التلميع الصوف
بيتباعوا لوحدهم

[MuhamedNabil]

السلام عليكم
بعد التجربة اتضح لى ان منتجات انكو هى الافضل لعدة اسباب وهما العمر الافتراضى افضل لمنتجات انكو وسعرها مناسب جدا وقطع الغيار متوفرة بالتوكيل الموجود فى شركة النسر للعدد والالات بشارع الوحدة بامبابه ت: 33127776
اما بالنسبة ل apt فمعلوماتى انها لايوجد لها اصل فى الصين والديل عدم وجود موقع لمنتجات APT على النت اما انكو فلها موقع وهو www.ingcotools.com

عايز اشترى منهم دباسة خشب Ingco او ٍStanley بس مستبعد المشوار اوى لانى فى القاهرة الجديدة, متعرفيش حد يكون موزع ليهم فى مدينة نصر او مصر الجديدة.
انا اتصلت بالرقم بس مفادنيش قوى هى موجودة عندهم بس مقاليش على السعر , قالى على مول فى مصر الجديدة فى عدد بس انا مش لاقى اى معلومات عنه خالص

[khaled_sabry]

بعيدا عن محتوى الموضوع
لكن يظل هذا الموضوع مثال لأخلاق الاستاذ صبحى funnymickey عليه رحمة الله
نسألكم الفاتحه

[ahmedarab]

رحمة الله عليك يا استاذ صبحي .. ربنا يرحمة ويتجاوز عن سيئاتة ... كان مثال للشخص المتعاون الخدوم لوجة الله ... وانا بقول كدة عن تجربة شخصية كمان .... انا اتصدمت لما عرفت .. البقاء لله وحدة

[ahmedarab]

السلام عليكم
بعد التجربة اتضح لى ان منتجات انكو هى الافضل لعدة اسباب وهما العمر الافتراضى افضل لمنتجات انكو وسعرها مناسب جدا وقطع الغيار متوفرة بالتوكيل الموجود فى شركة النسر للعدد والالات بشارع الوحدة بامبابه ت: 33127776
اما بالنسبة ل apt فمعلوماتى انها لايوجد لها اصل فى الصين والديل عدم وجود موقع لمنتجات apt على النت اما انكو فلها موقع وهو www.ingcotools.com

ولو انها متاخرة جدا .. بس الف شكر لحضرتك على اهتمامك وردك