إستفسار عن الباك فاير

[ggaamm]

بسم الله الرحمن الرحيم

السلام عليكم ورحمة الله وبركاته

لو سمحتوا أنا كنت عاوز أشترى باك فاير ومش عارف اجيبه منين
يريت حد يساعدنى .. ولو حد معاه كيت مستعمل وعاوز يبيع يقولى بارضو أنا شارى لو حالته نضيفة


ويريت كمان لو حد يفيدنى فى الماركات والأسعار بالمرة لأنى لقيت أنواع وأشكال كتيييرة ومش عارف ايه الفرق

منتظر ردودكم ويريت أماكن الشراء تكون فى القاهرة

[MohaMed_Refaat]

بيتباع عند بتوع الكماليات فى شارع دمشق او go بس غاااااااااااالى المحل دة وممكن ارابكوم

وفى ناس بتعملة عمولة بيبقى ارخص فى حدود 250 جم

[ggaamm]

أيه ياجماعة محدش يعرف ولا ايه ؟؟

[madaxman]

طيب تعرف حد معين في شارع دمشق يا كبير؟؟؟؟؟؟؟؟
ومين بيعمله عموله ؟؟؟؟

[madaxman]

ولا حياه لمن تنادي

[MohaMed_Refaat]

طيب تعرف حد معين في شارع دمشق يا كبير؟؟؟؟؟؟؟؟
ومين بيعمله عموله ؟؟؟؟

كنت شوفتة مرة فى محل اللى كان عامل عرض فى المنتدى المهم انك لو نزلت حتلاقية عند بتوع الاكسسوار ان شاء الله

بالنسبة للعمولة فدة واحد فى طنطا جمب السجن قبل شركة ايديال كنت مرة بصلح عندة rpm سبور وقاللى انة بيعمل باك فاير عمولة

ولا حياه لمن تنادي

ياباشا لو استخدمت خاصية البحث فى المنتدى حتلاقى اللى انت عايزة فى مواضيع قديمة .

[madaxman]

ياباشا لو استخدمت خاصية البحث فى المنتدى حتلاقى اللى انت عايزة فى مواضيع قديمة .[/QUOTE]


ياباشا دورت قبل كدا وملقتش وبعدين البحث صعب لأن ممكن حد يكون كاتبه باك فاير وممكن back fiRe وممكن وممكن

[misoalex]

العموله ده بتجيب موبينه و بوجيه وبتخرم فى ماسوره الجكمان اللى قبل العلبه الاخيره وتركب البوجيه عن طريق كرسى بوجيه بتباع عادى

وتوصل البوجيه بالموبينه وتوصلهم بالبطاريه عن طريق مفتاح تضغط عليه لما تعوز تطلع الباك فاير

كان فيه موضوع كامل بيتكلم عن الباك فاير هنا قبل كده
وانا كنت حاطط صوره كنت راسمها توضح الكلام ده فى نفس الموضوع

لكن اللى بيتباع جاهز ده كان تمنه فى حدود 400 جنيه

[ggaamm]

شكراً جميعاً ... وشكلها هترسى على العمولة لأنى مش لاقى خااااااااالص !!!! :))))

[golfawyzz]

بلاش باك فاير عموله عشان فاشل
عشان حتى الجاهز المعفن اللى هنا ده فاشل
مفيش احلى من الامريكى واسال مجرب

[misoalex]

بلاش باك فاير عموله عشان فاشل
عشان حتى الجاهز المعفن اللى هنا ده فاشل
مفيش احلى من الامريكى واسال مجرب

كله بتمنه

عاوز تولعها اكتر ادفع اكتر :))))

[ggaamm]

بلاش باك فاير عموله عشان فاشل
عشان حتى الجاهز المعفن اللى هنا ده فاشل
مفيش احلى من الامريكى واسال مجرب

أمممممممممممم
طيب بيفرق فى أيه ؟؟
الأداء ولا العمر ولا ايه ؟؟

أنا شايف أن السعر أهم حاجة فى الموضوع كله
ههههههههههههههههههه

[ggaamm]

كله بتمنه

عاوز تولعها اكتر ادفع اكتر :))))

ههههههههههههههههه
أحتمال بارضو

[golfawyzz]

بصو على عربيتى فى التوقيع
ده الباك فاير امريكى الجنسيه
1200 بلبل

[misoalex]

أمممممممممممم
طيب بيفرق فى أيه ؟؟
الأداء ولا العمر ولا ايه ؟؟

أنا شايف أن السعر أهم حاجة فى الموضوع كله
ههههههههههههههههههه

مش فى العمر بيفرق فى كميه النار اللى بتطلع من الجكمان زى مقال جلفاوى كده شوف الصوره بتاعه عربيته عامله ازاى
وشوف فيه فيديوهات على اليوتيوب حتلاقى فيها النار اقل بكتييييييير