طلب اقتراحات لتظبيط فيات 131

[michohat]

السلام عليكم ورحمه الله وبركاته
عندى عربية فيات 131 موديل 79 ودخلتها الايام دى علشان اجددها فعاوز احافظ على شكلها الاصلى بتاع المصنع و اظبطها دورت على النت على ان الاقى حد ظبط عربية من النوع ده مش لاقى
فمتوقع انى الاقى عند اعضاء المنتدى افكار تساعدنى انى اطلع بنتيجه مرضية
مرفق صور لعربية من نفس الموديل بس مش بتاعتى لان عربيتى دلوقت مفكوكة وعلى الصاج


تم نقل الموضوع... برجاء اختيار القسم الصحيح المناسب للموضوع

http://www.nilemotors.net/Nile/showthread.php?t=21 870

مشرف القسم

[badblood]

جنوط اسبور
تاره اسبور
غمق الزجاج سنة صغيرة بلاش اوي عشان اللجان
فرش جلد وفي الوان كتير زي ما انت عايز

[loai-omar]

شيل الباكيتات ايلي في الجنب كلهم و سقط العربيه و حطلها عتب شاهين حاييجي مقاسها

و طقم جنوط

من جوا ممكن تنفخ الفرش بتاع الابواب و تعملي بيج فاتح و تعمل التابلوه كمان بيج

واحد صاحبي معاه 131 عامل الشغل دا و شكلها جميل

[mohamed hatem]

لجنوط اهم حاجه ... بترسم العربية وحاول تجيب المقاس الاكبر من ال13 .....

[michohat]

شكرا على سرعه التفاعل والرد بس العربية من جوة بحاله المصنع يعنى فرش الكراسى والابواب والسقف كله بتاع المصنع وبنفس اللون وبحاله ممتازة فمستخسر انى اغير فيه
وكمان انا مش عاوز العب فيها فعاوز اخليها على اصلها يعنى كل حاجه فيها هتبقى بتاعه المصنع فبسئل على ايه اللى ممكن اضيفة على العربية من غير ما اغير فيها حاجه من حاجتها الاصلية العربية بحاله ممتازة الحمد لله لان انا تانى مستخدم للعربية
والمستخدم الاول كان رافع العربية من ساعه ما اشتراها بس اللى فيها بارومه من الركنه وشوية تظابيط كده

[michohat]

اسف انى وضعت الموضوع فى القسم الغير مناسب لانى لم اكن اعلم الفرق بين التعديل والاضافات

[bee]

بص يا سيدي
رأيي الشخصي طالما عايز تفضل على وضع العربية

هترش العربية طبعا رشه نظيفة
وزي ما الجماعة قالوا تختار جنط شكله حلو على العربية
وكل اللعب عندك هيكون في زينون وجنط وعلبة شكمان وتهبط العربية شوية وتحط ميستريك وممكن اساعدك في شكله ولونه بعد ما تخلص .. واعتقد اللينسات الي ورا بتاعت الشاهين تركب عندك ..

تحياتي

[hazem_khidr]

اسف للتاخير يا استاذ مجدي:)
ال 131 عامله زي ال 132 ال 2000 بلضبط
يعني علشان تبقي مميزه اعملها زي ما كانت زيرو بلضبط
ركب الجنوط الروحه بتاعها و فرش القطيفه بتاع السوبر و فرش الابواب كمان قطيفه بيج و السقف.
ركب النواكل السودا اللي علي الابواب.
الشبكه هات الاصلي و لو استعمال و اغلي من الجديده.
التابلوه برضه لو تعبان هات تابلوه استعمال ايطالي و بلاش بتاع الشاهين شكله وحش و خاماته تعبانه.
اللي يخلي العربيه تمام و شكلها كويس السمكره
قبل ما ترش العربيه ركب الفوانيس و الاكصدامات و و لازم يركبو صح و يبقو مريحين علي العربيه و مضبوطين و مافيش فيهم اي فروق و مخدمين مع السدر و الرفارف.
فروقات الابواب و لازم تبقي ماشيه مضبوطه و تجيب كاوتش الابواب و تركبه عند السمكري و تخليه يضبط الابواب عليه علشان ما تترشش و يقولك مش حينفع و المره الجايه نعملها.
الفوانيس لو وحشه ارميهم و هات فوانيس جديده حتفرق جامد في الشكل بس مركه محترمه ما لقتش يبقي تنكل اللي قدام عند اي محل اكسسوار و تغير اللي وراه بجوز استعمال.
البوهيجي ياخد باله من السوك(جمع سوكه ) و يظبطهم اوي
بس و ان شاء الله حتلاقي العربيه بقت تحفه
ما تنساش تتابعني باخر الاخبار و لو فيه اي حاجه ما تترددش و اسالني و انا افيدك باذن الله.

[michohat]

افكار جميلة وان شاء الله هشوف هعرف انفذ ايه منها
انا الايام دى لسه عند السمكرى دعواتكم وان شاء الله هقول لكم النتيجه قول بأول
شكر خاص للاستاذ حازم خضر

[MohabSaeed]

السلام عليكم ورحمه الله وبركاته
عندى عربية فيات 131 موديل 79 ودخلتها الايام دى علشان اجددها فعاوز احافظ على شكلها الاصلى بتاع المصنع و اظبطها دورت على النت على ان الاقى حد ظبط عربية من النوع ده مش لاقى
فمتوقع انى الاقى عند اعضاء المنتدى افكار تساعدنى انى اطلع بنتيجه مرضية
مرفق صور لعربية من نفس الموديل بس مش بتاعتى لان عربيتى دلوقت مفكوكة وعلى الصاج

انا كنت حقولك على نصايح ......
لكن رد بشمهندس الفيات حازم قال الى عاوز اقوله و زياده كمان .....كلام مظبوط مليون الميه .

ال131 والفيات القديم عموما جماله انك ترجع العربيه لحاله المصنع .... وبدون ادنى تغير .. لاجنط ولا شكمان ولا تفيم ولا اى حاجه ... لو حابب جانت اكبر واعرض هات جانط ال132 ال 14 بوصه " المروحه " وركب عليه كاوتش 185 .
واحذر انك تجيب شبكه اماميه جديده ..... لانهم كلهم مضروبين " عن تجربه " هات مستعمله ... وحتلاقيها اغلى 3 اضعاف الجديده المضروبه بس بتحطها وتنساها.
الفوانيس الخلفيه اوعى تسترخص وتحطلها باغات مصرى ام 10 جنيه ... كدة بقت ال131 تاكسى .... للاسف مافيش منهم جداد ... هاتهم استيراد ..فعلا زى ما حازم بيقول بتفرق جدا فى شكل العربيه .
الباكيتات الى فى الجنب مهمه جدا ... للاسف مانفيش منها اصلى ... لكن فى نوع مصرى كويس اسمه اوتوبوفايل .
حاجه مهمه ماتنسهاش ... العزل الحرارى .... روح عند واحد سوروجى بس يكون درجه اولى وبيفهم .. وخليه يشيك على العزل الحرارى و اللباد الحرارى الى فى وش الموتور وفوق الفتيس ....... مهم جدا الموضوع ده

وخليك مع نصايح حازم باشا ........ صح مليار % وحتلاقى العربيه بقى شكلها مبهر جدا واحلى 100 مره من لو انك عدلت فى شكلها او غيرت حاجه فيها .

بس خد بالك لان التكاليف مش حتبقى قليله و حتفتح معاك .... بس مش خساره وحتحس انك راضى عن العربيه 100 % .

وربنا يوفق

اسف للتاخير يا استاذ مجدي:)
ال 131 عامله زي ال 132 ال 2000 بلضبط
يعني علشان تبقي مميزه اعملها زي ما كانت زيرو بلضبط
ركب الجنوط الروحه بتاعها و فرش القطيفه بتاع السوبر و فرش الابواب كمان قطيفه بيج و السقف.
ركب النواكل السودا اللي علي الابواب.
الشبكه هات الاصلي و لو استعمال و اغلي من الجديده.
التابلوه برضه لو تعبان هات تابلوه استعمال ايطالي و بلاش بتاع الشاهين شكله وحش و خاماته تعبانه.
اللي يخلي العربيه تمام و شكلها كويس السمكره
قبل ما ترش العربيه ركب الفوانيس و الاكصدامات و و لازم يركبو صح و يبقو مريحين علي العربيه و مضبوطين و مافيش فيهم اي فروق و مخدمين مع السدر و الرفارف.
فروقات الابواب و لازم تبقي ماشيه مضبوطه و تجيب كاوتش الابواب و تركبه عند السمكري و تخليه يضبط الابواب عليه علشان ما تترشش و يقولك مش حينفع و المره الجايه نعملها.
الفوانيس لو وحشه ارميهم و هات فوانيس جديده حتفرق جامد في الشكل بس مركه محترمه ما لقتش يبقي تنكل اللي قدام عند اي محل اكسسوار و تغير اللي وراه بجوز استعمال.
البوهيجي ياخد باله من السوك(جمع سوكه ) و يظبطهم اوي
بس و ان شاء الله حتلاقي العربيه بقت تحفه
ما تنساش تتابعني باخر الاخبار و لو فيه اي حاجه ما تترددش و اسالني و انا افيدك باذن الله.

:) ولا حقدر اقول نص كلمه ..... 100 100

[hazem_khidr]

:) ولا حقدر اقول نص كلمه ..... 100 100

انت بتسمع محمد فؤاد يا باشا و لا ايه
ههههههههههههههههههههههههه.
الباشمهندس مهاب قل اللي فيه الكفايه فعلا
و هو ادري و موضوع العزل فعلا مهم جدا بس سقط مني.
..............
حاجه كمان صحيح
لو الابواب اول مره تتفك بيبقي فيه ضوافر بلاستيك سوده علي نواكل الزجاج
حافظ عليهم و خدهم معاك البيت لانهم لو ضاعو مش حتلاقيهم
و خدهم للسمكري و هو بيقل لانهم لما بيضيعوا بيبقي منظر النيكل مش تمام

[michohat]

السمكرى قالى انه مفيش شغل ناحية التابلوة ولا فى الدواسات فمكنش محتاج يفك التابلوة ولا العازل اللى حوالين الفيتيس والحوض
هيا العتب بيتغير كلو ولا ينفع لو حته من باظت تتغير لان السمكرى غير اللى بايظ بس وقال الباقى سليم ؟

ودعواتكم لانها اهه داخله فى اسبوعها الثانى ولسة عند السمكرى والجدول الزمنى اللى كنت عاملة باظ اعمل اية بقى فى الصنايعية محدش بيصدق فى مواعيد

[hazem_khidr]

هيا العتب بيتغير كلو ولا ينفع لو حته من باظت تتغير لان السمكرى غير اللى بايظ بس وقال الباقى سليم ؟

بيتغير الحته اللي فيها بارومه و بس
مش لازم تغير العتبه كلها
و لو العتب بتاع بلاده و السمكري نضيف و لازم يغير العتبه كلها
بيقطع العته القديمه من عند الشفه و يقطع الجديده كمان و يلحم علشان يحافظ علي بنط الفابريكه.

ودعواتكم لانها اهه داخله فى اسبوعها الثانى ولسة عند السمكرى والجدول الزمنى اللى كنت عاملة باظ اعمل اية بقى فى الصنايعية محدش بيصدق فى مواعيد

ربنا معاك بس ما تتوقعش انها تخلص في اقل من شهر و لا شهر و نص.
انا كنت بشد العربيه في شهرين و السمكري بيشد في شعره مني لان اصغر الاشياء كنت بهتم بيها
و هيا دي اللي تظهر العربيه .:)

[michohat]

فى شوية استفسارات يا شباب
هيا الشبك الامامى والفيبر الاستيراد للفيات ال 131 الاقية فين انا من محافظة الشرقية وعاوز اعرف مكان حاجته مضمونة ومش ضرورى يبقى قريب منى
وعند رش العربية بتاع الدوكو قالى انه مش هينزل الدوكو القديم كلة هينزل المناطق اللى كان فيها شغل عند السمكرى هيصنفر ويمعجن على الدوكو القديم وهيرش كلة فرن فهل ده صح انا متهيأ لما يكون طبقة دوكو قديم فوقها معجون فوقها دوكو جديد كده هتبقى كتير وفيها احتمال انه يطق بعد شوية
فهل ده صح؟

[hazem_khidr]

روح عزبه شلبي في طريق مسطرد.
او وكاله البلح
او بور سعيد
او المنصورخ ممكن كمان تلاقي فيها بس حتبقي اغلي حاجات بسيطه.
..............
قولي للبوهيجي يجيب مزيل و يشيل كل اللي علي جسم العربيه
و لما يتشال حيظهر كمان شويه سمكره تروح تعملهم و ما تكسلش.
البوهيجي عاوز يريح دماغه .