طلب اقتراحات لتظبيط فيات 131

[michohat]

يعنى انهى الافضل انى اشيل الدوكو القديم ولا اسيبة ولو سبتة كده يبقى غلط لانه من الواضح ان التكلفة هتعلى لو شيلتة

[hazem_khidr]

حضرتك مش حتفك كل يوم و باين انك مش عاوز حلول وسط.!
لما تصرف دلوقتي زياده شويه حتفرق معاك بعد كده و العربيه حتعيش اكتير.
............
بالنسبه لسؤالك الافضل طبعا انك تشيل كل الدوكو
لانك لما حتشيل حتشيل المعجون كمان مش الدوكو بس,
و المعجون لما بيبقي كتير بيخلي البويه تطقطق.

[michohat]

دلوقتى الحمد لله خلصت السمكرة و بدأت فى التجهيز للدوكو والرش
السمكرة اللى اتعملت فى العربية كانت فى اعتاب الابواب الاربعه (اترقعوا) و جزء من العتبة ( اتصلحت واترقعت) وتنضيف جسم العربية من البارومة بالاضافة لخبطتين فى الرفرفين اللى قدام و غيرت داير للعجله اللى اللى ورا و الداير التانى اتصلح وكانت البطيخه سليمة ف اتظبطت و كان فى خبطه فى الشنطه من ورا و كان المكان اللى ورا البطيخيتين دايب ف اتشال واتحط بدل منه صاج جديد
ده اتعمل ب 600 جنيه + 50 ثمن الداير فهل كده كويس ولا مغالى فى الثمن

وبالمناسبة لما جيت ابدء فى الدوكو و قولت للبوهيجى انه يشيل الدوكو القديم ويجيب العربية على الصاج قال لى انه ده مش صح لان العربية سليمة ومفيش فيها حاجه ف اصريت عليه انه يشيل القديم ف شال جزء وانا معاه ففوجئت ان الدوكو الاصلى بتاع العربية موجود تحت الطبقة اللى شالها و شاله معاه فاستخسرت انى اكمل واخليه يشيل الدوكو الاصلى بتاعها وخليته يصنفر ويشيل الدوكو والمعجون القديم اللى فوق الدوكو الاصلى و يبدأ يشتغل بعد كده

انا اتفقت معاه انه هيجيب كل حاجه وهيرش وهيدخل الفرن وهيشطب ب 1500 جنيه

فكده كويس ولا !!!!

[hazem_khidr]

الاسعار دي كويسه جدا
السمكره باللي بتقول عليه دا انا لو بعمله عند ناس حبايبي مش حياخدو اقل من 500 ولو واحد غريب 800 !!!!!!!!!
الدوكو برضه سعره كويس و معقول

[michohat]

الحمد لله طمنتنى لان فى ناس زمايلى قالوا لى انى كده مضحوك عليا فى الاسعار وكنت رايح اولع فى الصنايعية

[michohat]

الحمد لله يعتبر خلصت العربية سمكرة ودوكو ودلوقت فى مرحله التفنيش اللى هيا التنظيف والتلميع
بس الشئ الوحيد اللى معكنن عليا ان السمكرى مكنش شغله كويس ومش عمل عتب الابواب كويس هوا منظرة مقبول بس اللى يدقق فيه جامد يلاقى انه مش سوا واحد
ومش اكتشفت ده الا بعد ما خلصت الدوكو

نصيحه لاى حد عاوز يجدد عربيتة انه يفكر مرة والتانية ويخصص ليها الوقت اللى هيا عاوزاة

وان شاء الله اول ما اخلص تظبيط فيها هصورها واوريكم اللى حصل