عمل فرش جلد بالاسكندرية؟

[amber]

حد يعرف مكان مجرب لعمل فرش جلد بمدينة الاسكندرية؟

[elmoski]

مرجان في الازاريطة تاني زقاق بعد المسجد اللي عند البنزينة ونت اكنك رايح علي الشلالات.... ممتاااااااااز و محترم جدا وعملت من سنة كدة عنده السيراتو والناس افتكروه الفرش الاوريجنال .... و اسعاره حلوة

[amrzakii]

عمرو الى فى محطه الرمل المحل متفرع من ش كليه الطب

[SoFiMaN]

و في هاني عتريس اخر ش كوبري الجامعة جنب شمس ستايل بظبط

[amber]

متشكرة جدا يا جماعة انا فعلا شفت مرجان و هو فعلا مريح بس برضه حاسأل على الاثنين التانيين

[SaimOnatoR]

متشكرة جدا يا جماعة انا فعلا شفت مرجان و هو فعلا مريح بس برضه حاسأل على الاثنين التانيين

الأخت الكريمة يا ريت تقوليلنا عملتي إيه و الاختيار رسي على مين لأني بدور على حد كويس و محتاج حد مجرب، شكراً

[DarkMagician]

انا عن نفسي رحت لجينز كار في القاهرة ^^

[ashouhdy]

انا عايز حد يفصل جلد بجد مش مجرد كسوة ويحطها على الكرسى لأن فى تصميم فى دماغى عايز اعملة اللى هو دة



او دة




فى حد يعرف يعمل كدة ولا كلة بيحط الكسوة ويشد عليها ؟

[ashouhdy]

????????????????????????????????

[DarkMagician]

????????????????????????????????

بعتلك رسالة على الخاص

[hany63]

رأي الشخصي الفرش الجلد ما لوش لزمه و اضراره اكتر من مميزاته اللي في رأي انها بتدي شكل حلو لا اكثر ولا اقل انما في المقابل هتضيع احساس النعومه و الانحنئات اللي في الكرسي الاصلي عشان هيبقى فرش فوق فرش بعكس فرش الجلد الاصلي و هتدفع فلوس
وبعدين دلوقت الفرش الاصلي بيقعد بالسنين من غير ما يتبهدل و بينزل منظفات ولما يحصل له حاجه بعد عمر طويل ابقي اكسيه
الموضوع عن تجربه و مقارنه مع نفس عربيتي مع واحد زميلي في الشغل اللي ندم بعد قعد في عربيتي و حس انه ضهره ارتاح بالاصلي اكتر

[DarkMagician]

رأي الشخصي الفرش الجلد ما لوش لزمه و اضراره اكتر من مميزاته اللي في رأي انها بتدي شكل حلو لا اكثر ولا اقل انما في المقابل هتضيع احساس النعومه و الانحنئات اللي في الكرسي الاصلي عشان هيبقى فرش فوق فرش بعكس فرش الجلد الاصلي و هتدفع فلوس
وبعدين دلوقت الفرش الاصلي بيقعد بالسنين من غير ما يتبهدل و بينزل منظفات ولما يحصل له حاجه بعد عمر طويل ابقي اكسيه
الموضوع عن تجربه و مقارنه مع نفس عربيتي مع واحد زميلي في الشغل اللي ندم بعد قعد في عربيتي و حس انه ضهره ارتاح بالاصلي اكتر

بص يا فندم نت كلامك صح في حالتين
1-الكسوة
2- محل فرش تعبان او مش محترف
نيجي بقى لموضوع احساسك بالفرش الاصلي
سماكة الجلد لا تتعدى 1 ملليمتر يعني مش حتاثر ابدا على احساسك بتفاصيل كرسيك القديم

بل بالعكس قوالب الكراسي اللي بتنزل مصر مختلفة عن عربيات بتنزل برة وفي ناس محترفة زي جينز كار بيستخدم تطعيم السفنج عشان يديك قالب محترم زي ما في ناس معاها داستر وعملت فرش جميل جدا غير العربية من الداخل

مرة كنت في الامارات وواحد نعرفو كان معاه تويوتا لاند كروزر حليب اتكب على الفرش راح على طول نضفو بس الفرش من برة زي الفل لكن السفنج شرب الحليب وريحة زي الزفت

دفع في التوكيل 200 درهم عشن ينضفو السفنج

طب لو كان فيه فرش جلد مش كان حيمنع الكلام ده كلو وكان تنضيفو حيحتاج خرقة مبلولة بس

نيجي لنقطة تانية العرق حضرتك اكيد لما ضهرك يعرق لو الفرش قماش حيمتص العرق والسفن طبعا حياخدو وكل حلول التنضيف حتبقى ظاهرية بس

موضوع الراحة ده بصراحة معروف ان الجلد اريح بكتير

[ashouhdy]

انا ان شاء الله يوم الجمعة عند بان اليكس اللى جمب اللؤلؤة :())) ياريت نتقابل

[DarkMagician]

انا ان شاء الله يوم الجمعة عند بان اليكس اللى جمب اللؤلؤة :())) ياريت نتقابل

ابعتلي تليفونك

[hany63]

بص يا فندم نت كلامك صح في حالتين
1-الكسوة
2- محل فرش تعبان او مش محترف
نيجي بقى لموضوع احساسك بالفرش الاصلي
سماكة الجلد لا تتعدى 1 ملليمتر يعني مش حتاثر ابدا على احساسك بتفاصيل كرسيك القديم

بل بالعكس قوالب الكراسي اللي بتنزل مصر مختلفة عن عربيات بتنزل برة وفي ناس محترفة زي جينز كار بيستخدم تطعيم السفنج عشان يديك قالب محترم زي ما في ناس معاها داستر وعملت فرش جميل جدا غير العربية من الداخل

مرة كنت في الامارات وواحد نعرفو كان معاه تويوتا لاند كروزر حليب اتكب على الفرش راح على طول نضفو بس الفرش من برة زي الفل لكن السفنج شرب الحليب وريحة زي الزفت

دفع في التوكيل 200 درهم عشن ينضفو السفنج

طب لو كان فيه فرش جلد مش كان حيمنع الكلام ده كلو وكان تنضيفو حيحتاج خرقة مبلولة بس

نيجي لنقطة تانية العرق حضرتك اكيد لما ضهرك يعرق لو الفرش قماش حيمتص العرق والسفن طبعا حياخدو وكل حلول التنضيف حتبقى ظاهرية بس

موضوع الراحة ده بصراحة معروف ان الجلد اريح بكتير

انا معاك ان الجلد اريح بس يا سلام لو جلد طبيعي عشان طري مش الصناعي بس تعمل حسابك في اقله 6000 جنيه و حضرتك اكيد عارف الفرق
معاك طبعا ان نضافة الجلد اسهل بكتير و بيحتفظ بشكله و فعلا اللي عنده اطفال بيضطر يركب فرش
نيجي لنقطة الخلاف المثل اللي اديته لصاحبي عمل الفرش عند احسن واحد في مصر و كلكم عارفينه و اختار خامه غاليه و فعلا كشغل و شكل و تفنيش 10 على 10 المشكله ان الكرسي بقى ناشف و الجزء اللي بيسند فقرات القطنيه اللي جوه الكرسي اختفى و القعده مابقتش مريحه
الخلاصه ان فيه عربيات كراسيها ممكن تتعمل و تبقى كويسه و احسن من الاول (لانها ناشفه اصلا ) انما ممكن النتيجه تطلع زي ما قلت مع عربيات تانيه
فياريت اللي مستريح في العربيه يفكر الاول و الف مبروك مقدما و في النهايه دي وجهات نظر و كلنا بنستفيد من بعض