عمل فرش جلد بالاسكندرية؟

[DarkMagician]

انا معاك ان الجلد اريح بس يا سلام لو جلد طبيعي عشان طري مش الصناعي بس تعمل حسابك في اقله 6000 جنيه و حضرتك اكيد عارف الفرق
معاك طبعا ان نضافة الجلد اسهل بكتير و بيحتفظ بشكله و فعلا اللي عنده اطفال بيضطر يركب فرش
نيجي لنقطة الخلاف المثل اللي اديته لصاحبي عمل الفرش عند احسن واحد في مصر و كلكم عارفينه و اختار خامه غاليه و فعلا كشغل و شكل و تفنيش 10 على 10 المشكله ان الكرسي بقى ناشف و الجزء اللي بيسند فقرات القطنيه اللي جوه الكرسي اختفى و القعده مابقتش مريحه
الخلاصه ان فيه عربيات كراسيها ممكن تتعمل و تبقى كويسه و احسن من الاول (لانها ناشفه اصلا ) انما ممكن النتيجه تطلع زي ما قلت مع عربيات تانيه
فياريت اللي مستريح في العربيه يفكر الاول و الف مبروك مقدما و في النهايه دي وجهات نظر و كلنا بنستفيد من بعض

طب حديك قنبلتين

الاولى شفت عربية q7 بيعمل فرش على فرش الجلد الاصلي بتاعو

الثانية لو جيت في مقارنة الجلد الصناعي يكسب حقولك ليه

اولا الجلد الطبيعي معناه ايه انو يكون طبيعي

طب يكون طبيعي ازاي ميكونش عليه اي اضافات

طب لو ده حصل بالفعل ساعتها مش حينفع يتحط للعربية لانو حيبقى مساميتو عالية جدا

وده غير الريحة

حضرتك عارف الجلد اللي كانو اهالينا زمان بيحطوه كده زي دواسة المفروض ده اسمو جلد طبيعي

طب الجلد الطبيعي بتاع العربية اي حكايتو ده بيتعملو معالجة عشان ملمسمو وطبعا غير الدهانات اللي بياخدها تقريبا بيفقد 70 % من طبيعتو وخواصو

ده غير انو معرض للبهدلة و حضرتك بتشوف كسرات كده بتطلع في الجلد الطبيعي بعد فترة وتقشير ده غير امتصاصو العالي للحراة واللساعان اللي بيحصل

الجلد الصناعي بيستحمل اقصى درجات البهدلة و في منو مبيمتصش اشعة الشمس يبقى سخن بس ميلسعكش

بص انا بجد مش بدافع عن حاجة وخلاص

انا بحب امشي على منهج رسولنا الكريم عليه الصلاة والسلام

"احب لاخيك المسلم ما تحبه لنفسك "

[hany63]

اولا انا مش بهاجم الفرش الجلد عموما بالعكس انا قلت ان شكله احسن بس فيه نقطتين

1-تفتكر لما تجيب عربيه هايلاين بفرش جلد طبيعي مش بنسبة 100% المتقفل بره هل تطلع نفس النتيجه في حالة التركيب عند جينز كار على عربيه بيزلاين بنفس الجوده و احساس الكرسي؟

لاحظ ان تمن الاصلي 6 اضعاف المصري على الاقل من حيث الشكل هيطلع كويس بس مش هو من حيث المضمون ده موضوعنا

2-المثل اللي قلته ده مش كلامي ده كلام زميلي في الشغل اللي عمل الفرش و ندم و على فكره فيه زميل من قسم هوندا (hythamkamal) قال نفس الكلام برضه وبرضه قلت لحضرتك ان وارد الاحساس ما يتغيرش لو كان الكرسي طبيعته ناشفه

و مصدق حضرتك طبعا ان فيه ناس معاها عربيات فخمه بتعمل فرش بس اعتقد ان ده ثقافة شعب بحكم التراب و الرطوبه و طبعا زمان كان الواحد كان يستلم العربيه يجري على باب اللوق و يشتري فرش في نفس اليوم او يطلع بورسعيد ويركبه عليها عشان الجمرك

ارجو متكونش متضايق و فرصه كويسه لمعرفتك

[DarkMagician]

اولا انا مش بهاجم الفرش الجلد عموما بالعكس انا قلت ان شكله احسن بس فيه نقطتين
انا عارف انك مش بتهاجم الفرش الجلد انت غرضك انك تنتقدو اذا ضيع حلاوة الفرش الفبريكا
بس بدون ذكر اسماء لو انت عملت فرش وبطانة عند واحد كويس ممكن يريحك اكتر من الفبيركة

1-تفتكر لما تجيب عربيه هايلاين بفرش جلد طبيعي مش بنسبة 100% المتقفل بره هل تطلع نفس النتيجه في حالة التركيب عند جينز كار على عربيه بيزلاين بنفس الجوده و احساس الكرسي؟
بص احنا نتكلمو عموما عشان محدش يفتتكر اني بدافع عن جينز كار
اذا انت ركبت فرش جلد ممتاز ومتفصل صح عند اي حد محترف لان في قصات للكرسي عاوزة حرفنة ممكن يكون احلى من جلد الفبريكة اللي بيغليها 10000 بس مش احلى كخامة او راحة بس على الاقل لو هو راحتو اقل بس انت تبقى مش ناعي هم زراير البنطلونات الجينز اللي بتقشر الجلد مثلا

لاحظ ان تمن الاصلي 6 اضعاف المصري على الاقل من حيث الشكل هيطلع كويس بس مش هو من حيث المضمون ده موضوعنا
جاوبت عليها

2-المثل اللي قلته ده مش كلامي ده كلام زميلي في الشغل اللي عمل الفرش و ندم و على فكره فيه زميل من قسم هوندا (hythamkamal) قال نفس الكلام برضه وبرضه قلت لحضرتك ان وارد الاحساس ما يتغيرش لو كان الكرسي طبيعته ناشفه
اكيد زميلك مخدمش الكرسي بمعنى في خامات كتير جدا في ناس بتبص للشكل والسعر وفي ناس بتبص للشكل وتخلي السعر اخر حاجة فهو احتمال يكون يا اما اختار خامة مش حلوة
يا اما راح لمحل مش محترف
يا اما الكرسي كان محتاج تبطين

و مصدق حضرتك طبعا ان فيه ناس معاها عربيات فخمه بتعمل فرش بس اعتقد ان ده ثقافة شعب بحكم التراب و الرطوبه و طبعا زمان كان الواحد كان يستلم العربيه يجري على باب اللوق و يشتري فرش في نفس اليوم او يطلع بورسعيد ويركبه عليها عشان الجمرك
يا باشا مش ثقافة شعب في ناس خلايجة بتيجي هنا وتركب فرش ااه والله الناس حكيتلي على fj cruiser بس مش فاكر عند مين

ارجو متكونش متضايق و فرصه كويسه لمعرفتك

يا استاذ هاني انت اسلوبك محترم جدا ازاي حضايق انت بتنتقد بناء على خبرة وانا برد عليك بناء على تجربة
وكل وجهة نظر تحترم يا فندم

[hany63]

احنا على فكره احنا تقريبا مش مختلفين و في النهايه هقول على 3 عربيات اتعملوا عند نفس السروجي المعروف لينا كلنا

1-عربيه باسات 2010 طلعت النتيجه هايله وده عشان كرسيها ناشف نسبيا و تقدر تظبط دعامه القطنيه من الكرسي و تقدر تنشف الكرسي او تطريه

2- عربيتين هوندا سيفيك 2008 طلعت نتيجتهم مش ظريفه وده عشان الكرسي ناعم جدا و مفيهوش خاصيه الباسات فخواصه اتغيرت

ومتشكر لحضرتك لسعة صدرك وذوقك العالي

[DarkMagician]

احنا على فكره احنا تقريبا مش مختلفين و في النهايه هقول على 3 عربيات اتعملوا عند نفس السروجي المعروف لينا كلنا

1-عربيه باسات 2010 طلعت النتيجه هايله وده عشان كرسيها ناشف نسبيا و تقدر تظبط دعامه القطنيه من الكرسي و تقدر تنشف الكرسي او تطريه

2- عربيتين هوندا سيفيك 2008 طلعت نتيجتهم مش ظريفه وده عشان الكرسي ناعم جدا و مفيهوش خاصيه الباسات فخواصه اتغيرت

ومتشكر لحضرتك لسعة صدرك وذوقك العالي

يا فندم انت كده افدتني وافدت الناس هنا

ودي معلومة كويسة الصراحة ان اللي عندو سيفيك ينتبه من نحية نعومة الفرش

شفت النقاش مفيد ازاي :)

[Neo206]

و الله جزاكم الله جميعا خير
على المناقشة المثمرة