هل يمكن رش parking sensor

[lancer07]

انا بقالى يومين بدور على سينسور يكون له لون غير الاسود ومش لاقى لغاية دلوقتى واخر ما توصلتله انه ممكن يترش عادى ويشتغل مع انى شفت قبل كده فى المنتدى انه المفروض ميتشرشش .. دلوقتى مش عارف

هل رش السينسور ( او بيتعمل بقلم زى ما قالولى ) هيأثر على وظيفته ؟

على فكره هما قصدهم رش العدسه بالكامل مش الجوان بتاعها بس

[HeMa_LanCeR]

لا طبعا ما يترشش وبعدين انا مش شايف فيه اي مشكله مالو وهو اسود يعني

[lancer07]

المشكله ان محلين اكسسوارات قالولى "نرشهولك عادى وكل يوم بنرشه مش اول مره ياعنى"

هل لو رشيته مش هيشتغل خالص ؟

[HeMa_LanCeR]

بصراحه معرفش بس مدام الراجل اللي هيركبه هيرشو خلاص خليه وهو المسؤول وممكن اعرف حضرتك محتاج ترشه ليه ؟

[Mzeid]

أنا على ما أعتقد أنه ممكن يترش بدايا أن العربيات اللي نازلة بالسينسور بيبقى بنفس لونها ..
:):)

[theking2690]

بص انا معرفش هو المفروض يترش و لا لأ بس هقولك على تجربه شخصيه لسه حصللنا اول ما رشينا الباركينج سينور خرف فأتأكد ان النوع اللى انت جايبه بيقبل يترش لأن جايز الموضوع بيختلف من ماركه لماركه

[eng_mkhalaf]

يا سلام لو يبفع يترش علشان أنا عربيتى حمرا وهما سود وشكلهم مش عجابنى يا ريت لو حد يعرف يقولنا

[Funky]

ينفع ياباشا يترشو
بس متخلهوش يتقل الرش
عن تجربه

[Hossam_Hassan]

محل اكس موتورز فى ميدان النافورة بالمقطم عنده سينسور ألوان، على الأقل شفت عنده 7 - 8 الوان مختلفة

[Karim_Monir]

في الغالب بينفع يترش
انا جبت واحد اسود وانا عربيتي فضي
وانا بركبة اكتشفت انه مرشوش اسود
ولونة الاصلي فضي
قطنة بتنر خفيف ومسحتة ورجعتة لونة
تقدر ترش بس من علي مسافة 30 سم
باي علبة دوكو خفيفة
ويا دوب تعفرة
مش تغرقة ويرجع ما يشتغلش وتقول كريم منير قاللي

[lancer07]

هوا اولا انا عايز ارشه عشان العربيه فضى وهوا اسود شكلا مش حلو
ثانيا انا مش لاقى الوان جاهز لانى من المنصوره وحتى لما رحت التوفيقيه ملقتش الوان ومحدش معترف ان فيه الوان فى المنصوره اساسا لانه على كلامهم بترش
انا مش عارف دلوقتى ارش والا مرشش !!!!!!!!!!!

[Amr_Moh]

aiwa bitreash 7`afeef b3elbet doko mad3`oot

[eng_mkhalaf]

طب ينفع قلم ماركر ولا الرش احسن

[lancer07]

الكلام يا جماعه دلوقتى لما رحت للراجل تانى اللى شغال عنده قالى هلونلك الجوان بتاع العدسه بس انما مش هرشلك العدسه نفسها طبعا , والراجل صاحب المحل نفسه قاللى اشرشلك العدسه كلها عادى

محدش يعرف محل فى المنصوره يكون عنده الالوان ومدخلش فى موضوع الرش دا خالص

[eng_mkhalaf]

يعنى بكدة توهنا
أنا هجازف بواحد من الأربعة وهلونة - باظ يبقى عليوة العوض والتلاتة الباقين رضا والحمد لله - نفعت يبقى هية هية هية هية هية هية هية هية وهلون الباقى عالطول