هل يمكن رش parking sensor

[lancer07]

طب ما جايز بعد الرش تشتغل بس مش بكفائتها الاولانيه


عموما احنا مستنيين النتيجه يا باشا والف شكر على التضحيه دى فى سبيل دعم مشروع سينسور للجميع :) , انا كنت بفكر نعمل موضوع كل واحد يحط فيه صوره للسينسور اللى مركبه وعيوبه ومميزاته وسعره عشان نتفق على احسن الانواع بدل ما كل محل بيبيع حاجه مختلفه باسعار ملهاش اى علاقه ببعضها

[muslem]

اظن بلاش رش للسينسور لانه حيشوف ازى كويس لما ترشه؟؟ ده عامل زي العين لما تغطيها حتشوف ازاى او تغطى جزء منها
او ممكن ترشه رش خفيف غلس معاك تشيل الرش بتنر بس متكنش العدسة بلاستيك والا التنر حيخربها طبعا

[lancer07]

مش عارف والله بس اكيد العدسه بلاستيك دا صينى عموما احنا مستنيين eng_mkhalaf يجبلنا النتائج

[eng_mkhalaf]

بصوا يا جماعة أنا أمبارح قولت أنزل إبص علية وأشوف إية نظامة - لقيت أن السنسور يتكون من ثلاث أجزاء 1- العدسة لونها أسود 2- حلقة بلاستيك بيضاء 3-الأطار الخارجى ولونة أسود -
فمبدئيا قلت إلون الأطار والحلقة البلاستيك وتمت المحاولة بقلم ماركر بص بتاع whiteboard يعنى مش permanent وكانت انتائج هايلة والأداء جربتة وزى الفل مفيشى أختلاف - أنا قلت كويس قوووى لأن بكدة العدسة بس هيا إللى سودا وحجمها صغير - فقلت يلا أجمد قلبى وأخوش على التقيل (العدسة) ولسو هلون لقيت الحكومة بتكلمنى وبتقولى عايزة بامبرز ولبن وإلخ إلخ ......... إلى اخرة - من الأخر حجة علشان أطلع أقعد معاهم :) - وبالتالى قلت يلا يا واد كفاية كدة النهاردة وأكما بكرة فى الخباثة وكانى لسة مجيتش من الشغل - تقولوا إية رجالة أخر زمن :) - وجارى التجربة أن شاء الله النهاردة

[lancer07]

ياراجل انا اتخضيت لما لقيتك بتقول بصو يا جماعه

طيب هوا انا طبعا لسه مشترتش فا معرفش العدسه دى قد ايه من حجم الدايره كلها لو حته بسيطه خلاص مش مشكله بس انا بيتهيالى انها كل الحته السوده فيما عدا داير بسيط حواليها نقول مثلا 20% من حجمها او ممكن 10 % كمان

عموما يا استاذ محمد ( مش عارف الاسم كده صح والا لا ) :)احنا منتظرين بقيت التجربه ويا سلام لو معاها صوره للوضع الحالى بعد ما سبت العدسه بس عشان اشوف حجم العدسه دى ايه

بس خد بالك متحاولش تتأخر بعد الشغل بكره هتبقى مفقوسه لان بكره الجمعه

[abuanas]

انا ركبت سينسور في التوكيل وما كانش لون العربية
قاموا رشوه بلون العربيه وشغال تمام التمام بدون مشاكل
لو كان الرش غلط ما كنش التوكيل رشه لانه معاه ضمان 3 سنن

[lancer07]

اترش دوكو عادى زى ما بتترش العربيه ؟؟؟

[lancer07]

eng_mkhalaf


هما معدوش اشتغلو والا ايه ؟

[hano_elmorsy]

بيتهيألى ان المشكله لو احنا رشينا الدايره اللى بتشوف اما جوه والجوان الخارجى عادى يعنى

[hano_elmorsy]

بيتهيألى يترش عادى بس مانجيش ناحية العدسه ممكن نغطيها بفازلين مثلا او اى حاجه لغاية مانرش وبعد ما ينشف الدوكو نغسلها بميه سخنه هايسيح الفازلين وتبقى زى الفل إن شاء الله وانا ناوى اعمل كدا