استفسار بخصوص منفاخ الكاوتش فى الحالات الطارئة

[ali ashraf]

السلام عليكم انا عندى مشكلة كبيرة تغير اطارات السيارة بقى صعب جدا على بعد اصابتى بدسك في ظهرى ( عافكم الله جمعيا) و لكن اصبح تغير العجل مشكلة شاقة جدا طبعا اهم حاجة بحاول اخلى الاطارات جديدة ولكن العملية دى مكلفة جدا لان كل تغير اطارين بحوالى 1400 جنيه , زميل اشار على بشراء جهاز ينفخ الاطارات على ولاعة السيارة لحين الوصول لورشة كاوتش سيارات, هل هذا الحل عملى ؟ و من اين يشترى ؟ و اى نوع وشكرا

يجب ان يكون العنوان بيوضح محتوى الموضوع
تم تغيير العنوان وفقا لقواعد المنتدى
وسيتم النقل الى قسم الكماليات
مشرف ب 5

[mr_vampire]

اولا ربنا يشفيك ويعفو عنك.

فعل موضوع الكومبريسور ده افضل واسرع الحلول . حتي ناس بتعمله وتقدر تغير العجل بس الكسل فالحر وعدم الوقوف كتير عالطريق.

للاسف مش هقدر اقول انواع واسعار لاني مجربتش. بس متابع لاني بفكر فيه برده.

[khaled_yehya]

متابع

[amr011111]

ربنا يشفيك
وفعلاً الكمبريسور عملى جداً
بس لازم يكون العجل تيوبليس
بحيث تنفخه وتمشى بيه مشوارك عادى لحد ما توصل لبتاع الكاوتش اللى بتتعامل معاه كمان
بس هات نوع مش اقل من 150 جنيه بحيث يبقى كفائته كويسه وينفخ ليك العجل فى وقت معقول

[amirz]

اهم حاجة متجبش الصينى الرخيص قوي ده عشان مالوش اي لازمة

[م/ سامح]

فيه منفاخ عجل بيتوصل علي البطارية اعتقد انه افضل

[mr.a]

السلام عليكم انا عندى مشكلة كبيرة تغير اطارات السيارة بقى صعب جدا على بعد اصابتى بدسك في ظهرى ( عافكم الله جمعيا) و لكن اصبح تغير العجل مشكلة شاقة جدا طبعا اهم حاجة بحاول اخلى الاطارات جديدة ولكن العملية دى مكلفة جدا لان كل تغير اطارين بحوالى 1400 جنيه , زميل اشار على بشراء جهاز ينفخ الاطارات على ولاعة السيارة لحين الوصول لورشة كاوتش سيارات, هل هذا الحل عملى ؟ و من اين يشترى ؟ و اى نوع وشكرا

شفاكم الله
متابع معاك انا عايز حل بردو
في حلين
بتحط ماده في البلف وتنفخ ولما تروح لبتاع الكاوتش تخليه يفضيه من الماده ويلحم
او حاجة اسمها تسليح الكاوتش
شوف ده

http://www.nilemotors.net/Nile/302997-a.html

[mhopa2440]

هتلاقي جهاز نفخ العجل دا في كارفور موجود هناك اكتر من موديل وماركة

اشتري حاجة نظيفة وبلاش الرخيص قوي وربنا يشفيك ويعافيك

[عبدالله برعى]

يوجد نوع كومبريسور كويس ب 120 جنيه
0-100psi

عند قدرى التوفيقية وقولو من طرف م \ عبدالله بتاع اسوان
01223424318
-ويوجد ايضا مسند نفخ يحتوى على كومبريسور هواء يركب على مسند ظهر عربية او كرسى عادى فى البيت بس دا مش عند قدرى

[shiko85]

وعليكم السلام ورحمة الله وبركاته
اولا شفاك الله
ثانيا موضوع الكمبريسور كويس جدا و فيه منه انواع كتير اشهرهم الجمل
بس لو الكاوتش مخروم الكمبريسور بدون اى لازمه

[devil_storm]

ايوه يا باشا الكمبرسور عملي و حيحل المشكله حتي لو كان الكوتش في خرم متوسط ذي مسمار مثلا ... الكمبرسور حينفخ العجل لحد ما تروح لاقرب محل كوتش ... اهم حاجه تجيب نوع كويس و psi قوي ... الانواع الكويسه حتلاقيه في حدود ٢٠٠ جنيه فما فوق و بتنفخ الكوتش في ٢ - ٣ دقايق