شماسة الزجاج ألامامي

[omda hassnin]

السلام عليكم
كنت عايز أسألكم على الشماسه اللى بتركب على الزجاج ألامامي للعربيه
طبعاً لما بنركن العربيه طول اليوم فى الشمس العربيه والتابلوه والكراسي
بيبقو مولعين ناااااااار وجربت الشماسه اللى هي قماش وفيها أطار معدنى لكن مش بتثبت كويس وبردو جربت اللى هى فيها زى ورق ألالومنيوم لكن طلعت خامه وحشه أووووى !!

قولولى بقى أيه تجربتكم مع شماسات كويسه وعمليه وبتغطى الزجاج تمام وماتنسوش منين وبكام تقريباً

[abokoko]

عن نفسي انصح باللى قماش وفيها اطار معدنى
وغالبا بتكون لونين - رمادى / اسود
خلى الرمادى من الخارج

واتغلبت على مشكله عدم الثبات بمشابك الغسيل
بتكلم جد
بمشابك الغسيل
وكمان ممكن لو الشمس بالجنب
استخدم زجاج العربيه العربيه للتثبيت يعنى نزل الزجاج وامسك طرف الشماسه وخلى بالك وارفع الزجاج على الطرف

[omda hassnin]

كانت عندى وللاسف مش مقتنع بيها وحاسس أن فى أفضل منها
لكن لازم يكون فى حد جرب أو على ألاقل شاف
** مش فاهم موضوع مشابك الغسيل ياباشا هههه

[khaled_yassin]

لو لقيت الشماسه بتاعه نايل موزتورز لسه متوفره اشتريها كانت كويسه جدا جدا
اشترى دماغك وهات الشماسه الى فيها ورق المانيوم بس استنضف
انا اشتريت 2 واحده ب15 جنيه والتانيه ب30 جنيه من بنزينه وطنيه
لفرق فى الخامه شويه والرسومات

[abokoko]

كانت عندى وللاسف مش مقتنع بيها وحاسس أن فى أفضل منها
لكن لازم يكون فى حد جرب أو على ألاقل شاف
** مش فاهم موضوع مشابك الغسيل ياباشا هههه

طرف الشماسه وبشبكه بمشبك الغسيل فى عاكس الشمس اللى فى اعلى سقف العربيه وبالمثل فى الناحيه الاخرى وممكن فى المنتصف فى مرايه النصف
وبكده تبقي قماشة الشماسه متعلقه بالمشابك من اعلى

[omda hassnin]

لو لقيت الشماسه بتاعه نايل موزتورز لسه متوفره اشتريها كانت كويسه جدا جدا
اشترى دماغك وهات الشماسه الى فيها ورق المانيوم بس استنضف
انا اشتريت 2 واحده ب15 جنيه والتانيه ب30 جنيه من بنزينه وطنيه
لفرق فى الخامه شويه والرسومات

أنا فعلا جبتها من وطنيه اللى هى بـ 15 ج لكن مش حلوة وخامتها تعبانه أوى
وعندى الشماسه اللى زى بتاعت المنتدى من صيدلية رشدى ومن إيجيبت كوفر
وكلهم للاسف مش قافليين على ألازاز تماماً وبيدخلو شمس

[omda hassnin]

طرف الشماسه وبشبكه بمشبك الغسيل فى عاكس الشمس اللى فى اعلى سقف العربيه وبالمثل فى الناحيه الاخرى وممكن فى المنتصف فى مرايه النصف
وبكده تبقي قماشة الشماسه متعلقه بالمشابك من اعلى

أهااااااا فكرة بردو لكن اللى فوق دا مافيهوش مشكله المشكله فى الجناب وناحية التابلوه

[Land_Cruiser]

الشماسه النضاره دي كويسه و ممكن فعلا تعلقها في عاكس الشمس و من تحت ممكن تحط علبه مناديل كارتون فوق التابلوه و تعدي الشماسه من ورآها و لو نوع الشماسه مش كويس ممكن تحط اتنين فوق بعض. بالنسبه للزجاج الجانبي ده ليه شماسات فيميه بتتلزق علي الزجاج بضغط الهوا

[omda hassnin]

الشماسه النضاره دي كويسه و ممكن فعلا تعلقها في عاكس الشمس و من تحت ممكن تحط علبه مناديل كارتون فوق التابلوه و تعدي الشماسه من ورآها و لو نوع الشماسه مش كويس ممكن تحط اتنين فوق بعض. بالنسبه للزجاج الجانبي ده ليه شماسات فيميه بتتلزق علي الزجاج بضغط الهوا

تمام حضرتك بس فى حاجات تانى روووول بيتفرد من أقصى اليمين لاقصى الشمال
وفى حاجة كمان كده أوكرديون بيتشد من اليمين والشمال ويتلزقو فى النص
فى حاجات كتير بس أنا بدور على التجربه

[almohaor]

انا جربت الشماسة الرول ولكن لم تكمل شهر والورق بتاع الرول نشف من الشمس وتكسر
وجربت الشماسة الالمنيوم كةيسة بس بعد فترة برضه حرارة الشمس اكلت المنظر
وبقى يفرول ويوسخ العربية عند التركيب والفك
انا شايف افضل حل هو الشماسة القماش ام اطار سلك وزى ماقال الاخ الفاضل
انه بيثبتهم من اعلى بمشابك فى الشماسات اللى اعلى البربريز
او ممكن تقلب هذه الشماسات لاسفل بعد وضع الشماسة القماش لتثبيتها بدل المشابك
بس موش عارف هى بتتباع جاهزة والا بتتفصل

[windofchange]

الشماسة الاكورديون ممتازة وعن تجربة 4 سنوات بس الرك علي التركيب الصح لان لو ركبت غلط هتحس انها مش مناسبة وهي ب85 جنيه...الافضل تركبها بنفسك (تعليمات تركيبها بتيجي معاها) وهي صناعة تيواني وابعد عن صنايعية الاكسسوار

[Land_Cruiser]

تمام حضرتك بس فى حاجات تانى روووول بيتفرد من أقصى اليمين لاقصى الشمال
وفى حاجة كمان كده أوكرديون بيتشد من اليمين والشمال ويتلزقو فى النص
فى حاجات كتير بس أنا بدور على التجربه

اعتقد اننا لنتكلم في حاجتين مختلفتين . اللي باتكلم عليها دي يا فندم للزجاج الجانبي و هي مكونه من ورق فيميه بس ليها إطار و بتتلزق و تتشال بسهوله بتفريغ الهواء و نظرا لانها خفيفه الوزن وحجمها مش كبير و ليها إطار فيبقي سهل انها تتشال و تتحط. الرول اللي بحجم الزجاج ده وزنه اكبر وبيغطي مساحه اكبر و ملوش إطار و بالتالي فرصه انه ما يلزقش كويس اكبر و كمان فكه من علي الزجاج لو بعد لازق فتره بيبقي صعب و ممكن يسيب اثر. هي موجوده عند سبير كار ب ٢٠ جنيه علي ما اتذكر. الميزه فيها ان وزنها خفيف قوي و حتي لو ملزقتهاش و حطتها جنب الزجاج بتعمل مفعول

[h_askalany]

أحسن شماسة هى اللى فيها ألومنيوم بتتباع فى التوفيقية و فيها مقاسات كبيرة بتغطى الزجاج كله و مش بتدخل شمس خالص تقريبآ فى حدود 15 جنيه

[ضى القمر]

الشماسه اللى الومنيوم اللى هيه اتنثين عين كويسه

[Mido Casper]

الشماسات العاديه