شماسة الزجاج ألامامي

[omda hassnin]

انا جربت الشماسة الرول ولكن لم تكمل شهر والورق بتاع الرول نشف من الشمس وتكسر
وجربت الشماسة الالمنيوم كةيسة بس بعد فترة برضه حرارة الشمس اكلت المنظر
وبقى يفرول ويوسخ العربية عند التركيب والفك
فعلا دا اللى حصل معايا بالظبط
انا شايف افضل حل هو الشماسة القماش ام اطار سلك وزى ماقال الاخ الفاضل
انه بيثبتهم من اعلى بمشابك فى الشماسات اللى اعلى البربريز
او ممكن تقلب هذه الشماسات لاسفل بعد وضع الشماسة القماش لتثبيتها بدل المشابك
بس موش عارف هى بتتباع جاهزة والا بتتفصل

أه بتتباع وألاكتر منها بيكون دعايه لشركات وخدمات

[omda hassnin]

اعتقد اننا لنتكلم في حاجتين مختلفتين . اللي باتكلم عليها دي يا فندم للزجاج الجانبي و هي مكونه من ورق فيميه بس ليها إطار و بتتلزق و تتشال بسهوله بتفريغ الهواء و نظرا لانها خفيفه الوزن وحجمها مش كبير و ليها إطار فيبقي سهل انها تتشال و تتحط. الرول اللي بحجم الزجاج ده وزنه اكبر وبيغطي مساحه اكبر و ملوش إطار و بالتالي فرصه انه ما يلزقش كويس اكبر و كمان فكه من علي الزجاج لو بعد لازق فتره بيبقي صعب و ممكن يسيب اثر. هي موجوده عند سبير كار ب ٢٠ جنيه علي ما اتذكر. الميزه فيها ان وزنها خفيف قوي و حتي لو ملزقتهاش و حطتها جنب الزجاج بتعمل مفعول

أه فهمت حضرتك والله بس أنا قولت أوضح لك أنى بتكلم على الزجاج ألامامى مش الجانبى

[omda hassnin]

الشماسة الاكورديون ممتازة وعن تجربة 4 سنوات بس الرك علي التركيب الصح لان لو ركبت غلط هتحس انها مش مناسبة وهي ب85 جنيه...الافضل تركبها بنفسك (تعليمات تركيبها بتيجي معاها) وهي صناعة تيواني وابعد عن صنايعية الاكسسوار

تماااااااااااام بتتجاب منين يافندم
أو حضرتك جبتها منين ؟؟

[omda hassnin]

أحسن شماسة هى اللى فيها ألومنيوم بتتباع فى التوفيقية و فيها مقاسات كبيرة بتغطى الزجاج كله و مش بتدخل شمس خالص تقريبآ فى حدود 15 جنيه

للاسف بتفرول وبتوسخ التابلوه وبيطير على ملابسنا حاجة كده سيئه جداً

[windofchange]

تماااااااااااام بتتجاب منين يافندم
أو حضرتك جبتها منين ؟؟

من ش دمشق مصرالجديدة واكيد هتلاقيها في التوفيقية وده شكلها وفي منها لونين ارزق فاتح وفضي طبعا الفضي افضل لعكس حرارة الشمس



وبرضه بحذر من صنايعية الاكسسوار اللي بيركبوا لانهم بيشتغلوا بالفهلوة يقلك افكلك فبرة القايم (هتبوظ من الفك والتركيب) علشان امشي سلك الشماسة من تحتها عينك عليه ومتسيبش العربية هو تعامله بيكون مع الزجاج الامامي فقط..والافضل تركبها بنفسك هي مش قصة

[omda hassnin]

من ش دمشق مصرالجديدة واكيد هتلاقيها في التوفيقية وده شكلها وفي منها لونين ارزق فاتح وفضي طبعا الفضي افضل لعكس حرارة الشمس



وبرضه بحذر من صنايعية الاكسسوار اللي بيركبوا لانهم بيشتغلوا بالفهلوة يقلك افكلك فبرة القايم (هتبوظ من الفك والتركيب) علشان امشي سلك الشماسة من تحتها عينك عليه ومتسيبش العربية هو تعامله بيكون مع الزجاج الامامي فقط..والافضل تركبها بنفسك هي مش قصة

الله يبارك فى حضرتك بالظبط كده هى دى اللى أنا أقصدها وإن شاء الله هدور عليها فى شارع دمشق
متشكر جداً لحضرتك الف شكر

[abokoko]

من ش دمشق مصرالجديدة واكيد هتلاقيها في التوفيقية وده شكلها وفي منها لونين ارزق فاتح وفضي طبعا الفضي افضل لعكس حرارة الشمس



وبرضه بحذر من صنايعية الاكسسوار اللي بيركبوا لانهم بيشتغلوا بالفهلوة يقلك افكلك فبرة القايم (هتبوظ من الفك والتركيب) علشان امشي سلك الشماسة من تحتها عينك عليه ومتسيبش العربية هو تعامله بيكون مع الزجاج الامامي فقط..والافضل تركبها بنفسك هي مش قصة

كام سعرها ؟؟

[Ahmed Metwally]

بص يا باشا
انا بستخدم الشماسات الى فى الصورة دى
اللى هى الومنيوم
كنت جايبها من كارفور العبور بـ 10 جنيه
وكنت متوقع انى هستعملها مرة وتطلع مالهاش لازمة وارميها
لكن الصراحة طلعت بنت حلال

قبل ما استعمل الشماسة دى
كنت ادخل العربية الاقيها فرن
وبعد مافتح الإزاز وامشى شوية الفرن بيهدى شوية بس مش اوى نقول بينزل لـ 65% من الوضع الأولانى
وكل حاجة جوة العربية بتبئى مولعة بمعنى الكلمة لدرجة انى ببئى مش عارف امسك الدركسيون كويس
و لازم اسيبه كل شوية

بعد استعمال الشماسة
اول مادخل العربية بلاقيها كتمة وسخنة شوية بس مش لدرجة الفرن اللى فات
اول مافتح الإزاز وامشى شوية خلاص الكتمة والسخنية راحت . قول بتنزل لـ 20%
ومافيش حاجة سحنة فى العربية .. التابلوة تمام والدركسيون زى الفل.

ولو على الخامة بتاعتها .. ولا تفرق معاك فى حاجة ماتركزش معاها.





ودى الطريقة اللى انا بثبتها بيها .. عن طريق الشماسة الصغيرة بتاعة العربية .. بفتحها فبتبقى عاملة زى المشبك.

[ahmed_gamal777]

فى شماسة تانية بتركبها وانت سايق لو فى مشكلة عندك فى القيادة مع الشمس والعواكس
عبارة عن ورل فامية متركب على بكر بيشد فى الصباح وفى اليل تشيلة

[ahmed_gamal777]

https://www.facebook.com/photo.php?v=710082849046250&set=vb.649903598397509&type=2&theater

ممكن تشوف الفيديو دا

[حسام فتحي]

انا وجدت ان ترك بضعة مليمترات من الزجاج مفتوحة بتعمل تأثير كبير لخفض الحرارة داخل السيارة ومع ماسة كويسة النتيجة افضل بكثير. المهم الا يظهر ان الزجاج موارب شوية للامان.

[dentzyad]

من ش دمشق مصرالجديدة واكيد هتلاقيها في التوفيقية وده شكلها وفي منها لونين ارزق فاتح وفضي طبعا الفضي افضل لعكس حرارة الشمس



وبرضه بحذر من صنايعية الاكسسوار اللي بيركبوا لانهم بيشتغلوا بالفهلوة يقلك افكلك فبرة القايم (هتبوظ من الفك والتركيب) علشان امشي سلك الشماسة من تحتها عينك عليه ومتسيبش العربية هو تعامله بيكون مع الزجاج الامامي فقط..والافضل تركبها بنفسك هي مش قصة

ده أنا دخت عليها في شارع دمشق مش لاقيها خاااااالص ... محدش يعرف ادور عليها فين تاني ؟؟!!