احدث جهاز انذار

[hatem_badawe]

يا ريت صورة الريموت او العلبة

[Karim_Monir]

الصور كان في حد حاططها في منتدي الاكسسوارات دورو هاتلاقوها
الريموت قد علبة الكبريت تقريبا اقل في العرض بي اتخن شوية

[Kisho]

مافيش صور ؟؟؟

[Kisho]

مافيش صور ؟؟؟

[Adham]

اتصلت بالشركة النهاردة يبعتولي جهاز بالبريد السريع و حاجرب و اقولكم

بس قاللولي انة ب 350 جنية مش 300

و لما سألت هل هوة غلي قالتلي السكرتيرة لا دة كان ب 450 و رخص !!!!

[Adham]

اتصلت تاني بسنتر منعم اللي نمرتة مكتوبة و قاللولي ان سعرة 290 جنية + مصاريف شحن

و اتفقت معاهم يبعتولي فوراً

اللي عاوز بقى مايتصلش بالشركة المستوردة لأنهم حايقولوا ب 400 و 450 و حايقولك حانكلمك تاني ناخد العنوان و يطنشوا

اتصلوا بنمرة سنتر منعم و حاياخد منك العنوان فورا و يبعتلك و بسعر ارخص

[mohey]

ممكن نمرة سنتر منعم
وهل ممكن يبعته على إسكندريه أم الخدمه دى فقط مقتصره على القاهرة

[goodwave]

الاخ Mohey
لو إنت مهتم بالانذار ده وإنت من إسكندرية ممكن تكلم الراجل الجدع اوي واخونا وحبيبنا هاني ادم ( ALMAHATMA وهو يدلك تجيبة منين بالظبط وتركبه إزاي كمان...... أعتقد إن هاني هو اللي جاب الجهاز ده لكريم منير اساسا......

معلش يا هاني بصدرك بس أنا عارف إن كلك واجب وخصوصا مع الاسكندرانية

[Adham]

ممكن نمرة سنتر منعم
وهل ممكن يبعته على إسكندريه أم الخدمه دى فقط مقتصره على القاهرة

سنتر منعم بالفروع التاليه:
1- رشدى 035424143-0107719988
2- الازريطه 034856986 -0106007817
3- مارينا 0121680268

[A.ELgamaL]

جهاز ممتاز جدا اعتقد انه موجود في شارع دمشق و التوفيقيه

[Adham]

ركبت الجهاز اول امبارح

طلع عينين الفني في التركيب برغم انة فني محترف و انا شخصيا اعرفة من يمكن 10 سنين و مركبللي كذا انذار

بس الجهاز فية عيب و لو قطع تحرك السلوك و الفيش لغاية ما يلقط تاني و طبعا مش معقول اسافر اسكندرية علشان اشتكي للشركة

و الريموت بتاعه بصراحه ان اتصدمت لما شفتة, شكلة شبة الموبايل اللعبة بتاع الاطفال بس على صغير, و جاي واحد فضي وواحد اسود, الاسود شكلة أرحم شوية :x

هو الجهاز مداة ملحقتش اجربة قوي بس هو شغال من البيت عندي في الدور التامن كويس

بس مش قادر اجربة من أوضة جوة لأن السرينة بتاعتة واطية قوي قوي و مش حاسمعها من اي أوضة في البيت

و دة عيب تاني و ضروري اغير سرينتة دي بسرينة قوي تتسمع :|

بس وصلتة على كالون الشنطة الكهرباء و هو فعلا بيفتحها بالريموت
و مشغل وحدة رفع و السنتر طبعا

بس امبارح الضهر و انا خارج من الشغل الانذار لقيتة قاطع :?
قعدت اهز في الفيش و السلوك شوية لغاية ما لقط تاني و اشتغل من ساعتها تمام

اللمبة الزرقاء بتاعتة ضعيفة قوي (انا من البلاكونة باشوف كذا عربية لمابت انذاراتها الزرقاء باينة بوضوح إلا عربيتي مش باينلها اي لمبة إنذار )

يمكن انا انتقاداتي كتير شوية بس انا استعملت 3 انواع انذار قبل دة و كنت متوقع اكتر من الي لقيتة في دة

بس هو عامة انذار كويس و يساوي تمنة

[Adham]

على فكرة الفني اللي ركبة قاللي انة يساوي 450 جنية
انا طبعا ماقلتلوش سعرة

حاحاول اصورلكم الريموت و العلبة يتوعه و انزل الصور هنا يمكن بالليل او بكرة

[ابوحميد]

يا جماعة لغاية دلوقتى ولا حد منكم صور الريموت او العلبة عشان لما حد تانى ينوى يشتريه يعرف اذا كان هوا دا ولا جهاز مختلف
+سؤال للاستاذ ادهم
هوا الريموت فيه كام زرار؟وايه وظايفهم؟
وشكرا

[Adham]

4زرار فتح و قفل للسيارة و اضاءة شيك اب للريموت و الاخير للسايلانت

انا صورت الريموت و بكرة حارفع الصورة علشان انا اتأخرت في الشغل النهاردة و كنت مشغول قوي

[Adham]

وأدي صورة الريموت

انا مصورة عاللاب توب علشان تقدروا حجم الريموت بالنسبة لزراير الكيبورد مثلا

http://rides.webshots.com/photo/2297666460048559416GfXnsI