مساعدة يا رجالة

[fragileheart]

السلام عليكم ورحمة الله وبركاته

انا عندي دلوقتي طقم صوت عبارة عن اكواليزر و سماعات kenwood اللي نوعها (KFC-S6962)
هو طبعا الصوت مش قد كدة فقررت اظبت الليلة دي شوية

لقيت صب kenwood 12" 1000watt في شارع المطبعة بالبوكس تمنة 450ج دة عجبني قوي
انا عاوز لة GM 4 channels يقومة صح ويطلع امكانياتة (هوصل السماعتين علي ال gm برضة)

حد عندة اقتراحات عن نوع gm مناسب ويعرف يقوم الصب دة علي 2channels من ال gm عشان ال 2 channels التانيين للسماعت ؟ وسعرة كام ؟
بالاضافة هو فية صبات كفائتها احسن من ال kenwood و في نفس الفئة السعرية ؟

اسف علي الاطالة ي رجالة :)

[midotick]

انا مجرب سينفونى ممتااااز
بس انا مركب سينفونى 650 وات كان عامل 600 ج بس من فتره كده
على بزوكا 1000 وات
السينفونى ممتاز لانه مش بيفصل لما يسخن ولا بيقطع وتقريبا ملهوش مشاكل انا مركبه من سنهونص ومجتش جنبه حتى

[KoDaK_Gti]

موديل الصب ايه ؟؟

[HNaga]

انا مجرب سينفونى ممتااااز
السينفونى ممتاز لانه مش بيفصل لما يسخن

وهى دى ميزة؟
المفروض يفصل لو سخن بدل مايتحرق - اى أمب محترم بيعمل كده

[haysam2000]

لو محتاج جى ام كويس انا شخصيا مجرب الكينوود و فى منه 620 وات تقريبا سعره فى ال600 او اعلى بحاجه بسيطه و كمان صوته محترم و فيه تظبيط لدرجه البيز سواء low or high و ده بيديك تحكم جامد جدا فى نقاء البيز بس لو الكاسيت بتاعك فى مخرج صب و هتوصل عليه الجى ام مينفعش تحط عليه السماعات علشان هتطلع بيز و صوت شبه منعدم تمام
لو عندك مخرج صب فى الكاسيت انا شخصيا افضل انك تجيب للسماعات جى ام لوحدها او لو هى مش دبل بيز يبقى مفايش داعى لتكلفه جى ام تانى
و كمان انت مش محتاج توصل الصب على اتنين تشانيل لان الجى ام بيبقى فيه حاجه اسمها بريدج و هى انك توصل على طرفين موجب و سالب معينين يديك اقصى خارجى للجى ام بس قبل ما تعمل كده راجع الموضوع ده و هو متعلق بقدرة الصب

http://www.nilemotors.net/Nile/showthread.php?t=15854

و ده لشرح RMS اللى هتقراه فى الموضوع الأول

http://www.nilemotors.net/Nile/showthread.php?t=1550

و اتمنى اكون افدتك:k46:

[أبو إياد]

انا مجرب سينفونى ممتااااز
بس انا مركب سينفونى 650 وات كان عامل 600 ج بس من فتره كده
على بزوكا 1000 وات
السينفونى ممتاز لانه مش بيفصل لما يسخن ولا بيقطع وتقريبا ملهوش مشاكل انا مركبه من سنهونص ومجتش جنبه حتى

التوقيع بتاعك فكرنى بشوية ذكريات جميله
حديقه مبارك دى صح كده

[محمد فريد]

انا مجرب سينفونى ممتااااز
بس انا مركب سينفونى 650 وات كان عامل 600 ج بس من فتره كده
على بزوكا 1000 وات
السينفونى ممتاز لانه مش بيفصل لما يسخن ولا بيقطع وتقريبا ملهوش مشاكل انا مركبه من سنهونص ومجتش جنبه حتى

السيمفونى فيه نظام بروتكت يفصل لما يسخن
وعلى فكره مبيسخنش بسرعه ومجربه عندى
بس اهم حاجة يتركب صح لان الغلطه فيه بفوره

بس عن نفسى لو جيت اشترى تانى هجيب كينوود

[محمد فريد]

لو محتاج جى ام كويس انا شخصيا مجرب الكينوود و فى منه 620 وات تقريبا سعره فى ال600 او اعلى بحاجه بسيطه و كمان صوته محترم و فيه تظبيط لدرجه البيز سواء low or high و ده بيديك تحكم جامد جدا فى نقاء البيز بس لو الكاسيت بتاعك فى مخرج صب و هتوصل عليه الجى ام مينفعش تحط عليه السماعات علشان هتطلع بيز و صوت شبه منعدم تمام
لو عندك مخرج صب فى الكاسيت انا شخصيا افضل انك تجيب للسماعات جى ام لوحدها او لو هى مش دبل بيز يبقى مفايش داعى لتكلفه جى ام تانى
و كمان انت مش محتاج توصل الصب على اتنين تشانيل لان الجى ام بيبقى فيه حاجه اسمها بريدج و هى انك توصل على طرفين موجب و سالب معينين يديك اقصى خارجى للجى ام

طب ما الجى ام فيه تظبيط لكل 2 تشنلز
يعنى تختار 1و2 للسماعات وتظبطه high pass و3و4 للصب وتظبطه low pass

بالنسبة لخرج الكاسيت هتحتاج تعمل ادابتور 1×2 ده لو الكاسيت فى 2 جاك rca
علشان الجى ام لازم تدخله 4 rca
يا اما هتحتاج زيرو باور يظبطلك الليله

[fragileheart]

شكرا يا رجالة انتوا 10/10 بجد و اللة
انا قررت هجيب gm kenwood 4 channels 600 watt و هوصل علية الصب والسماعات (هخلي طقم الصوت كلة kenwood )
و هنفض للكاسيت اللي في العربية (بلا شرايط بلا وجع قلب) و هوصل ال gm علي ال ipod بتاعي علي طول
كدة تمام ولا اجيب gm اعلي شوية ؟

[M.almaghraby]

يا استاذ محمد يعني ايه زيرو باور؟؟

[M.almaghraby]

وهوا لو انا عندي كاسيت العربية و متوصل عليه 4 سماعات و عايز صب و حي ام ينفع يتوصلوا كلهم عادي ولا ايه

و ينفع 2 شانيل للصب و خلاص علي كدا؟؟

[HNaga]

شكرا يا رجالة انتوا 10/10 بجد و اللة
انا قررت هجيب gm kenwood 4 channels 600 watt و هوصل علية الصب والسماعات (هخلي طقم الصوت كلة kenwood )
و هنفض للكاسيت اللي في العربية (بلا شرايط بلا وجع قلب) و هوصل ال gm علي ال ipod بتاعي علي طول
كدة تمام ولا اجيب gm اعلي شوية ؟

الأمب كام rms والسماعات كام؟

[محمد فريد]

وهوا لو انا عندي كاسيت العربية و متوصل عليه 4 سماعات و عايز صب و حي ام ينفع يتوصلوا كلهم عادي ولا ايه

و ينفع 2 شانيل للصب و خلاص علي كدا؟؟

الزيرو باور هو ايكولايزر من7 - 10 باند غير بتاع الكاسيت بيبقى 2 او 3 بالكتير
الزيرو باور بيتوصل لما تكون مركب 2 جى ام او اكتر عشان تتحكم فى الصوت بحرية أكبر وتوسع

لو فيه من الخلف جاكات مدورة زى بتاعه التليفزيون أحمر وأبيض هينفع
لكن لو مفيش مش هينفع للأسف

[KoDaK_Gti]

شكرا يا رجالة انتوا 10/10 بجد و اللة
انا قررت هجيب gm kenwood 4 channels 600 watt و هوصل علية الصب والسماعات (هخلي طقم الصوت كلة kenwood )
و هنفض للكاسيت اللي في العربية (بلا شرايط بلا وجع قلب) و هوصل ال gm علي ال ipod بتاعي علي طول
كدة تمام ولا اجيب gm اعلي شوية ؟

هتحتاج زيرو باور
الاى بود والموبايل والحاجات دى مش هتديلك الفوليوم اللى انت عايزو مع الامبلفاير

[M.almaghraby]

الزيرو باور هو ايكولايزر من7 - 10 باند غير بتاع الكاسيت بيبقى 2 او 3 بالكتير
الزيرو باور بيتوصل لما تكون مركب 2 جى ام او اكتر عشان تتحكم فى الصوت بحرية أكبر وتوسع

لو فيه من الخلف جاكات مدورة زى بتاعه التليفزيون أحمر وأبيض هينفع
لكن لو مفيش مش هينفع للأسف

اعتقد فيه بس مش متاكد

بس هيا ايه اهميتها عشان انا مش فاهم....

ولو مش موجودة ايه الحل؟؟