ممكن مقارنه الكيا كارينز vs والنيسان ليفينا

[AHMED REFAT]

ياجماعة انا عارف طبعا ان دية فئة تانية خالص ,بس انا بتكلم لو عايز نيسان يبقى يجيب التيدا احسن وحرام فرق الفلوس دة يدفع فى الارض

اخى الحبيب .. مع احترامى الشديد طبعا لرأيك ... ولكن اختلاف الرأى لا يفسد للود قضية ... ولكن شراء السيارة ليست متوقف على قيمة الفلوس فقط ولنما على طلبات ورغبات كثيرة ومتعددة لكل عميل ولا نستطيع حصرها ولكن فى حالة الشراء يتم اعلانها من المشترى والنصائح توجهه الى توفر طلباته فى اى سيارة ... فاذا تم قياس المستهلك على قيمة الفلوس المدفوعة فقط مثلا فان احدهم يضع تلك الفلوس فى بى ام دبليو موديل 2000 مثلا ويقولك زيرو ايه وكلام فاضى ايه ونيسان ايه دى بى ام يا ناس ... ومنهم من يقول فى نفس الحالة والله حرام 115000 فى سيارة مستعملة ومش عارف وراها ايه وصيانتها هاتكون كبيرة لا نها مستهلكة على مدار 10 سنين .. ليه ما جبش الزيرو واتمتع بالسيارة واحافظ عليها وتكون جديدة ... يعنى دى مقارنة فى وجه نظر واحدة فقط ... ولكن عند السؤال الفعلى انت عايز ايه من العربية رغباتك منها ايه ... هاتلاقى ردود كثيرة توجهه على حسب رده فمنهم من يتمنى سيارة رياضية واخر سيارة عائلية واخر 4*4 واخر هاتشباك .. اعرف الرغبة تعرف التوجيه .. وتقبل تحيتى

[AHMED REFAT]

يابشا والله انا عايز اقول بس اللى بيجيب عربية مابيبقى شايف انها احسن عربية فى الدنيا ودة حقة لانة بيبقى دافع فيها مبلغ جامد مش هيشتم فيها يعنى وممكن اكون انا شايفها سلبيات وغيرى مش شايفها

على فكرة انا فعلا بعمل مقارنة عادلة وليست حيادية لاى من السيارتين وليس عندى ليفينا وليس عندى كارينز ... ولست بمدافع عن الليفينا لاننى امتلكها ودافع فيها فلوس محروق عليها .. انا بس بديها حقها دون ان ابخس منه شيئا ,, تقبل تحياتى

[city_ct]

ياجماعة انا عارف طبعا ان دية فئة تانية خالص ,بس انا بتكلم لو عايز نيسان يبقى يجيب التيدا احسن وحرام فرق الفلوس دة يدفع فى الارض

أنا سمعت رأى مقارب لرأيك من مندوب المبيعات فى السبع، كنت من ثلاث أسابيع نازل اتفرج على الليفينا، المهم بعد أن انتهيت من الفرجة اكلم معى مندوب المبيعات و كان تعليقه على الليفينا فى رأيى الشخصى غريب- المفروض أنا متوجه لفئة أو طراز محدد و هى mpv.

المندوب و أنا بتكلم معه عن الليفينا علق أنها تجميع صينى فى مصانع نيسان هناك و بدأ يوجهنى نهو التيدا الأوتوماتيك الاستاندارد فول أوبشنز. كان بيشكر فى السيارة و اتساعها و أن السيارة مميزة لكونها مصنًعة باليابان و أن تصميمها الداخلى و وتلافى نقاط عمياء عند القوائم الأمامية لوجود المرايات الجانبية على الأبوب نال جوائز. و قام بسرد العلومات الآتية موثقة ببرشور لكل من الليفينا و التيدا و هى:
التيدا أطول من الليفينا بشكل عام.
صالون التيدا أوسع من الليفينا و خاصة فى الكنبة الخلقية و مساحة القدم للركاب الخلقيين.
حجم شنطة التيدا أوسع بشكل إلى حد ما ملحوظ عن الليفينا.
أما ارتفاع السيارة عن الأرض فى التيدا و الليفينا فهو واحد 17.5 سم
الليفينا أعرضمن التيدا يشكل عام.

و كان فى عرض على التيدا لكميات محدودة لموديل 2009 و كان السعر 109000 بدلا من 113000 جنيه.

المندوب بكل بساطة (فى اعتقادى الشخصى) حاول تتغيير انتباهى من فئة ال mpv إلى سيدان لنفس الشركة (نيسان) مع العلم هو أن المعرض لا يوجد به فى الأغلب غير نيسان و إنفينتى و رينو للتخلص من موديلات 2009.

[ahmedhee]

ياجماعة انا عارف طبعا ان دية فئة تانية خالص ,بس انا بتكلم لو عايز نيسان يبقى يجيب التيدا احسن وحرام فرق الفلوس دة يدفع فى الارض

----------------
انا شايف الاثنين بسعر وحد تقريبا . و هو 115000.بل ان معظم التيدا الاتوماتيك اغلا(119-127)

[SAMEH_FOUAD]

شوفوا ياجماعة انا طبعا بحترم ارائكوا جدا وبحترم اكتر اللى بيبقى معاة عربية وحد بيشتم فيها وبردة يبقى هادى ومايتعصبش عادى جدا ,انا ركبت العربيتين وسوقت الاتنين ودة الخلاصة اللى طلعت بيها ,وكمان صاحبى فوجىء ان والدة جاب الليفينا وبعد ماركبها قال طبعا التيدا احلى ,وانا الصراحة شايف فرق الفلوس دة حرام جدا
يعنى كل الاراء اللى معايا قالت التيدا

[ahmedhee]

شوفوا ياجماعة انا طبعا بحترم ارائكوا جدا وبحترم اكتر اللى بيبقى معاة عربية وحد بيشتم فيها وبردة يبقى هادى ومايتعصبش عادى جدا ,انا ركبت العربيتين وسوقت الاتنين ودة الخلاصة اللى طلعت بيها ,وكمان صاحبى فوجىء ان والدة جاب الليفينا وبعد ماركبها قال طبعا التيدا احلى ,وانا الصراحة شايف فرق الفلوس دة حرام جدا
يعنى كل الاراء اللى معايا قالت التيدا

معلش يا ريت توضح موضوع فرق الفلوس دا( يعني كام بكام) لان زي مشاركتي اللي فوق انا شايف ان التيدا اغلا

[SAMEH_FOUAD]

معلش حصل عندى لخبطة فى الاسعار
فعلا الاتنين متقاربين جدا كفئة سعرية

[Ahmed.TV]

انا من راى اللفينا احسن حتى لو متقفلة فى الصين وحتى لو كانت 109 حصان لان ده اداء فعلى مع وزن السيارة ده غير فيها كماليات كتيرة وده غير ان ماتورها تبع نيسان ماتور محترم يابانى عريق , ده غير حتتعامل مع صيانة محترمة هنا فى مصر زى السبع وحترتاح

[Ahmed.Ali]

الليفينا
+11111 حرام ان الجمال ده مش منتشر

[AHMED REFAT]

الليفينا
+11111 حرام ان الجمال ده مش منتشر

عما قريب ستحتل مكانة جيدة جدا فى السوق والناس ابتدت التعرف عليها وقد يرجع عدم معرفة السوق لها لعدم عمل حملة اعلانية مكثفة من الوكيل ولكن كلما اراها فى الشارع اجد اناس يسئلون اصاحبها عنها والامس كان هناك واحدة رصاصى على كوبرى 6 اكتوبر خلت الناس كلها تلف رقبتها للفرجة عليها .... واود ان اقول ان موضوعنا فى الاصل كان هو المقارنة الحيادية بين الكارينز والليفينا ودخول التيدا عليها امر عرضى ولا مجال للمقارنة بين الاثنين ,,, فياريت يكون الموضوع محدد الطريق ونعرف احنا بنتكلم فى ايه حتى لا نتشتت ويكون الهدف واضح وصريح وهو... المقارنة بين الكارينز والليفينا ... وتقبلوا تحياتى

[furyo]

السلام عليكم
يا جمتعة حد جرب ال نيسان اللفينا؟؟؟

أخبارها اية و قطع الغيار و العيوب؟

[happpykiddd]

مشكلة اليفينا مش عارف هل لانها اول ما نزلت نزلت بسعر عالى شويه
العربيه جميله جدا بس فى اعادة البيع مش اعرف بس اكيد زى الزفت
لانهم نزلو من 135 ل 115 يعنى 20 الف كتيييييييير اوى
العربيه جمليه بس مش عارف الناس بتفضل الكارينز مع ان النيسان افضل من كيا بكتير
عندنا فى مصر الامور ماشيه بالشئلوب يعنى عندك الفولكس ممكن تكون فى اعادة بيعها وحشه مع انها بره تحفه فى كل حاجه
يعنى كل العربيات الحلوه محدش بيشتريها ويخاف وقولك قطع الغيار غاليه
طب ما هى غاليه و سعرها فيها
عندنا فى مصر المفاهيم متشئلبه واعتقد ده نتيجة الجهل

يا رب ساعدنا فى التغيير

[romeo_6887]

النيسان طبعا
بس متحاولش تبيع قبل 5 سنين

[amir_said7]

تاتاسنتيانست