الموتور الكومبرو ولا موتور ميتسوبيشى الشارك ؟

[ahmed_h_g]

كنت عايز أعرف موتور الجين 2 أشد فى السحب وتجميع السرعات ولا موتور اللانسر الشارك ال1600
وعايز أسباب مقنعه مش ضرورى انى كتبت الموضوع فى البروتون يبقى لازم الأستفتاء كله على الكومبرو عايز أقتنع بجد .

[ahmed_h_g]

المقارنه من حيث
استهلاك الوقود:
العمر الأفتراضى:
صوت الموتور:
تأثيرالأحمال على الأداء:
سرعة الأستجابه:
قلة أو كثرة الأعطال :
أنا عارف أن الأغلبيه ميعرفش معلومات عن الشارك
لكن أكيد فيه حد حاول يشد معاها أو عرف بالصدفه أى شكوه من مالكها .

[ahmad alshaaer]

الله اعلم

تحياتي

[Hosam_Optrawy]

عايز بس اقول معلومه صغيره

موتور الشارك 1500 مش 1600

البوما هى اللى 1600

[momopersona]

موتور الشارك 1500 سى سى 109 حصان
والشارك الجير بوكس باعها احسن فبيخليها بتجمع اسرع سنة من البروتون
وده بالنسبة لعربيتى وعربية صحبى الله اعلم ممكن عربيتى تجميعها مش 100 100
بس البروتون اثبت على السرعات العالية وده رأى صاحب الشارك
وفرق السعر يخلينى اكيد اجيب بروتون

[m.3abdel3al]

المقارنه من حيث
استهلاك الوقود: الشارك طبعا اقل لانها 1500 مش 1600 و 109hp
العمر الأفتراضى: ال2 عادي قريبين من بعض جدا
صوت الموتور: الكام برو اعلى طبعا
تأثيرالأحمال على الأداء: الكام برو اقوى و يتحمل وزن اقوى لانه 110hp
سرعة الأستجابه: الكام برو طبعا لانه اعلى في الهورس باور
قلة أو كثرة الأعطال : ال2 عادي بس اللانسر مجرب اكتر هتلاقي ناس بتفهم في اكتر
أنا عارف أن الأغلبيه ميعرفش معلومات عن الشارك
لكن أكيد فيه حد حاول يشد معاها أو عرف بالصدفه أى شكوه من مالكها .

و في حاجات كامان توافر قطع الغيار و سهولة التصليح و الحاجات دي

و بعدين انا بنصحك بحاجة احسن ماتور الهوندا ال 1500 ال mivec دا 140 hp و جامد جدا و بعدين لازم تحط في بالك معلومة مهمة جدا ان العربية مش هتترخص من غير ماتور بروتون يعني لو ركبت اللانسر او الهوندا مش هترخص بيهم

[tutankhamoun]

المقارنه من حيث
استهلاك الوقود:

تقريبا الأثنين أستهلاكهم متقارب .

العمر الأفتراضى:

تاريخيا الميتسوبيشي أشهر و اقدم في السوق و الكامبرو موتور جديد لم يتعدى عمره التصنيعي 4 سنوات أو 5 سنوات و تجربته في مصر مش كبيرة و أكتر واحد أعرفه عامل بها فوق 120 ألف كم و لذلك هانقول لو بنحافظ على الموتور مهما كان صناعته هايعيش و لو بنعمل صيانته في المواعيد الأصلية هايعيش .
أما تاريخيا على الورق ....... موتور ميتوسبيشي يكسب .... بس ده نظريا بس .
صوت الموتور:

الأثنين صوتهم عالي .

تأثيرالأحمال على الأداء:

الشارك بيتأثر علشان العربية أكبر و أثقل قليلا ....... على العموم أدائه مش زي الموتور اللي في البوما 1600
بالمناسبة الموتور الشارك 1500 فقط .

سرعة الأستجابه:
تقريبا متساويين ......................
قلة أو كثرة الأعطال :

تقريبا برضه متساويين ........... و الأثنين مواتير جديدة في السوق مش متجربة و إن الموتور الكامبرو متجرب أكتر من موتور الشارك نفسه .
و برضه الأثنين لو حافظت عليهم و عملت الصيانة الدورية في مواعيدها ......... مش هايعطلوا

أنا عارف أن الأغلبيه ميعرفش معلومات عن الشارك
لكن أكيد فيه حد حاول يشد معاها أو عرف بالصدفه أى شكوه من مالكها .

البوما سحبها أفضل من الشارك ............. و الجين 2 و البوما تقريبا في السحب و السرعة بيكونوا مع بعض و مفيش فروق كبيرة بينهم .و بالتالي أعتقد أن الشارك في السحب هاتكون أقل من الأثنين

بس بصراحة المقارنة غربية شوية
لأن مينفعش نقارن موتور بموتور ..........
لازم تكون عربية بعربية علشان فيه حاجات تانية بتأثر على السحب و الموتور عموما و هي الات الجر و الفتيس .

[ahmed_h_g]

البوما سحبها أفضل من الشارك ............. و الجين 2 و البوما تقريبا في السحب و السرعة بيكونوا مع بعض و مفيش فروق كبيرة بينهم .و بالتالي أعتقد أن الشارك في السحب هاتكون أقل من الأثنين

بس بصراحة المقارنة غربية شوية
لأن مينفعش نقارن موتور بموتور ..........
لازم تكون عربية بعربية علشان فيه حاجات تانية بتأثر على السحب و الموتور عموما و هي الات الجر و الفتيس .

المقارنه مش غريبه ولا حاجه
كأنى عامل مقارنه بين كفاءة التكييف اليابانى والتكييف الكورى
ليه الناس فاكره ان ال1500 أقل قدره من ال1600 ؟؟؟
ميتسوبيشى قصدها فى الموضوع ده توفير الوقود مقابل عزم كبير

[ahmed_h_g]

الانسر احسن
----------------------- الدكتور

أقنعنى ... قولى أفكارك .

[ahmed_h_g]

و في حاجات كامان توافر قطع الغيار و سهولة التصليح و الحاجات دي

و بعدين انا بنصحك بحاجة احسن ماتور الهوندا ال 1500 ال mivec دا 140 hp و جامد جدا و بعدين لازم تحط في بالك معلومة مهمة جدا ان العربية مش هتترخص من غير ماتور بروتون يعني لو ركبت اللانسر او الهوندا مش هترخص بيهم

أنا معاك فى موتور الهوندا أنه 140 حصان لكن الصافى كام حصان هتلاقيه ميعديش ال122 حصان زى التويوتا .

[m.3abdel3al]

أنا معاك فى موتور الهوندا أنه 140 حصان لكن الصافى كام حصان هتلاقيه ميعديش ال122 حصان زى التويوتا .

122hp مش قليلين مع اني الي اعرفه ان الهوندا الهورس باور بتاعها صافي يعني دا الهورس باور بتاع الماتور وهو جوه العربية مش براها

[tutankhamoun]

المقارنه مش غريبه ولا حاجه
كأنى عامل مقارنه بين كفاءة التكييف اليابانى والتكييف الكورى
ليه الناس فاكره ان ال1500 أقل قدره من ال1600 ؟؟؟
ميتسوبيشى قصدها فى الموضوع ده توفير الوقود مقابل عزم كبير

أنا قلت المقارنة غريبة علشان مينفعش نقارن موتور بموتور من غير بقية العربية
ممكن يبقى عندي موتور جبار و لكن الات الجر و الفتيس قاتلينه .........

و أنا ما جبتش سيرة 1500 و 1600 أنهم مينفعش يتقارنوا ببعض .

توفير البنزين له عوامل كتيرة و الموتور ده راكب على عربية وزنها 1325 كجم و بالتالي العربية تقيلة و مفيش توفير بنزين
عامل زي ما تكون سايق عربيتك و مركب واحد معاك وزنه كبير شوية

بعكس البوما و الجين 2 اللي وزنهم تقريبا 1200 كجم .


و مش دايما الموتور الصغير بيوفر في البنزين لﻷأن فيه عوامل كتيرة بتأثر في الأستهلاك

زي موتور الجين 2 اللي بينزل في أنجلترا اللي هو 1300 سي سي و 95 حصان
بس راكب على نفس العربية بدون أي نقصان من الوزن بتاع العربية اللي هو 1200 كجم
يبقى كدا الموتور عليه حمل شد وزن كبير

و عندك مثلا موتور الكامبرو السي بي أس 127 حصان
لما تركبه في الجين2 هاتأخد أداء عالي و توفير في البنزين
إنما لما تحطه في البروتون أكسورا اللي وزنها معدي 1400 كجم ........... يبقى استهلاك البنزين هنا عمره ما هايكون زي الجين 2 في الأداء أو الأستهلاك
زي الموتور ده في الجين 2 سرعته القصوى هي 195 كم - س
إنما في الأكسورا سرعته هي 160 كم - س ....

شوفت الفرق في الوزن بيعمل فرق كبير ازاي في الأداء و الأستهلاك .

هاقولك مقارنة صغيرة
البونتو 1245 سي سي ووزنها 850 كجم
و الجين 2 اللي هي 1300 سي سي ولكن وزنها 1200 كجم
مع أن الجين 2 موتورها بيطلع 95 حصان و البونتو بيطلع 66 حصان بس .

بس شوف فرق الوزن كام
350 كجم فرق وزن ..............

مش كل حاجة القوة الحصانية بس ..... لازم عوامل تانية كتيرة تدخل في المقارنة علشان تقدر تطلهع بنتيجة إلى حدا ما قريبة من الواقع .

علشان كدا أنا قلت المقارنة غربية ....... مش علشان حجم المواتير .




يا جماعة بالنسبة لقياس القوة الحصانية
مفيش يا جدعان حاجة أسمها صافي و اجمالي

كله بيقيس من عند خرج الموتور من عند الحدافة

مفيش يا جدعان شركة في العالم كله بتقيس على العجل إلا بتوع السباقات بس
إنما كل الأرقام اللي في الكتالوجات
متقاسة من عند الحدافة و دي اللي أسمها صافي ......

[m.3abdel3al]

thx tut

[safeeagent]

و في حاجات كامان توافر قطع الغيار و سهولة التصليح و الحاجات دي

و بعدين انا بنصحك بحاجة احسن ماتور الهوندا ال 1500 ال mivec دا 140 hp و جامد جدا و بعدين لازم تحط في بالك معلومة مهمة جدا ان العربية مش هتترخص من غير ماتور بروتون يعني لو ركبت اللانسر او الهوندا مش هترخص بيهم

هوندا و mivec !!!!! اكيد قصدك v-tec لان MIVEC = Mitsubishi Innovative Valve timing Electronic Control

[ahmed_h_g]

يعنى الألمان غلطوا لما ركبوا موتور 1600 على سياره وزنها 2 طن (الباسات) وميتسوبيشى مغلطتش لما ركبت موتور 1600 و1300 على سياره وزنها 1200 كجم
مين اللى حسبها صح المانيا ولا اليابان