الموتور الكومبرو ولا موتور ميتسوبيشى الشارك ؟

[m.3abdel3al]

هوندا و mivec !!!!! اكيد قصدك v-tec لان mivec = mitsubishi innovative valve timing electronic control

سوري انا كنت عايز اكتبله عن ال2 بس للاسف دخلوا في بعض

[eslam_wega]

ملحوظة واحدة للتوضيح الجين المانويل تاكل البوما سواء مانويل او اتوماتيك

[MohabSaeed]

أنا قلت المقارنة غريبة علشان مينفعش نقارن موتور بموتور من غير بقية العربية
ممكن يبقى عندي موتور جبار و لكن الات الجر و الفتيس قاتلينه .........

و أنا ما جبتش سيرة 1500 و 1600 أنهم مينفعش يتقارنوا ببعض .

توفير البنزين له عوامل كتيرة و الموتور ده راكب على عربية وزنها 1325 كجم و بالتالي العربية تقيلة و مفيش توفير بنزين
عامل زي ما تكون سايق عربيتك و مركب واحد معاك وزنه كبير شوية

بعكس البوما و الجين 2 اللي وزنهم تقريبا 1200 كجم .


و مش دايما الموتور الصغير بيوفر في البنزين لﻷأن فيه عوامل كتيرة بتأثر في الأستهلاك

زي موتور الجين 2 اللي بينزل في أنجلترا اللي هو 1300 سي سي و 95 حصان
بس راكب على نفس العربية بدون أي نقصان من الوزن بتاع العربية اللي هو 1200 كجم
يبقى كدا الموتور عليه حمل شد وزن كبير

و عندك مثلا موتور الكامبرو السي بي أس 127 حصان
لما تركبه في الجين2 هاتأخد أداء عالي و توفير في البنزين
إنما لما تحطه في البروتون أكسورا اللي وزنها معدي 1400 كجم ........... يبقى استهلاك البنزين هنا عمره ما هايكون زي الجين 2 في الأداء أو الأستهلاك
زي الموتور ده في الجين 2 سرعته القصوى هي 195 كم - س
إنما في الأكسورا سرعته هي 160 كم - س ....

شوفت الفرق في الوزن بيعمل فرق كبير ازاي في الأداء و الأستهلاك .

هاقولك مقارنة صغيرة
البونتو 1245 سي سي ووزنها 850 كجم
و الجين 2 اللي هي 1300 سي سي ولكن وزنها 1200 كجم
مع أن الجين 2 موتورها بيطلع 95 حصان و البونتو بيطلع 66 حصان بس .

بس شوف فرق الوزن كام
350 كجم فرق وزن ..............

مش كل حاجة القوة الحصانية بس ..... لازم عوامل تانية كتيرة تدخل في المقارنة علشان تقدر تطلهع بنتيجة إلى حدا ما قريبة من الواقع .

علشان كدا أنا قلت المقارنة غربية ....... مش علشان حجم المواتير .

يا جماعة بالنسبة لقياس القوة الحصانية
مفيش يا جدعان حاجة أسمها صافي و اجمالي

كله بيقيس من عند خرج الموتور من عند الحدافة

مفيش يا جدعان شركة في العالم كله بتقيس على العجل إلا بتوع السباقات بس
إنما كل الأرقام اللي في الكتالوجات
متقاسة من عند الحدافة و دي اللي أسمها صافي ......

كلام سليم 100 %

يعنى الألمان غلطوا لما ركبوا موتور 1600 على سياره وزنها 2 طن (الباسات) وميتسوبيشى مغلطتش لما ركبت موتور 1600 و1300 على سياره وزنها 1200 كجم
مين اللى حسبها صح المانيا ولا اليابان

الى حسبها صح المستورد المصرى .... علاشان يدخل العربيه فى الشريحه الجمركيه " 40 % " .... الباسات لو كانت نزلت بموتور اكبر من 1600 .... كان سعرها مش حيقل عن 350 ...400 الف جنيه و مكانش حد حيشتريها فى وجود ال ال320 و الC200 و الA4.

عربيات كتير بتنزل مصر بمواتير 1600 و هى بره بتنزل بمحركات اكبر متوافقه مع وزنها .

منها الانسر ... الى بتتباع فى اوروبا و امريكا بفئه الايفوليوشن ....و اقل موتور ليها 2000 سىسى 155 حصان GT , البوما ال1600 اساسا مكانتش بتتباع بالموتور ده غير فى الشرق الاوسط بـــس ... نفس الكلام ل الشارك اخدو موتور الكولت و حطوه فى الانسر الجديده و بقت لانسر اسبوت للشرق الاوسط و هى اساسا ملهاش اى علاقه بالتأديه و التجميع و السحب لان موتورها صغير على وزنها و سحبها ضعيف .

[momopersona]

طب يا جماعة ازاى الجين 2 بتنزل بره بالموتور ال 1600 ماهى لازم ماتنتشرش بئا فى وسط العربيات ال2000 وال 2400 اللى هناك
تانى حاجة الموتور الكامبرو 110 حصان بس طب ماهو كده مش جامد اوى ولا حاجة طب ازاى بيجمع جامد كده ؟
يعنى اللانسر 120 والصنى 118 والالنترا 122 والسيراتو 124 وبرغم كده الجين بتجمع احسن من اللانسر والصنى ومعرفش مع الالنترا والسيراتو بتعمل ايه

[tutankhamoun]

يعنى الألمان غلطوا لما ركبوا موتور 1600 على سياره وزنها 2 طن (الباسات) وميتسوبيشى مغلطتش لما ركبت موتور 1600 و1300 على سياره وزنها 1200 كجم
مين اللى حسبها صح المانيا ولا اليابان

مفيش يا أستاذي الفاضل عربية سيدان وزنها يعدي بالكتير 1400 كجم لأكبر محرك فيها
الباسات وزنها 1280 كجم ( 1600 سي سي )

الفيكترا وزنها 1300 كجم ...... ( 1600 سي سي )

الباسات 2000 سي سي وزنها ......... 1400 كجم فقط


مفيش يا جدعان عربية وزنها يكون 2 طن و موتورها 1600 ............ مش هاتتحرك .............

و البروتون الأكسورا اللي وزنها 1400 كجم ....... علشان دي مش عربية سيدان ........... دي mpv
و الموضوع مش مين بيحسب صح و مين بيحسب غلط
الموضوع أن كل شركة لها أولوية و طريقة معينة في التصميم .

و مرة تانية أقصى وزن لعربية سيدان بموتور 1600 سي سي مش هايعدي ........... 1300 كجم أو 1400 بالكتير أوي أوي .

طب يا جماعة ازاى الجين 2 بتنزل بره بالموتور ال 1600 ماهى لازم ماتنتشرش بئا فى وسط العربيات ال2000 وال 2400 اللى هناك
تانى حاجة الموتور الكامبرو 110 حصان بس طب ماهو كده مش جامد اوى ولا حاجة طب ازاى بيجمع جامد كده ؟
يعنى اللانسر 120 والصنى 118 والالنترا 122 والسيراتو 124 وبرغم كده الجين بتجمع احسن من اللانسر والصنى ومعرفش مع الالنترا والسيراتو بتعمل ايه

أولا الجين2 بتتباع في أسواق مش كتيرة
دي أسواق الجين 2
السوق البريطاني ( أغلب العربيات هناك عربيات صغيرة و مش بتزيد عن 1600 سي سي )
السوق المالطي نفس قصة البريطاني
السوق التركي
السوق القبرصي
السوق الأسترالي و برضه مش سزق العربيات الكبيرة .
أسواق آسيا ( الهند - تايلاند - أندونيسيا - ماليزيا طبعا - بنجلاديش - باكستان - إيران ................ الخ )

أسواق العربيات الكبيرة في العالم هو السوق الأمريكي الصهيوني ......... و سوق الخليج العربي
و العربية مش بتتباع في أمريكا .
و لكن بتتباع في الخليج و أنت عارف الخليج فيه أنواع عربيات بالهبل و ثمن العربية مش فارق كتير مع الناس هناك
بالاضافة أن الناس مجربة حاجات ياباني معروفة عندهم و أثبتت كفاءة و بالتالي علشان الماليزي ينزل يعمل أسم محتاج وقت كبير معاهم .
خصوصا أن السعر مش مهم قوي عند أغلب المستهلكين في الخليج ........ و بالتالي معندوش حاجة تجذبه علشان يروح يجرب حاجة ميعرفهاش .

بالنسبة للجين 2 و اللانسر
اللانسر اللي أعرفه أن فيه منه مصري و ده 105 حصان
و الخليجي و بينزل 122 حصان و لكن محتاج بنزين 95 علشان يطلع أقصى طاقة عنده .

معتقدش أن فيه فرق كبير بين الصني و الجين 2 في الشد .

أما الإلنتر ........ فتشد عن الجين 2
و أكيد السيراتو تشد عنها علشان فيها نفس موتور الإلنترا

[ahmed_h_g]

معلش أنا مش متأكد من موضوع 2 طن ده
أنا سمعت واحد معاه فولكس جيتا بيقول عربيتى سحبها ضعيف جدا" وبلاعة بنزين علشان موتورها مش قادر على وزنها ال2 طن ...

[momopersona]

يعنى الموتور ده يعتبر قوى بالنسبة للعربيات الصغيرة اللى فى مصر انما ضعيف بالنسبة للمواتير الكبيرة اللى فى بلاد تانية كتير
طب الاكسنت 1600 110 حصان برده وانتشرت فى امريكا ليه ؟؟؟
هل عشان العربيات الهيونداى الكبيرة اثبتت كفاءة هناك فبناءا عليه واثقين فى الصغيرة ولا ايه بالرغم من انها بسعر الياريس ال 1500 مثلا