تجربة شد مع السيراتو (التعبانه)

[bedo13]

هو بصراحة المازدا عربية بيعجبنى شكلها أوى بس بيتهيألى ممكن تجيب بيها أكتر من 205

والله شكل وتابلوه واوبشنز وثبات ممتازة بس الجري علي الاقل الاوتو مش قد كده معرفش المانيوال إيه نظامه بس أكيد حلو عشان عيب الاوتو انها 4 غيار بس وآخرها 205 بطلوع الروح

[bedo13]

معايا نوبيرا supercharged , و بشد مع بلاوي و بطلع منها حتى الألماني و الأمريكي
tuning.

ممكن تفاصيل التشارجر مركبه فين وفرقه قد إيه وبكام وكده يعني

[bmw323]

والله شكل وتابلوه واوبشنز وثبات ممتازة بس الجري علي الاقل الاوتو مش قد كده معرفش المانيوال إيه نظامه بس أكيد حلو عشان عيب الاوتو انها 4 غيار بس وآخرها 205 بطلوع الروح

ربنا يباركلك فيها ياجميل

[bedo13]

ربنا يباركلك فيها ياجميل

ربنا يخليك ياباشا بس أنا رأيي بعد ماركبت مازدا وسيفيك ولانسر وكوري الالماني حاجة تانية بس مشكلته السعر يعني أنا مثلا اركب سيفيك ومركبش جيتا بس ممكن احتار بينها وبين الفيكترا ده بالنسبة للسعر لغاية 150 بعد كده الحسابات تختلف

[Ahmed Samy]

انا بتمنى ترد على الاسئله دى
في الكماليات : معظم الكمايلات الأساسية موجودة ناقص الرفاهية القصوى (1)

ايه هى الكماليات الاساسيه فى نظر حضرتك؟

في الأداء : تسارع افضل مقابل ثبات أقل على السرعات العالية (تعادل)

لا التسارع مش افضل ولا حاجه سيراتو من 0.100 12ثانيه ---جيتا من 0.100 12.4 فين بقى الافضل ال 4 اجزاء من الثانيه !


الارتفاع عن الأرض : فرق شاسع للسيراتو

وهو ايه عيب ان العربيه تبقى واطيه عن الارض ولا هيا لازم تبقى نص نقل

وسع الكنبة الخلفية : ميزة للسيراتو

يبقى حضرتك مركبتش جيتا

الخامات الداخلية و الخارجية : السيراتو أقل لكن ما تقع عليه يدي مازال من الجلد (2)

اقل جدا

سهولة الصيانة و قلة الأعطال : السيراتو أصحابي معاهم جيتا و ساعات بتعمل حركات مش ظريفة و التكلفة عالية .

كلام غير صحيح وعن تجارب ناس اعرفهم

نقطة تانية (مافيش توكيل فولكس في المنصورة ودي حاجة مش كويسة) أنا لما اتزنقت عملت صيانة العشرة في عيسى في المنصورة .

يعنى لو حضرتك قدامك bmw 330 i وسعرها قليل ومفيش توكيل ليها فى المنصوره مش هتجيبها :u_thin1[1]::u_thin1[1]::u_thin1[1]:

بس لما هاوصل اني أجيب باسات tsi أعلى باكيج هازحلق السيراتو و الفئة دي كلها

قول يارب

حضرتك انا باتكلم من وجهة نظري انا ..حتى قلت في مداخلتي " انها مناسبة ليا اكتر"

يعنى مش باعمم كلامي

حتة الثبات مقابل التسارع انا حاسس ان السيراتو اتسارعها افضل و الثبات على السرعة العالية قوي مش مهم عندي لني ما بازودش عن 150 كتير .

الكماليات الأساسية عندي :

الفرش الجلد ..المراية التعتيم ...الفتحة ...و تعديل الطارة تليسكوب ...مثبت السرعة (مش عندي بس باعتبره مفيد) حساسات الركن ..الجنط العريض

اما مثلا ضم المرايات ...سخان المرايات ..التعديل الذاتي عند الرجوع للخلف ..الكرسي السخان ...الكرسي الكهربا فهي رفاهية طبعا بس ممكن استغنى عنها في الفئة دي


الارتفاع ...

مين قال نص نقل ...بس ما حكش في كل مطب لو مركب تلاتة ...ولا ايه !

الكنبة اللي ورا ضيقة ...و السقف واطي لأني باركب الجيتا سواقة وورا كتير



عموما انا مش باقول ان السيراتو افضل من الجيتا

لأن السيراتو لا تستطيع منافسة اللأوروبيات عموما

انما هي "صفقة" افضل " ليا انا"

موضوع عدم وجدود مركز صيانة :

انا جايب سيراتو علشان اشتري دماغي يعني عربية استخدامها و صيانتها في الخفيف

لكن لما هاجيب "ان شاء الله" عربية افضل و ارقى هابقى عامل حسابي على مشاوير صيانة في المركز الرئيسي .

[yoko]

مفيش يا باشا عربية أو ماركة في الدنيا بتعمل عربية تجارية للبيع في السوق و بتقيس من عند العجل .

الداينو ده بتوع السباقات بس هما اللي بيستخدموه .

و لا حتى مرسيدس و لا بي ام دبليو بتعلن قوة من عند عجل !!!!!!

لأن الموضوع مختلف و مينفعش أساسا
لأن لو كدا هاتلاقي الفتيس المانوال له قوة ........... و خرج العجل مع الفتيس الأوتوماتيك له قوة تانية .


كل الشركات يا جدعان بتقول
Engine HP

أنا ما شفتش شركة واحدة بتقول
Vehicle HP

أنا متأكد مليون % من المعلومة دي علشان أكدتها من مُصنعين عالميين منهم مرسيدس و هوندا .

مع خالص تحياتي

عندك حق بس الكلام ده الي قيلهولي مندوب المبيعات بتاع الشركة لكن الموقع الأم كاتب break horse power يعني من عند الحدافة
أسف على الخطأ (الغير مقصود)
بس ده ميمنعش إني طلعت من سيفيك ٢٠٠٩ ومن فرنا والعربية الوحيدة الي طلعت مني لحد دلوقتي جولف tsi وطلع مني بعد ال١٦٠ قبل كده كنا جمب بعض

[SAiF3S]

عالعربية الوحيدة الي طلعت مني لحد دلوقتي جولف tsi وطلع مني بعد ال١٦٠ قبل كده كنا جمب بعض

باين عليه جامد الماتور ال tsi ده

[A7MED_PHARMA]

مع احترامي لكل العربيات وكل الموديلات وكل الماركات
السباقات على الاسفلت
نمــــــــــــره 1 فيها: السواق
ونمره 2 فيها : السواق برضووو

[yoko]

باين عليه جامد الماتور ال tsi ده

ده موتور مفتري وإحنا الإتنين كنا بنجري جمب بعض على الدائري الساعة ٨ إلا ربع الصبح والطريق كان فاضي بس بعد ما جريت مع السيفيك والجولف الtsi أنا متأكد إن مفيش عربية بمتور لحد ١٨٠٠ تطلع مني غير لو مركب تربو وعلى فكرة أنا طلعت من الجولف ال١٦٠٠

[SAiF3S]

ده موتور مفتري وإحنا الإتنين كنا بنجري جمب بعض على الدائري الساعة ٨ إلا ربع الصبح والطريق كان فاضي بس بعد ما جريت مع السيفيك والجولف الtsi أنا متأكد إن مفيش عربية بمتور لحد ١٨٠٠ تطلع مني غير لو مركب تربو وعلى فكرة أنا طلعت من الجولف ال١٦٠٠

انت عارف ان الموتور ده 1400 سى سى زى ماتور ال لينيا مش 1600 ولا 1800 حتى

[yoko]

انت عارف ان الموتور ده 1400 سى سى زى ماتور ال لينيا مش 1600 ولا 1800 حتى

عارف بس هو تربو وسوبر تشارجر ولو كان معايا الللينيا بالمتور ال١٥٠ حصان (بس مبتدوش يبيعوها لسه) كنت سديت معاه
مواصفات الtsi

• Cubic capacity, litres/cm³ : 1.4/1395.
• Max. Output, kW (bhp) at rpm: 118(160) / 5800.
• Max. Torque, Nm at rpm : 240/1500-4000.
• Gearbox : 7-speed automatic gearbox.

[SAiF3S]

عارف بس هو تربو وسوبر تشارجر ولو كان معايا الللينيا بالمتور ال١٥٠ حصان (بس مبتدوش يبيعوها لسه) كنت سديت معاه
مواصفات الtsi

• Cubic capacity, litres/cm³ : 1.4/1395.
• Max. Output, kW (bhp) at rpm: 118(160) / 5800.
• Max. Torque, Nm at rpm : 240/1500-4000.
• Gearbox : 7-speed automatic gearbox.

تعديل على المواصافات اللى انت جايبها علشان دى لموتور تانى زى ال بينزل فى الشيروكو

دى مواصفات الجولف TSI

• Cubic capacity, litres/cm³ : 1.4/1395.
• Max. Output, kW (bhp) at rpm: 96 (122) / 2000-3000.
• Max. Torque, Nm at rpm : 210/1500-3000.
• Gearbox : DSG 7-speed automatic gearbox

تقريبا نفس مواصفات عربيتك و الفتيس ال DSG 7 speed ده لوحده بيحسن اداء العربيه 10-15 %

[yoko]

تعديل على المواصافات اللى انت جايبها علشان دى لموتور تانى زى ال بينزل فى الشيروكو

دى مواصفات الجولف tsi

• cubic capacity, litres/cm³ : 1.4/1395.
• max. Output, kw (bhp) at rpm: 96 (122) / 2000-3000.
• max. Torque, nm at rpm : 210/1500-3000.
• gearbox : dsg 7-speed automatic gearbox

تقريبا نفس مواصفات عربيتك و الفتيس ال dsg 7 speed ده لوحده بيحسن اداء العربيه 10-15 %

أنا كنت حاسس إن فيه حاجة غلط في المواصفات لإن لو زي ما أنا كاتب كان قطعني من بدري
لكن كده معقولة والفتيس هو السبب إنه يطلع مني بعد ال١٦٠

[grandh135]

مش مقياس لان صاحب الكيا ممكن مش عاوز يسابق اصلا او مش بيحب يجرى بالعربية

[zocor742]

دة انا بالنوبيرا 1 بتاعتى ربنا يخلهالى
طلعت من السيراتو على طريق الكورنيش
انا اصلا مش من هوات الجرى والشد وكدة
بس سعات لما بلاقى عربية عجبانى وجت صدفة ولقتها جنبى بحب اجرب اشوف الوحش بتاعى هيعمل اية مع الحاجات دى

وانا طبعا مؤيد ان السيراتو صعب تتقارن بالسيفيك والجيتا والحاجات العالية دى
هيا تقارن فى نفس فئتها اوكتافيا a4 كروز اوبترا تويوتا الشيب القبل الاخير كدة هيا دى فئتها
اعتقد لسة الكورى منزلتش حاجة تقدر تقارن بينها وبين ملوك السيارات السيفيك والجيتا والباسات والحاجات الشديدة دى
العربيات فئات ولما تيجى تقارن عربية بأخرى بخلاف بلد المنشأ لازم اول حاجة فى الاعتبار الفئة عشان تكون المقارنة صحيحة