تجربة شد مع السيراتو (التعبانه)

[Mohamed.Ramah]

الفكرة الموضوع اتفتح على اساس مقارنة مابين العزم والمواتير ولم يذكر صاحب الموضوع انة قال انا راكب المانى واحسن من الكورى والكلام دة ثانيا السيراتوا عربية فئة والجيتا فئة والهوندا فئة ومينفعش نقارن الصناعة مش العربيات اهة مينفعش نقارن الصناعة وترتيبهم كلاتى
الالمانى
اليبانى
الكورى
الصينى
دة الترتيب الصحيح ليهم فمينفعش نقارن عربية مهما كان الاوبشن او الكماليات بعربية صينى مثلا بعربية كورى زى كيا
الفكرة هنا مش عربية بتسبق عربية الفكرة اية اللى جوا العربيات
تكنولوجيا العربية بشكل عام

بالنسبة للى بيقول مافى عربيات ارخص بتجرى وبتعلم والكلام دة حذكر مثال هات حضرتك من اول الهوندا سيفيك فيما اقل منها فى الفئة السعرية وشوف الفرق فى التسارع

[ahmad--ezzat]

وترتيبهم كلاتى
الالمانى
اليبانى
الكورى
الصينى

ممكن تضيف الامريكانى فى المرتبه الاول...لان العربيات الامريكانى احسن من اللف المانى

[Atrees]

ممكن تضيف الامريكانى فى المرتبه الاول...لان العربيات الامريكانى احسن من اللف المانى

كلامك صح الصح ----- 1000%

[dr_hassan82]

بسم الله الرحمن الرحيم

قبل ما ابدأ الموضوع احب اقول كلمه بسيطه ومن غير تعصب

مينفعش نقارن عربيه زى السيراتو الى هيا بالنسبه ليا شكل فقط دون اداء بعربيات زى المازدا3 ولا التويوتا ولا الهوندا ولا الفولكس لان دول ملوك السيارات

سبب كتابتى الموضوع ده لانى شفت موضوع هنا عن السيراتو وان الاعضاء مالكى ومحبى السياره متعصبين ليها دون سبب واضح كل كلامهم ان دى عربيه طلقه و122 حصان والكلام الغريب ده وانها تشد مع اى عربيه وتطلع منها حسيت انها فيرارى مش كيا

وسبحان الله اتخنقت جدا لانى حسيت ان الكلام ده مش منطقى ويشاء السميع العليم انى اكون راجع من العين السخنه والاقى واحد راكب سيراتو كامله وهيا فعلا من وجهة نظرى شكلها جميل بس متقرنهاش بفئات اعلى منها فى السعر والاداء المهم وكان فى هوندا سيفيك الجديده وكان شكلها تحفه لونها ابيض وعليها جنط شكله كده 17 اسود

المهم مره واحده افتكرت الكلام الى على السيراتو وانها طلقه فقلت اجرب وانتم عارفين انا معايا جيتا 2009

المهم هو اصلا مش ماكنش محتاج تسخين انا كل الى عملته بصيتله ودست كيك داون لقيته بيجرى معايا وكمان بتاع الهوندا

خليكم فاكرين الناس هنا قالت انها 122 حصان وانا جيتا 105 حصان ركزوا بس

المهم فضل ماشى جنبى شويه المهم قرصت وقلبتها مانيوال طبعا مالقتيوش ابتدى يختفى شويه شويه والى فضلت معايا لغاية 190 الهوندا ماشيه جنبى والكيا اختفت من على الخريطه بس هو كان فالح عمال يحرق وبعدين اختفى طبعا لان في جيتا وهوندا على الطريق انا بعد كده هديت وبتاع الهوندا كمل وبعد شويه لقيت بتاع السيراتو جاى من ورا طاير والله كان صعبان عليا

المعضله هنا فين بقى ال122 حصان وانا 105 وهيا كمان عربيه خفيفه وانا عربيتى تقيله وليه الهوندا فضلت ماشيه جانبى لغايو ال190 لانها بالفعل هوندا

ارجو من المتعصبين لهذه السياره انا يفهموا ويدركوا يعنى ايه فولكس وهوندا وتيوتا ومازدا

مينفعش تقارن عربيه الكامله منها ب 130 الف بعربيه الكامله منها ب205 الف

ومينفعش اصلا تقارن كورى وصينى بأى عربيه المانى او يبانى او امريكى او فرنسى او ايطالى

انا بقى مصمم اعرف فين ال122 حصان ده حتى عيبه لما 105 حصان وافضل مسحفه الطريق كله

+111111111111111111111111
فعلا الكلام النظرى حاجه ... والعملى حاجه تانيه
بس تعمل ايه فى التعصب الاعمى

[ashouhdy]

!! انتو لسة بتتكلموا عن السيراتو !!

[Eslam_moustafa]

يا جماعة انا مش عارف ارد اقول ايه في الموضوع دة بعدما شفت النهاردة murcielago بتشد مع 911 turbo و nissan gtr مع impreza sti و قبليها بنص ساعة واحد مواطن بماكلارين كان حيشيلني بالاسفلت اللي انا واقف عليه و ادخل هنا الاقي اعلى حاجة موتور ال تربو بتاع البرافو ولا ال2000 سي سي بتاع ال فيكترا فحد يحط نفسه مكاني و يقولي كان حيقول ايه(مع العلم انا كنت بتمشى ساعتها على كورنيش أبوظبي)....بس على العموم انا من رأيي المتواضع شايف ان آخر الشد في طرق مصر الحبيبة 150 او 160 و في الحالة دي زي ما قال الزملاء السيراتو تكسب.

[احمد عزت]

والله من غير ما اكمل قراءة باقى المواضيع

مع احترامى الشديد لمالكى الجيتا والسيراتوا او اى ما ركة اخرى
كون احنا وصلت بينا الدرجة اننا نقارن الجيتا بالسيراتو دة انا شايفها فى صالح السيراتوا لانها جعلت من اصحاب اليابانى والالمانى يغيرون منها ويتنافسون على هزيمتها وسحقها حتى يثبتون لانفسهم انهم كانوا محقين انهم لم يشتروها......وبعدين ياجماعة انتم بتتكلموا على عربيتين الفرق بين اكتر من 60 الف جنية عارفين يعنى اة يعنى عربية فيرنا هدية فوق السيراتو........
والصراحة عيب على بتوع الالمانى انهم ينزلوا بمستواهم للكورى خليكوا فى مكانتكم وسيبولنا الكورى بتاعنا نفرح بية على اد فلوسنا وربنا يكرمنا ونجيب احنا كمان الالمانى ........
ولا تنسون ان من يمت بسبب اهمالة فى حق نفسة والسرعة والجرى فلة عذاب شديد (ولا تلقوا بأيديكم الى التهلكة)......اسف على الاطالة ........مالك سيارة نيو اكسنت غلبانة موديل 2010 ونفسى فى حتة سيراتو من التعبانة اللى بيقولوا عليها دة ....د.احمد

[Ghost2]

العملية حسابات .. انا شديت مع بي ام وكنت راكب فيرنا .. الكلام ده على طريف مفتوح .. والله بالفيرنا انا طلعت منه وهو كان راكب 316 موديل 2008 .. العملية مش صعبة .. الجيتا تتفوق في الموتور فعلا لو حسبنا الحسابات صح .. بس اللي انا شايفه ان الايرو داينايميك احسن في الجيتا عشان كده اداك تسارع احسن .. ولو بتاع السيراتو سواق كان ممكن يجيبك ويمشي معاك كويس .. وبتاع الهوندا لو كان عايز يعدي كان هيعدي .. لان هوندا في الاساس مواتير .. يعني الموتور الفي تيك ده لو حد جربه هيعرف يعني ايه هوندا .. وبعدين يعني مش ميزة اني امشي 190 .. العربية يا شباب بنشتريها عشان ليها غرض .. انها تودينا مكان ما نحب .. مش اننا نمشي بيها 190 .. ده رامي سري مش بيمشي 190 :))

[Mostafa.Mahran]

انا شفت الموضوع من اوله لاخره و مش عارف انتو مختلفين على ايه?

اولا -لو حد بيجرى على السرعات الى انتو بتتكلمو عليها و لا قدر الله عجلة قدام فرقعت هيكون الوضع ايه?

ثانيا-الى معاه عربية بتجرى زى (الفيرنا-الجيتز)بيشد مع العربيات الاعلى منه زى(الجيتا-bmw)ليه?علشان لما يطلع منهم يقول لنفسه ادى العربيات الى تمنها اكتر من ضعف تمن عربيتى انا طلعت منهم و يقنع نفسه ان عربيته احسن منهم(على الاقل فى الجرى)مع انه فى الاول فكر يشد معاهم علشان هو عارف انهم احسن منه 100 مرة و هو عاوز يستريح ان عربيته برضه حلوة

ثالثا-مفيش حاجة اسمها عربية حلوة و عربية وحشة فى حاجة اسمها دى بكام و دى بكام

يعنى الالمانى و اليابانى مش عربيات حلوة ببلاش لأ ده مدفوع فيها فلوس كتير علشان تكون كده و الكورى مش عربيات وحشة لا دى عربيات حلوة بس على قد فلوسها

[shikorose]

انا شفت الموضوع من اوله لاخره و مش عارف انتو مختلفين على ايه?

اولا -لو حد بيجرى على السرعات الى انتو بتتكلمو عليها و لا قدر الله عجلة قدام فرقعت هيكون الوضع ايه?

ثانيا-الى معاه عربية بتجرى زى (الفيرنا-الجيتز)بيشد مع العربيات الاعلى منه زى(الجيتا-bmw)ليه?علشان لما يطلع منهم يقول لنفسه ادى العربيات الى تمنها اكتر من ضعف تمن عربيتى انا طلعت منهم و يقنع نفسه ان عربيته احسن منهم(على الاقل فى الجرى)مع انه فى الاول فكر يشد معاهم علشان هو عارف انهم احسن منه 100 مرة و هو عاوز يستريح ان عربيته برضه حلوة

ثالثا-مفيش حاجة اسمها عربية حلوة و عربية وحشة فى حاجة اسمها دى بكام و دى بكام

يعنى الالمانى و اليابانى مش عربيات حلوة ببلاش لأ ده مدفوع فيها فلوس كتير علشان تكون كده و الكورى مش عربيات وحشة لا دى عربيات حلوة بس على قد فلوسها

[ashouhdy]

مش حكاية فيرنا او سيراتو او جيتز او يابانى او المانى
فى ناس بتحب الجرى ودة مش عيب
بس فى الاماكن الصح و الطرق المخصصة لكدة و هكذا
لكن الموضوع مش موضوع نفسنة !!!!!!!!!!!!!

[Mostafa.Mahran]

مش حكاية فيرنا او سيراتو او جيتز او يابانى او المانى
فى ناس بتحب الجرى ودة مش عيب
بس فى الاماكن الصح و الطرق المخصصة لكدة و هكذا
لكن الموضوع مش موضوع نفسنة !!!!!!!!!!!!!

انا مقصدش نفسنة كل واحد بيركب العربية المناسبة لظروفه و ده مفهوش حاجة عيب

[adsense]

ياجماعة انا مزهول بصرحة فيرنا ايه الى تتقارن بالجيتا ونقول عليها احسن حتي لو فى الجري بس !!!!!!!!!!!!!!!
حتي لو الفيرنا بتجمع اسرع تعالي مثلا فى ملف شوف الجيتا وشوف الفيرنا ؟
حرام ولله نتكلم عن فيرنا او حتي سيراتو مع عربية زي الجيتا
مع احترامي للجميع بس دول حاجة ودي حاجة تانية وبعدين مافيش وجه مقارنة دي فئة تانية خالص فى الشهر وفي كل حاجة
وبرده مع احترامي للجميع مين دا الى يقدر يقول علي عربية كوري احسن من عربية الماني حتي ولو كانت بولو ؟

[AHMED1718]

مبروك ياباشا انك كسبت بعربيتك ( اللى من عمالقة السيارات ) السيراتو ( التعبانه )

اسمحلى بس عايز اوضحلك كام معلومه

اولا السيراتو مش 122 حصان السيراتو 124 حصان عند 6300 Rpm

وعزم 156 عند 4200 Rpm

عربيتك الجيتا 102 حصان عند 5600 Rpm مش 105 حصان

وعزم 148 عند 3800 Rpm

السيراتو الكامله اللى بتقول عليها بتنزل بجنوط 17 وكاوتش 215/45 ودا بيتهيألى مش موجود فى الجيتا غير اعلى فئه تقريبا P3

ودا بيفرق فى ال acceleration

يعنى لو عربيتك مش اعلى فئه يبقى كدا فى نقطه لصالح السيراتو عشان انت جنوط 16 والسيراتو 17

السيراتو مش خفيفه وزنها 1326 كجم والجيتا 1307 كجم يعنى عربيتك أخف !!

نقطه أخيره

اولا انت مش متأكد انه كان بيشد معاك جايز كان بيجرى عادى ودا الطبيعى بتاعه مش قصده يشد

فانت ماتقدرش تجزم انه كان بيشد معاك وانت كسبته

وممكن يكون كان قصده يشد بس مش سواق او قلبه مش جامد

عايز تجرب بجد اتفق مع صديق يكون معاه سيراتو وجرب معاه

وعلى فكره حتى لو ماكنتش هديت كانت السيفيك هاتطلع منك أكيد :) فكويس انك استسلمت وهديت :)

وزى ما الزملاء قالوا العربيه مش بسرعتها لان لو بسرعتها يبقى الفيرنا والجيتز اللى بربع تمن الجيتا أفضل منها

وعلى فكره فى موضوع مشابه فى قسم هيونداى

ان نيو أكسنت سبقت اوكتافيا

وفى قسم شيفروليه

اوبترا سبقت فيكترا

ايه رأيك ؟

تعجبنى

[Atrees]

ياجماعة انا مزهول بصرحة فيرنا ايه الى تتقارن بالجيتا ونقول عليها احسن حتي لو فى الجري بس !!!!!!!!!!!!!!!
حتي لو الفيرنا بتجمع اسرع تعالي مثلا فى ملف شوف الجيتا وشوف الفيرنا ؟
حرام ولله نتكلم عن فيرنا او حتي سيراتو مع عربية زي الجيتا
مع احترامي للجميع بس دول حاجة ودي حاجة تانية وبعدين مافيش وجه مقارنة دي فئة تانية خالص فى الشهر وفي كل حاجة
وبرده مع احترامي للجميع مين دا الى يقدر يقول علي عربية كوري احسن من عربية الماني حتي ولو كانت بولو ؟

ممكن تراجع الاخبار العالمية وحتعرف ان فولكس بتسحب عربيات فيها عيوب تصنيع زي هوندا وتويوتا - كل الشركات في العالم بتحاول توفر خامات علي حساب الجودة في ظل الظروف الاقتصادية دي - لكن الكوري قدر ينجح في المعادلة دي - لكن اخواتنا الكبار لما بيحولوا يوفروا بيعكوها علي الاخر وبيسحبوا عربياتهم تاني

سدقني - لو الازمة الاقتصادية استمرت شوية كمان - حتلاقي كيا وهيونداي بيشتروا مرسيدس وبي ام ويمكن كمان بورش - ومحدش يتريق - بس فكروا فيها بالعقل - التغير لازم يحصل مفيش حد بيفضل الافضل علي طول - الصغير بيكبر وبيطور وبينافس والدليل حجات كتير قوي منها علي سبيل الذكر لا الحصر اعلان جي ام انها علي وشك الافلاس - متهيالي الناس عارفة يعني اية شركة بضخامة جي ام - وان ميزانيتها سنة 1990 كانت اكبر من ميزانية 113 دولة في العالم منها الارجنتين