تختارو اية وبدون تحيز....جين2 و أكسنت أتوماتيك

[daliakamal]

السلام عليكم
أريد شراء عربية جديدة ومن متباعتي للكل ما كتب في المنتدي أحتارت بين جين2 و أكسنت
و أنا كل ما أريده عربية محترمة ليس بها مشاكل باعتباري بنت, استهلاك بنزين معتدل, راحة في السواقة, صيانة سهله
أرجو النصيحة بموضوعبة بعيدا عن حماس كل واحد لعربيته و جزاكم الله خيرا

[Ayman_52]

مادام مش غاويه شد

+

استهلاك بنزين معتدل

+

راحة في السواقة(موتور ناعم وهادى)

+

صيانة سهله

يبقى

خليكى فى الاكسنت افضــل

وربنا يوفقك للاختيــار الخير -ان شاء الله-

تحيــــــــــــــاتـــى

[adel1414]

فى الحالة دى بردة الانسب ليكى النيو اكسنت

[daliakamal]

طيب بالنسبه للكماليات الموجودة في الجين2 وللأسف مش موجودة نيو أكسنت.

[hesham_soaida]

gen 2

[Beam28]

طيب بالنسبه للكماليات الموجودة في الجين2 وللأسف مش موجودة نيو أكسنت.

الكماليات نقطة قوية في صالح الجين على النيو اكسنت فعلى سبيل المثال لا الحصر الجين فيها: ايرباجز، فرامل اي بي اس، جنوط اسبور، فوجات، عجلة قيادة مالتي فانكشن، واشياء اخرى كثيرة مش موجودة في الاكسنت فلو يهمك الكماليات دي تبقى الجين صفقة رابحة.. اما لو عايزة اعتمادية عالية (يعني سيارة نادرة الاعطال ومش هاتروحي بيها التوكيل الا عشان الصيانة الدورية فقط) تبقى الاكسنت تكسب بجدارة.. وربنا يوفقك

[SAMEH_FOUAD]

الجين 2 فى نظرى افضل من الاكسنت طبعا بس مشكلة الجين 2 ان هية انسب للشباب اكتر من البنات ,لانها سيارة شبيهة بالسيارات الرياضية ,يعنى مش مناسبة للبنات من حيث الشكل
وعيبها انها بس ضيقة شوية عن الاكسنت ,وعفشتها ناشفة وماتورها مش هادى بس اوبشنها كتير
اما الاكسنت سيارة شكلها يناسب الجنسين ,وبردة بتجرى وكويسة بس مافيهاش اوبشن زى الجين 2 وبردة مش هادية اوى وناعمة اوى بس مش زى الجين 2
وماتسمعيش كلام ان يقولك اعطالها قليلة ,انا بشوف جميع انواع الكورى الجديدة عند الميكانيكة فدة حسب استخدامك هاتعاملى العربية كويس هاتعيش معاكى غير كدة يبقى اكيد هاتعطل ,او على الاقل تقل كفاءة مكوناتها

[yoko]

بصي الإتنين كويسين أنا شايف إن الجين٢ أحسن عشان مواصفات الأمان ودي أهم من الإبشوينز وأهم من أي حاجة تانيه بس للأسف في الجين٢ ممكن تواجهك عيب تقفيل أو إتنين بالكتير وغالبا هيبقى ليها حل في التوكيل ونصيحة في الفئة دي إبعدي عن الأفيو تماما ولا تفكري فيها حتى

[daliakamal]

شكرا يا جماعة علي الردود وربنا يجازيكم خير
هو كده تقريبا تبقي النيو أكسنت هي الأنسب ليا. وأنا كنت مايلة ليها من الأول بس من ساعات ما قرأت عن عيوبها في المقارنات و أنا مقلقة منها. بس أن شاء الله هصلي أستخارة و أتوكل علي الله.

[أبومعاذ]

الجين 2 فى نظرى افضل من الاكسنت طبعا بس مشكلة الجين 2 ان هية انسب للشباب اكتر من البنات ,لانها سيارة شبيهة بالسيارات الرياضية ,يعنى مش مناسبة للبنات من حيث الشكل
وعيبها انها بس ضيقة شوية عن الاكسنت ,وعفشتها ناشفة وماتورها مش هادى بس اوبشنها كتير

انا كتير جدا بشوف بنات راكبين جين 2 والعربية تمشي للجنسين عادي متنساش ان في بنات بتحب العربية اللي موتورها قوي زي الجين بخصوص الوسع الداخلي هي والنيو أكسنت قريبين جدا من بعض واعتقد الجين اوسع مش العكس وعفشتها فعلا ناشفة عشان تدي ثبات بس الاكسنت عفشتها أنشف (بجد بتقطم الضهر في حالة المشاوير البعيدة و الطريق لو واقف)
في الاخر ربنا يوفق صاحبة الموضوع للي فيه الخير ليها

[SAMEH_FOUAD]

والله ياباشا عن نفسى لو فى موقفها هختار الجين 2
ومعاك ان فية بنات بتبقى راكبها وكتير بس صدقنى شكلها غير مناسب ليها لان العربية تمشى مشغل الكاسيت ومرجع الكرسى هيبقى شكلها كويس جدا وطبعا قليل لما فية بنات بتعمل كدة

[daliakamal]

والله ياباشا عن نفسى لو فى موقفها هختار الجين 2
ومعاك ان فية بنات بتبقى راكبها وكتير بس صدقنى شكلها غير مناسب ليها لان العربية تمشى مشغل الكاسيت ومرجع الكرسى هيبقى شكلها كويس جدا وطبعا قليل لما فية بنات بتعمل كدة

طيب رأيك النيو أكسنت عربيه تستاهل ولا الواحد يفكر في حاجه تانيه (حتي لو كانت اغلي شوية)؟

[أبومعاذ]

ياريت حضرتك تجربي تسوقي جين 2 قبل ما تاخدي قرار

[ezzatfox]

مع احترامى الشديد لكل الاراء و المشاركات اللى فاتت .. و بايجاز شديد
النيو اكسنت ميزتها :
1- ماتورها .. تكنولوجيا اعلى .. اقوى .. انعم .. استهلاك بنزين اقل .
2- قليلة الاعطال جدا و صيانتها سهلة ,, و قطع غيارها متوفرة و اعادة بيع افضل .
الجين 2 ميزتها :
1- كماليات و عوامل امان اكتر
2- شكل شبابى مميز .
العيوب :
عيب مشترك فى الاتنين ان عفشتهم ناشفة و دى ضريبة الثبات
مشكلة الجين فى العيوب اللى بتظهر و انتى و حظك + قلة قطع الغيار حتى فى التوكيل نفسة

[yoko]

مع احترامى الشديد لكل الاراء و المشاركات اللى فاتت .. و بايجاز شديد
النيو اكسنت ميزتها :
1- ماتورها .. تكنولوجيا اعلى .. اقوى .. انعم .. استهلاك بنزين اقل .
2- قليلة الاعطال جدا و صيانتها سهلة ,, و قطع غيارها متوفرة و اعادة بيع افضل .
الجين 2 ميزتها :
1- كماليات و عوامل امان اكتر
2- شكل شبابى مميز .
العيوب :
عيب مشترك فى الاتنين ان عفشتهم ناشفة و دى ضريبة الثبات
مشكلة الجين فى العيوب اللى بتظهر و انتى و حظك + قلة قطع الغيار حتى فى التوكيل نفسة

معاك بس أنا أفضل عوامل الأمان على أي حاجة تانيه