تختارو اية وبدون تحيز....جين2 و أكسنت أتوماتيك

[ezzatfox]

بس انت برضو يا أستاذ عزت مقولتش انت كونت رايك عن الجين على اي اساس هل عندك تجربة للعربية ولا دا برضو عن سماع؟

انا اول مرة شوفت الجين 2 عن قرب كان فى اواخر 2008 و كنت بفكر فى شراء سيارة جديدة .. رحت اتفرجت على العربية فى معرض بالقرب من نادى الصيد و كان شكلها عاجبنى من برة و اعرف عنها شوية معلومات بسيطة .. بس معجبتنيش من جوة ، و ركبتها بعديها مع احد زملائى و هى مو 2008 كذا مرة .
و عموما حضرتك لو لاحظت كلامى هتلاقية موضوعى و من غير تحيز خالص .. و ذكرت مميزاتها و عيوبها كما اعرفها و كما هو مذكور بالعديد من مشاركات ملاكها . و شكرا لحضرتك

[ezzatfox]

يعنى حضرتك بتهاجمنى أنا شخصيا فى حين أنا باتكلم عن عربية وفعلا والله العظيم - ومن غير ما تزعل - العربية مش عجبانى وأنا باقول الكلام الى مقتنع بيه ( مش شرط يكون الصح واكون محتكر الحقيقة )والى رضيته لنفسى رضيته لصاحب الموضوع الى بيسأل لان زى ما أنت بتقول مساءلة أمانه

وأنا هاقول لحضرتك أنا رأى اتكون ازاى وليه باحب الجين اكتر من الاكسنت عشان الجين اكيد تقفيلها على قده وخاماتها كمان وتوكيلها وحش (محدش بيشكرفيه خالص ) بس لانى من طبقة متوسطة ممكن تقول على قدها ( الحمد لله طبعا حمدا كثيرا ) اتربيت على أن الرفاهية مش مهمة اوى زى الامور الاساسية فتلاقينى من صغرى وقبل العربيات الحديئة باحب العربية الادا عن 128 بالرغم من أن اللادا خشنة جدا ماتور وعفشه وشكلها شبه الدولاب و128 انعم منها بس وشكلها احلى شويه اقول مش مهم المهم الادا اقوى وفى رأى الاكسنت تقفيل عالى وخامات عاليه وماتور قدرته عاليه بالحصان ورفاهية عاليه بس على حساب متانة الصاج والاساسيات والعمر الافتراضى لان اكيد لازم الصانع هيركز على حاجات على حساب حاجات تانيه لان ملزم بعدم زيادة تكلفة العربية عن حد معين عشان يقدر ينافس
أنا مش باقول رأيى اكيد صح ومش محتكر الحقيقة لكن باقول رأيى صواب يحتمل الخطأ

اخيرا عشان ما اصدعكش أنا برضه مغلطتش فى حضرتك لكن باعتذر أنا كمان عن ردى الحاد بس والله الكلمة غاظتنى خصوصا أن ديه تالت مرة حد يهاجمنى فى قسم المقارنات وبالصدفة التلات مرات كانت عن موضوع الاكسنت لدرجة واحد منهم رد قالى أنا ما بحبش كل الى معاهم لوجان يعنى بيكرهنى أنا وكل الى معاهم لوجان طيبن اشرار صالحين شياطين مش مهم
المهم أن معاهم لوجان
ده كلام ؟
تحياتى وتشرفت بيك ومفيش زعل ولا حاجة يا باشا

يعنى حضرتك استنتجت ان الاساسيات و العمر الافتراضى قليل - لان التقفيل و الخامات عالية فافترضت ان شركة زى هيونداى عملت عربية حلوة شكلا و استرخصت فى الاساسيات .
و بمفهوم المخالفة بردة استنتجت العكس بالنسبة لبروتون !!!
عموما انا مش معاك فى الكلام دة خالص لا بالمنطق و لا بالتجارب العملية .. و طبعا كل واحد حر فى رأية .. و الخلاف فى الرأى لا يفسد للود قضية و اهلا بيك .

[أبومعاذ]

مع احترامى الشديد لكل الاراء و المشاركات اللى فاتت .. و بايجاز شديد
النيو اكسنت ميزتها :
1- ماتورها .. تكنولوجيا اعلى .. اقوى .. انعم .. استهلاك بنزين اقل .
2- قليلة الاعطال جدا و صيانتها سهلة ,, و قطع غيارها متوفرة و اعادة بيع افضل .
الجين 2 ميزتها :
1- كماليات و عوامل امان اكتر
2- شكل شبابى مميز .
العيوب :
عيب مشترك فى الاتنين ان عفشتهم ناشفة و دى ضريبة الثبات
مشكلة الجين فى العيوب اللى بتظهر و انتى و حظك + قلة قطع الغيار حتى فى التوكيل نفسة

فعلا حضرتك مش متحيز ابدا ابدا خالص

[zkralla]

يعنى حضرتك استنتجت ان الاساسيات و العمر الافتراضى قليل - لان التقفيل و الخامات عالية فافترضت ان شركة زى هيونداى عملت عربية حلوة شكلا و استرخصت فى الاساسيات .
و بمفهوم المخالفة بردة استنتجت العكس بالنسبة لبروتون !!!
عموما انا مش معاك فى الكلام دة خالص لا بالمنطق و لا بالتجارب العملية .. و طبعا كل واحد حر فى رأية .. و الخلاف فى الرأى لا يفسد للود قضية و اهلا بيك .

حضرتك جبت الكلام ده منين انا لا قولت أنا بافترض ولا أنا باستنج
وضح لى بس حضرتك جبت الكلام ده من مشاركتى ولا اتلخبطت ما بين المشاركة بتاعتى ومشاركة تانيه
أنا قلت لحضرتك أنا ليه بفضل العمر الافتراضى والمتانة على الرفاهية والخامات والتقفيل ولا جبت سيرة استناجات ولا جبت سيرة افتراضات خاااااااااااااااااااااااااااااااااالص
عشان اقول لحضرتك أنا ازاى كونت انطباعتى عن السيارتين يبقى لازم بقى نقعد مع بعض كام سنة كده نتكلم
حضرتك فعلا مش متحيزخالص خالص بالعكس أنت فى منتهى الموضوعية

[ezzatfox]

وفى رأى الاكسنت تقفيل عالى وخامات عاليه وماتور قدرته عاليه بالحصان ورفاهية عاليه بس على حساب متانة الصاج والاساسيات والعمر الافتراضى لان اكيد لازم الصانع هيركز على حاجات على حساب حاجات تانيه لان ملزم بعدم زيادة تكلفة العربية عن حد معين عشان يقدر ينافس

يا باشا و لا سنتين و لا حاجة .. مش دة كلامك : لازم اكيد الصانع يركز على حاجات على حسب حاجات تانية لان ملزم بعدم زيادة تكلفة العربية عن حد معين عشان يقدر ينافس .
دة فى حد ذاتة استنتاج مش امر واقع .. يعنى انت اللى فكرت و افترضت انة ادام الخامات و التقفيل حلو يبقى الاساسيات وحشة و عمر افتراضى قليل .
دة كان معنى كلامك .. لكن حضرتك مقلتش تحديدا انت كونت رأيك ازاى غير بالطريقة دى .
اللى اعرفة ان عشان احكم على اى عربية من ناحية اعتمادية او عمر افتراضى هو الزمن و التجربة.

[zkralla]

يا باشا عموما ربنا يباركلك فى عربيتك وتنزل منها على بورش على طول
ووعد منى لو ربنا اكرمنى وبقى عندى فلوس واشتريت شركة هيونداى - الشركة نفسها مش التوكيل الى فى مصر - ها امسكك مدير عام المبيعات فى الشركة وبمرتب مش هاقولك كام خليها مفأجاءة
بس اوعدنى أنت كمان لو ربنا كرمك واشتريت رينو ونيسان تبقى تظبطنى
أنا حسيت أن كلامى الى فات يمكن يكون من باب بخث الناس اشيائهم عشان كده بقولك فعلا من قلبى ربنا يباركلك فى عربيتك ويكفيك شر طريقك وكل المسلمين ويكون ده الى خلاك تحتد شويه
اتشرفت بيك

[ezzatfox]

يا باشا عموما ربنا يباركلك فى عربيتك وتنزل منها على بورش على طول
ووعد منى لو ربنا اكرمنى وبقى عندى فلوس واشتريت شركة هيونداى - الشركة نفسها مش التوكيل الى فى مصر - ها امسكك مدير عام المبيعات فى الشركة وبمرتب مش هاقولك كام خليها مفأجاءة
بس اوعدنى أنت كمان لو ربنا كرمك واشتريت رينو ونيسان تبقى تظبطنى
أنا حسيت أن كلامى الى فات يمكن يكون من باب بخث الناس اشيائهم عشان كده بقولك فعلا من قلبى ربنا يباركلك فى عربيتك ويكفيك شر طريقك وكل المسلمين ويكون ده الى خلاك تحتد شويه
اتشرفت بيك

هههههههة .. لا يا عم متشكرين .. بعد الخناقة دى اجى اشتغل عندك فى شركتك
استمتعت بالحوار معاك و شكرا لذوقك و ربنا يباركلك فى اللوجان انشاءالله و يكفيك شرها