مقارنة بين تويوتا كورولا و هوندا السيفيك -بالصور-

[kareemhisham]

السلام عليكم ..

نظرا لان الفترة الفاتت المقارنة بين الكورولا و السيفيك كترت و الناس بتبقى فعلا محتارة ..

قررت انى اعمل موضوع فيه مقارنة بين العربيتين حتى يكون مرجع لاى حد محتار بينهم ..

و ارجو ان تكونوا متأكدين انى سأكون محايد الى اقصى درجة >>

توكلنا على الله ..


اللآن هذه مقارنة بين احد اهم العربيات اليابانية التى انتجت حتى الآن و اكثرهم مبيعا حول العالم ..

و لكن طبعا هذه المقارنة ستكون مبنية على اساس متطلبات و اهتمامات السوق المصرى ..

اولا نتكلم على الشكل الخارجى للسيارات - و المقصود بالشكل الخارجى هو كل ماهو ظاهر للعين -

اولا الشكل الخارجى :


- طبعا معروف عن السيفيك شكلها الخارجى الذى يميل الى الشكل الرياضى اكثر و الذى يشد الانتباه و يغرى اى عاشق للسيارات .. لذا هى السيارة المحبوبة اكتر للشباب



- الكورولا سيارة معروفة بميلها للشخصية الوقورة اكتر .. و لكن اهتمت تويوتا بهذه النقطة فى الموديل الاخير لتضيف لمسة رياضية للسيارة ..

و كان اضافة الكساحات و العتب الى جانب السبويلر و تفيم الفوانيس الامامية كانت اهم اللمسات الرياضية التى اضافتها تويوتا (للاسف مش بينزلوا مصر ستوك .. لازم يتركبوا)

ثانيا الشكل الداخلى :


- من احد اهم الاشياء التى يشتهر بها تابلوه السيفيك هو العداد الديجيتال .. التى حرصت هوندا فى ان يكون شكله رياضى الى اقصى درجة ..

- و قد حرصت هوندا ايضا على استخدام افضل الخامات فى صناعة التابلوه ..



- اتبعت تويوتا نفس المنهج التصميم التى اتبعته فى تصميم الشكل الخارجى .. ليخرج تابلوه الكورولا ليميل الى الطابع الهادىء اكتر ..

- من المهم ان نذكر ان الخامات المستخدمة فى الكورولا ليست الافضل فى فئتها .. و لكن هذا كان حتى تقدر تويوتا على زيادة مميزات السيارة و تكون بسعر منافس و سنتكلم فى تفاصيل هذا الموضوع لاحقا ..


و الآن فلنتعمق قليلا فى تفاصيل السيارتين ..

ثالثا قوة المحرك :


- ايضا احد اهم العوامل التى تشتهر بها السيفيك -هوندا عامة- هى قوة محركها دون الالتفات لتوفير الوقود .. و الذى يجعل السيفيك من افضل السيارات فى فئتها من جهة القوة و التسارع و الاداء عامة ..

- محرك السيفيك مزود بتكنولوجيا i-Vtec ينتج 124 حصان .. و 151 نيوتن عند 4200 rpm ..



- و كعادة تويوتا .. محرك ذو قوة مرضية و لكن يتميز باستهلاك جيد للوقود ..

- زودت تويوتا الكورولا بمحرك بتكنولوجيا VVT-i .. و الذى ينتج 122 حصان و 157 نيوتن عند 5200 rpm ..

رابعا الامان :


فى المجمل حصلت السيارتان على 5 نجوم فى اختبارات الeuro NCAP ( يشمل امان البالغين و الاطفال و المشاه) .. و هو اعلى تقييم ..

و لكن حصلت الكورولا على تقييم اعلى فى التفاصيل فقد حصلت الكورولا على خمس نجوم من اصل خمسة فى امان البالغين بينما حصلت السيفيك على 4 من 5 ..

و بالنسبة لعوامل الامان المتوفرة فى السيارتين فى مصر .. فالسيارتين يتمتعان بABS و EBD ..

و تتزود الكورولا ب9 وسائد هوائية .. بينما تتزود السفيك ب6 وسائد هوائية ..


و الآن سنتحدث عن وضع السيارتين فى سوقنا المصرى .. و ذلك نظرا لاهتمام الناس بهذا العامل ..

كل ما تكلمنا عنه من اول الموضوع يجعل المحتار بين السيارتين لا يرى اى دافع يجعله يستغنى عن السيفيك و يقبل على شراء الكورولا ..

و لكن مثلما تألقت السيفيك فى الاداء و الخامات المستخدمة .. تأتى الكورولا لتضع يدها على احد اهم النقاط التى تحدد القرار الاخير للمشترى .. و هذه النقاط هى ..

- سعر اعادة بيع افضل
- قطع غيار ارخص و اكثر انتشارا

بالطبع هذه ليست عوامل كافية .. و لكن عندما يجتمع هذان العاملان مع سيارة بجودة خامات جيدة و محرك قوته مرضية جدا (خصوصا فى شوارعنا) و يعتبر الاقوى بعد السيفيك ..

- تعتبر الكورولا سيتى كار بينما تعتبر السيفيك سبورت كار ..

و لهذا نجد الكورولا تتفوق داخل المدينة من حيث المناورة .. و تتميز السيفيك على طرق السريعة من حيث الاداء و الثبات ..

لذلك نجد عامل آخر تتميز به الكورولا نظرا لازدحام شوارعنا و قلة الشوارع التى يمكن ان تكشر فيه السيفيك عن انيابها ..


الحقيقة المقارنة بين السيارتين تحتاج الى صفحات و صفحات .. و لذلك انا لم اغطى جميع النقاط الممكنة و لكنى حاولت بقدر الامكان ان اغطى اهمها ..

و لذلك طبعا الموضوع مفتوح للمناقشة .. و العندوا اى استفسار ممكن يسأل هنا بدل ما يعمل موضوع كامل و ساساعده انا و باقى الاعضاء بأذن الله ..


-الموضوع من مجهودى الشخصى لذا ارجو ذكر المصدر عند النقل-

[Moh.Abdelbaset]

مقارنة رائعة
شكراً على مجهودك

[sibrahim]

تسلم الأيادى يا باشا مقارنة قوية بين عربيتين أحلى من بعض

[vwmk]

الهوندا برده تكسب

[mr_sameh]

مقارنه جميله بين عربيتين تحفه

[kareemhisham]

مقارنة رائعة
شكراً على مجهودك

العفو يا باشا و شكرا لمرورك :)

تسلم الأيادى يا باشا مقارنة قوية بين عربيتين أحلى من بعض

العفو .. طبعا العربيتين منافسين اقوياء من زمان .. و طبعا المنافسة عمرها ما هتتحسم

الهوندا برده تكسب

الموضوع مفتوح للمناقشة .. و الآراء كلها تحترم ..

و ياريت تقولنا وجهة نظرك :)

[kareemhisham]

مقارنه جميله بين عربيتين تحفه

متشكر يا باشا .. و ان شاء الله تعجب بقيت الاعضاء كمان

[Hosam_Optrawy]

الف شكر ياكريم باشا على مجهودك :)

[momopersona]

فعلا العربيتين مشكله
بس فى رأيى فى مصر الكورولا فعلا تكسب
انعم فى المطبات واعلى واداء على السرعات القليله احسن وثبات معقول وقطع غيار ارخص ومتوفره اكثر واوسع
لكن لو شاب وعنده طرق بيجرى عليها كتير يبئا السيفيك تكسب بالنسبه له
بس هل انت شايف ان العربيتين سعرهم مبالغ فيه شويه ولا لا مقارنة بالكورى مثلا ؟؟؟؟؟؟؟؟؟

[Sameh]

العربيتين حلوين ولكن تسعيرهم عالى نسبياً وده خلاهم دايماً فى موضع مقارنة مع الجيتا والأوكتافيا عشان كدة مبيعاتهم لغاية دلوقتى مش بالمستوى المتوقع لأنهم بينافسوا فى فئة سعرية قوية مش سهلة ، فى حين الفطيم كان ممكن ياكل السوق لو نزل فيهم 10-15 الف عن سعرهم الحالى

[kareemhisham]

الف شكر ياكريم باشا على مجهودك :)

العفو يا حسام باشا .. نورنى مرورك :)

فعلا العربيتين مشكله
بس فى رأيى فى مصر الكورولا فعلا تكسب
انعم فى المطبات واعلى واداء على السرعات القليله احسن وثبات معقول وقطع غيار ارخص ومتوفره اكثر واوسع
لكن لو شاب وعنده طرق بيجرى عليها كتير يبئا السيفيك تكسب بالنسبه له
بس هل انت شايف ان العربيتين سعرهم مبالغ فيه شويه ولا لا مقارنة بالكورى مثلا ؟؟؟؟؟؟؟؟؟

هقول لحضرتك على حاجة ..

لما تويوتا ايجيبت يشوفوا السيراتو نزلت الهاى لاين ب125 و الكروز ب135 .. انما الكورولا ب160 ..

فلما مينزلوش سعر الكورولا .. يبقا اكيد مش قادرين و ان هى متكفة كدة فعلا ..

زاى الياريس و النيو اكسنت ..

و بصراحة هما من حقهم يعلوا سعر السيفيك اوى كدة .. طالما توكيل فولكس و سكودا منزلين الجيتا اقل حاجة مش عارف بمية حاجة و سبعين و الفانتازيا ب150 الف ..

استهبال اسعار الالمانى مخلى السيفيك سعرها على لانها المنافس الرئيسى ليهم هى و الكورولا ..

انما بتوع تويوتا ايجيبت قللوا سعر الكورولا على قدر الامكان لتصبح ارخصهم و اكثرهم مبيعا ..

مع ان توكيل هوندا هو نفس توكيل تويوتا .. فممكن تكون حركة ذكاء منه انه يسيطر على المبيعات من 130 الف بالكورولا لغاية 190 الف بالسيفيك ..

العربيتين حلوين ولكن تسعيرهم عالى نسبياً وده خلاهم دايماً فى موضع مقارنة مع الجيتا والأوكتافيا عشان كدة مبيعاتهم لغاية دلوقتى مش بالمستوى المتوقع لأنهم بينافسوا فى فئة سعرية قوية مش سهلة ، فى حين الفطيم كان ممكن ياكل السوق لو نزل فيهم 10-15 الف عن سعرهم الحالى

العربيتين فعلا هما اقوى منافسين للجيتا و الفانتازيا فى مصر و خارجها ..

و الحقيقة ان مش عارف كان ممكن يعملوا مبيعات احسن من كدة ايه ؟؟!!

[osama75]

مجهود رائع و ربنا يجازيك خيرا معلش عندى استفسار هل هيونداى سوناتا ممكن تدخل فى مقارنات مع الكورولا والسيفيك خصوصا ان الفئة السعرية متقاربة

[kareemhisham]

مجهود رائع و ربنا يجازيك خيرا معلش عندى استفسار هل هيونداى سوناتا ممكن تدخل فى مقارنات مع الكورولا والسيفيك خصوصا ان الفئة السعرية متقاربة

الفئة السعرية متقاربة ,, و لكن كفئة سيارات فمها مش زاى بعض ..

السوناتا فئة اكبر زاى الفكترا و الباسات و الافنسيس ..

السوناتا 2000 و 2400 سى سى و لكن سعرها متقارب لانها تقفيل مصرى ..

انا مركبتش العربية .. بس من كلام الاعضاء .. العربية الخامات الداخلية بتاعتها سيئة ..

غير ان كل الناس بتشتم فى غبور و فى ناس مش بتشترى هيونداى خصوصا عشان غبور ..

العربية فى المجمل ممتازة .. و لكن دة لو حضرتك محتاج حاجة 2000 سى سى .. لو حضرتك مش محتاج حاجة 2000 سى سى يبقا سيبك منها لان طبعا استهلاك البنزين عالى .. و اظن السيفيك هتبقا اختيار افضل

[seqoia]

شكرا يا باشا على المجهود الرائع
الاثنين حلوين وانا افضل الكورولا

[gebreel]

تسلم ايدك يا باشا على المقارنة الاكثر من رائعة دي بين سيارتين غير عاديتين و نفسي في ال 2 :) مين هيجبهوملي هدية