السيفك ولا البرافو

[MomoMedo]

احسن ما تطلع عينه فى الصيانه واعاده البيع وقطع الغيار

البرافو عربيه جمده جدا ولكن الهوندا عربيه من الاخر وبعد 30 سنه هتبقى عربيه جمده برضه

معتقدش في كمية عربيات ماشية في بلدنا بقالها 30 سنة زي الفيات

[ahmad--ezzat]

معتقدش في كمية عربيات ماشية في بلدنا بقالها 30 سنة زي الفيات

ايوه بس لو جبت هوندا موديل 90 وفيات موديل 90 مثلا هتلاقى الهوندا انضف بكتير وانعم بكتير واسرع واريح....العربيات اليابانى بتحافظ على نفسها اوى....الفيات بيعيش برضه ولكن ضعيف جدا...السيفيك موديل 98 احسن من التمبرا 98 مثلا....وفعلا الهوندا فيهم حاجه غريبه عمر ما شكلها بيقدم

[CosmicOne]

يا جماعة
السيفيك ستايل ركوب و البرافو ستايل ركوب تانى
عموماً اليبانى مدرسة و الأوربى مدرسة تانية المهم الى بيشترى بيستريح مع ايه فيهم
انا كنت طول عمرى بشجع اوربى بس و اخر حاجه ركبتها كانت ميجان 2 و بعدين قررت اجيب سيفيك , فى البداية حسيت انى غلطت لتى مافضلتش مع الأوربى علشان عفشة السيفيك و هيا جديده بتبأ صعبة شويه

عموماً بعد ما العربية عدت معايا ال 15000كم بدأت خلاص احفظها و تحفظنى و بجد الى يسوق هوندا بيتعلق بيها جداً لانها Engaging اوى فى سوقتها عكس عربيات اوربى كتير زى الفوكس و الأوكتافيا مثلاً

البرافو حلوا اوى اوى و موتورها اكيد اقوى من السيفيك علشان العزم من التربو اعلى بكتيير بس السؤال موتورها هيعيش زى الهوندا؟

من كل الى انا قرأتو فى المنتديات الأمريكيه و الأوربية و ال JD power ان العربيات اليبانى بتتفوق فى العمر الأفتراضى عن كل باقى المركات و اقلهم اعطال (ده مش معناه انهم احسن فخامة او سواقه من كل الماركات)

السيفيك الجديده مينفعش تجرب تساروعها من 0 - 80كم لأن اى عربية ممكن تطلع منها بالشكل ده علشان الدريف بى وير DBW و الI-Vtec

السيفيك تعرف تسارعها على الطريق وانتا 70كم كده مثلاً و تروح عامل كيك داون و انتا تعرف موتور الهوندا عامل ازاى.

[Eng.Sameh]

سيفيك كتوليفة أحسن

[zezmograby]

طبعا من حيث الاداء الاتنين ادائهم كويس مع اني متحيز للبرافو
كجودة تقفيل وشكل وامكانيات ونعومة وعزل وتقفيل الجلد فالايطالي يكسب بجدارة وتوكيل فيات محترم جداااا
انا برجح كفة البرافو

[د.اسماعيل النجار]

هوندا سيفيك

[Omar_H]

كده متهيألي ان حضرتك عندك مشكلة مع السيفيك

فعلا زي ماحضرتك بتقول لاني شايف إن السيفيك غالية قوي وداخلة في رينج سعر مش بتاعها أساسا ومش شايف فيه ميزة قوي تخليها تبقى بالسعر ده وخصوصا إني ركبتها يعني مش بتكلم كده وخلاص من غير مركبها وهو عامةً أنا بافضل الأوروبي عن الياباني ... وانا مابقولش إن السيفيك في حد ذاتها عربية وحشة انما أنا مش شايف إن ده يبقى سعرها
وبعدين أنا مش عارف حضرتك ليه ماشي ورا تعليقاتي في كل توبيك ومتضايق منها !!!! أنا بأقول رأيي بصراحة بعد ما ركبت العربية وده رأيي وانا حر فيه !!!!

[ahmad--ezzat]

ياجماعه السيفيك مس غاليه ولا حاجه.....انتو عايزنها تبقى ب 110 ولا 120....العربيات الهوندا وهمممممممم بجد

[Omar_H]

أنا مابقولش 110 120 انما تبقى 130 و الهاي لاين ب 150 مثلا ... مش 150 و 170 زي مهو حصل !!!! وماشي الهوندا حلوة وكل حاجة انما مش بالسعر ده ... وعامةً ده رأيي ... وناس كتير ممكن تختلف معايا بس ده رأيي

[CosmicOne]

فعلا زي ماحضرتك بتقول لاني شايف إن السيفيك غالية قوي وداخلة في رينج سعر مش بتاعها أساسا ومش شايف فيه ميزة قوي تخليها تبقى بالسعر ده وخصوصا إني ركبتها يعني مش بتكلم كده وخلاص من غير مركبها وهو عامةً أنا بافضل الأوروبي عن الياباني

بس حضرتك لما تركب الهوندا غير لما تعيش معاها و تكون عربيتك
هيا فعلاً غاليا شويه عن قيمتها بس مش مبالغ فيها اوى زى الأوبل الأسترا مثلاً ولا الأوكتافيا مثلاً

انا كنت قاعد مع تاجر عربيات مستعمله مره علشان كان واحد قريبى بيبيع عربيته عنده
الراجل ده شغال فى كل حاجه مرسيدس و بى ام و اغلب اليبانى و الكورى و سكودا

و بيسوق اغلب العربيات ديه , المهم انى لاقيتو راكب سيفيك فكنت بقولوا انا كمان عندى سيفيك اخت عربيتك , قالى تبعها , قولتيلو اركب ايه بعديها فى سعر مش عالى قوى , قالى مش عارف بصراحه
سألتو عن الأوكتافيا قالى بالفظ انو كان راكبها و بيعتبرها كنبه جنب السيفيك (ده من وجهت نظرو)
ز بيقولى ان ركوبت السيفيك عامله زى ركوبت المرسيدس يعنى ركوبا ملوكى.(انا بس بعرض رأى تاجر سيارات مش اكتر)

[Omar_H]

بس حضرتك لما تركب الهوندا غير لما تعيش معاها و تكون عربيتك
هيا فعلاً غاليا شويه عن قيمتها بس مش مبالغ فيها اوى زى الأوبل الأسترا مثلاً ولا الأوكتافيا مثلاً

انا كنت قاعد مع تاجر عربيات مستعمله مره علشان كان واحد قريبى بيبيع عربيته عنده
الراجل ده شغال فى كل حاجه مرسيدس و بى ام و اغلب اليبانى و الكورى و سكودا

و بيسوق اغلب العربيات ديه , المهم انى لاقيتو راكب سيفيك فكنت بقولوا انا كمان عندى سيفيك اخت عربيتك , قالى تبعها , قولتيلو اركب ايه بعديها فى سعر مش عالى قوى , قالى مش عارف بصراحه
سألتو عن الأوكتافيا قالى بالفظ انو كان راكبها و بيعتبرها كنبه جنب السيفيك (ده من وجهت نظرو)
ز بيقولى ان ركوبت السيفيك عامله زى ركوبت المرسيدس يعنى ركوبا ملوكى.(انا بس بعرض رأى تاجر سيارات مش اكتر)

مش عارف الصراحة أنا بختلف مع حضرتك وبحس إن السيفيك عربية شبابي للتظبيط وكده انما مش عربية شياكة او فخامة خالص ... بس ده رأي حضرتك وانا بحترمه يعني حتى لو بختلف معاه
وبنسبة للأوكتافيا والاسترا أنا مع حضرتك في إنهم غاليين شوية زيادة ... وهو عامةً أنا مش بأقول إن السيفيك وحشة ولو كانت ارخص شوية أنا كنت ممكن اجيبها
وعامةً لولا اختلاف الاذواق لبارت السلع (المثل تقريبا كده )

[CosmicOne]

مش عارف الصراحة أنا بختلف مع حضرتك وبحس إن السيفيك عربية شبابي للتظبيط وكده انما مش عربية شياكة او فخامة خالص ... بس ده رأي حضرتك وانا بحترمه يعني حتى لو بختلف معاه
وبنسبة للأوكتافيا والاسترا أنا مع حضرتك في إنهم غاليين شوية زيادة ... وهو عامةً أنا مش بأقول إن السيفيك وحشة ولو كانت ارخص شوية أنا كنت ممكن اجيبها
وعامةً لولا اختلاف الاذواق لبارت السلع (المثل تقريبا كده )

بصراحه انا مش شايف ان فى عربيه فى مصر المحروسة سعرها مش مبالغ فيه حتى الصينى :)

يعنى بص الناس كلها قاليت ايه على اسعار السيراتو و الكروز و الكرولا و الانسر شارك و السيفيك و السيتى و عربيات فولكس و ابل
تقريباً كل الماركات بتبالغ فى الأسعار بصراحه معادا الفيكترا بعد ما سعرها نزل و الفلونس الجديده سعر الفئه الب135000 هايل بس لو كانت اعتماديتها عاليه.