نيسان صنى ولا هيونداى النترا الجديده؟

[M.Mokhtar]

ربنا يباركلك فى لاسياره ويكفيك شرها يا باشا
بس ياترى العربيه عامله ايه معاك وايه نظام العفشه والثبات ؟
ولو فى اى ملاحظات على الالنترا ممكن تقولها ياريت
ومعلش هتقل عليك وتقولى ايه كماليات الانترا الكامل اواتوماتك يبقى كتر خيرك اوى

[أبو_حمزة]

انت بتقارن موديل بتصميم من سنة 2001 (الصنى) بموديل تصميمه من سنة 2006 (الانترا)
الانترا تتفوق فى كل شئ الا السعر
و الله اعلم

[د.محمود صلاح]

الالنترا الكاملة بالجنوط ب 122 الف سابقا وحاليا ب126 الف
الصنى الكاملة ب 102 الف ......................... فرق سعر كبير
الالنترا تقفيل برة وتتش ودركسيون متعدد وجديدة وحلوة ووووووووووو ايرباج وفرامل مانعة للانغلاق
الصنى تقفيل مصرى الكاسيت مش اصلى الفرش مصرى الشكل قديم اعادة بيعها صعب شوية مافهاش فرامل مانعة للانغلاق
المقارنة محسومة بالمبلغ المتاح للشراء

[hesham2004]

انا ركبت الألنترا الخليجى 2008 ( رغم انها خليجى ) معجبتنيش العفشة بتاعتها ولا الكراسى و لا التابلوه الى عاجبنى فيها السحب و التكييف و الكماليات الى فيها ، و طبعا انتو عارفين ان الألنترا كل شوية بتغير فى الشكل يعنى حيبقى فيه مشكلة فى قطع الغيار خاصتا الخارجية بالأضافة ان صاج الأبواب بالأخص غير قابل للسمكرة عشان الموبيه الى فيه رغم انها عربية جراية يعنى موتور جامد ، العربية ماقيهاش اى وسيلة امان و ده لازم ياخذ بعين الأعتبار ، لأن الواحد مش كل يوم بيشترى عربية

[mohameduoser]

الالنترا افضل و عربية حديثة

[ashrsy]

[quote=mido777;120174]ممكن أعرف ايه هو الباركنج سنسور مع خالص الشكر

[ابوشريف]

[QUOTE=ashrsy;131273]

ممكن أعرف ايه هو الباركنج سنسور مع خالص الشكر

هو الحساس الخلفى الذى يستخدم فى حالة الرجوع للخلف ليحذرك فى حالة الاقتراب الشديد من اى جسم خلفك اثناء ركن السياره

[ashrsy]

[quote=ابوشريف;131311][quote=ashrsy;131273]

شكرا على استجابتك وردك السريع بس معلش ممكن اسال حضرتك بخبرتك هو شكله ايه وبيتركب فين بالضبط وهل بيتوصل بالباطارية او ليه اي توصيلات اخري
ومعلش ياباشا بنتقل عليك بس الناس الخبرة زي حضرتك لازم نستفيد من خبرتهم في المنتدى ولا ايه ؟

[ashrsy]

[quote=ashrsy;131312][quote=ابوشريف;131311][quote=ashrsy;131273]

عفوا انا بأكرر سؤالى عن الباركنج سنسور هو شكله ايه وبيتركب فين بالضبط وهل لازم يركب فى التوكيل وهل ليه توصيلات كهرباء
ارجو الافادة لعدم تكرار خبط الاكصدام عند الركن فى الاماكن الضيقة مع خالص الشكر

[ابوشريف]

[QUOTE=ashrsy;131312][quote=ابوشريف;131311]

شكرا على استجابتك وردك السريع بس معلش ممكن اسال حضرتك بخبرتك هو شكله ايه وبيتركب فين بالضبط وهل بيتوصل بالباطارية او ليه اي توصيلات اخري
ومعلش ياباشا بنتقل عليك بس الناس الخبرة زي حضرتك لازم نستفيد من خبرتهم في المنتدى ولا ايه ؟

ياباشا انت تؤمر بس انا معلوماتى عن الباركنج سنسور نظريه بس وليست عملى

اللى ممكن يفيدك اكثر فى الموضوع ده هو أ اسلام شاهين اعتقد انه اول واحد ركبه هنا فى المنتدى

وكان فى موضوع فى المنتدى القديم على ما أذكر بعضا من كلامه بخصوص السنسور

انه بيتركب فى الاكصدام الخلفى عن طريق خرم صغير بالشنيور فى الاكصدام ولا يؤثر مطلقا عليه

ويوصل بالجزئ المثبت فى التابلوه عن طريق سلك خارجى بعيدا عن الضفيره

ويغذى ايضا بفردتين كهرباء من البطاريه عن طريق سلك خارجى برده

يعنى مفيش اى ضرر يخص ضفيرة السياره

اما عن الاسعار أنا فاكر أ اسلام كان سأل عنه فى التوفيقيه ويتراوح مابين 175 الى 250 تقريبا

انا لا أذكر بالتحديد فارجو المعذره ان كنت أخطأت فى شئ

وانتظر رأى الاخوه الكرام لتصحيح معلوماتى اذا ما كان فيها خطأ

بالتوفيق

[Hacker5]

اة ماشى دى الانترا الكاملة فى واحدة تانية بـ 98000فى كل حاجة معدا abs , air bag ,و الكاسيت الاصلى

لكن الكاملة فيها كل دة مع العلم ان الاتنين فيهم 4 زجاج كهربائى و مرايات كهربائى الخ

لكن اللى قولت عليهم دول هما بس الزيداة فى الكاملة بالاضافة للتكيف التاتش و انا مبحبوش و جنوط سبور

[Nile_Storm]

الالنترا الجديده تحففففففففففه

[mohaismail]

لو مكانك هجيب صنى هوفر 25 الف جنيه وهركب عربية فيها جميع الكماليات ما عدا abs ده غير اهم نقطة وهوه التوكيل فى فرق شاسع بين توكيل نيسان وغبور الفاشل والحرامى جداا

[الريس]

بص انا بتعامل مع التوكيلين ... نيسان افضل طبعا
و بتعامل مع الكوري (ماتريكس) و الياباني تقفيل مصري (صني) و المقارنة في صالح الصني
و فر فلوسك و كلنا كده كده بنغير بعد فترة
برضو الالنترا عربية جميلة .. بس لو ب 100 اوتوماتيك كاملة او حتى 105 .. مش 125الف

[Ahmed Anwer]

بص انا بتعامل مع التوكيلين ... نيسان افضل طبعا
و بتعامل مع الكوري (ماتريكس) و الياباني تقفيل مصري (صني) و المقارنة في صالح الصني
و فر فلوسك و كلنا كده كده بنغير بعد فترة
برضو الالنترا عربية جميلة .. بس لو ب 100 اوتوماتيك كاملة او حتى 105 .. مش 125الف

طيب يا ريس ما هو لو المبدأ أركب و أقلب

يبقي الإلنترا أفضل علي الأقل يبقي بيستمتع بعربية مهيبة و فخيمة و شيك و ليها طلة ،، و تكنولوجيا حديثة ،، مادام إمكانياته تسمح ،، أصل لو المبدأ توفير فلوس كل الناس تجيب لانوس أو فيرنا و هتقضي الغرض برده ،،

الصني موديل 95 ،، يعني لو أي حد واخد علي العربيات الحديثة نسبيا مش هيحس إنه جاب عربية جديدة ،، عربية و خلاص ،، و مشاكل التجمع المصري فيها كتير بناء علي كلام الأخوة في المنتدي ،،

غبور مش خدمة متميزة ،، بس مش الوحش المرعب هوا بس بقي حاجة من أدبيات المنتدي اللي بنرددها غبور وحش ،، بس مش السوء اللي يخليك تسيب عربية جميلة عشانه ،،

الإلنترا مش غالية كل مقارنات الإلنترا في المواقع العالمية مع الكورولا الجديدة والسيفيك و اللانسر الجديدة ،، لو قارنتها بالحاجات دي هتبقي مكسب

أنا مع رأي الإستفتاء لا وجه للمقارنة بين عربية حديثة و شيك بمجرد عربية قديمة تأدي الغرض ،، غير فرق الفلوس و كل واحد أدري بظروفه