عايز رأيكم بصراحه

[معتز]

الجيتــا..... مع احترامى للجميع .....بالبلدى بيقول على الجيتا ركوبه تانية خالص.....

[M.Mostafa80]

و عشان كدة انا قلت ان الجيتا تتفوق في نقاط اكتر :m_yes[1]:

و انا اتفق معاك فى كل النقاط ..

بس معلش .. الا حتت الموتور ;)

ياباشا منورنا والله والخلاف فى وجهات النظر لا يفسد للود قضيه وانا معاك ولو خدت بالك انى قلت ان هوندا هتتفوق على الجيتا فى الأول وكلمه بعد كدا انسى بقصد بيها انهم هيبقو زى بعض الجيتا زى ماقال الأخ الفاضل تيمون تقيله لحد الميه وبعد كدا خلاص
بس فى حته أحد الأخوه زكرها ان الهو ندا 140 حصان هنا بقى فى سؤال هل هما جروس ولا نت
بالنسبه للجيتا 102 حصان دول نت مش جروس ياريت حد يجاوبنا على النقطه دى لأن معروف عن الأسيوى أنو بيذكر الهورس باور الأجمالى للمحرك مش الصافى

[kareemhisham]

ياباشا منورنا والله والخلاف فى وجهات النظر لا يفسد للود قضيه وانا معاك ولو خدت بالك انى قلت ان هوندا هتتفوق على الجيتا فى الأول وكلمه بعد كدا انسى بقصد بيها انهم هيبقو زى بعض الجيتا زى ماقال الأخ الفاضل تيمون تقيله لحد الميه وبعد كدا خلاص
بس فى حته أحد الأخوه زكرها ان الهو ندا 140 حصان هنا بقى فى سؤال هل هما جروس ولا نت
بالنسبه للجيتا 102 حصان دول نت مش جروس ياريت حد يجاوبنا على النقطه دى لأن معروف عن الأسيوى أنو بيذكر الهورس باور الأجمالى للمحرك مش الصافى

موتور السيفيك 124 حصان .. و 140 دي بدعة من التوكيل مش اكتر ..

زاي ما بيقولوا على الكورولا بظبط .. 140 حصان انما هي فعلا 122 حصان

[TeMoON]

ألف شكر ليكم كلكم بجد انتم افيدوني كتير
و شكر خاص ل temoon ع توضيحه الفارق بين السيارتين بطريقه سهله و لذيذه
بس المشكله اني سألت ناس كتير اوي في اللي يقلي ان الجيتا موتورها ضعيف يعني لو راكب 4 و مشغل التكييف هتلاقي عزمها يقل عكس الهوندا لأن الجيتا 102 حصان اما السيفيك 140
و ف اللي يقلي ان جيتا فيها رفاهيه عن الهوندا
و اللي يقول ان جيتا صيانتها صعبه يعني لو طلبت حاجه هتفتح بقها و ده لكثرة التكنولوجيا فيها
اما السيفيك فهي بسيطه كطابع الياباني عموما
و انا عارف ان قرار شراء سيارة صعب جدا علشان كده انا حيران و اخدت مشورتكم

انا هقولك حاجة انت لو جربت الجيتا كا عربية مش هتفكر تجرى بيها لان لما تسوقها وتمشى بيها هتستمتع بالمشى بيها براحة يعنى العربية هتحس بيها اكتر وانت ماشى بطيئ مش سريع زى الهوندا ودا بيرجع لان الجيتا بتحسسك بمدى تقل العربية على الارض زى البى ام ومرسيدس وعلى فكرة الهوندا بتاكل تيل بطريقة رهيبة دا احد عيوبها ونسيت اذكرة بس على فكرة انت لما هتشترى عربية اى كانت العربية دى جديدة وحافظت عليها عمرها ما هتشتكى انما لو شارى عربية ومفيش فيها اى نوع من انواع التكنولوجيا ومش بتحافظ عليها كدا كدا هتبهدلك مصاريف يعنى فى الاول وفى الاخر القرار راجع ليك انت
وبالنسبة لو محمل 4 ومشغل التكيف هتكون العربية ضعيفة دا اكيد بس مش الضعف الى فى دماغك يعنى مش هتقدر تمشى لا هتمشى وهتكون تقيلة شوية بس هتمشى ومش هتقول لا شوف يا ترانيسى انت انزل على اى معرض وشوف العربيتين وجرب العربية دى وجرب العربية دى وانت اعد فيها كدا وشوف انت هتتخطف لانهى واحدة يعنى لو انت عاوز تجرى وتشد وتتنطط وتلعب عليك وعلى هوندا وانما لو انت عاوز تمشى كدا وتستمتع بعربية بتجرى اه بس مش زى الهوندا وتستمتع بالكماليات والرفاهية الى فيها عليك وعلى الجيتا وربنا يقدرك وتقدر تختار الى انت عاوزة

[SAiF3S]

موتور السيفيك 124 حصان .. و 140 دي بدعة من التوكيل مش اكتر ..

زاي ما بيقولوا على الكورولا بظبط .. 140 حصان انما هي فعلا 122 حصان

عندك حق موتور 1800 140 حصان
الموتور ال 1600 122 حصان
والاهم من عدد الاحصنه هو العزم و الجيتا 1600 و الهوندا سيفيك 1600 تقريبا نفس العزم -+150 نيوتن

[N.a.j.d]

الماني الماني

[Ralliart]

من وجهة نظري الهوندا احسن في الموتور والشد
والجيتا احسن في الباقي
شوف لو حضرتك عايز شد وغرز وهتستحمل المطبات وهي بتخبط في عربيه زيرو يبقى هات الهوندا
ولو حضرتك عايز حاجه ليك وللزمن وتحس بالراحه والاستقرار وانت راكبها يبقى عليك وعلى الجيتا بس هي قبل ال100 مبتجريش زي السيفيك يعني عايزه واحد هادي يمشي براحته في الطريق

[romeo_6887]

خليك في الهوندا لو انت غاوي جري و شد
لو سواقتك هاديه خليك في الجيتا
و لا تنسي صلاه الاستخاره

[N.a.j.d]

تماااااااام ياشباب