عضو جديد ومحتاج اقرر

[Pink_Waters]

جين2 1.6 F/o M/t
ياريس 1.3 F/o M/t
نوبيرا 1.6 Sx F/o M/t
كليو 1.4 F/o M/t
اوبترا 1.6 M/t
فيات جراند بونتو 1.4 M/t
هوندا سيتي 1.3 F/o M/t

ما يهمنى هو:
الشد والتجميع
متعة القيادة
الكماليات
الفخامة
الثبات
الجودة

[Anti_virus_abdo]

هي الجين 2 فيها كل الي قلته عدا الجوده
فعشان كده ارشحلك هوندا سيتي
و برضه الياريس في نفس المستوي

[Ahmed Anwer]

اعتقد كل اللي قولته متجمع في الجراند بونتو ،،

عربية روعة لو شوفتها علي الحقيقة ،،

بس مشكلتها في توكيلها الفاشل ،،

[tutankhamoun]

هي الجين 2 فيها كل الي قلته عدا الجوده
فعشان كده ارشحلك هوندا سيتي
و برضه الياريس في نفس المستوي

حضرتك تقصد أيه بالجودة ؟؟؟؟؟
هو علشان مستوى التابلوه ........ تخلي العربية جودتها وحشة ؟؟؟؟

عموما بالنسبة لسؤال بينك وواترز

الجين 2 متنفعش في سواقة وسط البلد كتير ........ و الأفضل عربية 1300 علشان توفر معاك في البنزين
أما لو معظم مشاويرك على طرق فيها جري و سرعة يبقى الجين 2 تاكل كل العربيات موضع المقارنة

و أنا عن نفسي أرشحلك
هوندا سيتي أو ياريس لمشاوير وسط البلد

و جين 2 للمسافات الطويلة

جين 2 سحب عالي في الجري و قوة فظيعة ........... جودة في التقفيل العام ممتازة
تقفيل التابلوة ممتاز .......... خامات مستخدمة في التابلوه ...... عاديه جدا و مصنوع من بلاستيك رخيص ......... عدا ذلك لا شئ أخر يعيب السيارة
و لو محتاج أي معلومات عن السيارة الجين 2 أنا تحت أمر حضرتك

[Karim_Monir]

اعتقد كل اللي قولته متجمع في الجراند بونتو ،،

عربية روعة لو شوفتها علي الحقيقة ،،

بس مشكلتها في توكيلها الفاشل ،،

لاء الجراند بونتو موتورها ضعيف
1400 بيطلع 77 حصان وكامه واحدة -8 صباب

[Pink_Waters]

شكرا tutankhamoun على الشرح الوافى لاكن نظرا لتقيمات الجين على النت كلها سيئة :

http://www.whatcar.co.uk/car-review/proton-gen-2-hatchback/688/

[makram555]

هي الجين دي صناعه ايه عايزين ان امكن فكره عنها خصوصا النوع اللي موجود بمصر

[tutankhamoun]

بص يا باشا أنا مقولتش إن العربية أحسن عربية في الكون
أنا بقولك العربية عيبها الوحيد ........ و لم أعرفه قبل أن أشتري
أنها لا تصلح لمشاوير وسط البلد عموما و تصلح لمشاوير طوالي
و أنا نظرت على تقييم العربية على الموقع whatacar
ليس كل التقييمات يتم الأخذ بها ........ لأن هناك بعض التقييمات التي تعتمد على طبيعة بريطانيا و التي تختلف عن طبيعة مصر مثل شريحة التأمين التي تدخل فيها السيارة و موضوع اعادة البيع الذي يختلف كليا و جزئيا عن مصر

بالنسبة لتقييم الموقع سأحلله نقطة نقطة و أشرح لك تجربتي الشخصية مع السيارة :
أولا من ناحية الأداء
السيارة حصلت على نجمتين في تقييم الموقع المذكور
أولا بريطانيا أغلب الطرق هناك محكومة من ناحية السرعة و مفيش العك اللي موجود في مصر ........ و العربية لا تعطيك أداء ممتاز إلا لما تعلى بسرعات الموتور في الدقيقة الواحدة أعلى من 3 على عداد ال RPM
يبقى العربية مش عملية على الاطلاق في وسط البلد و على السرعات المنخفضة
من ناحية الركوب و التعامل مع السيارة حصلت على 3 نجمات و هذا جيد نظرا للثبات العالي للسيارة في السرعات العالية ( صممت لتعمل على سرعات عالية) و الثبات أكثر من ممتاز في المنحنيات على سرعات عالية
و تشعر بقوة السيارة و قوة تحملها
بالنسبة للتقييم الثالث refinement و هي واخدة نجمة واحدة

عزل كابينة السيارة أنا أعطيه 3 نجوم و ليس نجمة واحدة و خلي بالك إن كان في موديلات قبل 2007 و كان فيها مشاكل في التقفيل و لكن تم تلافي المشاكل في موديل 2007 و تم تلافي المشاكل نهائيا في موديل 2008 مع اضافة أشياء إلى السيارة مثل تقوية المحرك ....... و اضافة مشغل ام بي ثري إليه بدلا من أوديو فقط


و بص على تقييمات الناس اللي راكبها على الوصلة دي

http://www.whatcar.co.uk/car-review-readers.aspx?RT=688&U=0

و بأكرر نصيحتي لك مرة أخرى
إذا كنت تقود السيارة داخل المدينة كثيرا أبعد عن الجين 2 و أي عربية 1600
و خليك في حاجة 1300 ........ علشان السواقة في وسط البلد في مصر بقيت مستحيلة فميبقاش موت و خراب ديار !!!!!!!!!!

و لو العربية عجباك أتكل على الله و أشتريها لو ما بتسوقش في وسط البلد كتير

[tutankhamoun]

هي الجين دي صناعه ايه عايزين ان امكن فكره عنها خصوصا النوع اللي موجود بمصر

شركة بروتون شركة ماليزية و ليس لها مصانع خارج ماليزيا على حد علمي
و بالنسبة لسؤال حضرتك الجين 2 صناعة ماليزي و تم تصميمها مع شركة لوتس الإنجليزية و التي مملوكة لشركة بروتون الماليزية

[الريس]

هوندا سيتي .. احسن اختيار

[3mr Farrag]

استاذ tutankhamoun
اولا الجين 2 اللي جايبها ....التبلوه الاسود في رمادي ولا البيج؟؟؟
ثانيا الزراير بتاعت الزجاج بتحس انها ضعيف و بزيق او خامتها لاديئه ولا لأ؟؟
لأني جربت الجين 2 موديل اعتقد 2006 و كان الزراير يتزيق

[fahd_628]

مادام يهمك الشد و الجرى و الثبات و متعة القيادة و الكماليات هية الجين 2 مفيش غيرها بص على الفيديوهات الى انا حاطتها فى منتدى بروتون و العربية حتعجبك اوى اوى

[محمدايهاب]

معظم متطلباتك موجودة في الجين تو عدا الجودة (معلش يا توت عنخ أمون أنا شفت و ركبت و عارف ناس عندهم العربية) و كمان موضوع العمر
أنا واحد صاحبي عنده جين تو سوده فيها مشاكل كتيير

[tutankhamoun]

استاذ tutankhamoun
اولا الجين 2 اللي جايبها ....التبلوه الاسود في رمادي ولا البيج؟؟؟
ثانيا الزراير بتاعت الزجاج بتحس انها ضعيف و بزيق او خامتها لاديئه ولا لأ؟؟
لأني جربت الجين 2 موديل اعتقد 2006 و كان الزراير يتزيق

عربيتي يا أستاذ عمرو التابلوه بتاعها لونه أسود
و الزراير لا بتزيق و لا حاجة و تقفيلها كويس جدا جدا
و أنا عربيتي موديل 2007

معظم متطلباتك موجودة في الجين تو عدا الجودة (معلش يا توت عنخ أمون أنا شفت و ركبت و عارف ناس عندهم العربية) و كمان موضوع العمر
أنا واحد صاحبي عنده جين تو سوده فيها مشاكل كتيير

أستاذ محمد .... أهلا بك
هل من فضلك تقوم بتعريف الجودة ؟؟؟؟؟؟؟؟؟
هل تقصد جودة السيارة و جودة التقفيل ........ ؟؟؟ أم جودة التابلوه ؟؟؟؟
أنا لا أدافع عن السيارة بأي شكل من الأشكال و لكني أقول ما لها و ما عليها
أنا لم يظهر معي أي عيب من العيوب التي ظهرت في الموديلات السابقة لموديل 2007 و أيضا أنا مازلت تحت اول 1000 كيلو متر ........ يمكن العيوب دي تظهر لاحقا !!!
و لكن حتى الآن السيارة ممتازة
قوة .... متانة صاج فظيعة ........ جمال ....... كماليات ...... استهلاك للبنزين جيد ...... قطع غيار موجودة إن شاء الله ......... أسعارها معقولة ......
و أنا زي ما قلت من قبل ......... التابلوه تم صناعته من بلاستيك يوحي بالرخص في السعر و هو فعلا بلاستيك ليس جيد ..........
نعرف يا أستاذ محمد أنا أول مرة أستمتع بقيادة هذه السيارة كان يوم أمس و الطرق خاليه من الأخوة أياهم ......... و بعديم العربية برضه أعتقد أنها بدأت تفتح في السحب و الجري بعد حوالي 900 كم ....... لأني في البداية لم أشعر بقوتها !!!!!!!!
و لكن السيارة ما شاء الله ........ كلامي لن يعطيها ما تستحق
و أنا أراها من أفضل السيارات في فئة تحت 100 ألف جنيه
و في رأيي الشخصي البحت ( رأي شخصي يرجع لي و ليس حقيقة ) أفضل من الياريس و الهوندا سيتي ........ من فضلكم يا أصحاب تلك السيارتين بلاش تهاجموني لأن ده رأيي الشخصي

المهم موديل 2007 مختلف عن باقي الموديلات و لم يظهر به مشاكل كالتي ظهرت في الموديلات السابقة

[Sharky]

أستاذ tutankhamoun أولا الف مبروك شرائك للعربية و ربنا يبارك لك فيها
ثانيا محدش حيهاجمك من ملاك العربييتين لإن من حقك يا باشا تقول رأيك

لكن الجين 2 عربية ممتازة فعلا لكن عيبها الأساسى اللى معروفه به هو تقفيلها السئ و دا بيشتكى منه كتير من ملاك السيارة و أنا عن نفسى ليه واحد صاحبى معاه جين 2 و دائما بيشتكى من التوكيل السئ و التقفيل السئ و حضرتك ممكن تشوف اللينك دا

http://www.nilemotors.net/Nile/showthread.php?t=10722