اشترى اسبيرانزا 516 ولا رينو لوجان

[GJOGJO80]

السلام عليكم
كل سنة وانتوا طيبين
ممكن يا جماعة بأمانة حد يفيدنا فى المقارنة بين سيارة لوجان واسبيرانزا A516 ، أكون شاكرة لسرعة الرد ، اختكم محتارة

[bHa2]

نصيحه لاختي الصغيره
ابعدى عن الصينى
اللوجان عربيه حلوه
والاسبرانزا جامده
بس الصيني لازم يطلع فيه اي حاجه تزعلك
وممكن تدخلي قسم اللوجان كمان وانتي نفسك هتقدري تقارني
يعني مثلا
انا كنت هجيب اسبرانزا 516 وبعدين لفت نظري الفيرنا
وبعدين شويه جالي فلوس زياده شويه
قولت هجيب اوبترا
وبعدين باصدفه دخلت قسم بروتون
سياره لا غبار عليها
والحمد لله استقريت علي الجين 2
وعلى اخر السنه كده هجيبها
ادخلي و شوفي الموديلات التانيه من بروتون
وانتي اللي هتقرري مش حد تاني
----------------------
ياريت محدش يزعل من قسم اسبرانزا
بس ده رأى شخصى

[shiko85]

السلام عليكم
كل سنة وانتوا طيبين
ممكن يا جماعة بأمانة حد يفيدنا فى المقارنة بين سيارة لوجان واسبيرانزا A516 ، أكون شاكرة لسرعة الرد ، اختكم محتارة

لوجان او فيرنا او i10

[foxarc]

لوجان أفضل و اسبيرانزا حلوة برضه بش بلاش فيرنا و لا لانوس

[mmmmgogommmm]

السلام عليكم
كل سنة وانتوا طيبين
ممكن يا جماعة بأمانة حد يفيدنا فى المقارنة بين سيارة لوجان واسبيرانزا a516 ، أكون شاكرة لسرعة الرد ، اختكم محتارة

اشترى اسبرينزا لان الرينو هو اللى هيحيرك وانت رايحة جاية على التوكيل ولو اتكسرت عندك مراية هيقولك معنديش وهبعت اجيبلك واحدة من رومانيا وبعدين موتور الللوجان تكنولوجيا قديمة 8 صباب اما الاسبرينزا قطع غيارها فى كل حتة المراية ب120 والاكصدام 120 والفانوس امامى 170 والخلفى150 وموجودة برة التوكيل والتوكيل نفسة رخيص على فكرة انا بقارن زيك عشان اشترى

[hugan]

اسبرانزا طبعا اول شيء الا نتشار الرهيب للسياره قطع الغيار بقت رخيصه جدا الصنا يعيه اشتغلوا فيها واتعرفت جميع الكماليات بلا منافسه الوسع الداخلي الثبات الممتاز الي 170 كيلو عن تجربه بفضل وزن السياره الثقيل 1300 كيلو جرام الصاج الخارجي جيد جدا متين يعني مش بيتطبق من اقل شي يعيبها بعض عيوب التقفيل الداخلي ولكن تم تلا في العيب في مود ديلات 2010 عيب ا لرينو بيها عيوب والكل بيتكلم عليها في منتدي الرينو +الميكانيكا المعقده لرينو قطع الغيار المبالغ في اسعارها ومش موجوده غير في التوكيل اظن ان السبرانزا تتفوق علي الرينو ولك الا ختيار

[alf2boshra]

اسبيرانزا كمان متهيألي كشكل مش هتبقى خايله على حضرتك
سامحيني باحس انها عربيه رجالي بس
يمكن عشان هي ماليه الدنيا تاكسيات
المهم زي ما TuRbO911 قالك ادخلي قسم بروتون وشوفي
انا كنت محتار زيك كدا
ودخلت تقريبا اقسام اكتر من اسم صيني
عشان كمالياتهم وقطع غيارهم المنتشرة والرخيصة
بس بصراحه ومن تجارب وشكاوى الاعضاء
في مختلف الاقسام هتلاقي كل عربيه فيها حاجه غير التانية
انتي تجيبي حاجه تريحك مش تنسيكي الراحة
ليه ما تشوفيش الساجا الاتوماتيك
وتقريبا سعرها زي الاسبيرانزا اللي حضرتك عاوزها
واسم بروتون الماليزي يستحق كل الاحترام
وفيه منها المانيوال .. ولو شفتي قسم بروتون ممكن حد من الاعضاء يدلك على اي من فروع التوكيل اللي ممكن يكون فيه تيست درايف
ما سألتنيش انا بعد حيرتي رسيت على إيه
بإذن ربنا ساجا مانيوال
أقولك قولي يارب
وبإذن ربنا هتلاقي ارشاد من عنده في الحاجه اللي فيها صالحك
ربنا معاكي .. و مبروك مقدماً
ألفي بشرى

[GJOGJO80]

شكرا على الرد بس يعنى انا قلقت شوية من الكلام على اللوجان عشان اسعار قطع الغيار الرهيبة بس كل الناس بتنصحنى باسبيرانزا اكيد عن تجربة ، على فكرة انا برده باحترم بوتون جدا بس على ما اعتقد هى سيارة رياضية تليق بالشباب مش حتنفع مع بنت - ربنا يوفقنى انشاءالله

[GJOGJO80]

متشكرة أوى على النصيحة - بس اهم حاجة الساجا دى الصاج بتاعها جامد زى اسبيرانزا فى اللى قالوه Huganعنها

[alf2boshra]

متشكرة أوى على النصيحة - بس اهم حاجة الساجا دى الصاج بتاعها جامد زى اسبيرانزا فى اللى قالوه Huganعنها

بصي يا GJOGJO80
تقريبا كل الموديلات الحديثة الصاج بتاعها متقارب
بس طبعا بعد استبعاد فئتين
[ 1 ] الصيني مجهول الهوية [ 2 ] الفئات اللي فون الـ 200 ألف
لكن كله بعد كدا متقارب
ومن مشاركات الناس بتوع بروتون بيقولوا ..
ان الصاج بتاع الساجا قريب او زي الأفيو .. كدا متهيألي انه كويس
خدي اللينكات دي وشوفي اللي فيها هتفيدك في قرار الشراء

تقرير عن الساجا اول يوم في مصر حفل الافتتاح

http://www.nilemotors.net/Nile/107765-new-saga-begins.html

التقرير المفصل عن الجميله ساجا

http://www.nilemotors.net/Nile/130191-2.html

أهم عيوب الساجا من مالكيها

http://www.nilemotors.net/Nile/136328-a.html

إكسسوارات الساجا

http://www.nilemotors.net/Nile/135712-a.html

جميع محلات قطع الغيار لبروتون

http://www.nilemotors.net/Nile/103347-a.html

وده قسم بروتون كله ادخليه وعيشي
بــروتـــون - :: نــايــل مــوتــورز:: - :: NileMotors.net ::
بالتوفيق .. ومستني رأيك ..
ألفي بشرى

[mmmmgogommmm]

بقارن فى فئة ال67000 جميع الكماليات / موفرة فى البنزين // قطع الغيار متوفرة داخل التوكيل باسعار معقولة وخارج التوكيل باسعار رخيصة // ليها ثبات على الارض بعد سرعة 100 // الصاج معقول مش خفيف // العفشة معقولة مش ناشفة اوى ومش طرية اوى متستحملش الركاب والمطبات وكان الترتيب كا الاتى /* 1 اسبرينزا 2/* لوجان اولانسر استعمال2007ب650000 الى70000

[GJOGJO80]

ميرسى لحدرتك جدا

[mmmmgogommmm]

البروتون جميلة بس اسعار قطع غيارها نار وبعضها غير متوفر باالتوكيل ولا برة التوكيل + الفيرنا خفيفة ملهاش ثبات بعد ال100 والصاج بتاعها سىء جدا والعربية ضيقة وشكلها مش مودرن الميزة الوحيدة فيها موتورها محترم جدا وقطع غيارها متوفرة ورخيصة واستهلاك البنزين بسيط بس من وجهة نظرى الاسبرينزا احلى ثبات+ صاج قوى +قطع غيار متوفرة ورخيصة+ شكل فخم +وكيل رخيص +استهلاك بنزين معقول200 فى الصفيحة داخل البلد يعنى الللتر بيعمل10 كيلو من غير استخدام التكييف ودة كلام الناس اللى اشترتها

[shiko85]

بصراحه انا مش مقتنع ان بنت تركب 516, شوفى دايهاتسو سيريون مانيوال جميع الكماليات بـــ 75,000

[shiko85]

سؤال بسيط, هو لازم عربيه من الــ 2 دول ؟ يعنى لوجان او 516 بس ؟