اشترى اسبيرانزا 516 ولا رينو لوجان

[تامر.محمد]

همممم , فيه هنا مقارنات كتير بين الاسبرانزا و اللوجان و الساجا و اللانوس و الفيرنا

اللي كنت باشوفه ان اقل عربية فيهم الاسبرانزا(ناس شكرت فيها و ناس اشتكت منها موت, و الميزة قطع الغيار رخيصة و الموتور سحبه كويس ) , و اعلاهم اللوجان (كماليات عالية , تقفيل كويس , و العيب , موتور قديم بس بيقولوا مش سيء , قطع غيار غالية حاليا و احتمال ترخص , بعض العيوب البسيطة ) و الساجا (يعيبها قطع غيارها الغالية و بعض عيوب التقفيل , يميزها موتورها الحديث و كمالياتها العالية و وجود اتوماتيك منها ) , يليهم اللانوس (مميزاتها رخص و انتشار قطع الغيار و سمعتها و اعتماديتها من زمان و سعر و سرعة اعادة بيعها , عيوبها موتور قديم تسارعه مش قد كده بالمقارنة بالباقيين , و الفرامل الضعيفة للي سواقته عنيفة ) ثم الفيرنا ( موتور مشهور بتسارعه , توكيل مشهور انه سيء , ثبات مشهور انه سيء , قطع غيار منتشرة و اعادة بيع برده كويسة )

أنصحك تقري المقارنات الكتير بين الكام عربية دول , انا عن نفسي من المقارنات تقييمي ان اللوجان والساجا متقاربين , يليهم اللانوس , ثم السبيرانزا و الفيرنا

[ash257]

اللوجان افضل والصينى مجازفه وكل الى بيشكر فيه راكبه من فتره صغيره والله اعلم بعد كام سنه هيقول عليه أيه عشان العربيه سلعه معمره يعنى أنا باجيبها عشان تعيش فايما ابقى عارف ان العربيه اثبتت كفاءه يأما تكون الشركه الى مصنعه العربيه معروفه وليها تاريخ وكلاهما يتوفر فى ال الاسبرنزا ال 516
طبعا قطع غيار اللوجان قصه محسومه مع انتشارها الرهيب هتبقى رخيصه جدا والخبر الجديد أن اللوجان نازله تاكسى أبيض
كتوكيل طبعا توكيل رينو افضل من توكيل اسبرنزا

http://www.nilemotors.net/nile/116607-a.html

مع احترامي وحبي للوجان بس أنا شايف أن لوحسبناه من ناحية الانتشار والاقدم في السوق وكمان التاكسي يبقى الاسبرانزا أحسن أنا معجب اللوجان بس برضو اعرف ناس اشتكت من بعض العيوب اللي تخليها مش هي الاختيار الأمثل يعني ممكن تكون اختيار كويس بس مش الأمثل وكذلك الاسبرانزا بس كل واحدة فيهم فيها مميزات ممكن تخلي الواحد يشتريها وكمان الاسبرانزا ال516 خاصة الموديل الجديد مافيش منه شكوى خالص يبقى المشكلة فين بقى الانسب ليه ولاحتياجاته يشتريها انما انا شايف الاثنين كقيمة مقابل السعر زي بعض بالضبط
- اتفق معاك في موضوع التوكيل 100% عيب اسبرانزا من وجه نظري هو ابو الفتوح

[bishoy02010]

مع احترامي وحبي للوجان بس أنا شايف أن لوحسبناه من ناحية الانتشار والاقدم في السوق وكمان التاكسي يبقى الاسبرانزا أحسن أنا معجب اللوجان بس برضو اعرف ناس اشتكت من بعض العيوب اللي تخليها مش هي الاختيار الأمثل يعني ممكن تكون اختيار كويس بس مش الأمثل وكذلك الاسبرانزا بس كل واحدة فيهم فيها مميزات ممكن تخلي الواحد يشتريها وكمان الاسبرانزا ال516 خاصة الموديل الجديد مافيش منه شكوى خالص يبقى المشكلة فين بقى الانسب ليه ولاحتياجاته يشتريها انما انا شايف الاثنين كقيمة مقابل السعر زي بعض بالضبط
- اتفق معاك في موضوع التوكيل 100% عيب اسبرانزا من وجه نظري هو ابو الفتوح

إيه العيوب اللى حضرتك عرفها عن العربية :) عشان فى معلومات جديدة حضرتك متعرفهاش

[ash257]

إيه العيوب اللى حضرتك عرفها عن العربية :) عشان فى معلومات جديدة حضرتك متعرفهاش

1- رعشة في عصا الفتيس.
2- زنة في دواسة البنزين.
3- سخونة من أسفل دواسة البنزين.
4- رعشة عامة في جسم العربية على السلانسية.
5- صوت الماتور مرتفع.
6- نقص في بعض الكماليات - المهمة بالنسبة ليا - زي فتح التانك والشنطة من الداخل.
7- في حاجة غلسة - برضو بالنسبة ليا - زي أماكن زراير الزجاج والكلاكس.
8- الموتور تكنولوجي قديم شويتين بس ممكن ماتفرقش معايا بس تفرق مع بعض الناس.
9- الشكل عليه أختلاف كبير أنا مثلا عجباني الهاتشباك أكتر من السيدان وبرضو السيدان مش وحشة.
10- العربية عموما تحس انها اقتصداية في كل حاجة يعني حتى وانت بتفتح الباب وتقفلة تحس انها عربية قديمة والمرايات ناشفة غير الاضاءات اللي في التابلوة ونصها مش شغال بدون داعي.

كل الكلام ده أنا عرفته من هنا في المنتدى لأني معرفش حد جايبها من قرايبي ولا حاجة بس برضو أنا مش ضد اللوجان بس بقارن بينها وبين العربيات اللي في نفس الفئة السعرية ويمكن أشتريها على فكرة بس بعد المقارنة علشان أكون مقتنع بالقرار.

المقارنة الصح أنت اللي تعملها بنفسك تشوف رأي ملاك العربية والمشاكل بتاعت كل عربية وتقارن ماتخليش حد يقارن لك.

[zkralla]

1
- رعشة في عصا الفتيس.
2- زنة في دواسة البنزين.
حضرتك لو شفتهم بعينك هتعرف أن ده كلام غير ملحوظ نهائى ولازم تسيب السواقه وتعقد تبص عليهم عشان تكتشفهم


3- سخونة من أسفل دواسة البنزين.
العازل بيركب ببلاش


4- رعشة عامة في جسم العربية على السلانسية.
مفيش حاجه كده خالص


5- صوت الماتور مرتفع.
جاجه بسيطه اعلى من اللانوس والفيرنا وغير مسموع نهائى - نهائى ديه مش مبالغه - من داخل العربيه عشان عزل العربيه ممتاز


6- نقص في بعض الكماليات - المهمة بالنسبة ليا - زي فتح التانك والشنطة من الداخل.
فعلا ومكنش هيكلف الشركه كتير


7- في حاجة غلسة - برضو بالنسبة ليا - زي أماكن زراير الزجاج والكلاكس.
بعد يومين هيبقى ده الطبيعى ومش عارف رينو مصممه ليه تبقى فى النقط ديه شريك مخالف يعنى تخليها مع الحاجه الى الناس اتعودت عليه



8- الموتور تكنولوجي قديم شويتين بس ممكن ماتفرقش معايا بس تفرق مع بعض الناس.
لأ خالص (بالرغم من أن الكلام ده بيتقال كتير )عشان رغم أنه من سنه 99 الإ أن نفس الماتور بس مضاف اليه كامه تانيه يبدى 110 حصان يعنى الفكره فى اقتصاديه الماتور وتوفيره للبزين (عملت 5 لتر لكل 100 كيلو وده استهلاك خرافى )
9- الشكل عليه أختلاف كبير أنا مثلا عجباني الهاتشباك أكتر من السيدان وبرضو السيدان مش وحشة.


10- العربية عموما تحس انها اقتصداية في كل حاجة يعني حتى وانت بتفتح الباب وتقفلة تحس انها عربية قديمة والمرايات ناشفة غير الاضاءات اللي في التابلوة ونصها مش شغال بدون داعي.
سمعت الكلام ده ولا شفته فى الحالتين هو مش مظبوط بس لو شفته قول لصاحبه العربيه على التوكيل على طول لأن ده عيب فردى تماما

كل الكلام ده أنا عرفته من هنا في المنتدى لأني معرفش حد جايبها من قرايبي ولا حاجة بس برضو أنا مش ضد اللوجان بس بقارن بينها وبين العربيات اللي في نفس الفئة السعرية ويمكن أشتريها على فكرة بس بعد المقارنة علشان أكون مقتنع بالقرار.

المقارنة الصح أنت اللي تعملها بنفسك تشوف رأي ملاك العربية والمشاكل بتاعت كل عربية وتقارن ماتخليش حد يقارن لك

.

عشان نبقى عملنا مرجع لكل نقاط الضعف فى اللوجان هضيف كمان أن الباور بتاعها اتقل من الكورى شويه وديه عيب عند ناس لكنه ميزه عند اخرين عشان على السرعات العاليه بيدى أمان اكتر

عيوب بسيطه ومش مؤثره على اداء العربيه مش زى بعض العربيات الى فيها عيوب تخليك تكره العربيه ومميزات تخليك تنسى الكلام ده وتحمد ربنا كل ما تركب العربيه أن ربنا وفقك ليها

[bishoy02010]

عشان نبقى عملنا مرجع لكل نقاط الضعف فى اللوجان هضيف كمان أن الباور بتاعها اتقل من الكورى شويه وديه عيب عند ناس لكنه ميزه عند اخرين عشان على السرعات العاليه بيدى أمان اكتر

عيوب بسيطه ومش مؤثره على اداء العربيه مش زى بعض العربيات الى فيها عيوب تخليك تكره العربيه ومميزات تخليك تنسى الكلام ده وتحمد ربنا كل ما تركب العربيه أن ربنا وفقك ليها

تمام حضرتك رديت على كل النقط بالتقريب ازود بس رأى ملاك العربية
http://www.nilemotors.net/Nile/139390-a.html

[ash257]

يا جماعة أنا مش ضد اللوجان ولا مستني حد يقنعني بيها أو يرد عليا في نقط الضعف الخاصة بالعربية
بس نتفق ان فيها نقط ضعف وليها رد وكذلك أي نوع تاني - زي الاسبرانزا - برضو فيها نقط ضعف وليها رد واللي بالنسبة لحد عيب بسيط ممكن يكون عيب كبير عند حد تاني واللي ميزة بسيطة عند حد ممكن تكون مهمة بالنسبة لحد تاني وهكذا..

[bishoy02010]

يا جماعة أنا مش ضد اللوجان ولا مستني حد يقنعني بيها أو يرد عليا في نقط الضعف الخاصة بالعربية
بس نتفق ان فيها نقط ضعف وليها رد وكذلك أي نوع تاني - زي الاسبرانزا - برضو فيها نقط ضعف وليها رد واللي بالنسبة لحد عيب بسيط ممكن يكون عيب كبير عند حد تاني واللي ميزة بسيطة عند حد ممكن تكون مهمة بالنسبة لحد تاني وهكذا..

على فكره انا مش قصدى نهائى انى اقنع حضرتك بالعربية لأن ببساطة لو حضرتك اشترتها او مشترتهاش انا مش هستفيد حاجة ..أنا صدقنى كان كل قصدى انى اوضحلك ان فيه مشاكل او عيوب كانت ظاهرة فى الأول واتحلت تماما ده كل اللى قصدى عليه وطبعا كل العربيات فيها عيوب ومميزات والواحد بيختار اللى يناسبه منها وفى الأخر كله حديد
تقبل تحياتى

[zkralla]

يا جماعة أنا مش ضد اللوجان ولا مستني حد يقنعني بيها أو يرد عليا في نقط الضعف الخاصة بالعربية
بس نتفق ان فيها نقط ضعف وليها رد وكذلك أي نوع تاني - زي الاسبرانزا - برضو فيها نقط ضعف وليها رد واللي بالنسبة لحد عيب بسيط ممكن يكون عيب كبير عند حد تاني واللي ميزة بسيطة عند حد ممكن تكون مهمة بالنسبة لحد تاني وهكذا..

على فكره انا مش قصدى نهائى انى اقنع حضرتك بالعربية لأن ببساطة لو حضرتك اشترتها او مشترتهاش انا مش هستفيد حاجة ..أنا صدقنى كان كل قصدى انى اوضحلك ان فيه مشاكل او عيوب كانت ظاهرة فى الأول واتحلت تماما ده كل اللى قصدى عليه وطبعا كل العربيات فيها عيوب ومميزات والواحد بيختار اللى يناسبه منها وفى الأخر كله حديد

تقبل تحياتى

+1111

[Egyzizo]

السبيرانزا عربية كويسة ..
صحيح بعض أصحابها اشتكوا من مشاكل فى الفتيس والفرامل والدركسيون والعفشة والكاوتش ، وتآكل زيت المحرك ونقصان زيت الموتور ورشح لزيت الفتيس .. بس هم رافعين قضايا على أبو الفتوح وان شاء الله ياخدوا حقهم ..

فاللى يشترى اسبيرانزا هينبسط منها ، بس يبقى معاه احتياطى محامى كويس لعل وعسى يحتاجه زى ما ناس كتير من اللى اشتروها احتاجوه ..

دعــاوى قضائية لسحب سيارات اسبيرانزا