تجربة قيادة - ماذا تشتري لو كنت مكاني ؟

[Sharky]

السلام عليكم

بصراحة يا كريم باشا أنا كنت فى نفس الحيرة بتاعتك دى بس كنت مزود عليهم الياريس و جربت سواقة السيارات دى كلها و فى الأخر إخترت الياريس عن إقتناع و إستبعدت اللانسر لنزول الشكل الجديد و الإنتشار الرهيب و الإلنترا لإنى مقتنع طالما ممكن أجيب يابانى بسعر الكورى يبقى يابانى طبعا و الكرولا لسعرها الغالى و نزول الشكل الجديد.
بس بصراحة بعد مقارنة سواقة الياريس بالانسر بصراحة الياريس أحسن و أنعم و عجبتنى أكتر من اللانسر فققرت شراء الياريس و الحمد لله بيزيد إقتناعى بيها .

حول تفكر فيها و لو عايز أى حاجة منى عليها أنا تحت أمرك و أبقى قولنا حتستقر على إيه؟

[Migo123]

كيمو مش عايز احيرك ... بالنسبة لل 3 عربيات اللي اخترتهم الكورولا صدقني تكسب و الفرق الوحيد بينها وبين اللانسر ان العربيه حمـــــــــــــالة اسيه من الاخر .... وده عن تجربه لعربيه موديل 2002 (أول الشكل الحالي)
العربيه انا سوقتها لغايه 170 على طريق الساحل كتير وفراملها ممتاز واستجابتها للسائق رائعه --- انا شخصيا كنت ماشي على الصحراوي على 150 بالليل وفجأه لقيت قدامي كاوتش عربيه نقل على بعد لا يزيد عن 25 متر وخدت بيها غرزه قطم على السرعه دي وزودت السرعه لتفادي السيارات القادمه من خلقي والعربيه كانت على الخامس ومحركها التحفه زود من 150 ل 170 في ثانيه عشان اقدر اهرب من اللي ورايا... الحمد لله الموقف ده لو كان حصلي مع اي عربيه تانيه مش عارف كان ايه اللي ممكن يحصل.
ده غير ان نفس العربيه اللي بكلمك عليها بتتعامل اسوء معامله من خمس سنين -- لانها بدل عليها اكثر من 5 - 6 سواقين ومشواريها كلها في اماكن تكسر العفشه
وبسم الله ما شاء الله العفشه ما تفكش فيها مسمار و غير الصيانه العاديه ما بتحتاجش حاجه غير ان مره الكمبروسر بتاع التكييف باظ وهي في الضمان واتغير على حساب الوكيل طبعا و ده عيب مسمعتش عنه ابدا غير في الحاله دي
....

الفكره بقه هي ليه تدفع اكتر لما ممكن تدفع أقل............... الدايهاتسو ماتيرا اعتقد انها نفس الكفائة، اوسع من جوه، اوبشنز اعلى بكتير ، شكل مميز جدا، التوكيل اروق لان الضغط على تويتا عالي قوي اليومين دول .......وكمان ممتعه جدا في الرحلات الطويله خصوصا لو معاك اطفال... كل ده بضمان الوكيل (المحترم) 3 سنوات وليست خليجي والسعر اقل من اللانسر الخليجي 97 الف .... ايه رأيك بقه ....

[sh_masry]

بص يا كريم بعد تفكير جدى و عميق و بعد ما حطيت نفسى مكانك انا كنت هاجيب اللانسر ,
العفشه بتاعت الهيونداى كله مش حلوه و بتشخلل بسرعه جدا غير اليابانى .
و فى الأخر الأتنين 1600 يبقى هات اللانسر و انا جبت الهيونداى علشان كان نفسى اركب 1600 و ماكنش معايا فلوس اجيب 1600 لانسر الفول سبورت فاجبت الألانترا و الشكل القديم كمان علشان الجديد ماعجبنيش شخصيا .

a7'ook
Sherif

[Migo123]

و بعدين انت طول عمرك معجب بالواجـــــــــــــــــــــــا هات العربيه اللي عامله 70 الف المستعمله دي وحط 30 الف وشويه في جيبك .... او سلفهمولي عشان اجيب الماتيرا :lol:

[أبو عبدالله]

بص يا كريم
انا من رأيي انك تصبر لحد ما الأشكال الجديده تنزل او تختار عربيه تانيه تكون شكلها جديد ولسه امامه كذا سنه

ولو مش هتستنى يبقى رأيي الكورولا لعدة أسباب :
1- ان الكورولا الجديده هيبقى سعرها اعلى ولذلك الكورولا الحاليه هتمسك سعر واحتمال تزيد كمان
2- اللانسر زي الرز يعني لما تيجي تبيع هتلاقي عرض منها كتير جدا


بس انا لو معايا فلوسهم مش هجيب ولا واحده منهم لأن في اختيارات تانيه حلوه برضه :
1- السوبارو
2- التيريوس

[اسامة عبد العزيز جابر]

انا كنت فى نفس حيرتك

والحمد للة رسيت على اللانسر بعد نصائح كتير من الأخوة هنا أنا كنت عايز أجيب اللألانترا بس الشكل القديم لأن الجديد مش عاجبنى شخصيا لكن المشكلة حاليا أن انا مش ناوى أغير قريب أن شاء الله ونزول الشكل الجديد للانسر هل حيكون معناة عدم توافر قطع الغيار للموديل الحالى لأنى مش مرتاح لشكل الموديل الجديد ياريت لما ترسى على عربية تبقى تقول لى لأنى ابتديت أحتار تانى :?
اخوكم
اسامة عبد العزيز :roll:

[sh_masry]

أ.اسامه اللانسر اللى جبتها ايه 1600 و سبورتس وللا هاف ؟

a7'ook
Sherif

[اسامة عبد العزيز جابر]

أن شاء الله

أنا حأنزل مصر كمان شهر وناوى أجيب زى ما حضرتك نصحتنى الأوتوماتيك sport , وانا اتصلت بيهم من هنا فى جدة وقال لى أن السعر 111000 اوعى تقول لى عندك أقتراح تانى لأنى كدة رسيت خلاص ومش ناوى أرجع أفكر تانى :)
وبالمناسبة لو أى حد عايز حاجة من كارفور هنا فى جدة بالنسبة للعربيات ممكن ابقى أشوفها لة
اخوكم
اسامة عبد العزيز :roll:

[hazem_khidr]

ونزول الشكل الجديد للانسر هل حيكون معناة عدم توافر قطع الغيار للموديل الحالى

معلش يا استاذ اسامه الكلام دا غلط عمر ما قطع الغيار اتوقفت علشان الموديل اتوقف انتاجه مش حجيب سيره عربيات في السبعينات او التمانينات لكن علي الاقل لانسر 91(عيون صفيه) لحد انهارده قطع غيارها موجوده ما انقرضتش ولا حاجه

[sh_masry]

انا افتكرت انك بعد ما جبتها عايز تبيع و تجييب الانترا الشكل القديم و كنت هاقولك خد بتاعتى هههههههههه و انا عربيتى لسه جديده برده و ادينى بتاعتك ههههه

a7'ook
Sherif

[شريف]

بس يا استاذ كريم
بعد كل الردود دى مفيش حاجه تنقال
و حسب ارتياحك للعربيه تختار
الكورولا تختارها للبرستيج (برستيج اعلى)
كل حاجه تانيه الانسر تكسب

[اسامة عبد العزيز جابر]

ماتغلاش عليك يا شريف باشا وانا كمان أن شاء الله حأجيبها سوداء علشان تبق زى لون عربيتك على ما أتذكر وشكرا للأستاذ حازم على ردة وأرجوا ان نلتقى فى الأجازة أن شاء الله
اخوكم
اسامة عبد العزيز :roll:

[sh_masry]

مظبوط سوداء .... و نشوفك على خير و اجازتك ان شاء الله و لازم طبعا نتقابل كلنا , و مبروك مقدما و ربنا يديك خيرها و يبعد عنك شرها .
a7'ook
Sherif

[ramy771]

ايه رايك فى الوكتافيا a4
لو كانت امكانياتك تسمح
هو ب122000 جنيه
اخوك
م/ رامى سمير

[baher]

أنا أويد لحضرتك الانسر