تويوتا عيون ولا كرستالة؟؟

[ouba2]

يمكن دي اول مشاركة ليا في ميتسوبيشي:) بس معلش هابتديعا بسؤال
انا كنت بدور علي تويوتا ملكة (92 _97) بس مش لاقي حالة نضيفة فاتجة بحثي للعيون (98_99)
و ظهرت ادامي كذا كرستالة
فياريت تقولولي انهي واحدة احسن لطالب جامعة من حيث المصاريف (قطع غيار و بنزين) و انهي احسن في الثبات لاني بسافر كتير؟؟
معلش سؤال كمان كدة هو الكرستالة بتعمل كام كيلو متر في الصفيحة؟؟

[m.aligamal]

الكريستاله شكلها حلو عن العيون بكتير بس لو لقيت التيوتا الى قبل العين بجد بريستجيها حلو و كفائه

[temokemo]

شوف حضرتك لو المقارنة بين تويوتا الملكة وبين لانسر كرستيالة المكلة افضل ولكن لو المقارنة بين لانسر كرستيالة وتويوتا عيون لا الكرستيالة افضل

[m.aligamal]

صح الكلام كده

[HeMa_LanCeR]

من فضلك اعمل الموضوع ده كمان في قسم التويوتا علشان الانحياز
بس عموما لو كريستاله حالتها نضيفه طبعا هتكون احسن
اهم حاجه الحاله
وهما الأتنين في مستوي واحد من الأداء
بس كا شكل وخامات وثبات الكريستاله طبعا

[A7MED_PHARMA]

يعني إنت جاي في قسم الانسر
وتقول الانسر ولا الكريستالة؟؟؟
ههههههههه


طيب روح كده في قسم الفيات
وإسألهم
الكامري ولا الـ128 -مثلا-؟؟
هيقولوا الـ128 طبعا


.
وعموما
الموديل الأعلى أفضل ..والكريستالة عربية أكتر من هاااااااايلة
بشرط الحالة

[bmya]

بس ياباشا والله مش انحياز
اولا انا كان معاايا لانسر 99 اتوماتيك
وصحبي معه كورولا 99 مانوال
والله لما ساق عربيتي وهي اتوماتيك
كان متعجب من قوه موتورها وسحبها وطبعا شكلها ما يختلفش عليه 2
العيون الصراحه تعبانه قوي شكلااا على الاقل

[ouba2]

طيب انهي افضل في البنزين؟؟

[bmya]

الاتنين 1300 سي سي
يعني لو مظبوطين صح هتلاقي استهلاكهم ممتاز

[eng_ahmedryad]

ممكن بس ياجماعة ، حد يفسرلنا عيوب التويوتا عيون غير الشكل ؟؟

[ConDoR]

انا شاب زيك وانصحك تجيب كريستاله مش حتندم خصوصا لو حبيت تظبطها بتتظبط وبيكون شكلها جامد جدا انا جاري عنده تويوتا عيون لما بيقفو جمب بعض بصراحه مفيش مقارنه لا شكلا ولا مضمونا بس نصيحه دور على حاله مش عربيه

[د.محمود صلاح]

مش عاجبة ناس كتير في السوق المصري للمستعمل

[mechbolla]

بص يا باشا انا ان شاء الله هكلمك بمنتهي الامانه و الصدق عن الكورولا لانها معايا و ان شاء الله هقدر افيدك.

البنزين:في الزحمه والتكيف شغال الليتر مش اقل من 10 كيلو ان شاء الله

السحب: ممتاز علي 1300 ممكن اقل من اللانسر لانها اتقل لكنها اوفر في البنزين

الصالون:خامات و تقفيل هايل من رايي احسن من اللانسر لكن اللانسر اوسع

الصاج: محمل و اتقل من اللانسر و من الكورولا 92

الثبات: جميل جدا لحد 150 اكتر حاجه انا جبتها مش العربيه

قطع الغيار:مقاربه للانسر ولكن الاصلي معمر عن الانسر عشان حاجه واحده بس وهي toyota الاولي عل عالم

التكيف: برضوا مش هقولك غير toyota و في ميزه كمان مش في كل العربيات ان الكمبرسور مش دايما محمل عل موتور بيفصل و يشتغل زي تكيف البيت

في المجمل اقولك انها من وجه نظري افضل عشان:

البنزين-هاتلاقي منها نضيف كتير لانها مش شبابيه - سعرها منخفض نظرا لشكلهل اللي مخلي الناس كارهاها و بتعاملها معامله ال فيات 125 واللي يقولك دي صيني واللي يقولك اخرها 130 و ثبات وحش و كلام فاضي اوعس تصدقو صحيح كانت مع واحد اعرفو كان العادي انه يقفل العداد 180 اللي هوه اخره. عكس اللانسر 210 تقريبا و انسي انو يجبهم - ارتفاع عن الارض ممتاز مره وحده بس حكيت بيها في مطب كان معايا 5 في العربيه.

اعزرني لو عندي غلطاط في الكتابه لاني جديد في العربي

قبل منسي موتورها هوه هوه بتاع شكل 92 اسمو 2e عشان في برضو ناس تقولك ال 92 اقوي و اسرع و يتحمل حراره و كلام عجيب كده سيبك منه برضه.

لو عايز اي حاجه انا تحت امرك, المهندس احمد فتح الباب

[HeMa_LanCeR]

السحب: ممتاز علي 1300 ممكن اقل من اللانسر لانها اتقل لكنها اوفر في البنزين
ازاي اتقل بس اوفر اكيد في شك في النقطه دي

الصالون:خامات و تقفيل هايل من رايي احسن من اللانسر لكن اللانسر اوسع
علي فكره خامات اللانسر احسن من التويوتا بكتير ويمكن المقارنه بالنظر

الصاج: محمل و اتقل من اللانسر و من الكورولا 92
كلام سليم

الثبات: جميل جدا لحد 150 اكتر حاجه انا جبتها مش العربيه
عربيتك وانت جربتها مقدرش احكم عليها

قطع الغيار:مقاربه للانسر ولكن الاصلي معمر عن الانسر عشان حاجه واحده بس وهي toyota الاولي عل عالم
وقطع غيار اللانسر معمره وهات حد اشتري ليها قطعه في حياته مرتين ورا بعض زي الكوري كده مش علشان الاولي في العالم تبقي كده كل موديلاتها ممتازه

التكيف: برضوا مش هقولك غير toyota و في ميزه كمان مش في كل العربيات ان الكمبرسور مش دايما محمل عل موتور بيفصل و يشتغل زي تكيف البيت
العربيات كلها كده
بس اللانسر فيه ميزه كمان ماشوفتهاش في الكوري
انك لما تقرص علي العربيه والتكييف شغال بيفصل لحد ما تدي غيار تاني

في المجمل اقولك انها من وجه نظري افضل عشان:

البنزين-هاتلاقي منها نضيف كتير لانها مش شبابيه - سعرها منخفض نظرا لشكلهل اللي مخلي الناس كارهاها و بتعاملها معامله ال فيات 125 واللي يقولك دي صيني واللي يقولك اخرها 130 و ثبات وحش و كلام فاضي اوعس تصدقو صحيح كانت مع واحد اعرفو كان العادي انه يقفل العداد 180 اللي هوه اخره. عكس اللانسر 210 تقريبا و انسي انو يجبهم - ارتفاع عن الارض ممتاز مره وحده بس حكيت بيها في مطب كان معايا 5 في العربيه.
كل اللي قلته معاك فيه ما عدا السرعه القصوي
انا الحمد لله جبت بعربيتي 197 علي المحور وجبت 186 علي مصر اسكندريه الصحراوي والكلام ده كان فيديو هنا في المنتدي بس من فتره كبيره علشان كان في جدال مع احد الاعضاء بسبب الموضوع ده وصورته فيديو ونزلته



لو عايز اي حاجه انا تحت امرك, المهندس احمد فتح الباب

انا مش بقول كده علشان عندي لانسر وانا في اول الموضوع قولت لصاحبه انه يعمل الموضوع في قسم تويوتا لعدم الانحياز للانسر في القسم بتاعها
وحبيت بس اوضح النقاط علشان نقدر نتواصل مع بعض لتقرير حقيقي لتوضيح المقارنه بطريقه صحيحه
واقدم الاعتذار في حاله التجاوز الغير مقصود
تقبل مشاركتي

[mechbolla]

HeMa_LanCeR
واضح من كلامك ان فهمت معني كلامي غلط