تويوتا عيون ولا كرستالة؟؟

[Kazzaz]

انا ارشح الكرستاله يا صاحبي .. انت معاك كام ؟؟ ممكن يكون في حاجه احسن من الاتنين دول .. ايه رايك في السيفيك ؟

[HeMa_LanCeR]

hema_lancer
واضح من كلامك ان فهمت معني كلامي غلط

اتمني افهم الصح
الواحد كل يوم بيتعلم جديد
ياريت حضرتك توضح نقط الخلاف علشان الكل يستفيد

[mechbolla]

السحب: ممتاز علي 1300 ممكن اقل من اللانسر لانها اتقل لكنها اوفر في البنزين
ازاي اتقل بس اوفر اكيد في شك في النقطه دي

دلوقتي كونك مش مصدقني ديه مش مشكلتي لكنها في النهايه ميزه لصالح التويوتا , ازاي ديه بقا تسال فيا الصانع ديه تكنولوجيا

الصالون:خامات و تقفيل هايل من رايي احسن من اللانسر لكن اللانسر اوسع
علي فكره خامات اللانسر احسن من التويوتا بكتير ويمكن المقارنه بالنظر
جايز ديه وجه نظرك

قطع الغيار:مقاربه للانسر ولكن الاصلي معمر عن الانسر عشان حاجه واحده بس وهي toyota الاولي عل عالم
وقطع غيار اللانسر معمره وهات حد اشتري ليها قطعه في حياته مرتين ورا بعض زي الكوري كده مش علشان الاولي في العالم تبقي كده كل موديلاتها ممتازه

انا مجبتش سيره الكوري و عمري ماجرؤ حتي اقارن لانسر ب كوري ولا قلت تجيب الحاجه مرتين .انا كل اللي اقصده ان التويوتا اكتر اعتماديه .

التكيف: برضوا مش هقولك غير toyota و في ميزه كمان مش في كل العربيات ان الكمبرسور مش دايما محمل عل موتور بيفصل و يشتغل زي تكيف البيت
العربيات كلها كده
بس اللانسر فيه ميزه كمان ماشوفتهاش في الكوري
انك لما تقرص علي العربيه والتكييف شغال بيفصل لحد ما تدي غيار تاني

تاني كوري واضح ان في سوء تفاهم . التويوتا ياباني علي فكره

كل اللي قلته معاك فيه ما عدا السرعه القصوي
انا الحمد لله جبت بعربيتي 197 علي المحور وجبت 186 علي مصر اسكندريه الصحراوي والكلام ده كان فيديو هنا في المنتدي بس من فتره كبيره علشان كان في جدال مع احد الاعضاء بسبب الموضوع ده وصورته فيديو ونزلته

برضو انا مكدبتش لما قلت مش بتافل العداد

ارجو انك متكونش واخد الدنيا بمحمل مش طيب ديه مجرد وجهات نظر و اختلاف الراي لايفسد للود قضيه. انا علي فكره متابع كل مواضيعك و عارف انك من افضل الاعضاء هنا في المنتدي تقبل تحياتي

[HeMa_LanCeR]

كده كل النقاط وضحت وبأجماع اراء الاعضاء كل حاجه هتوضح اكتر
وعلي فكره انا فعلا مش بحب ادخل في مقارنات علشان بيحصل جدال كبير جدا
كل واحد صاحب عربيه بيحسسك ان هي مافيش زيها (طبعا مش قصدي حاجه علي حضرتك)
يعني مثلا لو هتقارن بين التويوتا و 128 في قسم الفيات هتطلع ال 128 وحش عن التويوتا
فا علشان كده لما صاحب الموضوع عمله في قسم المتسوبيشي طلبت منه ينقله قسم التويوتا كمان بسبب عدم التحيز
اتمني يكون كلامي مافيهوش اي تعدي للحدود وانا بس عامل فكره علشان اوضح مدي الجدال والحمد لله ده محصلش في الموضوع ده
وفي الأخر ربنا يباركلك في عربيتك ويديلك خيرها ويكفيك شرها

واشكرك واتقبل تحياتك علي راسي طبعا :)

[XXXMEMOXXX]

افضل الانسر الكريستاله
الكورولا العيون اضعف موديل من موديلات الكورولا ,, الموديلات اللي قبلها كانت افضل منها بكثير
وربنا يوفقك للاختيار الافضل

[د-محمود اسامة]

الي يحكم بين العربيتين دول
حالة العربية لان الاتنين كويسين مع اختلاف الشكل

[kliken]

الكريستاله افضل

[romeo_6887]

كريستاله عشان التويوتا تقيله في بيعها و كمان انا سمعت ان ادائها مش حلو

[port_smoker]

الكريستالة متعة فى القيادة والثبات
تتميز بتصميم عفشة هايل يتحمل المدقات
موتور ذات تصميم فريد من نوعة جدا
قطع غيار متوفرة اكثرمن الفيات 128
من الاخر عربية تاريخية

لا منازع لها عن تجربة طبعا لاننى امتلك منها سيارتان

[alzelafy]

بص من غير كلام كتيير انا راكب التلاته الملكه و الكورولا عيون و الكريستاله ..... الكريستاله تكسب طبعا 100 مرة و للعلم انا راكب عربيه المانى يعنى مش متحيز

[Sehsss]

كريستالة

[Anxs111]

يمكن دي اول مشاركة ليا في ميتسوبيشي:) بس معلش هابتديعا بسؤال
انا كنت بدور علي تويوتا ملكة (92 _97) بس مش لاقي حالة نضيفة فاتجة بحثي للعيون (98_99)
و ظهرت ادامي كذا كرستالة
فياريت تقولولي انهي واحدة احسن لطالب جامعة من حيث المصاريف (قطع غيار و بنزين) و انهي احسن في الثبات لاني بسافر كتير؟؟:ta_clap[1]:
معلش سؤال كمان كدة هو الكرستالة بتعمل كام كيلو متر في الصفيحة؟؟

بص هو العملية تفضيلية حسب كل واحد .....

لكن المهم لما العربيتين دول نزلوا كانت اللانسر بتبيع لأن شكلها كان فيه طفرة جامدة جدا ....
أي موديل علي حسب الكامليات في الأتنين كانت الكرولا أغلي ودة من أهم أسباب شراء اللانسر وقتها أنها كانت أرخص من الكورلا بحوالي ٨ الاف جنيه (يعني حوالي ١٥ ألف دلوقتي ) وداه وقتها كان راجع لفرق الكفاءة ....جودة التقفيل والراحة والمتانة ....

أنا لما جيت اشتري (أنا اشترت كورولا عيون زيرو ) ما حاولتش أفكر في اللانسر عشان المتانه والتقفيل الداخلي ....

داه عشان أجيبلك الموضوع من بدايته ....

في الوقت الحالي كورولا عيون شكلها عرة (علي رأي واحد صاحبي كان بيقول عليها عملة زي الضفدعة ) بس إداءها ممتاز وأن كانت مش منتشرة زي اللانسر ....

لو عايز توضيح أفضل هو نفس المقارنه بين كورلا ٢٠٠٠ لحد ٢٠٠٦ ولنسر البومة .... من حيث السعر وقت الزيرو وكان ببساطة اللي مش قادر يجيب كورولا بيجيب لانسر ....

في الوقت الحالي أنا بعشق حاجة اسمها لانسر شارك علي فكرة ....

أيام ما كان معيايا الكرولا كنت بجيب بيها ١٨٠ وكانت تجيب ١٧٠ في أي وقت وأي جو ....مع العلم إن موتورها كان ضعيف الشد لاكن مكانش ليها أي اعطال ...وهي لسة معايا لحد دلوقتي بس بتاعت الحجة الوالدة .....

نصيحة لو أنت شاب في الجامعة هات الكرستاله هتريحك في كل حاجة وشكلها كويس لكن لو جبت كورولا هتاخد ركوب نضيفة بس هيبقي شكلك غريب أدام أصحابك لأن العربيه شكلها تعبان مله ...عفشة الكرولا فيها متانة بغباء

[Anxs111]

بالنبسبة للمصريف ....الكورلا عفشتهة أبسط ومصارفها شبه منعدما ....
قطع الغيار متينة جدا ومعمرة والعربيه كنت بهينها بشكل غير عادي وعمرها ما اشتكت ...
الثبات ممتاز لو العفش مظبوطة لحاد ١٧٠ ...
إستهلاك البنزين كان مش حلو بس داه ممكن يكون بسبب سواقتي بتعمل الصفيحة ١٦٠ وهي كربيراتر يعني في ناس بتحط فيها بنزين تمنين وعادي ....
صاجها متين وأكسدمها فقري ونتا راكبها إنعام من اللانسر (داه رأي شخصي )

عيوبها كانت فراملها تعبانة جدا ومكانش فيها إيه بي إس ....
الشكل تعبان ....

الرأي النهائي لو طالب في الجامعة هات كرستاله عشان مناسبة لاحتياجاتك أكتر وأسأل بتوع اللانسر عن مصاريفها في العفشة والبنزين وبلتوفيق ...

[Dr'AhmZZong]

تويوتا ..