ميجان ii ام اوكتافيا a4

[Hegazio]

يا جماعة مش قلنا بالارقام وبدون انحياز؟ تكتسح ايه بس!
المهم
الميجان واخدة 5 نجوم امان للراكبين و السائق
ال ايه4 واخدة 4 و 3 نجوم
فيه حاجة اسمها زاوية ميل منحنيات ودي اقل ف الميجان و ثباتها احسن
و الاوكتافيا كويسة برضه
اي حاجة ميكانيكية وعفشة مش حساسات )فيه حساسات اوكتافيا برضه)عند اي ميكانيكي و لو حساسات يبقي مركز صيانة معتمد كشف ب 50 جنية كمبيوتر
انا اول عربية اشتريتها كانت فيليشيا و باحترم سكودا جدا و سقت ايه4 و 5 كتير عشان اختي معاها واحدة

[Ahmed Selim]

ده ال a5 مافيهاش اوبشنز في الميجانii

ههههههههههههههههههههههههههههههههههاااااي يا نهار إسود.إوعي تكون بتتكلم بجد لحسن أزعل أوي..أنا مكونتش ناوي أشارك في الموضوع عشان محدش يقول في تحيز.لكن إن حكمت أقول a4 من هنا لبعد بكرة.

1- ثبات يكتسح الميجان علي أي سرعة.
2- أمان يكتسح الميجان.
3- متانة تكتسح الميجان.
4- مين قال الصاج زي بعض في العربيتين.لا طبعا.صاج الأوكتافيا 0.9 في حين الميجان 0.6 طبعا بصرف النظر عن رفارف الفيبر.اللي أنا مش شايفها option في حالة الحوادث لا قدر الله.
5- برستيج الأوكتافيا من وجهة نظري أعلي و مسألة أذواق.
6- الموتور 102 حصان (net) مش 101 و السرعة القصوي في الأوكتافيا 215 كم و ممكن أجيبلك فيديو لعربيتي يثبتلك كلامي مع الأخذ في الإهتبار إن العربية علي السرعة دي زي السهم ماشاء الله.أنا باخد غرز بيها علي 170 و 180.
7- سعر إعادة البيع في الأوكتافيا يجيب سعر إعادة البيع في الميجان لمس أكتاف.
8- أوكتافيا ألماني و كل قطعة فيها عليها ختم volkswagen و audi و seat.

9- الـa4 في الأوبشنز اللي تحتاجه من أول الزجاج الكهربا مرورا بوحدات الرفع والتكييف التاتش لحد فتحة السقف و مثبت السرعة.
10- قوللي بقي حضرتك الميجان تتفوق في إييييييه!!!!!! مش عارف بصراحة.

1- أتفق معاك فيه...مع أن الفرق مش وهم للدرجة دى
2- أزاى و الميجان واخدة 5 نجوم فى أختبارات الأمان الأوروبية بينما ال A4 واخدة 4 نجوم بس ؟؟؟؟
3- يا ريت تعرفلنا المتانة
4- حضرتك مش مهم أنا أو أنت نكون شايفين أنه أوبشن أو مش أوبشن بس فى حاجة أسمها حقائق و الحقائق بتقول أن الرفارف الفيبر فى حالة الحوادث الأمامية لا قدر الله مش بتضغط على الأبواب و بالتالى بتخلى الأبواب تتفتح عادى
5- فعلاً مسأله أذواق......و لولا أختلاف الأذواق لبارت السلع
6- القدرة الحصانية اللى معروفة عندنا فى مصر بيطلق عليها أسم bhp أو brake horse power و أختصاراً بنقولها hp .....الأوكتافيا 101 HP مش 102
102 دى وحدة قياس تانية للقوة الحصانية برضه أسمها PS أو Pferdestärke
و هى وحدة ألمانية الأصل
1bhp=0.987ps
و راجع اللينك ده للتأكيد
إ koda Octavia - Wikipedia, the free encyclopedia

7 و 8 معاك فيهم

9- أقولك أنا أيه مش موجود فى الأوكتافيا ؟؟؟
1- 6 أيرباج للميجان مقابل 1 أو 2 للأوكتافيا....مش فاكر بالظبط
2- مفتكرش أن مثبت السرعة كان بينزل فى الأوكتافيا
3- باور كهرباء مش زيت زى اللى بينزل فى ال A5 حالياً
4- فيها ABS و EBD مش ABS زى الأوكتافيا
5- مرايات ضم
6- ستائر جانبية و خلفية
7- فتيس أوتوماتيك و ستيب ترونك مش أوتوماتيك بس

غير بعض الكماليات التانية اللى ممكن بعض الناس تشوف أنهم مش مهمين زى حساسات النور و المساحات و خاصية أضاءة النور بعد غلق السيارة أتوماتيكياً لمدة 30 ثانية أو غلق السيارة أتوماتيكياً بعد فترة معينة عشان لو شايل شنط أو حاجة.

و فى الأخر أحب اقولك أنى سوقت A4 كتييييييير و عارفها كويس و جبت بيها 180 كم و جربت موديلاتها من 98 الى 2004

[mrdiver]

هي كانت معايه يا باشا والله بس بصراحه ملحقتش استمتع بيها طلعت عيني قعدت معايه خمس شهور مدوخاني فيهم غيرت فيها فتيس وكانت عاوزه ماكينه وبعتها وخصرت فيها قعدت طول الفتره دي مبهدلاني موريش غيرها فمش عارف اشتريها تاني ولا اجيب ميجان
علاشان كده قلت اخد رأي وحوش السيارات هنا بالمنتدي





اهه انت بص بتيجى كدة على الجرح الاوكتافيا اللى كانت معايا كانت موديل 2008 كاملة + مثبت سرعه ومنيوال طبعا
انا كنت شاريها استعمال من واحد حزبي الله ونعم الوكيل هو والكهربائي الزبالة اللى كنت مفكره صحبي وهيدلنى على عيوبها قالى هيا مافهاش غير الاير ماس بس هو اللى عايز يتغير بس هيا مش اير مااس بس لا ديه كان فيها بلاوي هيا ورتنى في اول شهر معنى كلمة
الظلم من البهدلة اولا اير ماس ودة متزبطش غير لما فرجنى على برنامج روتانا سينما مش هتعرف تغمض عنيك من البداية حتاه النهاية اتنين حاجة كدة ممكن تؤل عليها فان كونترول وديه اللى بتشغل مراوحها بنظام مبب سرعه اولى وتنقل على السرعه التانية ولازم تفصل وتريح كمان الفان كنترول دة مش موووووووووووجووووود غير مستعمل فى حدود 300 جنيه وده بيشتغل في الاوكتافيا لحد موديل 2006 اما بالنسبة لل 2008 اللى كانت معايا فالجهاز دة مستعملللل تمنه 800 جنيه لان نظام شغله مختلف وكمان مش موجووووووووووووود وناااادر جدا وجوده
وكمان شداد اعدة الفتيس اتكسر وكمان كانت بتاكل زيت الباور وكمان كانت بتقول في الكمبيوتر انها عايزة تيل فرامل بس والراجل طلع حقانى وقالى هيا عايزة تيل لاكن الواقع بعد مشتريت كانت عايزة مش تيل واحد لا اربعه وكمان عايزة اربع طنابير لان طنابيرها متنفعش تتمسح عند الحداد وحاجات يامة انا مش فاكرها اقسم بالله انا شوفت منها اللى عمرى مشوفته فى اول عربيا في حياتى اشتريتها من ايام مكنت فى اعدادى وكانت 127 سوبر فيورا الله يرحمها

الاوكتافيا يفضل انك تشتريها زيرو او تشتريها حالة شاذة كيلوات قليلة
وكمان لازم تاخد بالك من الكهربا بتاعتها لان موضوع الكشف بالكمبيوتر دة وتصحيح الاخطاء انا حاسس انه كله حوارات كل شويا يجيلى واحد ويمديلى فيشة منى لاب توب تحت الدريكسيون ويوصلوه ويؤلى الكمبيوتر وجد في العربيا عشر اخطاء وصالحهم ايدك على 50 او 60 او 70 جنيه دة غير ان كمبيوتر الاوكتافيا باللغة الاتشيكيسلوفاكى يعنى مش هتفهم فيه حرف
فلازم الحااااااااااااااااااااالة الحاااااااااااااااااااااااااااااالة ولازم كمان تكون العربيا شركة يعنى توكيل وفكك من الخليجى لانها عشان تدخل مركز الصيانة بتاعها لازم تدفع 7 الاف جنيه عشان تبئه على زمة الصيانة دة غير مصروفهم جواه واسعارهم ظريييييييييييييييفة جدا
يا راجل دة ازاز المرايا الشمال كان عايز يتغير كان تمنه برة التوكيل 100 جنيه الازازة بس مبالك جوة التوكيل
لازم تركز على حالة الاوكتافيا وحط تحت كلمة حالتها ميت الف خط
لانها مبتتلمش بسهولة

[mrdiver]

صحيح شوية حاجات عشان الناس برضه تعرف
الاوكتافيا 101 حصان تجميع قوى على السرعات العاليه
فيها اير باج واحد بس للسائق في الدركسيون
فيها abs + ebd موجودة في التابلوه في العدادات
فيها اكبر شنطة في تاريخ الاهتش باك والسيدان كمان عدا المرسيدس الشبح انا كنت بشيل فيها شنطتين هدوم وكمان عدة غطس كاااااااملة
وكان بيبها لسة فيها مساحة
اهم ميزة فيها بئه ان الاوكتافيا انا مرة في زفة واحد صحبي ركب معايا 8 افراد غيري وكمان عزم الموتور مكنش بيقل ولا كئأنها فاضية العربيا استيبووول عالى جدا جدا وبجد بجد في الزحمة اطمن عاليها ومد بوزك زي منتاه عايز انشالله لو هتحط وشها اصاد وش دبابة بيك اب وادعي يارب يخبطك وشوف وش عربيته هيجراله ايه
برغم الويل والسواد االللى عيشتهم على اديها بس بجد كنت حاببها جدا جدا

[mrdiver]

صحيح العفشة والمطبات مش هؤلكم انا مرة اكلت بيها على 140 بتاع اربع مطباااات ورا بعض وكانت الشنطة شبه متفولة وفيها حاجات تئيلة
انا مشفاكر الطريق بس هوصفهلكم كنت راجع من طريق العين السخنة مابين الاسمعيلة والقاهرة تقريبا لانى كنت تايه ومرة وحدة بدووون يافطة وبدون سابق انذار لئيت نفسي باكل المطبات مطب ورا التانى وكنت بفرمل مابينهم عشان مينفعش افرمل فوق مطب واللهى ولا مطب
جااب ارض العربيا العربيا برغم كل العلو بتاعها بس عفشتها ناشفة جدا وكمان الاستيبول بتاعها فى الملفات وعلى السرعات العالية تحس انك مركب عفشة كونى صعب اوى اوى انها تعووم من حد

[am79]

الله ينور يا رجاله علي الكلام الجميل عن العربيتين وبتخلوني احتار اكتر واكتر في الاختيار
==============

الحقائق بتقول أن الرفارف الفيبر فى حالة الحوادث الأمامية لا قدر الله مش بتضغط على الأبواب و بالتالى بتخلى الأبواب تتفتح عادى

ممكن اعرف من حضرتك بالنسبه للفيبر ده في حاله الخبطاط الخفيفه يمكن استعداله ولا لزم يتغير
وبعدين هل محلات قطع الغيار منتشره والاستيراد وكده ولا ايه نظامها

[inspiron]

أستاذي الفاضل.أنا أنصحك للمرة التانية بالأوكتافيا وفكر كويس.شغل 5 نجوم و 4 نجوم و الكلام ده في رأيي ميأكلش عيش.فرق نجمة يعني..طيب عندي أنا يا ملاك الميجان النجمة دي متزعلوش.بص.إعمل زيارة لمنتدي رينو و زيارة لسكودا.و فكر كويس و إستخير ربنا و بعدين قرر.بس أنا نصيحتي ليك الأوكتافيا لعدة إعتبارات.وربنا وحده يعلم إن كلامي و نصيحتي خالصين لوجه الله دون إنحيازات.

[am79]

أستاذي الفاضل.أنا أنصحك للمرة التانية بالأوكتافيا وفكر كويس.شغل 5 نجوم و 4 نجوم و الكلام ده في رأيي ميأكلش عيش.فرق نجمة يعني..طيب عندي أنا يا ملاك الميجان النجمة دي متزعلوش.بص.إعمل زيارة لمنتدي رينو و زيارة لسكودا.و فكر كويس و إستخير ربنا و بعدين قرر.بس أنا نصيحتي ليك الأوكتافيا لعدة إعتبارات.وربنا وحده يعلم إن كلامي و نصيحتي خالصين لوجه الله دون إنحيازات.

اشكرك يا باشا
طبعا انا بالنسبه لي موضوع النجوم ده مش بيفرق معايه
اهم حاجه عندي
عربيه قليله الاعطال
عربيه منتشر قطع غيارها جديد واستيراد بعيد عن التوكيل
عربيه يقدر يشتغل فيها اي مكانيكي بيفهم

[Hegazio]

ردا علي سؤال الفيبر
لو عربية ريحت ترييحة خفيفة الرفارف تستعدل نفسها اوتوماتيكيا ( و لا رد علي البارد ولا يحزنون ) و لو جامدة لا قدر الله و اتكسر .. شوف تكلفة استعدال رفرف متدمر كام و الرفرف الجديد للميجان بكام
الحمد لله برضه بدل النوع 4 في ش دمشق و التوفيقية .. انا مثلا فضلت الاسباني 420 جنيه علي التايواني 375 جنيه

[Hegazio]

و معلش يا جماعة .. حاجة اخيرة .. و الكلام مش لحد محدد..بجد
ليه الناس فاكرة ان لو فيه عربية في نفس الفئة السعرية احسن من عربيتك يبقي كأن الناس بتشتمك ؟
و تقعد تحلف و تقسم بأن عربيتك احسن .. و الله احسن
و واحد يقول اقوي و التاني اسرع و التالت اكبر ..
ما كل حاجة من دول سهل اثبات صحتها من خطئها .. و بالارقام و المواصفات
و دي عينة الناس اللي مثلا لما ترد علي واحد محتار ف مقارنة تقول علي عربية منهم زبالة .. طبعا بما إن صاحب الاختيار محتار .. يبقي المقارنة بينهم قريبة و لو واحدة منهم خدت 80 % التانية تاخد 70 % مثلا
و لو حضرتك قلت علي واحدة فيهم زبالة .. تبقي .. أأ .. غلطان .. أو كأنك بتقول لصاحب الموضوع انت مش فاهم حاجة !
نلتزم الحياد بقدر الامكان
نلتزم ان نكون جربنا فعليا جميع السيارات محل المقارنة
نلتزم اعطاء المواصفات بدقة
نلتزم اعطاء الامكانيات بالارقام
نراعي ضميرنا .. و مش مستاهلة و الله نخسر ضميرنا عشان يقولو عربيتك احسن

[Ahmed Selim]

الله ينور يا رجاله علي الكلام الجميل عن العربيتين وبتخلوني احتار اكتر واكتر في الاختيار
==============


ممكن اعرف من حضرتك بالنسبه للفيبر ده في حاله الخبطاط الخفيفه يمكن استعداله ولا لزم يتغير
وبعدين هل محلات قطع الغيار منتشره والاستيراد وكده ولا ايه نظامها

ردا علي سؤال الفيبر
لو عربية ريحت ترييحة خفيفة الرفارف تستعدل نفسها اوتوماتيكيا ( و لا رد علي البارد ولا يحزنون ) و لو جامدة لا قدر الله و اتكسر .. شوف تكلفة استعدال رفرف متدمر كام و الرفرف الجديد للميجان بكام
الحمد لله برضه بدل النوع 4 في ش دمشق و التوفيقية .. انا مثلا فضلت الاسباني 420 جنيه علي التايواني 375 جنيه

أستاذي الفاضل.أنا أنصحك للمرة التانية بالأوكتافيا وفكر كويس.شغل 5 نجوم و 4 نجوم و الكلام ده في رأيي ميأكلش عيش.فرق نجمة يعني..طيب عندي أنا يا ملاك الميجان النجمة دي متزعلوش.بص.إعمل زيارة لمنتدي رينو و زيارة لسكودا.و فكر كويس و إستخير ربنا و بعدين قرر.بس أنا نصيحتي ليك الأوكتافيا لعدة إعتبارات.وربنا وحده يعلم إن كلامي و نصيحتي خالصين لوجه الله دون إنحيازات.

بس غريبة أنك مردتش على على كلامى خالص !!!

و بعدين زيارة لمنتدى رينو عشان يشوف أن فى ناس بتشتكى منها ؟؟؟؟
طيب ما هو قدامه هنا فى الموضوع ده ناس بتشتكى من الأوكتافيا أهو.....يبقى ده معناه انها عربية وحشة ؟؟؟؟؟

كل عربيات العالم فيها مشاكل......بما فيهم المرسيدس و البى أم و الجاجوار

[Ahmed Selim]

اشكرك يا باشا
طبعا انا بالنسبه لي موضوع النجوم ده مش بيفرق معايه
اهم حاجه عندي
عربيه قليله الاعطال
عربيه منتشر قطع غيارها جديد واستيراد بعيد عن التوكيل
عربيه يقدر يشتغل فيها اي مكانيكي بيفهم

شكلك ميال للأوكتافيا أكتر و هى عربية ممتازة مفيهاش كلام

توكل على الله و أستخير و أهم ما فى الموضوع سواء أوكتافيا أو ميجان أنك تلاقى عربية نضيفة متتعبكش بعد كده

[Hegazio]

فعلا الراحة النفسية بعد الاستشارة .. و قبلها بيني و بينك .. أهم حاجة
لازم تبقي مرتاح للعربية و مبسوط بيها.. اللي مرتاحلها هاتها .. حتي لو ناس كتيرة قالتلك غلط

[am79]

شكلك ميال للأوكتافيا أكتر و هى عربية ممتازة مفيهاش كلام

انا محتار لان اوكتافيا قعدت عندي خمس شهور ودوختني فيهم بسبب اني مفحصتهاش كويس وانا بشتريها من واحد معندهوش ضمير
وبعتها وربنا يعوض في الخساره قلت اجيب واحده تانيه وقعت قدامي الميجان بالاوبشن بتاعتها قريت عنها في المنتديات لقيت عليها كلام كتير وعاوز اجيبها ومتردد ادوخ بيها وتبقي كده جابت معايه القفله التمام وبصراحه معنديش استعداد اخسر تاني حتي لو فكرت ابيع لاي سبب في علم الغيب متعورنيش قوي
وبعدين
ما خاب من استهار ولا ندم من استشار
اهم شئ عندي وقلتها قبل كده
عربيه قليله الاعطال
عربيه منتشر قطع غيارها جديد واستيراد بعيد عن التوكيل
عربيه يقدر يشتغل فيها اي مكانيكي بيفهم
لو الحاجات دي افضل في اي نوع منهم اكيد طبعا هجيبها

[am79]

فعلا الراحة النفسية بعد الاستشارة .. و قبلها بيني و بينك .. أهم حاجة
لازم تبقي مرتاح للعربية و مبسوط بيها.. اللي مرتاحلها هاتها .. حتي لو ناس كتيرة قالتلك غلط

كلامك تمام بس الواحد بيكون مرتاح اكتر لما يعرف الدنيا حوليه ماشيه ازاي
وطبعا اكيد الناس هنا مجربه العربيتين فالواحد يستفيد منهم ومن تجاربهم
ومشاء الله الناس هنا محترمه وفاهمه كويس في العربيات