نيو اكسنت و نيسان صنى من حيث استهلاك البنزين

[dahmedsamir]

اريد ان اعرف هل الفرق كبير بين النيو اكسنت و النيسان صنى المانيوال من حيث استهلاك البنزين
حيث انى مقبل على الشراء و حكاية البنزين دى هتفرق معايا .استهلاكى للسيارة جوه القاهرة فقط
انا عارف ان النيسان صنى استهلاكها اعلى
بس عاوز اعرف هلى الفرق كبير و خصوصا مع التكيف يعنى كل سيارة منهم بتعمل كم كيلو متر فى الصفيحة.؟؟
و اخيرا فى فروق كبيرة فى اسعار قطع الغيار
ارجو الافادة من ملاك السيارتين لانى هشترى فى خلال 10 ايام

[Amgad2107]

متابع باهتمام

[د.محمود صلاح]

جميع العربيات الحديثة ال 1600 الإستهلاك متقارب جداً مع فوارق طفيفة حسب متابعتي لمعظم مواصفات العربيات ..

لو البنزين هيفرق معاك ومشاويرك فقط داخل المدينة يبقى عليك وعلى العربيات الإقتصادية بمحرك 1000 سي سي او 1300 سي سي
او العربيات الكاربيراتير وبنزين 80 مثل اللادا , او المستعمل القديم

[dahmedsamir]

ياريت لو حد يفيدنا اكتر فى الموضوع ده ا
انا للاسف مش بحب ال 1300 سىسى لانها بتاثر على سحب العربية بالتكيف
ياريت لو حد يعرف كل عربيه منهم بتعمل كام فى الصفيحة

[eng_ahmedryad]

المقارنة فيها فرق 12 ألف جنيه على الأقل لصالح النيو أكسنت ، وفي الحالة دي حتى لو أستهلاكها أكبر مثلا - مع العلم أن استهلاك الـ 1600 سي سي متقارب جدا عدا العربيات الغالية زي السيتي والسيفيك والكورولا - فالزيادة دي مش هاتوصل لفرق السعر الكبير ده .

[dahmedsamir]

هو الفرق 8500 و نص فقط لان نيو اكسنت عليها عرض ب 74000 و صنى فى المصرية للسيارات ب 82000 (مانيوال فول اوبشنex ) بس انا سمعت كلام كتير خوفنى من الصنى فى استهلاك البنزين العالى جدا مع التكيف بس عاوز اعرف كلام مؤكد لانى ميال للصنى و محتار جدااا و لو فى عربية تانية فى الرينج ده حد يقولى بي انا اااخرى فى الفلوس هو 82000 و بعيد عن الجين تو و البيرسونا بدون زعل

[etsh1413202]

الصني استهلاكها عالي شويه للاسف سواء مانوال او اوتو .... يعنى على اقصى تقدير جوه البلد لو رجلك حلوه هتعمل 170 كيلو في الصفيحه
. الاكسنت طبعا عشان موتورها توكنولوجيا عاليه شويه الى هي الcvvt فا الاستهلاك طبعا اقل من كده بس الحقيقه مش عارف كام بالظبط .......... دى اول نقطه

تانى نقطه كنت عايز انبهك ليها ان في فرق مش قليل بين العربيتين من حيث الوسع واكماليات والاعتماديه ..... الاكسنت للاسف ضيقه من ورا بشكل ملحوظ فا متخليش موضوع البنزين يأثر على اختيارك بين العربيتين دول .... دى فيها ميزه وعيب ودى فيها ميزه وعيب

ولا تنسى الاستخاره

[eng_ahmedryad]

هو الفرق 8500 و نص فقط لان نيو اكسنت عليها عرض ب 74000 و صنى فى المصرية للسيارات ب 82000 (مانيوال فول اوبشنex ) بس انا سمعت كلام كتير خوفنى من الصنى فى استهلاك البنزين العالى جدا مع التكيف بس عاوز اعرف كلام مؤكد لانى ميال للصنى و محتار جدااا و لو فى عربية تانية فى الرينج ده حد يقولى بي انا اااخرى فى الفلوس هو 82000 و بعيد عن الجين تو و البيرسونا بدون زعل

شوف كده المشاركة دي :

http://www.nilemotors.net/Nile/145925-a-3.html#post3872622646

ولو هاتبعد عن البروتون ، خلاص يبقى النيو أكسنت أوتوماتيك وسعرها 82 ألف من غبور ، وليها ميزات كتير عن الصني منها زي توافر ورخص قطع الغيار.

لكن لو الصني داخلة دماغك أوي ، يبقى توكل على الله وهي عربية محترمة :

http://www.nilemotors.net/Nile/62667-a.html

http://www.nilemotors.net/Nile/97769-a.html

http://www.nilemotors.net/Nile/2023-a.html

[dahmedsamir]

مفيش حد يفيدنا يكون جرب العربيتين