الميجان هتتباع...تفتكره يتركب بعدها ايه ؟

[Raul_7]

السلام عليكم جميعا,

دلوقتي أنا والدة واحد صاحبي عندها Renault Megane موديل 2005 وناوية تبعها إن شاء الله.

أول طلب هو إني عايز تقيم لسعر العربية عند البيع, مع العلم إن صاحبة العربية ما شاء الله محافظة عليها جدا وكل الصيانات في التوكيل. العربية تقريبا ماشية من 80-100 ألف كم والله أعلم.

ثانيًا نيجي بقى للمهم وهو اختيار العربية الجديدة.

دلوقتي فيه سيناريو من 3, أولهم إنها تدخل الميجان في فلوينس جديدة وتدفع الفرق, وده مش مستحب قوي نظرا لموضوع الخسارة في اعادة البيع وكده.

تاني سيناريو هو التفكير في عربية جديدة في رانج ال 100-120 ألف جديدة وتكون حاجة محترمة.

تالت سيناريو هو إنها تجيب عربية مستعملة استعمال نضيف بالفلوس اللي هتيجي من بيع الميجان وتقعد بيها سنة وتبعها وتزود وتجيب حاجة جديدة محترمة أكتر, يعني من 150-200 ألف.


أرجو المشاركة من الجميع بنسبة لل 3 سيناريوهات, والنتو شايفينه أفضل.

وشكرا.

[Ahmed.Ali]

دلوقتي فيه سيناريو من 3, أولهم إنها تدخل الميجان في فلوينس جديدة وتدفع الفرق, وده مش مستحب قوي نظرا لموضوع الخسارة في اعادة البيع وكده.

انا شايف لو هي ارتاحت في الميجان مينفعش تجيب غير فلوينس

[Raul_7]

انا شايف لو هي ارتاحت في الميجان مينفعش تجيب غير فلوينس

شكرا لردك يا أحمد, بس أكيد فيه عربيات تانية جامدة, خصوصا لو بصينا للسيناريو التالت اللي من 150-200 ألف.

يا رت يا جماعة الناس تشارك باراءها, 42 مشاهدة ورد واحد بس مش معقول!

[E30power]

متهيقلى احسن حاجة فى الرنج دة هتكون فيات لينا ....

[ahmedelkadi75]

A5 مستعملة

[Sharky]

أول طلب هو إني عايز تقيم لسعر العربية عند البيع, مع العلم إن صاحبة العربية ما شاء الله محافظة عليها جدا وكل الصيانات في التوكيل. العربية تقريبا ماشية من 80-100 ألف كم والله أعلم.

الميجان دى انهى فئة ؟؟

أولهم إنها تدخل الميجان في فلوينس جديدة وتدفع الفرق, وده مش مستحب قوي نظرا لموضوع الخسارة في اعادة البيع وكده.

اقتراح كويس لو حتفضل بيها فترة طويلة و لإنها مش حتحس انها قلت عن الميجان

تاني سيناريو هو التفكير في عربية جديدة في رانج ال 100-120 ألف جديدة وتكون حاجة محترمة.

على ما أظن مافيش فى الفئة دى غير السيراتو أو الكروز

تالت سيناريو هو إنها تجيب عربية مستعملة استعمال نضيف بالفلوس اللي هتيجي من بيع الميجان وتقعد بيها سنة وتبعها وتزود وتجيب حاجة جديدة محترمة أكتر, يعني من 150-200 ألف.

دا يتوقف على ان الميجان حتجيب كام و ايه اللى ممكن تشتريه بيها

[etsh1413202]

انا رايي السيناريو الاول طبعا انها تدخلها فى فلوانس ... عربيه قمة الاحترام ولا يختلف عليها اتنين

ومع احترامي طبعا السيناريو الثالث غريب شويه طيب طالما هى بتفكر انها تبيع الميجان وتجيب حاجه مستعمله وبعد سنه تجيب حاجه عاليه يبقى خليها في الميجان السنه دى احسن لان سعر اعده بيع الميجان مش هيجيبلها حاجه احسن طبعا من الميجان ..... يعنى ال2005 في الميجان لو قالت انا عربيه اخرها 70 او 75 بالكتير ده لو جابت الرقم ده ... بس على اسعار الميجان في المواقع حاجه تحزن (65 الف و 62 الف و58 الف كمان للـ2005 بانوراما ) تفتكر هتجيب ايه ب75 مستعمل على فرض انها جابت الرقم ده ... يارس مثلا ولا النترا ولا صنى.... كلها عربيات لا تساوى شئ جمب رفاهية وراحة الميجان ... كمان انت بتقول العربيه الى معاها نضيفه ( حد لائي ميجان نضيفه يا راجل).

اما السيناريو التانى هو معقول بس انا لااحبذه بصراحه لان برده الميجان افضل من اى عربيه زيرو فى رينج 120 الا الفلوانس طبعا

اسف لو طولت عليك واتمنى اكون قدرت اساعد

[mrdiver]

120 ممكن يجيبو بي ام موديل 2001 الفتيس الجديد فئة ال 318

[Raul_7]

شكرا لمشاركتكم, بنسبة للميجان, مش عارف بالضبط الفئة بس هو الموديل اللي من غير جنوط سبورت.

ومنتظر بقية الآراء.

[M.ABDEEN]

اوكتافيا او هوندا سيفييك علشان يكون احساس بفرق

[ramy01011]

اي عربية غير الميجان هتبقي تحفة

[عبد الرحمن اسامه]

سكودا اوكتافيا او جيتا

[human]

لازم اوروبى

[yasserelsayad]

جيب سيراتو هاى لاين مش هتحس بفرق خالص
دا انت ممكن ترتاح فى السيراتو اكتر من الميجان بس هى انشف شوية منها
دا طبعا مش كلام وخلاص انا عربيتى القديمة كانت ميجان 2005 ولسه عندى لحد دلوقتى بس
مش بركبها خالص.

[Sharky]

اي عربية غير الميجان هتبقي تحفة

مش صحيح