الميجان هتتباع...تفتكره يتركب بعدها ايه ؟

[Hegazio]

حبيب قلبي
ده انت بتفكرني بنفس حيرتي بالظبط .. لغاية لما قررت مابيعهاش خالص و اجيب واحدة تانية !
بس الأكيد الأكيد .. مش حتقدر تركب غير أوربي
و بما أن الأوربي كله ليس الأفضل في سعر اعادة البيع .. و لكن الأفضل ف الراحة و الأمان و البرستيج
يبقي مالكش غير
فلوينس .. التطور الطبيعي للحاجة الميجان
استرا سيدان
اوكتافيا ايه5
لو مش فارق معاها الاوتوماتيك .. يبقي فيات لينيا
لو مش فارق معاها الشنطة .. يبقي فيات برافو
و دي الحاجات اللي اسعارها متقارب و اعتبرها cost effective ماعدا الاوكتافيا ( دي وجهات نظر طبعا )

[Hegazio]

بس و الله انا لو منها .. ( بصراحة ناوي اعمل كده قريب )
اركب فوانيس عدسات
و الفوانيس الخلفية ليدات
و طقم فايبر سبور
و جنوط جديدة
و فرش جلد شيك
و تغير الكاسيت و تركب مثبت سرعة
يعني 10000 جنيه .. و تبقي تحفة فنية

[Raul_7]

شكرا لجميع الردود, هي غالبا كده هتكمل بالعربية كمان سنة بعدين تبيعها و تجيب سيفيك vti أو جيتا.

[n8os]

السلام عليكم جميعا,

دلوقتي أنا والدة واحد صاحبي عندها renault megane موديل 2005 وناوية تبعها إن شاء الله.

أول طلب هو إني عايز تقيم لسعر العربية عند البيع, مع العلم إن صاحبة العربية ما شاء الله محافظة عليها جدا وكل الصيانات في التوكيل. العربية تقريبا ماشية من 80-100 ألف كم والله أعلم.

ثانيًا نيجي بقى للمهم وهو اختيار العربية الجديدة.

دلوقتي فيه سيناريو من 3, أولهم إنها تدخل الميجان في فلوينس جديدة وتدفع الفرق, وده مش مستحب قوي نظرا لموضوع الخسارة في اعادة البيع وكده.

تاني سيناريو هو التفكير في عربية جديدة في رانج ال 100-120 ألف جديدة وتكون حاجة محترمة.

تالت سيناريو هو إنها تجيب عربية مستعملة استعمال نضيف بالفلوس اللي هتيجي من بيع الميجان وتقعد بيها سنة وتبعها وتزود وتجيب حاجة جديدة محترمة أكتر, يعني من 150-200 ألف.

أرجو المشاركة من الجميع بنسبة لل 3 سيناريوهات, والنتو شايفينه أفضل.

وشكرا.

السيناريو الثالث احسن حاجه ممكن تركب بعد كده فيكترا زيرو