مقارنة بين سيراتو كوبيه, كيا كارينز و دايهاتسو تريوس

[nado_81]

انا محتارة اشتري سيراتو كوبيه ولا كارينز ولا تريوس 2x4 هما عجبني بصراحة بس عايزة اعرف اية مميزات و عيوب كل واحدة وقطع الغيار واية احسن في مركز الصيانة كيا ولا دايهاتسو وكمان عايزة اعرف اية موضع العافشة الناشفة الموجود في اغلب العربيات سواء ياباني او كوري ودا ممكن يضايق لية ارجو المشورة

[د.محمود صلاح]

مرحباً بك معنا في نايل موتورز

ويرجي وضع المشاركة دي بقسم المقارنات

طبعاً نوع العربية على حسب احتياجك لها ومشاويرك وعدد الركاب و التوكيل ومشاكله وسعر اعادة البيع

الكيا والدايهاتسو توكيلين محترمين

الكوبيه 2 باب ولا اعلم ان كنتي من مؤيدين ال 2 باب

الكارينز عائلية اكثر

التيريوس عربية مدينة ويابانية وعالية عشان المطبات

والخيار لك

[HanyAziz]

الزميلة العزيزة شكلك عايزة تجمعى بين المتانة والقوة والرفاهيةوالانسيابية والشكل الجميل ومتعة القيادة ودة حلم اى واحد عايز يشترى عربية ومن خلال تجربتى وتجارب الاخرين انصحك بانك تسييبك من كل الماركات اللى قلتيها وتخليكى فى شى واحدlada 2105 عربية كويسة ورخيصة وبت ناس

[tamertamer]

انا برشحلك الكيا الكوبية بجد جميلة جدا واداء كويس

[بحري]

الزميلة العزيزة شكلك عايزة تجمعى بين المتانة والقوة والرفاهيةوالانسيابية والشكل الجميل ومتعة القيادة ودة حلم اى واحد عايز يشترى عربية ومن خلال تجربتى وتجارب الاخرين انصحك بانك تسييبك من كل الماركات اللى قلتيها وتخليكى فى شى واحدlada 2105 عربية كويسة ورخيصة وبت ناس

اقتراح صعب جدا بالنسبة للسيارات محل المقارنة المذكورة

[dode2002]

الزميلة العزيزة شكلك عايزة تجمعى بين المتانة والقوة والرفاهيةوالانسيابية والشكل الجميل ومتعة القيادة ودة حلم اى واحد عايز يشترى عربية ومن خلال تجربتى وتجارب الاخرين انصحك بانك تسييبك من كل الماركات اللى قلتيها وتخليكى فى شى واحدlada 2105 عربية كويسة ورخيصة وبت ناس

انت بتقول ايه مفيش وجه للمقارنه بين السيارات المطروحه واقتراح حضرتك

[Imhotep]

ال 3 عربيات من فئات مختلفة و مينفعش نقارن بينهم لان كل واحدة لها مميزاتها و عيوبها اللى تختلف عن التانية..... و بالتالى فغالبا الفيصل هيكون للحاجة اللى نفسك فيها و متحيريش نفسك كتير

[mido_soliman]

اية اللخبطة دى دول تلات عربيات كل واحدة منهم فى سكة لايمكن تقابل التانية :) ياريت تحديد عايزة اية من العربية بالظبط
عربية سبور وعربية فاميلى :)))))) كوكتيل هايل بس مستحيل حد يقولك انهى احسن
تحياتى

[eng_ahmedryad]

انا محتارة اشتري سيراتو كوبيه ولا كارينز ولا تريوس 2x4 هما عجبني بصراحة بس عايزة اعرف اية مميزات و عيوب كل واحدة وقطع الغيار واية احسن في مركز الصيانة كيا ولا دايهاتسو وكمان عايزة اعرف اية موضع العافشة الناشفة الموجود في اغلب العربيات سواء ياباني او كوري ودا ممكن يضايق لية ارجو المشورة plzzzzzzzzzzzzzz

الموضوع كده غريب شويتين لأن كل عربية من فئة مختلفة

لازم في الأول تحددي فئة

سيدان ولا هاتشباك ولا ميني فان ولا دفع رباعي ؟
رياضية (شبابية) ولا عائلية ؟

[ahmedegypt]

دايهاتسو جراند تيريوس و برده ممكن سيراتو كوبيه لو استعمال شخصى

او شيفروليه كروز ووالاختيار لحضرتك

[nado_81]

السلام عليكم و رحمة الله و بركاته
شكراً جداً لمساعدتكم بس انا لسة عايزة اعرف اية مميزات وعيوب كل واحدة وخاصة التريوس 2x4 الجديدة علشان عجباني بس مش الجراند تريوس ارجو من خبراء الموقع مساعدتي

[lenasam]

لا لل لادا
عربية من قديم الازل بفكر قديم جدا بالنسبة لوقتنا الحالى

[adelmof40]

السيراتو كوبيه - سيارة رياضية شبابيه في المقام الاول
الكيا كارينز - عائليه تجمع معاها القوة
ديهاتسو تريوس - تجمع فيها كل ما ذكر بالاضافة علي انها واضح من افضل روائع
الانتاج الياباني صاحب الباع الطويل في الاعتماديه المنافسة

[Mohab.Nabil]

ديهاتسو تريوس - تجمع فيها كل ما ذكر بالاضافة علي انها واضح من افضل روائع
الانتاج الياباني صاحب الباع الطويل في الاعتماديه المنافسة

معلش يا باشا مع احترامى ليك التيريوس يعنى لا تعتبر من روائع الانتاج اليابانى خالص

انا بصراحة ركبتها و ليا تعليقات كثير عليها ..

[aboyahea]

الي اقدر اقوله زبادي لبن تمر هندي