مقارنة بين سيراتو كوبيه, كيا كارينز و دايهاتسو تريوس

[masterzmind]

السيراتو كوبيه - سيارة رياضية شبابيه في المقام الاول
الكيا كارينز - عائليه تجمع معاها القوة
ديهاتسو تريوس - تجمع فيها كل ما ذكر بالاضافة علي انها واضح من افضل روائع
الانتاج الياباني صاحب الباع الطويل في الاعتماديه المنافسة

روائع مييييييييييين بس يا راجل حرام عليك دى عربية ممكن على سرعة 90 تتقلب بيها مفهاش الا تكيف وانها شكلها زى 4x4 غير كدة مفيش اى ميزة فيها ..........

[masterzmind]

انا مش عارف انتى ازاى بتقرنى بين الثلاث عربيات بس هحاول اقوليك العيوب والمميزات

1- السيراتو كوبية : عربية شبابية من الطراز الاول شكلها رائع كل ما اشوفها انجزب ليها يعنى من الاخر لو مفيش عريس هجبليك عريس ههههه (بهرج طبعاااا) موتور كويس جدااا الفتيس الجديد 6 سرعات مريح المتور فى السرعات العليا ابشن بالعبيط كتير اوى ماشاء الله يعبها حجتين اولا العفشة الناشفة وبتفرق من واحد لاخر يعنى لو كنتى معاكى عربية اوبترا يبقى مش هتحسى ان العفشة ناشفة معاكى بيجو نيسان تيدا لا هتفرق معاكى ثانيا انها كورى هى مش مشكلة بس الكورى مش معمر خالص مش زى اليابانى ....

2-كارنز: هى نفس السيراتو بس عربية عائلية شكلها غبى (رائى الشخصى)

3- دايهاتسو: عربية يابانى تكيف ممتاز شكل 4x4 بس يعبها انها خفيفة على الطريق وانا لية واحد صحبى اتقلب بيها


من الاخر رائى الشخصى سيراتو كوبية

[crayvor]

انا آسف بس التلات عربيا بدأت تبقي عتيقة شوية.
تيريوس: سمعتها مش ولابد في اليابان (أخويا كان هناك وسمع عنها كلام مش لطيف)
الكيا سيراتو كوبيه... لطيفة بس مع الأسف الناس بدأت تمل من حاجة اسمها سيراتو بس دا حايبقي ترشيحي من الحاجات اللي موجودة
كارينز.. عربية حلوة بس أبعادها كبيرة اوي اوي ومش باين عليها عربية مناسبة للجنس اللطيف (برضه لازم تعترفو ان مالكوش في موضوع أبعاد العربية خصوصا لو كبيرة)

المهم فيه مليون اختيار تاني ممكن أرشحهم بصراحة من أمثال:
أكسنت 2012
النترا 2012 ودي بدأت تنتشر جامد وبصراحة جيل جديد وشكلها كدة ممتعة. بس الواحد ياخد باله ف عربية زي دي عشان كيرفاتها كتير وخبطتها حاتزعل
نيسان تيدا: بش بيعجبني شكلها بس من أحسن العربيات في فئتها كا ركوبة.. ماعرفش ازاي ماحدش رشحها لغاية دلوقتي
كورسا: حلوة بس مابحبش أرشح اوبل لأي حد بصراحة
رينو فلوينس: رينو حبيبة قلبي... ممكن كدا الواحد يعتبرها انها بتديله برستيج عالي حبتين
مازدا ام 3 : زي رينو بس عمش منتشرة زيها وابعادها ملمومة شوية عن الفلوينس

فيه طبعا حاجات تانية أكيد بس دي أحسن ترشيحاتي:
سيراتو كوبيه (لو لازم حاجة من التلاتة اللي محطوطين) - النترا 2012 - فلوينس
ومن الآخر كدا فلوينس أو النترا. لو عندك شك كبير في الكوري خليكي في الآوروبي