رأيكم فى السينا

[mahamedaraby]

العربية السيينا ضيقة من جوة قدام وورا وناشفة فى المطبات ، وثابتة لحد 120 ل 140 بعد كدة مش ثابتة ، الموديل ال 1400 جاب معايا 165 - 170 كم / س لو إنت غاوى سرعات عالية يبقى بلاش منها

مميزاتها الإستجابة للدركسيون هايلة برغم إن الباور تقيل شوية ، يعنى عدد اللفات بتاعت الدركسيون قليلة وده بتحسه فى شوارع المدينة إنك بتلم العربية وتفادى و بتاخد غرز قطم بلفة صغيرة من الدركسيون ، ميزة تانية إنك عمرك ما تقلق على العربية من المطبات ، إنما طبعاً على حساب راحتك ، الموتور بتاع شغل وبيتنقل بسلاسة بين آر بى إم مختلفة ويمشى معاك مسافات على آر بى إم 5000 ، إنما طبعاً هيكون على حساب فترة العمر ، لما بتسيب دواسة البنزين وإنت ماشى بتلاقى العربية هبطت فجأة كأنك مديها سنة فرملة ، ماعرفش دى خشونة من الموتور ولا تقيلة ولا إيه ، وبالمناسبة الفرامل بتاعتها معقولة جداً وحساسة

فيها عيبين خطيرين ، الأول هو قطع الغيار قليلة فى السوق ، والتانى هو الحرارة زى باقى الفيات برغم وجود ترموستات بسرعتين ، لو حصل أى حاجة فى دورة التبريد خصوصاً يبقى لازم لازم التوكيل

بإختصار ممكن نقول اللانوس شبابى وبتقبل التعديلات والإضافات ومنتشرة ، والسيينا عربية (عاقلة) بتاعت حد شبع شقاوة وعايز حاجة عملية للشوارع الزحمة

+1000000000000000000000

[CryptonX]

السيينا الصيني لسة جديدة موديل 2007 - 2008
حتعرفها بمنتهى البساطة

هي شكل البترا الي كان عندنا بس من وراء عليها لوجو " فيات " المدور مش الاربع حروف القديم .

[hazem_khidr]

+
ان التابلوه بتاعها لونه بيج

[Amr_Moh]

3arabia momtaza kan ma3aia wa7da 1400 men el zeero be3taha men 14 shahr be 47000 kanet 3amal 70000km
3aiez 2a2olak eni kont mohmel feha gedan ldarget enha etba3et be flaterha we bojehatha el fabrica, 3omraha ma3amalet ma3ia 7arket na2s

top speed mesh 7at3adi el 170
fanoos 7alfi 85 le
deh kol ma3lomati l2ni mashtaretlahash 7aga tani men sa3et magebta 3adael kwetsh we bataria

bas 3mmoman mesh 7at7esh bfar2 3an el lanos

[mohamedsaadaly]

في الحقيقه ابعد عنها تماما
قطع غيار غاليه
اعاده بيع زفت (خسرت ????جنيه)
اعطال كثيره
بتسخن كثيير ومعقده في تصليحها
توكيل حرامي ومش فاهم

[magomago]

انا اتفرجت على سيينا كتير قبل ماشترى اللانوس
وللاسف لقيت معظم اللى شفتهم يوجد فيهم بارومة وخصوصا فى الابواب من الداخل وماكنتش مصدق نفسى لان الموديلات كانت عاليه ..يعنى 2002 و 2003 فقررت ابعد عنها نهائيا

[mohamed_88sk]

انا نفسي اعرف السر في وقف سوق هذة السيارة

اه والله وانا كمان مع أنها محترمة جدا وشيك جدا جدا وكفاية أنها من شركة عريقه زي فيات . حاجه غريبه فعلا ..
ده كمان الشكل الجديد منها شكله جمييييييييييييل قوي ومحترم . وانا شايف أنها في فئة ال 60 تينات الوحيده اللي لايقه على سعرها مع أحترامي لباقي سيارت تلك الفئه.

[mo3tazelgamal]

أنا أشتريت سيينا 1400 مستعمله فى 2005وكانت موديل 2002 وفضلت معايا سه ونصف تقريبا العربيه من جوة غنيه يعنى تابلوة شيك وأزرار فى متناول الأيد , شكل عصرى , صاج أمتن (فى الخبطات والعياذ بالله) بس ردئ جدا جدا جدا فى موضوع البارومه
أرتفاع مناسب عن الأرض
شغل أى ميكانيكى فيها سهل مش صعب بس غلس فى الوصول إليه (حوض الموتور ضيق)
شغل الكهربا زى الزفت مش أى حد يعرف يشتغل فيها
أنا كان عندى مشكله فى السنتر ودوخت السبع دوخات علشان تتحل
أستابليتى بعد 140 مش قد كدة, بصراحه أقصى سرعه جبتها بيها كانت 165 وبعد كدة ماسك الهوا بأيديا
المقصات بتاعتها بتفتح بسرعه فتلاقى كتير منها ماشى فاتح على شكل V مقلوب من ورا
أوعى تستنى منها سحب على الأول والتانى والتكييف شغال
بس بأمانه تكييف قوى
قطع غيار من 3 سنوات
فانوس أمامى 200ج
غماز إشارة 25ج
أسطوانه دبرياج وديسك 720ج
طقم سيور باور وتكييف وتقسيمه +بليه شداد ودينمو 200ج

[emadfk]

بص يا باشا من الاخر كدة هى العربية ناعمة وباور جامد وصاج ناشف
التكيف مش زى الكورى ولا اليابانى لكن مش وحش اهو بيخفف من الحرارة داخل السيارة
ال 1400 مع التكييف بتتكتم بشكل ملحوظ فى الاول و الثانى فقط لكن مع الثالث و الرابع فلة
العربية حلوة فى السفر اوى يعنى بتكون ناعمة وتكيفها بيكون فى افضل حال وشنطتها كبييرة جد جداا
بالنسبة لموضوع الحرارة فهى لم تسخن مطلقا معى من ساعة ما استلمتها فى اغسطس 2000 حتى الان
وذلك لان فى التوكيل قالولى حاجة مهمة جدا و هى لا تفتح قربة المبة الا فى حالة لاحظت ان منسوب المياه قد قل عن المنسوب المطلوب وفى هذه الحالة يفتح فى الصباح الباكر قبل دوران العربية وزيادته بالمياة الخضراء وقفلة كويس ثم تدويرالعربية
ثباتها حلو مش وحش انا سافرت بيها الغردقة على 120 زى الفل
عفشتها جامدة وتستحمل الشوارع المكسرة و العربية عليا عن الارض ودى ميزة رهيبة يعنى مهما كنت محمل معاك ومالى العربية ع الاخر عمرك متحك فى اى مطب مهما كان

[motoxp]

السيينا عربية ممتازة جدا جدا عن اللانوس من حيث الموتور و الجسم الخارجى اقوى ولكن اللانوس ثبات اكتر و قطع غيار السيينا متوفرة و الله عن تجربة واقعية و رخيصة تقريبا قريبة من اللانوس شوية الكلام ده كله على السيينا 1400 اما 1600 موتور بحساسات يعنى مفيش ميكانيكى يصلحها توكيل على طويل و مفتاحها متشفر شكرااااااااااااااا

[mody_halawa]

اعتقد الانوس احسن

[HeMa_LanCeR]

وال 1400 باردو كلها حساسات
بس عربيه محترمه
وتوكيلها محترم جدا بجد مكنتش اتصور ان في فمصر توكيل محترم كده

[RHMA351]

بصراحة ربنا يكرمكوا يا جماعة على المعلومات دي

وأرجو أن تدلوني على أفضل مركزلصيانة السيينا 1600 سي سي

وكمان التوكيل فين ؟

وأفضل مكان لشراء قطع الغيار الخاصة بيها

ولكم جزيل الشكر

[macdiv]

الكيلاني اللي في معروف هو اشهر تاجر فيات انواع جديده في مصر ... و اي ميكانيكي بيشتغل فيها الا لو عندك عطل في الكمبيوتر هتحتاج حد متخصص و لو هتفتح الموتور ياريت يكون حد فاهم و امين عشان انا عربيتي جابت جوان وش سلندر بسبب انها كانت مرفوعه و اتسافر بيها و تقريبا الرادياتير فاضي ..... و اللي عملهالي عملها و انا مش موجوود فمرجعتشي ذي ماكانت و بقت بتسخن