لو معاك 500 الف تجيب عربية ولا كذا عربيه

[Elsarrawy]

والله يا جماعة انا احب اشكركم كلكم بلا استثناء
بصراحة كلامكم كله مفيد وكلها وجهات نظر تحترم جداً

بص انا في عندي كام تعليق على بعض الآراء اسمحولي ارد عليها في مشاركات مستقلة
واشكركم على تفاعلكم معايا
وانا برده عندي وجهة نظر في الموضوع دا مبنية على كذا حاجه لاحظتها في حياتي العملية واستفدها من مشاركتكم في الموضوع ده

بس اسمحولي هاقولها في آخر الموضوع علشان اقدر استفاد باكتر معلومات ممكنة من رأيكم

وبالتالي فهي هاتكون تقريباً ملخص لمشاركتكم معايا في الموضوع دا

[Elsarrawy]

كلامك منطقى بس بالسعر ده ممكن تجيب عربيه احلامك بره ياعنى ممكن تجيب لمبورجينى ولا حاجه امال فى مصر اخرك هوندا اكود او اودى او بى م ام مرسيدس

انا شايف ان حرام الواحد يدفع فعربيه 500 الف جنيه قميتها الفعليه 100 الف جنييه عارف انت لو روحت عيشت فى السعوديه المبلغ ده يجبلك عربيه محترمه سكن محترم مشروع وشركه محترمه احسن من العيشه هنا

انا على فكره روحت السعودية فترة وشوفت الكلام الي حضرتك بتقول عليه وعلى فكره الكلام دا مش في السعودية وبس دا في دول كتير جداً ممكن تعمل كدا زي الامارات والبحرين وغيرها كمان لان ماعندهمش الجمارك الي عندنا ولا الشوارع الجميلة بتاعتنا ولا حتى الزحمة وعشوائية السواقة الي في بلدنا ولا عربيات من السبعينات زي عندنا

بس للاسف احنا في مصر ودي بلدنا ودا مش بمزاجنا على فكره وخلي بالك مافيش بلد هاتقبلنا زيها وغير كدا مش كل حاجة بره حلوه
فمهما الواحد عاش بره بيبقى نفسه يرجع بس للأسف بيبقى صعب جداً انه يرجع لاسباب كتير بس انا مش عاوز اخرج بره موضوعنا

والي انا فهمته من حضرتك انك تفضل تشتري اكثر من عربيه بدل ما تدفع 500 الف في عربيه واحده لأن للأسف مافيش بديل ثالث في الاختيارات غير دول

[Elsarrawy]

ياعنى عايز تجيب عربيه فى مصر سعرها لا يزيد عن 250 الف جنيه اكتر من كدا حرام فيها الفلوس

ده الفورد موتسنج سعرها 26 الف دولار بتباع فى مصر فوق ال 500 الف جنيه ياعنى زياده 400 الف تقريبا ده ميجبلكش سكن محترم و شركه محترمه بره وعلى الاقل مش هتدفع وانت خصران يا راجل ديه الكورولا بره ب 70 الف جنيه واحنا فى مصر بتباع ب 140 الف جنيه

60 % شامله الضرايب و الجمارك من تمن العربيه ال 1600 سى سى

و العربيات الى فوق 2000

135 % + الضريبه ياعنى دبح

منهم لله

انا معاك في الجزء الأول 100% وهو اني مادفع اكثر من 250 الف في عربيه في مصر

اما الجزء الثاني فللأسف هو دا الواقع في مصر
وكمان موضوع السكن دا مش هاينفع لان مش مفترض اني اجيب أي حاجه بالمبلغ دا غير العربية فقط ودا كان شرط الموضوع من الاول

[Elsarrawy]

هجيب شيروكى وبى ام كسر زيرو واجيب جولف زيرو

وجهة نظر تحترم بس هل هاتجيبهم في سنة واحده؟؟؟؟؟

[Elsarrawy]

بص يا باشا ...

في ناس ممكن تشتري عربية واحدة ب 500 الف جنيه ... بس دول اعلى فئة في المجتمع , اللي هوا ماشي بنظام ايه يعني 500 الف جنيه ؟ المهم عربية تعيش و تستحمل ....
و في ناس ممكن تشتري عشر عربيات ب 500 الف جنيه و الاسم قال يعني زي ما بيشوفوا الاغنيا معاهم عربية و اتنين و تلاتة , احنا برده معانا عربية و اتنين و تلاتة ... و بدل ما بيكون سعر العربية عندهم بمليون جنيه .... احنا عندنا سعر العربية 50 الف جنيه ......

بس اسمح لي ..... ابقى مواطن غبي و جاهل ان فكرت اني اجيب عربية بنص مليون او عشر عربيات بنص مليون .... و كل دا من أجل المنظرة و خلاص ....

على فكره مش كل الناس الي معاها عربيات قيمتها فوق النصف مليون جنيه حتى بتجبها منظره

كلنا حلمنا انه يبقى عندنا عربية بمليون و بتلاتة مليون و عربية انضف من اي واحد راكب اي عربية تانية .....

لكن علشان نجيب عربية بنص مليون .... لازم نبتدي بشيء يوصلنا للنص مليون .....

انا ممكن بالنص مليون دول اتجوز و افتح شركة و اجيب فيلا مش شقة و خلاص ... و لما القرش يجري في ايدي ساعتها ممكن افكر في عربيات نضيفة .....

ممكن بالنص مليون دول اعمل مشروع العمر و ساعتها افكر برده في عربيات نضيفة .....

برده المبلغ دا معمول للعربية فقط مش لأي شيء تاني

احسبها بالعقل و المنطق ......

ما أنا بحسبها معاكم اهو

------

اما بالنسبة في حكاية استهلاك العربية و عمرتها ....

انا ممكن اجيب عربية ب 50 الف و تعيش معايا 10 سنين ...

ممكن اجيب عربية ب 200 الف و تعيش معايا 20 سنة ...

طب إزاي ؟

العربية يا جماعة مش بالصيني و لا بالبولاقي ..... العربية بسواقها ... العربية بمحافظتك عليها .... العربية باستخدامك الكويس ليها ....

لو معايا تك تك و باستخدمه حق استخدام ..... و الله لا افكر اشتري غيره و لا ابيعه , مادام عرفت احافظ على استخدامه و مادام هوا بيعمر معايا ..... :)

حضرتك ممكن تحافظ انا معاك لكن انت ماتضمنش القضاء والقدر لا قدر الله (دا الواحد بيبقى راكن عربيته 5 دقائق علشان يجيب حاجه ويرجع يلاقيها مخبوطه او مجروحه او متشال منها العلامة بتاعتها) ما تنساش انك في مصر

نفس الكلام في العربيات .....

لابد من توافر السواق الكويس ...... السواق اللي بيحترم عربيته ... ساعتها العربية ح تحترمه ....

ح تلاقي اخطاء قليلة و فين و فين لما تصلح حاجة ....... و للأسف النوع دا نادراً لما نلاقيه ......

نلاقي العربية جديدة النهارده ... تاني يوم تلاقي صاحبها ماشي بيها مش نضيفة ....

طب لو هوا ماشي بيها مش نضيفة ؟ ... تفتكر ممكن تعمر ؟ ...

طبعاً يمكن ردي ح تلاقوه عبيط الى حد ما ...... :) لكن فكروا كدا في الكلام دا ....
لا سمح الله مشاركتك بناءة ومفيدة طبعاً وتحترم

سوق العربيات في مصر محتاج اعادة نظر .... و إلا رحنا في ابو نكلة :)

و الف شكر على الموضوع الجميل دا :)

انا الي بشكرك على وقتك ورأيك

[Elsarrawy]

متفق مع كلامك كله

ماعدا موضوع اني ممكن اتحوز وافتح شركه واجيب فيلا ب 500 الف

500 الف يدوب يجيبولك شقه معقوله في حته كويسه وليست راقيه

+1111111
طبعاً ما فيش فيلا دلوقت بـ 500 الف جنيه حتى لو عندك الارض وانت اللي هاتبنيها وبعدين هاتفرشها منين؟؟!!!!!!!!!

بس برده النقطة دي بره شرط الموضوع وهو ان الفلوس للعربية فقط مش لفلا ولا شقة ولا جواز ولا مشروع

[Ralliart]

لو المبلغ ده معاييش 3 اضعافه على الاقل يبقى اكيد مش هجيب بيه عربيه
هجيب باسات او bmw 316 او مرسيديس c180 ويفضل لو كسر زيرو كمان والباقي اعمل بيه مشروع يوفرلي مبلغ اجيب بيه عربيه تانيه لما ازهق من العربيه القديمه ويمكن ربنا يفتحها معايا واجيب حاجه اغلى مكنتش هعرف اجيبها لو صرفت كل الفلوس في العربيه الاولانيه
وبالنسبه لقطع الغيار فأكيد هأمن على العربيه

[Elsarrawy]

500 الف بس . ماشي . (انا مش هاقولك اجيب شقة وعربية ومكتب واتجوز وافرش الشقة ) (واسافر كمان اسبوع ) (وادفع منهم الزكاة ) (عشان ما اخرجش من الموضوع )

هاشتري اوتوبيس
تقبل تحياتي

على فكره فكره ظريفه بس دا علشان آآجره ولا اعيش فيه ولا اعمل بيه ايه؟؟؟؟؟؟؟؟

[Elsarrawy]

أولا مش هجيب واحد بس
ولكن بالكتير تلاتة
شوف أستخداماتك أيه
عن نفسي
لينيا و جولف
أعلي فئة في كل واحدة
كدة تقريبا هيفضل معاك 150 ألف
خليهم
سمكرة ودوكو :)
الدنيا وحشة

بتعمل حساب الزمن ودا كويس جداً
وبشكرك على المشاركة

[Elsarrawy]

كل واحد وظروفه ال500 الف جنيه دي ممكن تجيب بيها عربيه لو انت معاك ادها على الاقل 4 مرات يعني يكون معاك 2مليون كمان ويكون عندك شقه مناسبه لاسرتك ......لكن لو ال 500 الف هما كل اللي معاك يبقى تجيب
عربيه في حدود 150 الف فقط وتخلي الباقي معاك لمشروع او للزمن لاي ظروف محتاج فيها فلوس
واللي يجيب عربيه ب 500 الف لازم يكون معاه حق مصاريفها
ورايي ان مش حرام انك تجيب عربيه ب500 الف لو معاك فلوس كتير ومؤدي للزكاه والصدقات ومكفي بيتك
وبتصل رحمك ومراضي اهلك
ويكون الفلوس من حلال طبعا

أنا معاك 100% اني اكيد طبعاً انا مش هاجيب عربيه بـ 500 ألف وانا مش لاقي أكل او مش هاقدر على مصارفها
موضوع الزكاة دا شيء مفروغ منه لانه فريضه على كل مسلم
اكيد برده لو فلوس العربيه حلال ربنا هايبارك فيها ولو مش يبقى ربنا يرحمنا جميعاً

[Elsarrawy]

انا عن نفسى مش عايز غير شيروكو 1400 توربو و ايفو 5 ....

ربنا يرزقنا ويرزقك وتجيبهم
بس انت كدا خلصت المبلغ تقريباً في عربيتين هههههههههه

[Elsarrawy]

لو المبلغ ده معاييش 3 اضعافه على الاقل يبقى اكيد مش هجيب بيه عربيه
هجيب باسات او bmw 316 او مرسيديس c180 ويفضل لو كسر زيرو كمان والباقي اعمل بيه مشروع يوفرلي مبلغ اجيب بيه عربيه تانيه لما ازهق من العربيه القديمه ويمكن ربنا يفتحها معايا واجيب حاجه اغلى مكنتش هعرف اجيبها لو صرفت كل الفلوس في العربيه الاولانيه
وبالنسبه لقطع الغيار فأكيد هأمن على العربيه

فكره كويسه جداً
كدا انت مسكت العصاية من الوسط

[Rsarabia]

انا عن نفسى حاطط للعربية 20 % من اجمالى اللى املكه اكتر من كدا لا
يعنى عشان اجيب عربية ب 500 الف جنيه لازم على الاقل يبقى معايا 2.5 مليون
اشترى بنص و يتبقى 2
ال 2 دول اعمل بيهم مشروع او استثمرهم او حتى يفضلو فى البنك نايمين
عشان اقدر اصرف على عربية بنص مليون و مستوى معين انا حطيت نفسى فيه لازم يبقى معايا مبلغ تانى كبير
لكن انا لو معايا 500 الف جنيه هشترى عربية مثلا ب 150 و دا اخرى سواء يابانى او اوروبى جديدة او مستعملة المهم
متزدش عن 150 الف جنيه عشان اقدر اصرف عليها و اعيش مرتاح فى نفس الوقت

[ZEX5]

bmw الفئه الخامسه

[medo2o1o]

انا ماشتريش عربية بنص مليون الا لو معايا النص التانى
و فى مصر حرام تمشى بعربية اكتر من 200 الف و لولا الملامة كنت قلت 100 الف
انا رائى تجيب حاجة اوروبى فى حدود 200 الف و تنساها و تحط الباقى وديعة و اللى يطلع منها تحوشه و تسيب بند لمصاريف تشغيل العربية من صيانات لقطع غيار للقدر الله حادثة
ماينفعش احط البيض كله فى سلة واحدة
يا فرحتى اجيب عربية بنص مليون جنيه اللى حلتى و تتخبط و اقعد ازمر جنبيها