لو معاك 500 الف تجيب عربية ولا كذا عربيه

[Elsarrawy]

هههههههههههههههههههههه

عندك حق يا مان و كمان تكون العجله قسط
دول الخليج مع احترامي ليهم متخدهمشي عبره في اي حاجه حضرتك

انا معاك انهم مش المقاس الوحيد بس برده خلي بالك العربيه هناك مابتكملش 3 - 5 سنين بالكتير وثمن العربيه الواحده نفسه عندهم بتمن 3 - 4 عربيات عندنا (انا بتكلم قيمة المستورد من العربيات الي بتدخل البلد هناك مش سعر البيع للمستهلك)
يعني معدل استهلاكهم للعربيات مرتفع جداً عن باقي الدول ودا شيء مهم بالنسبة لصانعي السيارات

بص لاوروبا و امريكا مع انهم اصل الصناعات بس عندهم مرسيدس و بي ام و اودي دي بردو عربيات جامده جدا و ده هتلحظه في الافلم دي عربيات فعلا تستحق كل مليم بيدفع فيها
أوربا ممكن ابقى معاك بس برده مش مرسيدس بس العربيات الفرنساوي والايطالي منتشرة جداً هناك غير ان عربيات فولكس منتشرة اكتر من المرسيدس والب ام

لكن امريكا بتعتمد اكتر على العربيات الامريكاني يليها الياباني يليها الاوربي علشان الجمارك المعمولة لحماية الصناعة الوطنية الامريكية
اما في الخليج فهم مش بيدورو لا علي تاريخ ولا جوده تصنيع ولا ايه التكنولوجيا الي في العربيه دي يا مان دا قريبي بيحكي لي و هو واقف في معرض عربيات يوزد ففي واحد كويتي واقف و بيشتري عربيه ففي عربيه يتوتا هاي لوكس(اسم بحس انهم جيبينه من حاره اصلا!) و مرسيدس شبحو الهاي لوكس ب60 و الشبح ب40
تصور جاب ايه جاب الهاي لوكس و قريبي هيولع بيقول انت سايب الشبح و بتجيب تيوتا بيقول مرسيدس لا ما احبها ما اركبها
و طبعا قريبي كان هيموت اصلا علي الشبح مش عارف الخليجيين قاعدتهم في شراء العربيه ايه!

لان الخلايجة بيحتاجوا العربيات كبيرة الحجم (العائلية) ذات السي سي العالي فوق 2000 سي سي زي العربيات الامريكي ودا علشان حجم الاسر عندهم كبير ومحتاجين تكيف قوي وسريع التبريد (ودا مش موجود في معظم السيارات الاوربية) ومش فارق معاهم سعر البنزين أصلاً وعلشان موضوع التكيف دا بالذات تلاقي اليابان وكوريا ابتدوا يظهروا في الخليج من الثمانينات والتسعينات بالعربيات دي (ودا علشان ياخدوا شريحة الشباب مش العائلات) ولأن تكيفها ثلاجة وكمان سوق الخليج قريب بالنسبلهم وكمان اسعارهم ارخص من العربيات الامريكاني

بس نرجع و نقول اكون جايب عربيه ب1000 و اروح اعمل لها صيانه ب1200 يبقا دا حراااام و ده من اهم الاسباب الي مخليه الخليجيين يبعدو عن الالماني بالزات

معاك في النقطة دي 100% طبعاً

اما عن المصريين حضرتك اصدك علي اليباني بقا؟

الياباني دلوقت ومعاه الكوري كمان وبكره الصيني وهافكرك

و كمان ارتباط المصريين بالصناعه الالمانيه (قصدك الايطالية والفرنسية الي عايشين لحد دلوقت زي الفيات بأنواعها والبيجو وبعديهم ييجي الالماني) من زمان كبير جدا صعب تغير مفهوم شعب عاش طول عمره علي صناعه و متأكد انها الافضل لانها فعلا الافضل (خلي باللك الايطالي مابقاش منتشر في مصر زي زمان برغم من انه ابتدى يرجع تاني في اخر سنتين) و كمان اصحاب الحضارات بيحنو لبعض
مرسيدس اصلا اقل موتور فيها بره 1.8 اما الي في الc180 ده فهو 1.6 عليه سوبر شارشر بيدي 153 حصان عشان بس الجمارك هي المفروض 1.8 امتلاك السايره الالماني مش شئ سهل لان انك تعرف تصرف عليها دا هيتعبك اوي لو انت دخلك صغير عشان كدا مش اي حد بيجبها

نقطة مرسيدس دي فعلاً بس الكلام دا من سنة او اثنين بس مش اكتر لان الدول الاوربية بيدوروا على اكثر عربية اقتصادية في البنزين والمصاريف والسعر وتلبي متطلباتهم وتكون معمرة إلى حد ما

التعليق بالازرق في النص وبشكرك على رأيك

[zalpany2000]

على فكره العكس هو الي صحيح العقارات الي كل ما بتقدم قيمتها بتزيد عكس العربية تعتبر سلعة استهلاكية
دا انت لو ركنتها سنتين ثلاثة قيمتها هاتقل وكمان ممكن تعطل فيها حاجات زي البطاريه مثلاً
وكمان العقارات نادراً ما بتخسر دا انت لو اضطريت تبيعها بعد سنة او اثنين وكنت مستعجل على البيع هاتجيب على الأقل ثمنها إلا اذا كنت انت شاريها غاليه اصلاً

شوف يا فندم انا مش مختلف ان العقار قيمته بتعلي ... لكن سوق بيعه تقيل .. بمعني لو النهارده محتاج سيولة ؟؟؟ هاتبيع بكرة العقار ؟؟؟!!! هو ده الفكرة مش أكتر انما العربية أسهل في البيع

يعني المليون هو الي هايحافظ على قيمته بعد 5 او 6 سنين؟؟؟؟!!!!!

ما احنا بنتكلم من نفس المنطلق مش فاهم حضرتك مستغرب كلامي ليه ماهو بنفس معني كلام حضرتك والمقصود هو ان المبلغ اللي احنا كنا بنتخيل انه كبير قوي مابقاش ليه قيمة كبيرة زي ما احنا اتربينا يعني كلنا بنقول النهارده لو لاقيت مليون جنيه
النهارده المليون جنيه زي ال100,000 جنيه اللي كنا ممكن نكسبها من 6 - 7 سنين مثلا :)

تحياتي

[M.Mostafa80]

هجيب عربيه 4*4 رانجلر أو شيروكى ودى تبقى للسفر والرحلات
وهجيب جولف أو جيتا للتحرك داخل المدينه

[moudy88]

انا لو مكان حضرتك ومعايا ال500 الف ..
هشتري عربيتين مش عربيه واحده ..وهيكونو مختلفتين تماما عن بعض علشان لما اركبهم احس بالفرق ..والعربيتين يكونوا زيرو ..
لان بصراحه حرام لما اشتري عربيه فوق ال200الف مثلا وتكون مستعمله واصرف عليها ويكون حد غيري ركبها ..لازم تكون بريحة الفابريكه
وبالبنسبه للعربيتين هيكونوا

1-bmw 316i الاوتوماتيك 2010 واديك تبقى راكب عربيه بي ام ..وتستخدمها جوه المدينه اوتجيب باسات اعلى فئه وتقريبا سعر البي ام 250 الف والباسات 270 الف تقريبا ..



2- عربيه 4x4 وتكون جيب رانجلر الجديده 2010 ودي ثمنها 245 الف جنيه وتكن لرحلات المصيف والoff road والسفاري وبرضه للتغيرجوه المدينه

ولو قدرت تدبر مثلا 40 الف جنيه كمان ..ممكن تشتري لانوس مستعمله وتكون للمشاوير الخاصه ..يعني لو رايح حته شعبي مثلا ومش عايز حد يسرق العربيه او يخدشها
او لو عايز مثلا تقابل ناس مثلا ومش عايزهم يطمعو فيك بسبب العربيه .. مثلا يعني

وربنا يوفقك ان شاء الله

[Amr Mohamed]

500 ألف لعربية أو أكتر :
عشان احنا أسره كبيره هشتري لمراتي و اخواتي الاتنين كيا كارينز أعلى فئة كسر زيرو
عشان كل واحده فيهم تبقى مرتاحة هيه و ولادها بدال الصني و الفولكس و لانسر الصغيرين
كده قول صرفنا 240 ألف و هنصرف لكل عربية 10 ألاف تظبيط و ترويق و اكسسوار و ديفيدي عشان العيال يبقى كله كده 270 ألف
هدور لنفسي بقى على حتة إس 40 أو إس60 أو إس 80 مستعملة سنتين أو تلاتة بالكتير و دي مش هتعدي 130 ألف
كده يبقى 100 ألف
قول هناخد منهم 20 ألف لزوم تظبيط و ترويق عربيتي
يبقى لسه معانا 80 ألف هحطها في البورصة عشان كمان 5 سنين أطلع طلعة زي دي تاني

يبقى انت هاتبيع كل ده تانى هاهاها
البورصه تحت مش فوق واسأل مجرب هاهاه
وبخصوص السؤال انا هاحطهم مقدم لامبورجينى مورشيلاجو واقسط على 2 مليون سنه

[mahmoud_afifi]

مين قال اني هاجيب العربية ام 500 الف ليا والمدام تفضل من غير عربيه
لا خالص العربيه للمدام وانا هامشي بعجله طبعاً علشان آآمنلها الطريق هههههههه

من الواضح من معظم المشاركات ان معظم الشعب المصري بيحلم بالمرسيدس
غريبة جداً يا جماعة برغم من ان في دول كتير زي دول الخليج مش بتفكر في المرسيدس دي اصلاً

يعني كلنا واحنا بنفكر في المرسيدس بنفكر فيها علشان بنبص عليها علشان هي 1600 او 1800 cc يعني رخيصة نسبياً وضريبتها رخيصة وكمان بتوفر في البنزين ....والماني ومنتشرة يعني هاتلاقلها قطع غيار بسهولة وكمان وكيل كويس وحتى على قد الفلوس الي بنحلم بيها

يعني حتى حلمنا كمصريين وعايشين في مصر محدود ومافيهوش طمع يعني بنرضى بقليله

ربنا يرزقنا كلنا وكل واحد يحقق الي في نفسه

كلام حضرتك صح بس انا من اكتر المعجبين بالC180 في جميع الاحوال حتى لو معايا تمن الS class. تعتبر صغيره نسبيا مقارنة بباقي الفئات وشبابيه. ولو C300 احسن طبعا بس عشان ماجريش بيها :)

[dramir1]

انا لو مكان حضرتك ومعايا ال500 الف ..
هشتري عربيتين مش عربيه واحده ..وهيكونو مختلفتين تماما عن بعض علشان لما اركبهم احس بالفرق ..والعربيتين يكونوا زيرو ..
لان بصراحه حرام لما اشتري عربيه فوق ال200الف مثلا وتكون مستعمله واصرف عليها ويكون حد غيري ركبها ..لازم تكون بريحة الفابريكه
وبالبنسبه للعربيتين هيكونوا

1-bmw 316i الاوتوماتيك 2010 واديك تبقى راكب عربيه بي ام ..وتستخدمها جوه المدينه اوتجيب باسات اعلى فئه وتقريبا سعر البي ام 250 الف والباسات 270 الف تقريبا ..



2- عربيه 4x4 وتكون جيب رانجلر الجديده 2010 ودي ثمنها 245 الف جنيه وتكن لرحلات المصيف والoff road والسفاري وبرضه للتغيرجوه المدينه

ولو قدرت تدبر مثلا 40 الف جنيه كمان ..ممكن تشتري لانوس مستعمله وتكون للمشاوير الخاصه ..يعني لو رايح حته شعبي مثلا ومش عايز حد يسرق العربيه او يخدشها
او لو عايز مثلا تقابل ناس مثلا ومش عايزهم يطمعو فيك بسبب العربيه .. مثلا يعني

وربنا يوفقك ان شاء الله

+11111111111

[MaZaGAngeE]

يبقى انت هاتبيع كل ده تانى هاهاها
البورصه تحت :t_thum1[1]:مش فوق :s_thum1[1]: واسأل مجرب هاهاه
وبخصوص السؤال انا هاحطهم مقدم لامبورجينى مورشيلاجو واقسط على 2 مليون سنه

دي 5 سنين أكيد هنطلع فيها و ننزل بس بعد ما نكسب ال 500 ألف تاني
لو ما حصلش دول 4 عربيات يقعدوا بقى 5 سنين غيرهم لحد ما نكسب من البورصة 500 ألف نغير بيها

[M7amD_7amDy]

والله لو ربنا كارمنى ومعايا فلوس بالهبل

ممكن أجيب عربية بنص مليون وبمليون كمان ايه المانع يعنى؟؟

بس طبعا مش هتبقى لوحدها

بس لو نتكلم من الناحية العملية ممكن أجيب ال c-180 بـ 300 ألف وده حلو أوى مش هحتاج أكتر من كده

والتانية تبقى بـ 100 ألف للإستخدام العادى والمرمطة

طبعا ده كله لو ليا لوحدى

انما لو حد تانى كمان الحسبة هتختلف

والموضوع جميل ومفيد :))

[M.Akef]

انا معاك انهم مش المقاس الوحيد بس برده خلي بالك العربيه هناك مابتكملش 3 - 5 سنين بالكتير وثمن العربيه الواحده نفسه عندهم بتمن 3 - 4 عربيات عندنا (انا بتكلم قيمة المستورد من العربيات الي بتدخل البلد هناك مش سعر البيع للمستهلك)
يعني معدل استهلاكهم للعربيات مرتفع جداً عن باقي الدول ودا شيء مهم بالنسبة لصانعي السيارات

مع اني مش فاهم اصدك اوي لكن بردو لو علي الي يستحمل اكيد الالماني هيعيش معاه مهما يعمل فيه
أوربا ممكن ابقى معاك بس برده مش مرسيدس بس العربيات الفرنساوي والايطالي منتشرة جداً هناك غير ان عربيات فولكس منتشرة اكتر من المرسيدس والب ام

لكن امريكا بتعتمد اكتر على العربيات الامريكاني يليها الياباني يليها الاوربي علشان الجمارك المعمولة لحماية الصناعة الوطنية الامريكية
حضرتك انا قلت عربيات جامده يعني عربيات ليها قيمه كبيره و مش اي حد بيركبها مرسيدس و بي ام سيارات فاخره اصلا لا تسعي الي الانتشار و في امريكا الامريكي طبعا الاول و في ايد الشباب اليباني اما الكبار طبعا الالماني و بمعني اصح الاغنياء الالماني لاني حتي لو شاب و غني مش هفكر في يافو و الكلام ده علي M6 ولا amg علطول

لان الخلايجة بيحتاجوا العربيات كبيرة الحجم (العائلية) ذات السي سي العالي فوق 2000 سي سي زي العربيات الامريكي ودا علشان حجم الاسر عندهم كبير ومحتاجين تكيف قوي وسريع التبريد (ودا مش موجود في معظم السيارات الاوربية) ومش فارق معاهم سعر البنزين أصلاً وعلشان موضوع التكيف دا بالذات تلاقي اليابان وكوريا ابتدوا يظهروا في الخليج من الثمانينات والتسعينات بالعربيات دي (ودا علشان ياخدوا شريحة الشباب مش العائلات) ولأن تكيفها ثلاجة وكمان سوق الخليج قريب بالنسبلهم وكمان اسعارهم ارخص من العربيات الامريكاني

سيبك من السي سي حضرتك اقوي محركات و اوسع عربيات هي الالمانيه سيبك من الشكل المهم المضمون بس بردو في الخليج عربيه زي الx5 مش رخيصه او الاند روفر دي عربيات تضرب البرادو و الاند كروزر و الباجيرو بالجزمه بس للي يقدر علي تمنهم و حتي الي بيقدر علي تمنهم مش بيقدر علي صيانتهم اضن بردو تنحصر الصناعه الالمانيه في ايدي الخليجيين علي الطبقه الغنيه فقد

الياباني دلوقت ومعاه الكوري كمان وبكره الصيني وهافكرك

لا الصيني خلاص لعب شويه و راح الكوري ايل هيعد في اسلوق لكن هيفضل اليباني يباني و الكوري كوري زي ما اليباني اول ما نزل الناس قالت لا و وحش و الكلام ده كله بس دولقتي كل شئ بثمنه و الي معاه فلوس اليباني بيجيبه و الي معاه فلوس الالماني بيجيبه بس انا معاك ان الكور يكل الجو من اليباني شويه لكن بردو يبقي اليباني افضل (قصدك الايطالية والفرنسية الي عايشين لحد دلوقت زي الفيات بأنواعها والبيجو وبعديهم ييجي الالماني)هههههههههه لا اصدي علي الالماني الالماني انا مليش دعوه بالاكثر انتشارنا انا بقول الالماني معانا من الاربعينيات او ابل كدا كمان و بنثق فيه ثقه عمياء و علي رئي الصنيعيه الي مركبشي الماني يبقا مركبشي عربيات! (خلي باللك الايطالي مابقاش منتشر في مصر زي زمان برغم من انه ابتدى يرجع تاني في اخر سنتين) لا دا موضوع وكيل ملهوش دعوه بالعربيه فيات طول عمرها فيات شركه ام عملاقه كل سياراتها قويه

نقطة مرسيدس دي فعلاً بس الكلام دا من سنة او اثنين بس مش اكتر لان الدول الاوربية بيدوروا على اكثر عربية اقتصادية في البنزين والمصاريف والسعر وتلبي متطلباتهم وتكون معمرة إلى حد ما

مش عارف هو حضرتك كونت وجهة النظر دي منين عرفين ان طبعا الالمان تكنولوجتهم عاليه جدا و المواتير الكبيره حتي مش بتاكل بنزين بس الالمان مش بيدورو علي كدا خالص الالمان يصنعو سيارات الصفوه اهم حاجه الفخامه و الامان و الاسم و التميز و الاداء و الثبات بس ميمفعشي مع الماني نقول و بتوفر الوقود يعني هي اصلا عربيه بالاف مؤلفه هدور علي استهلاك الوقود فيها ليه! الكلام ده نقوله علي كورولا ولا لانسر بس الي بيشتري الماني مش بيفرق معاه بتوفر اد ايه اهم حجات عنده الي انا كتبتها فوق دي
بس في النهايه احب اقول لك حاجه الالماني هيفضل طول عمره الماني و الباني هيفضل يباني و الكوري هيفضل كوري اما الصيني فدا ملهوش مستقبل في المنافسه و ده لاسباب كتير يطول شرحها جدا

[kamatsho]

مدام مخصص ال 500 الف للعربيه يبقى الصح انها متبقاش عربيه واحده يبقوا اكتر من عربيه وبرضو لازم اعمل منهم مشروع لاااااااااااااااااااااازم

اشترى سوناتا 2011 مش هتزيد عن 200 الف جنيه وسعر موديل 2010 ب 190 الف 2500 سى سى عربيه جبااااااااااااااااره وفى نفس الوقت قطع غيارها مش غاليه زى عربيات تانيه وسحبها جميل جدا
واشترى سكود ا فانتازيا 2010 واسقطلها موتور نضيف زى ما الكتاب بيقول وابيع الموتور القديم
وبكده هبقى اشتريت عربيتين احلى من بعض شكل واداء وفخامه وكل حاجه
وهيتبقى حوالى 90 الف جنيه اشترى بيهم اوبترا واشغلها فى شركه سياحه تدخلى 3000 الاف جنيه فى الشهر يبقوا مصاريف العربيتين السوناتا والفانتازيا مع انى كنت هقولك تشترى بـ 90 الف كام توك توك كدا تشغلهم ويدخلولك برضو دخل كل شهر بس حسيت انك هتتنرفع من النقطه دى :)

[Hosam_Optrawy]

بشكرك على مرورك رأي يحترم جداً
بس هل تجيب العربيات كلها موديل سنة واحدة ولا كل سنة او اثنين عربية؟؟؟

لو انا بس اللى هاستعملهم اكيد مش هاجيب 3 4 عربيات

هاجيب عربيه واحده واغيرها كل فتره

ويوم ما ادلع نفسى هاجيب عربيتين واحده سيدان والتانيه سيراتو كوبيه :)

[Elsarrawy]

شوف يا فندم انا مش مختلف ان العقار قيمته بتعلي ... لكن سوق بيعه تقيل .. بمعني لو النهارده محتاج سيولة ؟؟؟ هاتبيع بكرة العقار ؟؟؟!!! هو ده الفكرة مش أكتر انما العربية أسهل في البيع

انا معاك كلامك صح في ان السيارات اسهل في البيع من العقارات لكن بتخسر لما تيجي تبيعها غالباً

ما احنا بنتكلم من نفس المنطلق مش فاهم حضرتك مستغرب كلامي ليه ماهو بنفس معني كلام حضرتك والمقصود هو ان المبلغ اللي احنا كنا بنتخيل انه كبير قوي مابقاش ليه قيمة كبيرة زي ما احنا اتربينا يعني كلنا بنقول النهارده لو لاقيت مليون جنيه
النهارده المليون جنيه زي ال100,000 جنيه اللي كنا ممكن نكسبها من 6 - 7 سنين مثلا :)

تحياتي

فعلاً التضخم بياكل كل الفلوس الي بتيجي وبيحتاج عليها كمان

[Elsarrawy]

هجيب عربيه 4*4 رانجلر أو شيروكى ودى تبقى للسفر والرحلات
وهجيب جولف أو جيتا للتحرك داخل المدينه

هي دي متعة القيادة

[Elsarrawy]

انا لو مكان حضرتك ومعايا ال500 الف ..
هشتري عربيتين مش عربيه واحده ..وهيكونو مختلفتين تماما عن بعض علشان لما اركبهم احس بالفرق ..والعربيتين يكونوا زيرو ..
لان بصراحه حرام لما اشتري عربيه فوق ال200الف مثلا وتكون مستعمله واصرف عليها ويكون حد غيري ركبها ..لازم تكون بريحة الفابريكه
وبالبنسبه للعربيتين هيكونوا

1-bmw 316i الاوتوماتيك 2010 واديك تبقى راكب عربيه بي ام ..وتستخدمها جوه المدينه اوتجيب باسات اعلى فئه وتقريبا سعر البي ام 250 الف والباسات 270 الف تقريبا ..



2- عربيه 4x4 وتكون جيب رانجلر الجديده 2010 ودي ثمنها 245 الف جنيه وتكن لرحلات المصيف والoff road والسفاري وبرضه للتغيرجوه المدينه

ولو قدرت تدبر مثلا 40 الف جنيه كمان ..ممكن تشتري لانوس مستعمله وتكون للمشاوير الخاصه ..يعني لو رايح حته شعبي مثلا ومش عايز حد يسرق العربيه او يخدشها
او لو عايز مثلا تقابل ناس مثلا ومش عايزهم يطمعو فيك بسبب العربيه .. مثلا يعني

وربنا يوفقك ان شاء الله

دا انت حاسبها بالمليم
بس البي ام 316 دي مافيهاش غير اسمها بس (ان شايف ان حرام فيها الفلوس) الباسات احسن بكتير في رأيي