نيسان صني - النترا

[farfora20082008]

يا جماعه انا كنت مقدم في كونتاكت وان شاء الله هاخد الرد بكره

انا كنت عايز اجيب النترا مانيوال 92000 الف ساعات اغير رأيي واقول هات صني اتوماتيك 92000 الف برضه

انا عايزها عربيه عمر - اعتماديه - قطع غيار متوفره ومتتعبنيش -

التوماتيك مش يفرق معايا كتير رغم اني طبعا لو اتوماتيك احسن بس انا من سكان الريف وبعمل في شرم يعني ماليش دعوه بالزحمه

شكل الالنترا بيعجبني اكتر

بيقولو الالنترا موفره اكتر في البنزين من النيسان وكمان صالونها من جوه احسن وافخم واوسع

يا ريت لو حد يفيدني انا بجد محتار وكل ما بيقرب الميعاد بحتار اكتر

[ahmedbibo]

النيسان صنى احسن و ثباتها احسن و قطع غيارها متوفره و توكيل احسن من بتاع هيونداى و عربيه بهدله و سفر كتيير
و هتبقى عربيه العمر

[mohamedgoda265]

النيسان صني وده كان نفس قراري يكفي انها ياباني ( تقفيل مصري مش سئ زي ما الناس متوقعة )

[عبدالحميد]

الإلنترا ركوبة و أوسع و شكل أجمل و تكنولوجيا حديثة و منتشرة و الباور بتاعها حكاية و الفرامل تحفة و استعلاك بنزين ممتاز
لكن بتحك من ورا و الشكل الجديد نازل 2011 يعنى دى هترخص بس مش مهم لأنك عايز عربية عمر

أنا ما عنديش خبرة بالصنى لكنها عرض ممتاز خصوصا علشان الأوتوماتيك و كمان لو فى إير باجز و abs تبقى deal

ربنا يخيرك للخير

[mohamedgoda265]

الإلنترا ركوبة و أوسع و شكل أجمل و تكنولوجيا حديثة و منتشرة و الباور بتاعها حكاية و الفرامل تحفة و استعلاك بنزين ممتاز
لكن بتحك من ورا و الشكل الجديد نازل 2011 يعنى دى هترخص بس مش مهم لأنك عايز عربية عمر

أنا ما عنديش خبرة بالصنى لكنها عرض ممتاز خصوصا علشان الأوتوماتيك و كمان لو فى إير باجز و abs تبقى deal

ربنا يخيرك للخير

الصني فيها إير باجز و abs و ebd وba و يعتبر وسائل الامان بها اعلى بكثير عن الإلنترا بتاعت غبور
و هي على فكرة عربية شغل من الدرجة الاولى

[أبو_يوسف]

الصني عفشتها ناعمة زي الالنترا ولا ناشفة شوية؟

[farfora20082008]

انا معاكم ان الصني فيها وسائل امان اكتر " وساده للسائق- abs
بس في اشياء لزم نفكر فيها برضه وبرضه يهمني رايكم

الصني : الكنبه اللي ورا اضيق - تقفيل الصالون اقل بكتير من الالنترا يعني يدي شكل كلاسيكي قديم شويه - العربيه لم تعد تصنع بره مصر - استهلاك البنزين عالي
الالنترا - ممكن ميكونشي فيها وسائل امان - بيقولوي خفيفه مع اني لن اكون ان شاء الله من هواه الجري - موفره في البنزين - شكل احلي داخليا وخارجيا من الصني
اللي بيقول النترا هترخص لما الشكل الجديد ينزل ده مش صح لانك كده متعرفشي غبور ومش عايش في مصر - تفتكر غبور هينزل عربيه تحفه وثوره كده بسعر مقارب من الالنترا !!!
يا خوفي لا غبور بعد كده يجمع الالنترا في مصر زي سوناتا وفيرنا
دي يا جماعه اللي اعرفه عن العربيتين ولو حد يعرف اكتر يقولي ويخرجني من حيرتي

[ahmedbibo]

انا ملاحظ انك مركز اوى فى حكايه استهلاك البنزين اقل على فكره الصنى برده 1600 سى سى

و انا رأى ان تابلوه بتاع الصنى حلو بالنسبه للانترا و مفيش فرق كبير و العربيه الى تركبها و ترتاح فيها احسن من اى عربيه تانيه وليك حريه الاختيار

[أبو_يوسف]

بصراحة انا مجربتش الصني .. بس جربت الالنترا واقدر اقولك انها ممتعة في سواقتها ومريحة..

[عبدالحميد]

انا معاكم ان الصني فيها وسائل امان اكتر " وساده للسائق- abs
بس في اشياء لزم نفكر فيها برضه وبرضه يهمني رايكم

الصني : الكنبه اللي ورا اضيق - تقفيل الصالون اقل بكتير من الالنترا يعني يدي شكل كلاسيكي قديم شويه - العربيه لم تعد تصنع بره مصر - استهلاك البنزين عالي
الالنترا - ممكن ميكونشي فيها وسائل امان - بيقولوي خفيفه مع اني لن اكون ان شاء الله من هواه الجري - موفره في البنزين - شكل احلي داخليا وخارجيا من الصني
اللي بيقول النترا هترخص لما الشكل الجديد ينزل ده مش صح لانك كده متعرفشي غبور ومش عايش في مصر - تفتكر غبور هينزل عربيه تحفه وثوره كده بسعر مقارب من الالنترا !!!
يا خوفي لا غبور بعد كده يجمع الالنترا في مصر زي سوناتا وفيرنا
دي يا جماعه اللي اعرفه عن العربيتين ولو حد يعرف اكتر يقولي ويخرجني من حيرتي

غبور لما بينزل شكل جديد ما بيبعش الشكل القديم فهو ليس المقصود و لكنى قصدت السوق نفسه بدليل إنى قلت مش مهم علشان انت عايز عربية عمر
و يا سيدى أتعرف على غبور و أعيش شوية فى مصر علشان رأيى يبقى صح بعد كده

بصراحة انا مجربتش الصني .. بس جربت الالنترا واقدر اقولك انها ممتعة في سواقتها ومريحة..

و انا زيك تمام - الله ينور عليك

[farfora20082008]

[quote=عبدالحميد;3872886306]غبور لما بينزل شكل جديد ما بيبعش الشكل القديم فهو ليس المقصود و لكنى قصدت السوق نفسه بدليل إنى قلت مش مهم علشان انت عايز عربية عمر
و[overline]
يا سيدى أتعرف على غبور و أعيش شوية فى مصر علشان رأيى يبقى صح بعد كده

[/overline]


علي فكره انت فهمتني غلط وباين جدا في الكلام الازرق

لو انا مش يهمني أرائكم مكونتش جيت وسالت انا قلت اللي قلته ده عشان الطابع الغالب في مصر الاستغلال وان حق المستهلك اخر حاجه ده ان وجد اصلا ومن هنا قلت اكيد غبور مش هينزل النيو النترا اقل من 120 الف فاضيه

[engmarwan]

اخي العزيز
صح ان الهيونداي النترا افخم من جوة لكن النيسان صني ياباني وعمره طويل انا راكب كوري
بس لما سقت الياباني بالسرع العالية ثباتها اكبر من اي سيارة كوري وان علا مستواها

[MITSUKERO]

اكيد الصني احسن لانها ياباني و مينفعشي اساسا تقارن بين اي عربية ياباني و اي عربية كوري لان عمر قطعة الغيار في الياباني بيبقي ضعف الكوري ده غير التكنولوجيا الحديثة اللي سابقة الكوري بحوالي 5 او 7 سنين في التصنيع ده غير الامان و التكييف التلاجة بجد بتاع الصني و كفاية دول علي الرغم من ان في تاني بس بجد بلاش كوري

[عبدالحميد]

الأخ العزيز farfora
عندك حق - الإلنترا الجديدة ممكن تنزل غالية بس أنا بكلمك على الشكل 2010 إنه سعر إعادة بيعه هتنزل مهما كان سعر الجديدة
ربنا يختارك اللى فيه الخير

الحاجة الغريبة إن إعلانات أهرام الجمعة اللى فيها جداول أسعار السيارات شوفت فيها إلانترا 2011 و بسعر ال 2010 فده له إحتمال من اتنين
1- غلطة أو نوع من جذب الزبون بدون علم
2- هل ممكن غبور بفضل يبيع فى الشكل القديم على إنه 2011 ؟؟؟ (إحتمال ضعيف)

ممكن عربيات كورى تتقارن باليابانى فمثلا من ضمن الحاجات اللى قرأتها عن إلانترا 2007
Its chassis is 49-percent more rigid than before (9-percent stiffer than even that of the Toyota Corolla), and this translates to a quieter ride and better handling.

المصدر : http://www.insideline.com/hyundai/elantra/2007/full-test-2007-hyundai-elantra.html

[ahmedbibo]

يااااااااااااه هيا كمان وصلت للكورولا كمان شويه هيقولو الانترا تتفوق على السيفيك مش كفايه بقوا بيقرنوا السيراتو بالكورولا هيقرنوا الانترا كمان يلى الدنيا خربانه