نيسان صني - النترا

[farfora20082008]

هههه

اخ عبد الحميد فعلا النترا 2011 نفس الشكل القديم ومعني كده ان غبور مش هينزل الشكل الجديد قبل سنه دا اذا كانن هينزله وممكن ينزله باسم تاني زي افانتي اللي هوه اسمها في كوريا وكده يقدر يحطها في فئه سعريه جديده

انا لما روحت غبور قالولي ان مفيش النترا 2010 كله 2011 ومين قال بنفس السعر دا مغليها 3000 جنيه

انا والله معاكم ان الصني احسن بس مظنش ان حته احسن في التكنولوجيا دي صح لان معروف ان ماتور الصني قديم واستهلاكه في البنزين اعلي غير اني عندي في الشكره هنا جايبين لوط صني للموظفين الاجانب وسألت الميكانيكي اللي بيخدمهم قالي الصني كويسه بس مزعجه ماتورها تحسه جوه الصالون وكمان بطه وتقيله في السحب

قعدت انا جواها لاقيت اني راكب عربيه بفكر قديم وتصميم داخلي كلاسيكي جدا وفي حاجات مش ماشيه مع بعضها

وده عكس الاحساس اللي حسيته لما ركبت النترا

موضوع عمر قطعه الغيار انا معاكم بدليل ان اول صيانه للصني بعد 5000 كيلو وفي ناس بتعملها بعد 10000 كيلو

وبعدين انا مستغرب لحد امتي توكيل نيسان هيفضل يجمع في عربيه مش بتتصنع في اي مكان تاني في العالم ومحتفظ بكتولوجيا قديمه ولم يغير فيها علي مدار 5 سنين غير شكل الفانوس الامامي

[farfora20082008]

ا الميكانيكي نصحني نصيحه

قالي يا باشا سيبك من النترا ومن صني

هما اي نعم ركوبتين كويسين بس مش هيرضوك قوي كل واحده فيهم وفيها عيب مع الوقت هتكون عايز تغيرها عشانه

وقالي خليك في كورولا او لانسر استعمال نضيف

وهنا تظهر مشكله تانيه

انا ابيض يا ورد في موضوع العربيات واحسن واحد ينضحك عليه لدرجه لو حد جابلي عربيه خربانه وبس غاسلها وملمعها هتعجبني وهدفع وامشي :)

تاني حاجه اني خايف من المستعمل

اي نعم نفسي في كورولا بالذات الشكل اللي قبل ده بس برضه غاليه

انا كل اللي معايا 70 الف كنت ناوي ادفعهم مقدم واقسط

يا ريت تساعدوني

يا اما تشوفولي عربيه محترمه بنت حلال او عروسه محترمه بنت حلا
المهم اصرف ال70 الف قبل ما يتفرتكوا اصل الفلوس معايا عامله زي العصافير

[ahmedbibo]

ما انتا ممكن تاخد قرض و تقسطه برده وطبعا الكورولا غير الصنى والانترا حاجه محترمه تقفيل و خامات و استهلاك بنزين و فخامه و راحه و نعومه و قله اعطال و .... الخ الخ الخ

[farfora20082008]

موضوع القرض ده موال طويل تحويل مرتب وشغلنات
ولو روحت للبنك اللي شركتي بتتعامل معاه هيقولي اسفين انت معداش عليك سنه في الشركه وده فعلا اللي حصل لاني لسه منقول للشركه دي قريب

[gomangy]

ربنا يوفقك ويكرمك بالصالح

[amr_elrashidy]

اكيد الصني احسن لانها ياباني و مينفعشي اساسا تقارن بين اي عربية ياباني و اي عربية كوري لان عمر قطعة الغيار في الياباني بيبقي ضعف الكوري ده غير التكنولوجيا الحديثة اللي سابقة الكوري بحوالي 5 او 7 سنين في التصنيع ده غير الامان و التكييف التلاجة بجد بتاع الصني و كفاية دول علي الرغم من ان في تاني بس بجد بلاش كوري

مينفعش تقارن دى كان من 10-15 سنة ....حاليا ممكن اوى تقارن...انا معايا اكسنت تجميع مصرى موديل 2000..الله اكبر ماشية 150الف مغيرتش غير طقم دبرياج و موتورها مغيرش غير السيرفيس العادى...عالفكرة انا بعاملها معاملة زى الزفت و مش لوحدى راكبها.... كان معايا فى الشغل النترا..ممتازة جدا و تكييفها فظيع..خفيفة طبعا على السرعات عكس الصنى..بس فى فرق مش كبير فى استهلاك البنزين.

[emaksoud]

انا معاكم ان الصني فيها وسائل امان اكتر " وساده للسائق- abs
بس في اشياء لزم نفكر فيها برضه وبرضه يهمني رايكم

الصني : الكنبه اللي ورا اضيق - تقفيل الصالون اقل بكتير من الالنترا يعني يدي شكل كلاسيكي قديم شويه - العربيه لم تعد تصنع بره مصر - استهلاك البنزين عالي
الالنترا - ممكن ميكونشي فيها وسائل امان - بيقولوي خفيفه مع اني لن اكون ان شاء الله من هواه الجري - موفره في البنزين - شكل احلي داخليا وخارجيا من الصني
اللي بيقول النترا هترخص لما الشكل الجديد ينزل ده مش صح لانك كده متعرفشي غبور ومش عايش في مصر - تفتكر غبور هينزل عربيه تحفه وثوره كده بسعر مقارب من الالنترا !!!
يا خوفي لا غبور بعد كده يجمع الالنترا في مصر زي سوناتا وفيرنا
دي يا جماعه اللي اعرفه عن العربيتين ولو حد يعرف اكتر يقولي ويخرجني من حيرتي

الاخ الكريم..... النيسان الصنى مازالت تصنع بالخارج كما ان سعرها بالخارج اعلى من الالنترا (اسمها افانتى بالخارج ) و i30 وممكن تتاكد من الرابط التالىNew Car Compare & Comparison | Singapore Cars - sgCarMart( غبور يعتمد على اقبال المصريين على سياراته لذلك يزيد من هامش ربحه بشكل رهيب وتكون النتيجة ارتفاع سعر سياراته بما يتجاوز قيمتها الحقيقية كثيرا اما فى الخارج فالخواجات غير العاطفيين يحسبوهابشكل مختلف فيحدث تباين بين وضع سيارات هونداى فى مصر عن الخارج فيمكنك من من هذا الموقع معرفة القيمة المادية للمواد الخام و التجهيزات الاساسية الداخلة فى تصنيع الالنترا وستجد انها اقل من تلك المستخدمة فى الصنى لذلك الصنى اغلى فى الخارج عن الانترا )
بالنسبة لاستهلاك البنزين فهو لايفرق كثيرا بين السيارتان واستهلاك البنزين باى منهما يعتمد اساسا على طبيعة القيادة(كلما كانت القيادة هادئه قل استهلاك البنزين)
المحركات اليابانية عموما اكثر اعتمادية من نظيرتها الكوريه (بالنظر لعدد سيارات هونداى المفوتة فى الشوارع ستجدها اكثر من النيسان بكثير)
العفشة والثبات فى الصنى اقوى بشكل كبير
الصنى عموما لاتحك بالمطبات عكس الالنترا
عوامل الامان اعلى فى الصنى
قطع غيار الصنى معمرة اكثر
الصنى الموجودة بمصر مكوناتها ومحركها يابانى الصنع وهى افضل من الصنى الخليجية (التى يسمونها خطأ بالشكل الجديد للصنى)(هى الرينو سكالا بمصر) ذات المكونات والمحرك الكورى الصنع
الصاج الخارجى اقوى فى الصنى.................وشكرا

[عبدالحميد]

الاخ الكريم..... النيسان الصنى مازالت تصنع بالخارج كما ان سعرها بالخارج اعلى من الالنترا (اسمها افانتى بالخارج ) و i30 وممكن تتاكد من الرابط التالىNew Car Compare & Comparison | Singapore Cars - sgCarMart( غبور يعتمد على اقبال المصريين على............
..........

الرابط فيه مسألتين
1- تقييم الصنى 2.5 من 5 و ال أى 30 3.5 من 5 بينما الإلانترا 4 من 5
2- إيه الأسعار العالية ديه معقولة الصنى ب 79300 دولار ؟؟ هو ده فى أى بلد

[bob12345]

الاخ الكريم..... النيسان الصنى مازالت تصنع بالخارج كما ان سعرها بالخارج اعلى من الالنترا (اسمها افانتى بالخارج ) و i30 وممكن تتاكد من الرابط التالىNew Car Compare & Comparison | Singapore Cars - sgCarMart( غبور يعتمد على اقبال المصريين على سياراته لذلك يزيد من هامش ربحه بشكل رهيب وتكون النتيجة ارتفاع سعر سياراته بما يتجاوز قيمتها الحقيقية كثيرا اما فى الخارج فالخواجات غير العاطفيين يحسبوهابشكل مختلف فيحدث تباين بين وضع سيارات هونداى فى مصر عن الخارج فيمكنك من من هذا الموقع معرفة القيمة المادية للمواد الخام و التجهيزات الاساسية الداخلة فى تصنيع الالنترا وستجد انها اقل من تلك المستخدمة فى الصنى لذلك الصنى اغلى فى الخارج عن الانترا )
بالنسبة لاستهلاك البنزين فهو لايفرق كثيرا بين السيارتان واستهلاك البنزين باى منهما يعتمد اساسا على طبيعة القيادة(كلما كانت القيادة هادئه قل استهلاك البنزين)
المحركات اليابانية عموما اكثر اعتمادية من نظيرتها الكوريه (بالنظر لعدد سيارات هونداى المفوتة فى الشوارع ستجدها اكثر من النيسان بكثير)
العفشة والثبات فى الصنى اقوى بشكل كبير
الصنى عموما لاتحك بالمطبات عكس الالنترا
عوامل الامان اعلى فى الصنى
قطع غيار الصنى معمرة اكثر
الصنى الموجودة بمصر مكوناتها ومحركها يابانى الصنع وهى افضل من الصنى الخليجية (التى يسمونها خطأ بالشكل الجديد للصنى)(هى الرينو سكالا بمصر) ذات المكونات والمحرك الكورى الصنع
الصاج الخارجى اقوى فى الصنى.................وشكرا

يا باشا سيادتك جايبلنا موقع سينغافوري عشان تثبت ان الصني افضل من الالنترا و كمان الانترا واخدة تقيم اعلي
ياباشا سيبك انت واتفرج علي الالنترا الجديدة الي اكيد ماتورها و خاماتها مش هتوصل للصني الياباني العظيمة الي بتتفوق علي الالنترا بعشرات السنين

[tarekabosdera]

انا امتلك النترا وجربت الصني لما كنت هشتريها مستعمل واليك الآتي :

الالنترا اوسع صالونا بكتير جدا

الالنترا محركها اقوى بفارق ملحوظ مع التكييف

العزل في الالنترا ممتاز بينما في الصني سيء جدا

جودة التقفيل لا تقارن لان الصني تقفيل مصري اللي ممكن يظهر فيه عيوب مستقبليا

الاعتمادية بتاعة الالنترا ممتازة وسيارة معمرة وبتاعة شغل ليل ونهار

الباور بتاع الالنترا كهربا وده من سمات السيارات المتطورة تكنولوجيا .

وسائل الأمان موجودة في الاوتوماتك فقط من غبور لكن لو عايز مانيوال فيه وسائل أمان يبقى عليك بالخليجي . abs - ebd - 2 air bags
بالاصافة الى نظام الثبات الالتروني esp >

من وجهة نظري الالنترا تحتل مكانة مرتفعة جدا وسط السيارات السيدان في فئتها حسب التقارير العالمية فهي تتفوق على الكورولا والسيفيك لعام 2009 في تقرير جي دي بور العالمي والموثق من جميع شركات السيارات العالمية .

اعتقد حرام تقارن الصني بالالنترا لان فعلا مفيش نسبة

اذا حبيت تقارن الالنترا قارنها بالكورولا والسيفيك واللانسر والسيراتو والكروز

[eng_ahmedryad]

شوف اللينك ده:

Best Affordable Small Cars - Best Cars & Trucks - U.S. News Rankings and Reviews

وخلي بالك الصني حل محلها التيدا في أسواق دول العالم الأول

[mohamedkandel]

انا امتلك النترا وجربت الصني لما كنت هشتريها مستعمل واليك الآتي :

الالنترا اوسع صالونا بكتير جدا

الالنترا محركها اقوى بفارق ملحوظ مع التكييف

العزل في الالنترا ممتاز بينما في الصني سيء جدا

جودة التقفيل لا تقارن لان الصني تقفيل مصري اللي ممكن يظهر فيه عيوب مستقبليا

الاعتمادية بتاعة الالنترا ممتازة وسيارة معمرة وبتاعة شغل ليل ونهار

الباور بتاع الالنترا كهربا وده من سمات السيارات المتطورة تكنولوجيا .

وسائل الأمان موجودة في الاوتوماتك فقط من غبور لكن لو عايز مانيوال فيه وسائل أمان يبقى عليك بالخليجي . Abs - ebd - 2 air bags
بالاصافة الى نظام الثبات الالتروني esp >

من وجهة نظري الالنترا تحتل مكانة مرتفعة جدا وسط السيارات السيدان في فئتها حسب التقارير العالمية فهي تتفوق على الكورولا والسيفيك لعام 2009 في تقرير جي دي بور العالمي والموثق من جميع شركات السيارات العالمية .

اعتقد حرام تقارن الصني بالالنترا لان فعلا مفيش نسبة

اذا حبيت تقارن الالنترا قارنها بالكورولا والسيفيك واللانسر والسيراتو والكروز

مش للدرجه دي ياباشا الالنترا تتقارن بالسيراتو والصني والاوبترا وتكسبهم لكن تتقارن بالهوندا والكورولا ده رابع المستحيلات

[tarekabosdera]

مش للدرجه دي ياباشا الالنترا تتقارن بالسيراتو والصني والاوبترا وتكسبهم لكن تتقارن بالهوندا والكورولا ده رابع المستحيلات

ايه دليلك ؟

بيتهيألي الواقع مبين ان الالنترا افضل من حيث (السعر) مقابل امكانيات العربية بالنسبة للسيفيك والكورولا .

وكمان جي دي باور مش بتهزر ولا هيونداي دفعتلها رشوة

[ahmedamr]

بصراحة انا جربت تكييف الصنى فى عز الحر
مش قادر اوصفلك قوتة وجبروتة بس الباور بتاع الصنى تقيل الانترا انعم

[eng_ahmedryad]

مش للدرجه دي ياباشا الالنترا تتقارن بالسيراتو والصني والاوبترا وتكسبهم لكن تتقارن بالهوندا والكورولا ده رابع المستحيلات

شوف اللينك ده:

Best Affordable Small Cars - Best Cars & Trucks - U.S. News Rankings and Reviews

وخلي بالك الصني حل محلها التيدا في أسواق دول العالم الأول

لو شوفت اللينك هتلاقي إن الأمريكان عادي بيقارنوها بالتويوتا والهوندا

وكمان ترتيبها ورا الهوندا على طول وأعلى من التويوتا

لأن الناس دي بتقارن بحيادية وإلا كانو خلو كل المريكان والأوروبي في الأول والكوري والياباني في الأخر

كمان شوف اللينك ده لجايزة أفضل قيمة مقابل السعر :

Best Cars for the Money 2010 - U.S. News Rankings and Reviews

الألنترا برضو وخداه بالنسبة لفئة السيدان المدمجة